العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
اللي يحب منتدى قصيمي نت يدخل فالأمر لا يحتمل!
مساكم الله بالخير
تراني معصب وحمق فلا احد يشره علي ويزعل من صراحتي مرتن من المرات كان برنارد شو قاعدن يتقهوى وماسكن السريع بالهواجيس ومير يمر عليه واحدن من الناس ويقوله ودي اسألك سؤال عجزت القى له جواب.. قاله برنارد شو قل ولا يكثر مير يقول سؤاله وهو وراك يا برنارد شو عندك لحية كثيفه ومليانه شعر بينما رأسك صلعتن تبلص ما بها ولا شعره كأنها مطار مير يرد عليه برنارد شو ويقول انا انا عندي غزاره بالانتاج وسوء بالتوزيع تبون تقولون والزبده الزبده من قصة برنارد شو وشعره يا اخواني واخواتي الاعضاء اللي تجاوز عددنا خمسة الاف عضو اني منقهر ومنبطتن كبدي من اللي يصير بالمنتدى من عددنا الكبير وفائدتنا القليله خمسة الاف عضو مسجل ولا يشارك الا القليل !! ترى الدعوى يا اخوان بالكيف مهوب بالكم لا تخلوننا مثل شعر برنارد شو كثرة اعضاء وقله في العمل ووالله الذي لا آله الا هو اني اتمنى ان عدد اعضائنا بالمئات بس يكونون فاعلين ومتحركين وينشطون المنتدى ويحيونه وانا اسأل كل واحد مسجل ولا له مشاركات وودي اعرف ليه مسجل؟؟؟ وش تبي بالتسجيل وانت ما تشاركنا وتعايشنا بمداخلاتك ونقاشاتك اخواني واخواتي اللي ما يشاركون ممكن اعرف وش يضرك او يضايقك لو انك اذا قرأت موضوع بالمنتدى انك تضغط الصوره ذي اللي تحت الموضوع وكتبت لك كلمة عن اللي قرأته حتى لو بكلمة شكرا ترى كثير من الاعضاء يجتهدون ويتعبون ويكتبون مواضيع بس يصابون بالاحباط لما يشوفون عدد القراء 100 والردود صفر او 1 او 2 ليش ما نشجع كل واحد ينزل موضوع ونرد على موضوعه ونرفع معنوياته وايضا نحرك المنتدى يمكن يقول واحد انا والله مالي اسلوب ولا اعرف لذلك اكتفي بالقراءة واقوله يا بعدي من قال اننا بجامعه او اختبار حتى احد يحاسبك على اسلوبك او يدقق وراك .. رد وما عليك من احد وصدقني مع الوقت راح تحس انك تجيد اسلوب الحوار وتفتخر بنفسك ويمكن تشوفون مشاركاتي كثيرة وتقولون سيف العداله نشيط ومتحرك ويناقش وانا والله من جنب القده وواكثر من ثلاث ارباع مشاركاتي ذي كلها كلمة شكر في كثير من المواضيع لصاحب الموضوع او بالترحيب لاني ما اقدر اشوف موضوع واتركه بدون ما ارد عليه والرد ما ياخذ مني وقت وبنفس الوقت اشجع واحمس صاحب الموضوع انه احد عطاه وجه ومع الوقت القاه متحمس ويشارك مثلي ومثل كم عضو بارز في هالمنتدى.. انا كل ليله اذا دخلت اشوف مرتز حوالي 20 عضو متواجد واذا شفت الردود لقيت ما يرد الا 2 او ثلاثه !! طيب والبقيه هاللي متواجدين ليه ما يشاركون ليه ما يردون على هالمواضيع اللي يتصفحونها.. اذا كانوا يحبون القراءه فماله داعي يسجلون اصلا والمنتدى مفتوح للقراءة ومو مقفل مثل بقية المنتديات اللي ما تسمح بالتصفح الا بعد التسجيل لذلك كلمة اوجهها لكل عضو معنا ولكل عضو يقول انا احب منتدى قصيمي نت ان المنتدى منكم وبكم واذا ما خدمتوه راح يموت وخدمته هي بنشاطكم وطقطقة اصابعكم على الكيبورد عند قراءة اي موضوع ومو لازم تردون على كل المواضيع يكفي من كل عضو انه يرد يوميا على الاقل على عشرة مواضيع فقط وهي كافية ولا نبي منه زود مع انها قليله وما تاخذ وقت واتمنى من كل الاعضاء ما يزعلون مني على صراحتي لاني احب المنتدى وادخل يوميا أقرأ المواضيع ولا اترك شي من المواضيع اللي قرأتها إلا ولي رد فيها بغض النظر عن جودة ردي من شينه وترى الدعوى بسيطه اول ما تدخل اضغط هالرابط وتلقى كل المواضيع الجديدة والنشطه ارعص هنا وورنا همتك اقول قولي هذا واستغفر الله العظيم لي ولكم واستروا ما واجهتوا سيف بن عداله استشاري فرفشة شباب
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
{}{}{}{اللي يبي يصير شيخ قبيله يدخل}{}{}{} | homom | منتدى السواليف وتوسعة الصدر | 13 | 07-10-06 01:14 AM |
قصتي مع اول بنت اتعرف عليها | الطويل | منتدى السواليف وتوسعة الصدر | 30 | 03-10-06 03:25 PM |
تخيلوا منتدى قصيمي منتزة ويديرون فعالياتة نجوم واقمار المنتتدى المشهورين لزوارة .. | مطر الكلمات | ملتقى الحوار الفكري المفتوح | 18 | 02-03-05 12:16 AM |
نجوم واقمار منتدى قصيمي نت في مهن التخفيضات بسوق المنتدى .. تعالوا | مطر الكلمات | ملتقى الحوار الفكري المفتوح | 0 | 03-09-04 02:43 PM |
ضمن فعاليات منتزة منتدى قصيمي : لوانت او انتي بهالموقف المحرج ماذا تفعل .. تعالوا | مطر الكلمات | ملتقى الحوار الفكري المفتوح | 0 | 20-07-04 10:01 PM |
راديو قصيمي نت | مطبخ قصيمي نت | قصص قصيمي نت | العاب قصيمي نت |