|
اللي يحب منتدى قصيمي نت يدخل فالأمر لا يحتمل!
مساكم الله بالخير تراني معصب وحمق فلا احد يشره علي ويزعل من صراحتي :eek: مرتن من المرات كان برنارد شو قاعدن يتقهوى وماسكن السريع بالهواجيس ومير يمر عليه واحدن من الناس ويقوله ودي اسألك سؤال عجزت القى له جواب.. قاله برنارد شو قل ولا يكثر مير يقول سؤاله وهو وراك يا برنارد شو عندك لحية كثيفه ومليانه شعر بينما رأسك صلعتن تبلص ما بها ولا شعره كأنها مطار (a) مير يرد عليه برنارد شو ويقول انا انا عندي غزاره بالانتاج وسوء بالتوزيع تبون تقولون والزبده الزبده من قصة برنارد شو وشعره يا اخواني واخواتي الاعضاء اللي تجاوز عددنا خمسة الاف عضو اني منقهر ومنبطتن كبدي من اللي يصير بالمنتدى من عددنا الكبير وفائدتنا القليله خمسة الاف عضو مسجل ولا يشارك الا القليل !! ترى الدعوى يا اخوان بالكيف مهوب بالكم لا تخلوننا مثل شعر برنارد شو كثرة اعضاء وقله في العمل ووالله الذي لا آله الا هو اني اتمنى ان عدد اعضائنا بالمئات بس يكونون فاعلين ومتحركين وينشطون المنتدى ويحيونه وانا اسأل كل واحد مسجل ولا له مشاركات وودي اعرف ليه مسجل؟؟؟ وش تبي بالتسجيل وانت ما تشاركنا وتعايشنا بمداخلاتك ونقاشاتك اخواني واخواتي اللي ما يشاركون ممكن اعرف وش يضرك او يضايقك لو انك اذا قرأت موضوع بالمنتدى انك تضغط الصوره ذي اللي تحت الموضوع http://www.qassimy.com/vb/images/12.gif وكتبت لك كلمة عن اللي قرأته حتى لو بكلمة شكرا ترى كثير من الاعضاء يجتهدون ويتعبون ويكتبون مواضيع بس يصابون بالاحباط لما يشوفون عدد القراء 100 والردود صفر او 1 او 2 ليش ما نشجع كل واحد ينزل موضوع ونرد على موضوعه ونرفع معنوياته وايضا نحرك المنتدى يمكن يقول واحد انا والله مالي اسلوب ولا اعرف لذلك اكتفي بالقراءة واقوله يا بعدي من قال اننا بجامعه او اختبار حتى احد يحاسبك على اسلوبك او يدقق وراك .. رد وما عليك من احد وصدقني مع الوقت راح تحس انك تجيد اسلوب الحوار وتفتخر بنفسك ويمكن تشوفون مشاركاتي كثيرة وتقولون سيف العداله نشيط ومتحرك ويناقش وانا والله من جنب القده وواكثر من ثلاث ارباع مشاركاتي ذي كلها كلمة شكر في كثير من المواضيع لصاحب الموضوع او بالترحيب لاني ما اقدر اشوف موضوع واتركه بدون ما ارد عليه والرد ما ياخذ مني وقت وبنفس الوقت اشجع واحمس صاحب الموضوع انه احد عطاه وجه ومع الوقت القاه متحمس ويشارك مثلي ومثل كم عضو بارز في هالمنتدى.. انا كل ليله اذا دخلت اشوف مرتز حوالي 20 عضو متواجد واذا شفت الردود لقيت ما يرد الا 2 او ثلاثه !! طيب والبقيه هاللي متواجدين ليه ما يشاركون ليه ما يردون على هالمواضيع اللي يتصفحونها.. اذا كانوا يحبون القراءه فماله داعي يسجلون اصلا والمنتدى مفتوح للقراءة ومو مقفل مثل بقية المنتديات اللي ما تسمح بالتصفح الا بعد التسجيل لذلك كلمة اوجهها لكل عضو معنا ولكل عضو يقول انا احب منتدى قصيمي نت ان المنتدى منكم وبكم واذا ما خدمتوه راح يموت وخدمته هي بنشاطكم وطقطقة اصابعكم على الكيبورد عند قراءة اي موضوع ومو لازم تردون على كل المواضيع يكفي من كل عضو انه يرد يوميا على الاقل على عشرة مواضيع فقط وهي كافية ولا نبي منه زود مع انها قليله وما تاخذ وقت واتمنى من كل الاعضاء ما يزعلون مني على صراحتي لاني احب المنتدى وادخل يوميا أقرأ المواضيع ولا اترك شي من المواضيع اللي قرأتها إلا ولي رد فيها بغض النظر عن جودة ردي من شينه وترى الدعوى بسيطه اول ما تدخل اضغط هالرابط وتلقى كل المواضيع الجديدة والنشطه ارعص هنا وورنا همتك :rolleyes: اقول قولي هذا واستغفر الله العظيم لي ولكم واستروا ما واجهتوا (aqwa) سيف بن عداله استشاري فرفشة شباب (g) |
أخي المبارك سيف العدالة عداك العيب وراح عنك الشيب //////////// سجعي
نعم هذه المصيبة العظمى أكثرنا يقرأ ويمشي كنه ولايكلف نفسه على الأقل أن يقول جزاك الله خيرا وهو لايعلم أن كلمة جزاك الله خيرا عظيمة يقول المصطفى من صنع لكم معروفا فكافئوه فمن لم يجد فليقل جزاك الله خيرا فقد أبلغ في الجزاء أو كما قال صلى الله عليه وسلم . |
اخي سيف العدالة
لقد اصبت الحقيقة وهذا هو الواقع لا نريد اعداد كبيرة من الاعضاء وقلة من المشاركات وبما ان الشخص قد تواجد بالمنتدى فما الذي يمنع ان يشارك حتى ولو بكلمة شكرا نتمنى ان يصل كلامك هذا للجميع وكل من يحب قصيمي نت سوف يجد كلامك هذا صدى لدية ان شاء الله المنتدى ان شاء الله سيعود اكثر قوة واكثر تألقا بجهود الجميع وتعاونهم سيف العدالة لك كل الشكر وهذا دليل على حبك وغيرتك لمنتدى قصيمي نت |
وفـــــي فــي زمــن قـــل فــيــه الأوفــيــا
الــســـلام عــلــيـكــم
أخــــــوي* ســــيــف الــعــدااااالــة وشـذا الـكــلاااااام الـلــي انـت كـاتــبـه والله أنــك لــم تــصــب الـحــقــيــقـة فــقـط وأنـمـا أصـبـت كــبــد الـحـقـيــقــة كـــلامــك رااااااائـــع ونــابـع مـن الـقــلــب وكــل كـلــمـة قـلـتـهــا صــادقــة وأنـت يــا ســيــف الـعـدالــة والله أنــك أســم عــلــى مــسـمــى (( رجــل والـرجـال قــلـيـل)) و (( أنــت وفــي فــي زمــن قــلـة فــيـه الأوفـيـاء)) وبــعــديــن كــلامـك الـصـادق هــذا مـحـدن يـزعـل مـنـه والـلـي يـزعـل مـنـك أسـمـح لــي أقــولــه مـا عـنـدك سـالــفــة يـعـنـي وشـيـضـرك لــو شــاركـت مـعـنـا بـرايــك ورأيــك هــذا مـمـكـن تـعـبـر عـنـه حـتــى بــكــلــمــة أو بـوجـه تـعـبـيـري وتـرى الـوجـه الـتـعـبـيـري مـجـانـاً مـن الـمنتدى وثــم رأيــك نـحـتـرمــه كـمـا نـحـتـرم أنـفـسـنـا تـمـامـاً وحــقك مـحــفــوض بالحـفـظ والـصــون أمـا أذا كـنـت لاتـريــد الـمـشـاركــة يــاخـي بالله عــلـيـك لـيـه مـسـجـل مـعـنـا حـنـا مـانـبــي تـكـمـلــة عــدد حـنـا نـبــي جــهــد وأجـتـهـــاد وعـاد اي أجـتـهـاد لا قـلـنـا لـك أحـفـر وثــم أدفــن ولا شـل هـذا ونـزل هـذا يـاخـي أنـت عـضـو مـسـجـل عـنـدنـا مـن أبـسـط واجـبـاتــك أنـك تـشـارك بـمـوضـوع أيـاً كـان واقـسـام الـمـنتديـات عـنـدنـا مـاشـاء الله بـكـثـره أو بـطـرح رأيــك بــأي قـسـم وبـأي مـوضـوع وثــم والله حـتـى اللـعـاب عـنـدنـا إلـعـاب والسـوالف والله عـنـدنـا سـوالف عـلـى الـعـمـوم أتـمـنـى مـن الـجـمـيـع الـمـشـاركـة ونـحـن نـدعـوا الأعـضـاء الـذيـن يـسـجـلـون ويـأتــون يـتـصـفـحــون ولا يـكـلـف نـفـسـه ولـو بـرد بـسـيـط ولا نـعـمـم عــلـى الأعـضـاء ولـكـن عـلـى الـكـثـيـر مـن الأعـضـاء أذا مـا عـرفـنـا عـدد الاعـضـاء بالـمـنــتـدى تـجـاوز 6000 وأكـثـر دااااااااااام ســيــفــك ونــزهـت عــداااااااااالـتــك يــا شـيـخـنــااااااااااااااا |
نرجوا من المشرفين تثبيت الموضوع
|
. سيف العداله .. كلامك عين العقل .. ومن يتنادى بمحبته للمنتدى بعد توقفه الأجباري ويزمجر ووو.. يجب أن يكون هناك واقع على أرض المنتدى الخصبه ويثبت ذلك .. أما الكلام في الهوا بس مايوكل عيش .. هنا تتضح الصوره الشفافه لمن يحب هذا الصرح .. لكن .. دعني أستنهض أحبتي أن يحاولوا التطوير وأن يتصيدوا القراء والأعضاء بالمواضيع الجميله الحديثه ذات التناول الفاخر .. وأن يتم التخفيف من سطوة المواضيع المنقوله .. هناك أحداث وفعاليات كثيره في الوسط الأجتماعي تحتاج لطرحها والميدان خصب لكنها تحتاج لجرأه .. كما .. لايفوتني إلى أن أشير إلى أن بعض الأعضاء لايقوم بأحتواء من يتداخل معه في مواضيعه أو تحفيزه لمشاركته المره تلو الأخرى .. والسبب هو عدم التفاعل مع مداخلته بالصوره المطلوبه ودفع عجلة الحوار إلى آفاق أرحب بل يقول له شكراً .. هذا إذا لم يقل شكراً لمن قام بالرد .. أو يطنش ...! وهذه غير لائقه .. ونبقى أوفياء .. . |
شكرا اخوي هذا الى صاير
|
(a99) (a99) (a99) عداك العيب وانا اختك وما فيه احد يزعل من الصراحة وكلامك رائع اخوي ويصدر من شخص فعلاً محب لقصيمي نت والله شي يضيق الصدر اللي نشوفه التسجيل بالهبل والمشاركات 2و3 لا شلت يمينك اخوي وبارك الله فيك وسددت |
لافض فوووووووووووووك حبيبي سيف العدالة
|
كلامك صحيح اخوي سيف العدالة.
وبيض الله وجهك...... |
| الساعة الآن 07:00 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir