![]() |
العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
![]() |
|
أدوات الموضوع | تقييم الموضوع | انواع عرض الموضوع |
#1
|
||||
|
||||
![]() السلام عليكم ورحمة الله وبركاته
مشكلتي اني بنت مثل باقي البنات اواجه ظغوطات ومشاكل في مجال الدراسه اوفي غيرها واحيان احس بضيقه بسبب بعض المشاكل العائليه واحتاج لشخص افضفض له بس مالاقي الشخص المناسب مع ان عندي خواتي المتزوجات واكبر مني بس مااقدر احكي لهم واحيان احكي لهم بس ماالاقي منهم الأهتمام فقط مجرد مستمعات واحيان يفسرون الشئ غلط عشان كذا انا قررت اني مااحكي لهم وفيه مشكله بعد انهم راسمين لي شخصيه ماهي شخصيتي شخصيه ضعيفه ومره وحده من خواتي وصفتني بشخصية وحده ضعيفه وحساسه لنا صحيح حساسه بس موضعيفه ولا وبعد اختي الثلنيه تقول عني اني اعتمد على امي وماادبر نفسي مع اني معتمده على نفسي دايم بس احيان اطلب من امي شئ وهي تصير موجوده وتقولي اعتمدي على نفسك احس اني تعبت صعب الأ نسان يعيش بين ناس مو فاهمينه صراحه صعبه رسموا لي شخصيه ماهي شخصيتي انا احس اني انسانه قويه اقدر ادبر اموري واحل كثير من مشاكلي بنفسي ومو بس مشاكلي حتى مشاكل غيري واختي الصغيره احس اني اتعامل معها تعامل صحيح لأنها بسن مراهقه دايم ادير بالي عليها واراعيها واعزز ثقتها بنفسها ومااعاملها بالأ سلوب الي كنت احس ان هم كانوا يعاملوني فيه وخاصه بفترة المراهقه وش اقول بس وش كثر كانت وحده من خواتي تعاملني بقسوه اذكر كانت دايم تعيب علي في اشياء كثيره اصعب المراحل الي عشتها المراهقه دايم اسمع كلام يهز بشخصيتي كلام جارح مثل غبيه مجنونه وحتى دايم احتاج اشياء منها وترفض واحيان تذلني صدق كانت تعاملني معامله قاسيه وحتى دايم تقارني بغيري وانهم احسن مني كانت تمر علي ايام الدراسه وهي متخرجه ماتدرس وكنت احتاج اني انام الليل والاقيها تشغل النور وتجلس تزين اغراضها وانا اصحى وانزعج وانقهر واحس ليش يعني كل اشغالها مفروض تأجلها ولا واحيان تترك النور شغال وتنزل تحت وانا اصحى واطفيه واشياء اكثر من كذا واحيان تصير معي طيبه بس ولو احسها انانيه وش كثر تصير بينا مشاكل يعني انا وياها بغرفه وحده بس احسها مو غرفتي مااقدر مثلا لو ينكب شئ تقعد تهاوش وتكبر السالفه انا بدون قصد احس دايم بأزعاجها عمرها واحيان تشغل الاب وتقعد وانا بنام واقولها طفئ النور بنام تقول انا مارتاح الافي هذي الغرفه طيب فكري فيني بس على الرغم من كل هذا مانحرفت خاصه اني بهذا السن عشان كذ ا انا احس اني قويه واللحين انا كبرت واعامل اختي بالأسلوب الي كنت اتمنى احد يعاملني فيه بس انا اللحين احس ودي افضفض لأحد وابكي واحسه بالفعل انسان يحبني ابي احد يسعدني ابي احد يعرف شخصيتي الحقيقيه وكياني بس مااجد احد من خواتي يفهمني او قريب مني انا بعض الاحيان عندي مشاكل وظغوط بس مااحكي مالاقي الشخص المناسب مع اني انسانه تحب ترسم الضحكه على الأخرين وطيبه بالحيل وماتجرح احد ولو جرحت اداوي الي جرحته ومانام الليل ولو غلطت اندم واصحح غلطتي ويأنبني ظميري واتعب لأني غلطت على احد واحاول اعوضه سواء غلطت على زميلتي او امي مره غلطت عليها وندمت وقررت اني اعوضها وحتى تعذبت وتحسفت بس مع الأسف الي حولي هاجموني وماعطوني فرصه قالوا لي انتي ليش كذا تعبتي امك وانتي وانتي مع ان امي تقول ماتعبت وتقول خلاص عادي وانا قررت اعوضها وندمت واستغفرت بس هاجمتني وحده من خواتي بالكلام وقالت انتي تتعبينها وانتي انسااااااااانه ضعيفه الكلمه الي مااحبها وغيرها من الكلام الجارح انا انفجرت بوجهها وقلت انا مو ضعيفه انا قويه غصب عنك يكفي اتركوني في حالي ومن بعد هواشي مع اختي هذي تعبت لأن اختي هذي اول مره اتهاوش معها واصارخ يعني اختي هذيك متعودين نتهاوش واحس بتعب اللحين احس كل الي حولي مايفهموني امس بكيت وبكيت الين تعبت ونمت حسيت اني وحيده وغريبه بين اهلي الي يربطوني بشخصيه مااعرفها
|
#2
|
||||
|
||||
![]() اختي غريبة المشاعر .. كل اللي قلتيه يوجد كثير يعانون مثلك ..
ماتقدرين تظلمين خواتك وتقولين انهم يكرهونك او مايفهمونك الاغلبيه من الناس ماتعرف تتعامل مع اللي حولها فتجرح وتذب من الكلام وعندها انها ماقالت شي .. بس الضحيية انتي .. زبدة الكلام .. اذا اردت ان تحلق مع الصقور فلاتضيع وقتك مع الدجاج .. بعض الاخوات تفرض شخصيتها على الاصغر منها وبعض المرات على الاكبر منها .. وتقارن والمقارنه هذي اخطر شي على الشخصية انهم يقارنونك بفلانه احسن منك وعلانه اسنع منك واحيانا يقارنون بطريقة غير مباشرةيخلونك مهزوزة لايهمونك .. وتبين تفضفضين افرشي سجادتك بالليل وفضفضي لـ الله .. انتي واثقة من نفسك انك قوية خلاص لايهمك كلام الناس واثق الخطوة يمشي ملكا امك راضية عليك ماعليك من احد انتي تعبتيها وانتي وانتي طنشي خلي شعارك التطنيش ولاتقولين انا وحيدة منتي وحيده الدنيا لسا بخير والله معك تقربي لله يتقرب لك وارضي ربك ووالدينك وماعليك من الباقين وفي اساليب تقدرين تستفزين بها اللي يستفزك تعالي لهالرابط وراح تستفيدين كثير على ضمانتي ![]()
|
#3
|
|||
|
|||
![]() لي عوده ان شاءالله
|
#4
|
|||
|
|||
![]() وعليكم السلام ورحمة الله وبركاته
إختي هونيها وتهون لايهمك أحد مشكلتك مو صعبه .. عآدي لاتفكرين بس وسعي صدرك وصدقيني كلنا نحتاج لأحد يوقف جنبنا وأحياناً مانلقى دامك عارفه إنك قويه فلا تهتمي خليكِ واثقه بنفسك وإختك هذي بتهزّ شخصيتك الله يهديها بس ماعليكِ منها دامك كبيره فـ عليك بالإستغفار وربنا سبحانه وتعالى بيهونها صدقيني ماشي يستاهل نعطيه أكبر من حجمه" إدعي ربك يرزقك بالزوج الصالح اللي يكون صديق وحبيب وكل شيء الله يحفظك .. فالك الفرح : )
|
#5
|
||||
|
||||
![]() ودي اطنش مثل مانصحتوني بس انا عايشه بينهم وحتى بعد الزعل الي اللحين بيني وبين اختي قررت اني مااكلم احد واعيش لحالي ومااحتك في اي احد ضايقني بس صدق وش كثر تعبت بعد ذاك اليوم حتى اول مره احس اني اصارخ بهذا الشكل الجنوني حتى اختي الصغيره كانت فوق وقالت لي صراخك كان عالي مررره احس اني ارهقت نفسي واحس اني اذبل يوم بعد يوم وهذي اختي الي تهاوشت معها طيبه بس المشكله انها ماتفهمني وتقول انتي كوني قويه انتي ضعيفه حساسه دلوعه دايم تقولي كذا بس كنت اقول انا مو كذا حراااام عليك ولما جاء ذاك اليوم وكررت لي نفس الكلام انفجرت بوجهها وقلت اتركوني في حالي وقلت كل الكلام الي مكبوت فيني وصارخت بشكل جنوني خاصه اني خارج البيت اجد الثقه بنفسي والقوه والأحترام من قبل الناس وحتى دايم اخبرخواتي عن مواقف تصير لي ابي اعلمهم اني قويه وواثقه من نفسي مو الشخصيه الي راسمينها لي.
|
#6
|
||||
|
||||
![]() اختي طنشي ولاتفكرين بشي
حاولي تتصلحين انتي واختك وبعدين ممكن اهلك يعتبرونك دلوعه وصغيره مثل اهلي مره سويت حلا جاء بابي يتقهوه ويتحلى قال فلانه عملته قالت اختي المتزوجه ايه قال هي تعرف ![]() مو متعودين اني اخش المطبخ مع ان عمري 22 وكل خواتي اتزوجوا يعني انا الكبيره بالبيت والى الان بنظرهم صغيرررره ![]() الله يسر امورك ويسعدك ان شاءالله
|
#7
|
||||
|
||||
![]() هلا فيك اختي غريبه
شوفي اختي الكريمه اقولك مثل ما قالوا اللي قبلي طنشي وابعدي عنك الحساسيه حتى لو ظلموك او لم يفهموك!!! انا مريت بخشونة اخواني يوم كنت صغير يعني 14 سنه لكن مع العمر عرفت كيف اادبهم واخليهم يحترموني غصبا عنهم والحل اللي سويته هو اني اهجرهم يومين ثلاثه ما اكلمهم ابد الا بشي ضروري يعني كلمتين بس ايه او لا !! واذا فتحوا معي موضوع اطنشهم كانهم ما تكلموا يعني حقران لهم وصدقين بعدها يحترمونك شكرا
|
#8
|
||||
|
||||
![]() هلابك اختي...
شوفي يالغاليه هو فعلا مشكلتك بسيطه بس تقهر انا حاسه فيك..تدرين من اللي يبي يفهمك ؟ صديقه صدوووقه تفضفضين لها وترتاحين معاها الاخت مهما كان تبقى اختك ماراح تصير زي الصديقه انا ترى كذا اهلي يعتبروني ضعيفه ومهما اثبت لهم قوتي نظرتهم لي ماتغيرت كنت ازعل وتضايق بس اللحين عادي اهم شي انا شايفه نفسي قويه اهم شي نظرتي لنفسي وبالنسبه لخواتك انا عندي اخت الله يصلحها كذا ترى الله يهديها...مضطره اتحملها لانها اختي طنشيها خلي علاقتك فيها سطحيه شوي يمكن تحس على نفسها انه اخطأت عليك.. مو تقلل من احترامك بعدين تجي تسولف كنه ماسوت شي لالا تعاملي بحزم شوي بيني له انك تحبينه وتحترمينها بس لازم هي بعد تحترمك وتحس فيك ثقتك بنفسك لاتهتز..والله يرزقك بالصديقه الصالحه
|
#9
|
||||
|
||||
![]() الله يكون بعونك
هذا الي اقدر اقوله . ![]()
|
#10
|
||||
|
||||
![]() امممممممم شوفي عزيزتي كلنا تمر علينا اوقات نحس بالوحده ونشعر ان اللي حولنا مو مهتمين فينا طنشي وعيشي حياتك واثبتي ذاتك بممارستك لهواياتك ودرااااستك والله يرزقك بالزوج اللي يعوضك هذا اللي اقدر اقوله وتقبلي مروري
|
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |