العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
شرووط أستخراج ليموزين(taxi).....
بسم الله الرحمن الرحيم
السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين أما بعد : اخواني الغالين هاذي اول ممشاركه لي في هاذا المنتدى الاكثر من رائع واتمنى من الله ثم منكم الدعاء لي بالتوفيق في الدنيا والآخره انا من الناس اللي عاطل وبعد طول تفكير قدمت على بنك التسليف حق الملك عبدالله ولاكن للأسف سنه ونص في الانتضار ولافيه فايده فكرة وكلمت واحد من ربعنا وقلت له يآخذ موتري الاول ويزيده كم قرش ويطلع لي موتر لونه ابيض عشان اخليه ليموزين المهم يسر الله سبحانه لي اموري ولاكن قبل ما ادخل للتفاصيل عندي كم نصيحه ابغى اوجهها للي يبغى يطلع ليموزين واتمنى ان تفيده وتفيد القارئ الكريم ان يتقي الله في كل اعماله واقواله ان يحافظ على الصدق والامانه في شغله وان لايزيد على الزبائن ان يبدأ مبكرا في شغله لقوله صلى الله علىيه وسلم بورك لأمتي في بكورها اول كما قال ان يبحث في مدينته اللتي يريد ان يعمل فيها عن شركه تؤجر ليموزين وان يأخذها كتجربه في البدايه الأفضل ان يكون العمل في المدن الكبر مثل الرياض والدمام وجده ومكه خصوصا في المواسم اخيرا ان يحاول قدر مايستطيع ان لايأخذ حرمه لوحدها لقوله صلى الله عليه وسلم ماخلا رجل بإمرئه إلا كان الشيطان ثالثهما اولن الرخصه إحضار برنت من الاحوال المدنيه بأكن متسبب او طالب او متقاعد ( للشيبان ) 2- الرخصه الخصوصي سارية المفعول مع صوره منها 3- صورة من بطاقة الاحوال 4- يفضل ان يكون معك 8 صور شخصيه 4في6 حديثه 5- ملف علاق وتحطها فيه بعد ماتودي هاذي الاوراق بيطلبون منك تروح تبصم عند شرطة النطه اللي انت فيها ودوامهم يكون من 8 الصباح حتى 10 الصباح وبيعطونك ورقه صغيره دبسها مع الملف حقك إذا رجعت لهم عشان ميظيع رقمك منهم وتتوهق بعدها تروح تسوي الفحص الطبي عند المستشفى اللي بيوجهونك له بعد كذا تدخل التدريب لمدة عشر ايام وإذا عندك واسطه ماتتدرب ولا يوم تجي بعد عشره ايام وتختبر وتآخذ الرخصه في نفس اليوم بعد مانخلص تروح لوزارة النقل بالنسبه للي في الرياض عند في طريق القصيم عند ماكدونالدز وراه بالظبط الاوراق المطلوبه منك برنت من الاحوال انك متسبب او طالب ....إلخ طبعا انتبه تطلع من وزراة النقل فبل ماتختم الورقه من مديرهم عشان ماتضطر انك ترجع مره ثانيه زي ماحصل معي طبعا البرنت ماراح يعطونك اياه إلا لما تآخذ ورقه من ورزارة النقل موجهه للأحوال المدنيه وافضل شي اللي في الدرعيه لأنهم يهشون الذبان في اغلب الاوقات :d وبعدها تجيب معك صوره من بطاقة الاحوال وصوره من استمارة السياره وصوره من الرخصه وملف ويعطونك نموذج عشان تعبيه من عندهم وتنتضر لما يجيك الدور واستغل الانتضار بكثر الاستغفار بعدها بيعطيك الموضف ورقه عشان تروح بها لقسم الوارد على ما اعتقد ويوقعها ويختمها لك وتروح بالورقه هاذي للمرور بس قبل ماتروح للمرور تأمن عند التعاونيه إجباري ب 600 ريال بدون الركاب وب 800 ريال مع الركاب إذا ماكنت مسوي حادث عندهم قبل بعد التأمين تروح للمرور وانصح اي شخص بعد مايخلص من المرور تجهز موتره بشيين الاول الاستكرات الثاني المصباح اما العداد حاول انك تدبر واحد مستعمل او تروح لشركه ثانيه افضل لك من اللي عند المرور لأنهم غالين حبتين و متغلين بعد بعد ماتخلص تجهيز الموتر تآخذ الوحات القديمه وتروح بها للمرور ويعطيك رقم غير الرقم اللي اللي كان في موترك بقينا في آخر شي وهو كرت التشغيل وهاذا شغلته تطول شوي لاكن من بغى الدح ماقال اح بعد ماتخلص من المرور وغثاه تآخذ الورقه اللي عطاك اياها صاحب مؤسسة التجهيز مع صوره من الاستماره وصوره من بطاقة الاحوال وتآخذ رقم وبعد اسبوع بالظبط تراجعهم ويعطونك كرت التشغيل ومبروك عليه الموتر نصايح اخرى اللي في باله يطلع موتر جديد ويبغى يحوله ليموزين لايطلع له لوحات حتى لايظطر انه يدفع 600 ريال ضلما وبهتانا ثانيا اهم شي امن على الركاب حتى ماتبلش فيهم لاقدر الله ثالثا لما تبدأ في إجرائات استخراج السياره يكون بدايتك يوم السبت حتى لاتطول في الانتضار إذا حولو موترك للجنه عشان اللجنه ماتقبل اقل من موديل السنه هاذي كرت التشغيل ترى مو مهم وكذا واحد من الربع ماطلعه ولاصار لهم إلا كل خير اتمنى تدعون لي لأن والله ان هاذا الموضوع اخذ مني وقت وجهد واتمنى من الله ان يوفقكم جميعا لما يحب ويرضى ولو كنت نشيط ترى إجرائات الموتر تخلصها في يوم او يومين بالكثير :d منقووووووووووول للي يبي يترزق الله....
|
#2
|
||||
|
||||
يعطيكـ ألف عافيهـ أخي أرمانيو علـ المعلومات
أشكركـ علـ النقل .. تحياتي لكـ ^^
|
#3
|
||||
|
||||
يعافيك ربي .....
شكرآ على مرورك متصفحتي وعلى أطرائك العطر...
|
#4
|
||||
|
||||
مشكور والله يوسع لك في رزقك
اامين
|
#5
|
||||
|
||||
العفوو أخوووي ...
الله يجزاك خير على الدعوة الطيبة ... شكرآ لمرورك متصفحتي طال عمرك...
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |