|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
10-09-04, 10:11 AM
|
||||
|
||||
تعالوا اسمعوا سالفتي ....لاتفشلونن
وانا جالسه اطق طق بالكمبيوتر مير تدخل علي اميمتي وطبعا لازم تجلس ساعه تويز بالشاشه
(ياحبيله امي يقاله حريصه) وقالت صكي الكمبيوتر وتعالي ابيتس بموضوع خاص .وانا اللي يمغصن بطني حسبته درت عن اللي انا مسويته (ياشييييين اللقافه منيب قايلتلكم وش انا مسويه) وصكيت الكمبيوتر ولحقته وانا حاطتن يدي على قلبي وقالت لي ان به ناس خاطبينتس وانا اكررررررررره ضحكه من الفرحه (مهب علشاني مخطوبه بس علشانه مادرت عن) مير ترفسن على بطني وتقول طيب استحي على خشتس مير اقوله اهوه وش مواصفاته؟ وش يشتغل؟ كم راتبه؟ وشلون شكله؟ ابيض ولا اسمر؟ قالت امي اركدي شوي شوي لاينطبتس عرق جايتس بالحتسي وقالت لي مواصفاته وعجبن التمساح طبعن هم ماخطبونن الا بعد ماطبقت طريقه (بنت نايف) الخطه رقم 7453 ولذلك اوصي جميع السحالي بها جربوه رهيييييييييييييييبه ونرجع لسالفتنا وواعدتهم امي انهم يجون بعد اسبوع علشان يشوفن التمساح قصدي خطيبي وانا من دريت ماغير اطامر من كوفيره لكوفيره واحوس بخشتي وكشتي <<< لاحظوا البلاغه بالحتسي لعل وعسى ازهى واجوز له بس ماعندكم احد الشين شين وجا اليوم اللي يبي يشوفن به وانا اذكر ان البنات اذا جا احد يشوفهن يستحن وانا اللي عيا يجي الحياء عندي وقلت يمكن اذا دخلت عنده استحي المهم اني شلت العصير ودخلت عليه ونفس الشئ ما استحيت وبغيت اكب العصير عليه يقالي مستحيه بس حركه قديمه وعطيته العصير وقزيته قز وهو ياعمري مطمسن راسه من الحياء عجزت ابي اوخر عيني عنه ماقدرت ابي اشوف وشلون جزمته؟ وش ماركة ساعته؟ ونوع شماغه؟ وثوبه جاهز ولا خياط؟ علشان اعرف هو كشخه ولا لا؟ بس الله يرحم الحال مايخلونن الا خمس دقايق ويشوتونن المهم اني طلعت والى يومكم هذا وانا انتظرهم يدقون ماغير مقابلتن التلفون24 ساعه وما دقوا ويالله يالله مع السلامه اخاف يدقون اللحين هذي سالفه من سواليفي مهيب صدق وعساه تعجبكم
|
|
#2
10-09-04, 10:40 AM
|
||||
|
||||
|
ههههههههههههههههههههههههههههههههههههههههههه
تمنيت انها صدق ترى بس عشان اقول مبروووووووووووك  يخليك ربي
|
|
#6
10-09-04, 02:48 PM
|
||||
|
||||
|
فوفي
شكله غسل يديه.....طبعا بعد العصير <<<<<< مايعرف يصرِّف  لكن لايهمتس كلامي يمكن يغيّر رايه بعد ماذاق العصير ويتصل بتس  قولي آمين الله يوفقك دنيا وآخره وصراحه رحمت أمتس بالمرة ...
|
|
#7
10-09-04, 07:57 PM
|
||||
|
||||
|
والله أبرك من المنقوووووووووووووول
ايه كذا نحس أنه بيننا ناس تكتب سالفة كاملة ونحس بعد بالتميز بالمنتدى يعني هالموضوع مب منقول ولا شافه أحد الا حنا أول من شافه وطبعا هذا الشي مب غريب على فوفي وهي أحد أنشط عضوات المنتدى من وجهة نظري وإحدى العضوات المتميزات بمعنى الكلمة بالحزب المثالي<<<<<<= = = يبي يدخل الحزب بطل كبيرة وصغيرة يعطيك العافية فوفي ولي طلب بسيط نبي موضوع بعد مثله وأحلى وانتي تقدرين وجنا نستاهل وتقبلي احترامي وتقديري راقي(رئيس الحزب المثالي)
|
|
#9
10-09-04, 10:30 PM
|
||||
|
||||
|
القصة كذا
 بس اتوقع انه  والي محلي القصة انه  ننتظر منك المزيد
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تعالوا .. تعالوا .. شوفوا نخبة من الاقلام المتميزة في المنتدى.. لو لم يكونوا لكانوا | مطر الكلمات | منتدى السواليف وتوسعة الصدر | 14 | 23-03-14 02:47 PM |
| تعالوا تعالوا سمعتوا اخر خبر | ToTTi ملك روما | مضايف قصيمي نت | 12 | 07-01-05 10:38 AM |
| ابوعبدالملك وابومهند ,,,,شي عجيب تعالوا اسمعوا | بونواف | منتدى الأناشيد و التسجيلات الإسلامية | 4 | 09-12-04 01:46 PM |
| نجوم واقمار منتدى قصيمي نت في مهن التخفيضات بسوق المنتدى .. تعالوا | مطر الكلمات | ملتقى الحوار الفكري المفتوح | 0 | 03-09-04 02:43 PM |
| بنات تعالوا بقوللكم سالفتي مع عباية الراس | كسيرة القلب | همس النواعم | 21 | 25-08-04 02:32 AM |
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
