العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
||||
|
||||
قصتي مع راعي التكسي وحثه على الزواج وعلاقته العجيبة مع زوجته ( يرويها لكم أخو حمسا )
بسم الله الرحمن الرحيم هذه قصة واقعية ( في الحياة الزوجية ) أرويها لكم وسأترككم كأنكم ترونها رأي العين وعذراً سأصرح ببعض الألفاظ لذا أرجو من العزاب عدم إكمال القراءة لوجود بعض الكلمات التي لا تصلح إلا للمتزوجين الذين هم فوق ( + 18 ) ( الجزء الأول ) أردت أسافر للرياض عندي شغل لمدة يوم ونصف تقريباً ، رحت لمكتب الخطوط وما لقيت حجز إلا على خطوط غصب واحد ( الخطوط السعودية ) على وزن قناة غصب واحد حتى سما وناس قالوا ما فيه حجز فيهم منة هم ووجيههم قال لي موظف الخطوط ما فيه إلا درجة أولى وإلا إنتظار قلت بقلبي إنتظار ( انتظر يا حصان لين يجيك الربيع ) طبعا الحصان ضرورة شعرية ، ومعروف إنتظار الخطوط السعودية يعني مثل قولت دبر واسطة وإلا شتناك وبعدها فكرت قلت والله وجتك الفرصة يا أخو حمسا تصير مثل رجال الأعمال وأكشخ ولو مرة بحياتك بالدرجة الأولى قلت : كم فرق الدرجة الأولى عن السياحية قال 500 ريال قلت وجع على أيش هالزيادة ؟!! كلها فنجال قهوة وتمر حاطين عليه شوي سمسم ومقعد موسعينه شوي والله فراش جدتي - الله يرحمها - أوسع منه المهم تعوذت من الشيطان وقلت بقلبي يا ابن الحلال زود 500 منها تضمن الرحلة ومنها تكشخ ولو مرة قدام خلق الله المهم بغيت أبيع جوالي الدمعة علشان أزود ثمن التذاكر بس جاب الله فيزا اللي تسحب لك من المكينة لو ما معك رصيد وأنت تضحك وآخر الشهر طبعاً لما يخصمونها من راتبك تطلع دموعك أربع أربع المهم قصيت التذاكر ويا زين كرت الصعود لما يكون درجة أولى بغيت أروح أصوره عشر نسخ وأوزعها على خوياي بالشغل وأقول شوفوا ولد النعمة كيف المهم طقيت الغترة والعقال واشتريت جزمة - الله يكرمكم - مثل جزمة غوار لو تشوت فيها جبل أنهد ورودتني نفسي ألبس البشت لأني بكون بالدرجة الأولى بس أمي الله يخليها قالت : يا ولدي أخاف عليك من العين وبعدها هونت رحت للمطار قبل موعد الرحلة بساعتين خايف تروح علي الرحلة وهذي فلوس درجة أولى مو لعب ويا فرحتي فرحاه يوم قالوا موعد الصعود للطيارة قمت تقل مقروص للبوابة ولقيت الناس قدامي زحمة بغيت أقول وسعوا الطريق لو سمحتوا تروني درجة أولى ودافع أكثر منكم بس قلت خلني أتواضع وأصير مثل عامة الشعب المهم تعبت من الكتابة وزبدت الموضوع ما جت بكرى أكمل لكم إن شاء الله
|
#2
|
||||
|
||||
يوووووه يامعود ماقريتها من يوم شفت (الجزء الأول)
بطلت أقراها يقولون إنك كاتكمل قصصك وان كملتهم بعد طلعت الروح إذا كملت الأجزاء راح أقراها ....مشكور....يانجيب الكيلاني
|
#3
|
||||
|
||||
هههههه لا يا عمتي مو أجزاء كثيرة بخلصها بسرعة بإذن الله
بعدين وقفت ذيك القصة بسبب ظروف مادية
|
#4
|
||||
|
||||
ههههههههه
كل ذا عشان درجه اولى ، والله لو انك داخل على قصر مهوب درجه اولى الشاهد من الحتسي طال عمرك ، تنبيهك المفروض تحطه لما يجي الجزء اللي فيه الكلام المشفر لانك الحين بتمنع كثير من العزابيب <<< متعوب عليه الجمع اقول بتمنع العزاب من اكمال الموضوع ولا تدري ، اصلا مواضيعك عليها اقبال سواء منعت ولا ما منعت اخو حمسا ، تكفى ان نزلت الجزء الثاني ارسل لي مسج بالخاص ، اتكلم جد والله ، لاني مرات انسى اني راد على الموضوع الفلاني وياخوك كثر من الحتسي ، مهوب تحتسي كلمتين وتقول تعبت ، وان كانك زولن من هالزوله كلمني عالجوال وانا اكتب اسمع كلامك واكتبه خخخخ عوافي يا خوي العزيز
|
#5
|
||||
|
||||
نصيحه لك كمل بسرعه لأنهم اذا شافوها قصه من اجزاء نقلوها لقسم القصص ودور من يرجعه بعدين
|
#6
|
||||
|
||||
أفااا يا أخو حمسا .. كان دقيت على جوالي و أخذتني معاك درجه أولى
تصدق عاد و دي أشوف خشتك و أنت راكب في الدرجه الأولى أكيد متشقق من الوناسه ننتظر الجزء الثاني بس لا تطول كثير
|
#7
|
||||
|
||||
اها يمديك ضغطك ارتفع ونفسيتك صارت سيئه بعدهامن قوة المقلب
|
#8
|
||||
|
||||
صدق انك اخو حمسا حمستنا بالانتظار
عجل علينا وش قالك سواق التاكسي
|
#9
|
||||
|
||||
تسجيل متابعة لقصة أخو حمسا ؛؛؛
|
#10
|
||||
|
||||
تسجيل حضور ومنتظرينك بفارغ الصبر
|
مواقع النشر (المفضلة) |
الكلمات الدلالية (Tags) |
اخو نشقه خخخخخ, ياصبر الارض عليك |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |