العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
* * * سالفــة وقصيدة مـــــاجد وجديــــــع * * *
يقول الراوي يا ساده ياكرام
7 7 7 7 7 تخبرون من أول اذا بيتزوج واحد لازم يمشي معه ربعه ويسمون جنب يروحون معه المكان العرس , المهم هذولا مجموعة من الناس يبون يروحون مع رجال ولده يبي يتزوج وهالرجال من قرية من قرى الوشم تسمى الحريق وبياخذ وحده من قرى سدير قرية تسمى روضة سدير . عاد ابو المعرس عزم ربعه اللي حوله من أقاربه عشان يمشون مع ولدهم للقريه ثانيه وتجهزو الشباب من ربعه , طبعان الشيبان والكبار في السن ما يروحون معهم لأنه كلافه عليهم لكن يعزمونهم اذا جو , اذا ارجعو ومعهم المعرس وعروسته حطوا من باتسر عزيمة ونادوا كبار السن وأمير القرية ومطوعهم والناس الكباريه لكن في حزة الجنب ما يروح معه الا الشباب ويتنقون من الناس اللي نظرين واشكالهم زينه ( ناوين يرتزون عند أهل المرة ) حتى يصير لهم شان في العرس . الحاصل تولموا يبي يروحون مع المعرس وابوه وأخوه الكبير وعمه وباقي الجنب من الناس الكباريه والزكرت فهذولا اللي يبون يروحون معهم للعرس عاد تخبرون يالربع حالتهم من أول ما هيب ذيك الزود أكثر ملابسهم الزينه سلف هذا آخذ بشت فلان وهذا متسلف ثوب فلان وخاصه الجنب القريبين من المعرس تلقاه لابس بشت صوف والناس في القيض بس كله عشان يكشخ مع الجنب ( معليش يموت حر بس اهم شي الرزه مع الجنب ) فهذولاهم رايحين يجون في حدود عشرين إلى ثلاثين نفر رايحين على هالركايب اللي عاد معه ذلول واللي معه زمال وكل حسب قدرته واللي اثنين مترادفين على ذلول وحده المهم , وصلو قبل المغرب لان العرس مثل ما انتم خابرين في الليل ويصير أهل العروس حاطين عشاء واذا اقبلت على السوق اللي فيه العرس تلقى أهل البيوت اللي في السوق من يمين ومن يسار عندهم خبر ان فيه عرس بيصير هناك في اسفل السوق ولهذا العيال الصغيرين اذا جو وشافو الجنب مقبلين يقولون هذولاهم جو الجنب يقومون اللي في البيت عاد يتفرجون عليهم والناس ويطالعون الجنب , الجنب يبينون يصير لهم خبة ببشوتهم ويصير لهم حس وريحتهم طيب ويصير لهم حركه وخابرين يصير في العرس ناس يطلون تشوف الباب المنفتح شوي والدريشة المنفتحة ( حركاتنا يالحريم مانفوت شوفة المعرس ) عاد في مجموعة الجنب اللي جايين مع المعرس شاعر اسمه ماجد بن عضيب وماجد عاد راعي وزكرتي يلبس ثوب زين وشماغ زين وكان ما شاء الله مقتدر عنده ثلاثة بشوت ويغير ويبدل بين البشوت فهاك اليوم يوم يروح للعرس كان كاشخ ومتزكرت ويمشي وعينه على الدريشه اللي يطل منها سواد ويناظر وهم ماشين وصاير هو على الطرف وساكب هالبشت وعليه زهاب نعال نجديه والشماغ والمرازيم مصلحها وريحه طيب تفوح فيوم اقبل على هاك السوق والى فيه جذع , بيتهم على اليمنى وراح ودخل على الحريم وقال جو جو الجنب اللي مع المعرس هذولاهم اقبلو والى هاك البنت اللي ما شاء الله متعافيه وجميله جمالها فاضح سوت نفسها انها تبي تصك الباب عاد بعض البني ترى تسوي هالحركات مثل اللي تقول شوفوني ولا تشوفوني فجات تركض وبقبالتها على الباب الى الرجاجيل مقبلين شهقت ورجعت مثل المرتاعه ( الله من الكيد في هالبنات ) والى بقبالة ماجد يوم شافها وهي في الباب لمحها لمحه بسيطه وراحو الجنب وحضرو العرس وجو المعازيم اللي من الديرة نفسها وكان من ضمن المعازيم اهل الديرة شاعر ثاني اسمه جديع بن سودان العنزي من الخشمة من قبيلة عنزة كان حاضر معهم وسولفوا ودخلوا المعرس وقهوهم وعشوهم وكان جديع جالس جنب ماجد طول فترة العرس يسولفون ما شاء الله وش هالازوال اللي لمحناها تخبرون عاد دايم اهل الهوى على قولتهم سوا يستعرضون قصيدهم وش قلت عقبنا من قصيد اسمعنا ومن هالكلام . المهم يالربع رجعوا الجنب وجا عقب يومين ويقوم ماجد ويرسل أبيات لجديع يشكي له عن المنظر اللي هو شاف ( المحه ذبحه مثل ما يقولون ) لكن ما بين في الأبيات بشكل واضح من أي البيوت البنت , الحاصل انه كتب الأبيات هذي وارسلها لجديع يقول فيها ...
ياجديع يا مسندي بشكي لك الحالي = وش عندنا منك ياشـــوق الهواويـة الجادل اللي حليه ظبي الاسهالـــــي = ساعـــة لمحته ضربني بالقديميـــة الجادل اللي نهدها صــوغ فنجالـــي = العين خرسا كما عيــن النداويــــة من ضربته دوك فكــر سايفت حالـي = والعين عن نومها صارت شقاوية يالله عسى حبهـا بالـوصل ينجـالـــي = من يوم شفتـــه وحبه باضــــع فيه الله على لزمتــــه في ماقع خالـــــي = الله على لزمتـــه ياجديـــع بيديــــة ياجديع طرد الهوى والصيد غربالي = راعيه حاله كما العيـــدان مبريـــة دايــم شفايـــــاه يبـــــاس ونحـالــــي = من طردهن بالخـــلا في كل داوية هاه قام جديع ورد على ماجد بالأبيات التالية ..
حي الجواب اللذي يــطرب له البالــــي = ترحيبه من لبيب الصــدر مثنيـــة شرح لبعض المفردات نوضح فيها بعض الكلمات الغير مفهومه عند البعض : يا صاحبي اكتب وزين كتب الامثالـــي = واسطر جـواب معنينه بطلحيـــــة واليا شمعتــــه ترحل فـــوق مهذالــــي = ما مونة من حرار الجيش عمليــة كلف عليهــا ومس الكــــور بحبالـــــي = وارفع جرير الرسن والحبل مقطية يا زين دفلاجهـا مع جرهــــد خالـــــي = توصلك في ساعـــة بنت العمانيـــة ملفاك قــرم بدرب المرجلـــة عالـــــي = ماجد اليــا عارضك بادرك بتحيـــة واليا لفيتــــه لقـيت رجــــال ودلالــــي = مثــل الغرانيــــق فيها كيف بريــــة سلــم وقلـــه يخبـــرنا عن الحالــــــــي = وعطنا منه كلمة حــرشا وبرحيــــة بيـــن لنــا صاحبـــك ياطيب الفالـــــي = هي وين مدهالها عنــــز الرماحيـــة ان كان هي بالثـمن سقنـــالها المالــــي = لو كان يبغـــي ثلاث امية فرنجيــــة وان كان ما اكفى جلبت البشت وعقالي = وابيع شقران لك يا القـــرم عانيـــــة وان كان من دون خلك ضرب و قتالي = لـــي لابـــة كلهم للحــــرب منقيــــة جينــاك في لابتــــي حمايــــة التالــــي = اولاد وايــل يسرونك ضحى الهيــــة والله لـــو دونهـــــا تسعيــــن خيالــــي = جبنـــــاه فرعيــــة ماهيب شرعيــــة ساعة لفى الخط جا في القـلب ولوالــي = جدد صوابــــي جواب كاتبـــه ليــــة من عقب مانيب عن طرد الهوى سالـي = ذكرتني جــــادل عاقت بي صطيـــة بــس اتـــــوجد وخلــــي ماتهيـــالــــي = واليا عنا لي حكوا فيـــه وحكوا فيـــه <<<<<<< الله يذكر حصة الأدب بالخير الطلحية / الورقه , المهذال / الذلول , الرسن / اللي يوجه الذلول , العمانية / من عمان وهي ذلول طيبة الكلمة الحرشا / معناها صامل العلم , الفرنجية / عملة , شقران / بعير لجديع
|
#2
|
||||
|
||||
حجز
|
#3
|
||||
|
||||
وان كان ما اكفى جلبت البشت وعقالي
وابيع شقران لك يـا القـرم عانيـة وان كان من دون خلك ضرب و قتالي لـي لابـة كلهـم للحـرب منقـيـة جينـاك فـي لابتـي حمايـة التالـي اولاد وايل يسرونـك ضحـى الهيـة والله لـو دونهـا تسعيـن خيـالـي جبنـاه فرعيـة ماهيـب شرعـيـة ساعة لفى الخط جا في القلب ولوالـي جـدد صوابـي جـواب كاتبـه ليـة من عقب مانيب عن طرد الهوى سالي ذكرتني جـادل عاقـت بـي صطيـة بـس اتوجـد وخـلـي ماتهيـالـي واليا عنا لي حكوا فيه وحكـوا فيـه :::::::: كفوووووو.../ كفوووووووو عز الله انه تهيض اكثر من ماجد الله يرحمهم ويسكنهم فسيح جنانه :: اما وصف ماجد..عز الله انه زكرتي..كنه قاعد معها عام كامل..<<وهي لمحه : : تصدقين يالنشمية...كني مع الجنب اطربق معهم ..من زين الوصف وسرد القصة مـــــــاشـــــــــــــــــــاء الـــــــــلــــــــــه تبارك الله.. : وبعض البني..يعني اني ..وهي تبي تذبح احد<<خصوصا اللي قلبه خضر..ورايحٍ ملح ههههههه تسلمين يالنشمية قصة اكثر من رائعة وقصيدة..هواوي زكرتي ورد..ناري من كفووو بيض الله وجهك يالطيبة عشت احداث القصة وكني معهم...خصوصا...ان هذه القصة حدثت في ديار عزيزة على قلبي الوشم.(الحريّق)القريبة من المعشبة..والحماده../..وسدير..(روضة سدير) القريبة من جلاجل والحوطة.. بارك الله فيك الله يحفظك لنا.....آمين تحية وسلام وتقدير.../ وشكر اخوك
|
#4
|
||||
|
||||
درجه اولى والا سياحيه
|
#5
|
|||||||||||||||||||||||||
|
|||||||||||||||||||||||||
|
#6
|
|||||||||||||||||||||||||
|
|||||||||||||||||||||||||
الله الله
راااائعه ياراويتنا المتألقه تعالي لاتصيرين أنتي ام عبدالله اللي تجي في الخيمة الشعبية تصدقين بيدت اشك في الموضوع اخوك ابونواف
|
#7
|
|||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||
ما خلا ماجد يروح ملح الا هالمحه وانا اختك هههههههههههههه
حلوه ياخوي اطبق معهم هههههههههههههههههه الله يذكر عروس الحوش والسطوح بالخير
<<<<<<<< كان حاس قلبها انك من احد هالدير اعترف بس انت من سدير والا الوشم مشكووووووووور ياخوي كاتم الونه على هالمرور الاكثر من رائع وتسلم ياخوي على هالتعليق الجميل والله يعطيك العافيه ياخوي على هالتواصل الدائم والحرص على متابعة كل ما يطرح في هذا القسم لك جزيل الشكر والتقدير يا اخي العزيز
|
#8
|
||||
|
||||
ههههههههههههههههه
لن اعترف هههههههههههه انا من نجد يكفيني هواااهااااااااااااااااا ابونواف يلقح نخل بهالليل..شكل الحبيب فيه وسنه<<< يراسلنا وهو نايم هههههههههههه ياحبي لك يابونواف //// الله يسلمك يالنشمية
|
#9
|
|||||||||||||||||||||||||
|
|||||||||||||||||||||||||
هههههههههههههههههههههههههههههههههههههههههههههههه هههههههههههههههههههههههههههههههههههههههههههههههه الله يقطع بليسك يا ابو نواف لا تطمن وانا اختك والله مو انا الاروع هو مرورك وتشريفك متصفحي المتواضع ياخوي يعطيك العافيه على هالمرور وعلى هالتعليق الرائع اللي موتني من الضحك
|
#10
|
||||||||||||||||||||||||||||||||||||||||
|
||||||||||||||||||||||||||||||||||||||||
ويبري لوعتي شربي لماها
والله عقب أم عبدالله انا بديت اشك ان فيه الوسنه ههههههههههههههههههههههههههه
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |