العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
||||
|
||||
أبدا كلامي بسم الله وهوالواحد ما له ثاني/ابالقوايل
للحفظ http://www.qassimy.com/up/users/baz/0194.ra للحفظ http://www.freewebtown.com/khazbaz/k...17-1-1428-5.ra frame="4 80"] يتحفنا ابالقوايل دائما بالعديد من القصائد الهادفة وفي هذه القصيدة يوضح لنا كيف استطاع التغلب على المشاكل التي واجهته عندما تراكمت عليه الديون بسبب بنائه لعمارته ولكنه لم يتوصل الى هذا الحل الا بعد ان اكتوى بمذلة الدين وما صاحب ذلك من الهم والغم اترككم مع فلتة الشعر الموهوب/ابالقوايل وللمعلومية فان حقوق الاختراع غيرمحفوظة [/frame]
ابدا كلامي بسم الله= وهو الواحد ماله ثاني مع احلى تحية من /ابالقوايل و/خازباز
وهو الخالق وهو الرازق= وهو الكريم المناني يابو نايف ماني خايف= ابعدِّك مثل خواني بشرح لك حالي يالغالي= والسبه شين حداني وسع صدرك وابلع ريقك= غير الخالق كلِّش فاني وافتح قلبك مثل بابك= لا كلِّن صك البيباني عن حالي تنبيك احوالي= وخطي يـِقرا من عنواني تسع بنات اللي عندي= غير عيالي والشيباني بلشت ابروحي في روحي= الامر جاني فوقاني حتى ام عيالي جنبته= مالي بعلومَه زماني وفكرت اعالج ضروفي= قلت ابعرس عرسن ثاني ابكحلها واعميته= وانا من حيني عمياني وصارن هن شغلي عن شغلي= بديت ادُور ابمكاني صخَّرنِّي واعسفنِّي= من دون الجامن وعناني وانا دايم حظي نايم= هذا طبعي من زماني يسبقني لاجيت افراشي= ويرقد به وانا سهراني اقضي ليلي على حيلي= اقوم ونومي ماجاني واقضي يومي بين اهمومي= كل اشوين لي مكاني حتى الراتب لستلمته= يطير ابليا جنحاني منّا قسطن للسياره= ومنا قسطن للدكاني ومناك اسلافن اوفيها= ومنا فزعاتن للعاني ون ماخَذَتْه الفاتوره= فاللي يبقا للورعاني وانا مصروفي ياخوفي= مايكفي حتى الدخاني وإيلا بغيت اجي بيتي= اوقـّف في شارع ثاني واجي لعيالي بالظلما= لا نامت عين الدياني وافتح بابي على هوني= لايسمعون الجيراني وارفع ثوبي وامشي دوبي= لا ينتبهون البزراني يبغون الفسحه من بابا= مايدرون انه طفراني وبيتي سكنته ماليص= والدور الثاني عمداني والما شبكته من جاري= والكهرب توِّه ماجاني وكل شوين عندي عامل= ون صرفته جان الثاني يبون حساب العماره= وانامصلوخ وحفياني ون جيت المسجد اصلي= ياكثر اللي ايتحراني ياهندي ولا بنقالي= او باكستاني وافغاني كلِّن يسحبني من يمه= يشخط بي ويتهزاني وانا بس ادودل راسي= ديني اضعفني واخزاني ويجيني هاك الافغاني= مربوع وصدره ملياني وينبزني فوق ويرفعني= وصلني للدور الثاني واطيح ويبدا يشوِّتني= برجلين إيتوطاني وادخل راسي بالخلاطه= وصفطني والحق كرعاني قلت اطلعني لا توجعني= قال اسكت انته خرباني وحط كريكه في علباتي= من كوده عضيت لساني وشغل علي الخلاطه= وصار الموت إيتغشاني وخلطني بسمنت وبطحا= ليص اعيوني وذاني وكبِّني صبه بالشارع= وراح الملعون وخلاني وكسر اعظامي وضلوعي= وخلان اسبح في دماني قلت انه يستافي حقه= وانا في حقه غلطاني وجا من بكرا يبغى حقه= تحسبه سده ماجاني وراح وشكاني للشرطه= خلطني وايضا شكاني وابدا ادور واتلفت= وش اعطي هاللي بلاني واعطيته هايلكسي ذله= واشري دبابن بطراني وقعد خمس ايامن عندي= واستافا به باكستاني واشري سيكل واشخِّص به= اربع وعشرين حصاني والبس وزره وامشط راسي= والبس زنوبا حذياني وادهن دهون له ريحه= وبالليل افرّش اسناني كي هال هي مافي معلوم= واهز الراس ان ناداني وبديت اتوِّه واموِّه= من دوّرني مايلقاني قلت ابصبر واعبِّرها= واسْلم من ضربن ولعاني لين الله ربي يفرجها= ومن دعواتك لاتنساني
|
#2
|
|||
|
|||
وراح وشكاني للشرطه= خلطني وايضا شكانـي
كان الله في عون أبا القوايل المبدع الـ خاز باز يعطيك العافية على الأداء الرائع لروائع أبا القوايل
|
#3
|
|||
|
|||
|
#4
|
||||
|
||||
عز الخوي
محب قصيمي نت شكلكم توأم امزح ههههههههههه ربي يخليكما خدرت يدي من الكتابة راجع بعد شوي اكمل
|
#5
|
|||
|
|||
رحم الله والديك
|
#6
|
||||
|
||||
مفرج
فرج الله همك
|
#7
|
||||
|
||||
الله يعطيك العافيه
|
#8
|
||||
|
||||
الفارس 910
شكرالحضورك وتواصلك وعقبال المليون مشاركة
|
#9
|
|||
|
|||
هذا وهو مالحق على غلاء الحديد
ولو لحق على الغلاء وش بيقول؟؟ شكـــــرا خزووووووووووو..
|
#10
|
||||
|
||||
يسلموووووو
بارك الله فيك |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |