|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
03-04-11, 12:21 PM
|
||||
|
||||
قديمك نديمك نبي نشوف اللي فاقدين الذاكر من اللي بعدهم يذكرون بعض الاشياء
السلام عليكم ورحمة الله وبركاته هذا ما وصلني ع الايميل وانا لن لم اذكر شي منها ابد ابد غير غمزت سمير توفيق وشدعوه يا شايب الجن ( يازينها مسيار = سكتم بكتم في وقتها ) صراحه سمعت فيها ولا شفتها ابد ندش في عقر دار موضوع زنقه زنقه اعلان هام : يمنع دخول مرضى الربو واللي عندهم حساسية من الغبار لهذا الموضوع ابي اتكلم بصراحه عن ايجابيات التلفزيون السعودي زمااان قبل الدشوش او بالاحرى ايجابيات القنوات الارضيه ,, قبل المهزله التي اصبحت تسعى بين اسلاك جهاز التلفزيون والسبب المدعو ( رسيفر ) لما كنا صغار نصحى بدري جداااااا انا واخوي الي اكبر مني ونلعب في حديقه البيت الي كانت اكبر من البيت بزاتو ,, وكل القنوات الارضيه تكون مسكره من الليل وماتشوف على شاشتها الا نغمة ( تششششششششششششش الخ ) عاد تغيرت هالنغمه مع الوقت وصارت تجي الساعه الرقميه الممله  المهم اول مايفتح التلفزيون نركض ونسنتر قباله من اول مايجي السلام الملكي وحنا نردد معاه الين يطل علينا المذيع بطلته البهيه ويقدم الافتتاحيه بالقرآن الكريم ,,  طبعا كان عندنا هالسلام الملكي مقدس نحترمه ونحس بفخر وحنا نردد مع الكورال واحيانا كنا نضرب تحيه للملك الين ينتهي السلام الملكي ههههههه وكنا نتسمّر على القرآن الكريم ولا نتحرك حركه لان القارئ محمد الطوخي كان يقرأ هالايه قبل مايبدأ في قراءه القرآن :  {وَ اِذَا قُرِأَ القُرْآنْ فَاسْتَمِعِوا لَهْ وَ اْنصِتوْا لَعَلكُمْ تُرْحَمُون } ونسمع الكلام وننصت ..  ولما يخلص القرآن يجي بعده تفسير القران .. عاد كان يطوول التفسير وكنا نتعب من الشوق والانتظار لما بعده ..  ولما يخلص يطل علينا المذيع بأحلى اعلان وهو بدء الرسوم المتحركه الي تجلس تشوفها ساعه او ساعتين مو اكثر ,, مره في الصباح ومره العصر مو مثل الحين طوووووووووول اليوم كنا نجلس على الرسوم ونتابع بشغف ,, اصحيح اغلبها كانت تجيب العله بس كنا نتابع لاننا في انتظار حبيب الجماهير ومعشوق الكبار قبل الصغار ( توم وجيري )  زمان كان كل شي له وقت محدد يجي البرنامج وانت مشتاق له ويروح وانت مازلت مشتاق ,, كان التلفزيون عباره عن سله فواكه تقدم كل ماهو متنوع والاهم انها تقدمه بسمه معينه وهي الرقّي زمان كان يفتح التلفزيون الصباح ويسكر في الليل .. كان جهاز محترم وجنتل مان ,, مو مثل تلفزيون هالوقت الي يبث كل شي في الليل والنهار كنه ابليس لاينام ولايخلي الناس تنام طبعا التلفزيون القديم كنا نسميه ( الي يطقطق ) نظرا لصوته المزعج اثناء تغيير القنوات ( هذا وهي عشر قنوات مزعجنا تخيلوا عاد لو انه 8000 قناه مثل هالايام ) وماكان له ريموت كنترول , ويالله كل شوي يارايحين ياراجعين تغيير في هالقنوات ( من كثرهم عاد كلها قناتين ) وكان مصدر بث هالقنوات الارضيه هو جهاز رشيق طويل عريض المنكبين يرتز رافعا هامته في سطوح خلق الله ويقف في وجه الرياح والبرد والامطار ويتحدى حراره شمسنا المشاكسه بكل ثقه , وهو ذو ساق حديده واحده وغالبا يكون لونه [ سيلفر] <-- فز قلبها وله مهمه انسانيه ونبيله اخرى وهي انه مدرج للحمام الذين يصطفون على اكتافه ( ماقولكم سيلفر؟ ) يصطفون وكأنهم يتفرجون على احدى مباريات دوري زين الممتع << ايه هين  هذا الجهاز يسمى الارياال او الانتل الي هو .. هالجهاز مرتبط بسلك ينزل من اعلى السطوح الى ان يدخل من نافذه احدى الغرف وهذا السلك يرتبط بجهاز مربع صغير فيه حلقه تدور وكأنها بوصله ( حتى هي صوتها مزعج ).. وهذا الجهاز يخرج منه سلك للتلفزيون ولما نغير اتجاه هالبوصله تبدأ القنوات تصير صافيه شوي شوي ويبدأ التشويش يقل عن القناه الي نبيها <-- ياليل مطولك احيانا كنا نحط معلاق الملابس في فتحه التلفزيون بدل الانتل حق التلفزيون الي غالبا يكون مكسور ويافرحتنا لما تصفى القنوات الخليجيه .. اما من ناحيه غصب واحد هين هذي طالعه طالعه من فوق خشمك في ايام الصيف وبسبب الرطوبه البغيضه كانت القنوات تصير صافيه و قزااااااز على قولتهم .. و ياااااااااه كيف كنا نتعذب لما يجي الشتاء وتنعدم صفاوه القنوات ومايبقى الا التلفزيون السعودي .. وبحكم اني من سكان الشرقيه كانت القنوات عندنا متنثره كان فيه التلفزيون القطري بقناتيه وتلفزيون البحرين بقناتيه وتلفزيون دبي وقناة الامارات وتلفزيون الكويت نادرا جدا يصفى وطبعا القناه المحببه لديّ والتي تم اغتيال قلبي لما تقفلت وهي [ تلفزيون الظهران ] ليش يا ارامكو تقفلينها ليييييييييييييييييييش ؟؟ من قّل الفلوس يعني ؟؟  التلفزيون القطري كان افضل تلفزيون في تلك الفتره .. منووع جدا ومن ابرز مذيعي التلفزيون القطري هو جاسم عبدالعزيز  وكانت ابرز مذيعه ظهرت هي ( نشوى الرويني ) كانت ثقيله ارحم من هالفتره .. الحين بس احد يقولها هلا نشوى كرتها ضحك لبكره وكان فيه مذيع اطخم هههههههه سوري الجنسيه , يقدم الفقره الرياضيه بعد نشرة الاخبار ويقدم بعض البرامج الرمضانيه كان ثقيل ورزّه وكانت ابتسامته تشرح القلب وكان مجتهد لايكل ولا يمل ومر الزمان والايام والشهور والسنين وصار هالمذيع مديراً لقنوات الجزيره الرياضيه .. [ ايمن جاده ] ابو خالد  تلفزيون دبي اول تلفزيون خليجي يبث مسلسل مكسيكي مدبلج .. كان اسم المسلسل ( انت او لا احد ) اتذكر اني اشوف لقطات لهالمسلسل ولا ادري وش السالفه !! وش هالمسلسل العجيب الي يتكلمون كذا .. بعدها عاد انهمرت علينا المسلسلات المدبلجه اليييين وصلنا للاتراك وماندري لوين بنوصل بعدهم تلفزيون الامارات << هذا عاد الحفله كانت الامارات لما تحتفل باليوم الوطني تجيب فنانين خليجيين يغنون على مسارح الدوله .. لكن مو هنا البلا البلا الي كانوا يطلعون مع الفنان اثناء غنائه ,, كانوا يجيبون بنات جميييييييييلات جدا وهات يارقص خليجي والله كانوا اغلب الفنانين يضيّعون واولهم فنان العرب ابو نوره وثانيهم الفلته الخطير ابو بكر سالم هههههههههه عاد هذا بايعها , مره قعد يقّز وحده من البنات من اول مادخلت الين وصلت نص المسرح هههههه لو عليه كان رقص معها الا هذا الاخطبوط كان رزين ومايعطي البنات وجه وساحب على البشريه وكل همه :  سمّاااااار يا سمّاااار تكفون دلوني ,, تايه غريب الدار احبابي ما جوني على طاري ابو نوره هههههههه معليش السموحه يافنان العرب بس فيه ناس للحين ماشافوا هالفيديو كليب الي انت توزع فيه الابتسامات لنجوى فؤاد ومتبيخل علينا بأبتسامه في لقائاتك لحظه لحظه انت هنا قاعد ترقص !! اتذكر اني كنت اسمع انتقادات كثيييييييره على رقصك مع نجوى والعالم ماشغلتها الا ( محمد عبده يرقص مع نجوى فؤاد ) !! وكنت اقول : وخير ان شاء الله ! وش يعني لارقص معها .. بس لما كبرت عرفت منهو محمد عبده وفهمت ليش كل هالانتقادات تلفزيون الكويت كان عامر بالمسلسلات والبرامج الممتعه واجمل ماكان يميزه الاوبريتات الوطنيه كان شادي الخليج يستنهض مشاعرنا بعذوبه لما يقول : كلما زادت المحن حولها او قسى الزمن أصبح الناس كلهم .. كلمة في فم الوطن وسناء خراز عندما تقول : الكويت بلادنا الكويت أرواحنا سورها أرواحنا سورها الكويت بلادنا الكويت اصرارنا نورها اصرارنا نورها وكننا نردد وكأننا كويتيون : أرواحنا الثمن و المجد للوطن الكويت الكويت بلادنا الكويت كنت ومازلت اعشق الكويت فأنا تربيت على حبها بسبب هالاوبريتات الوطنيه .. حفظ الله الكويت واهلها بالرغم من ايجابيات التلفزيون السعودي الا انه اثبت مقوله ( غصب واحد ) من قلب .. كان فيه برامج يعيد ويزيد ويعيد ويزيد فيها اليييييييييين نحفظها صممممم مثل فيلم ( المتسول ) كان يجي كل اسبوع من عرفت القناة الاولى .. اتذكر اني شفته يمكن خمسين مره تدرون ليه ؟؟ في الصباحيه بقولكم وبرضو كانوا مزعجيييين امنا بأغنيه ( بنلتقي ) حقت الفنان علي عبدالكريم ..  انت بعيد هناك وآنا المشتقي الشيب يبكي بمفرقي شمعة حياتي بتنطفي مهما يكون عندي شعور بنلتقي .. راح الشتاء وجانا شتاء وانا انتظاري لى متى بنطر حضورك مهما كان .. مهما كانت حزته دربي طويل دربي طويل والليل طفى شمعته اتذكرك مثل الغريب .. لما يتذكر ديرته اتذكرك بس لى متى .. اسأل واسأل لى متى مهما يكون .. عندي شعور .. بنلتقي بنلتقي .. بنلتقي .. بنلتقي صعبه بدونك حالتي .. غربه بدونك دنيتي .. انا بعذابي وعزتي .. ساكت اصبر حيرتي اتذكرك بس لى متى .. اسأل واسأل لى متى مهما يكون .. عندي شعور .. بنلتقي بنلتقي .. بنلتقي .. بنلتقي هالكلمات الرائعه كاتبها الاسير المرحوم فايق عبدالجليل وايضا كان فيه اغنيه غالبا يجيبونها وقت العصر الييييييييييين المغرب ولو عليهم خلوها الين الفجر ههههههه كانت ترفع ضغطي ومسببه لي ملل شنيييع وهي اغنيه ( مرسول الحب ) للفنان المغربي عبدالوهاب الدوكالي  احيا حفله في السعوديه وليته مااحياها هههههه كل شوي جايبينها يعنني شوفونا يالمغاربه ترا خاقين عليكم  الاخوان الي طالعين في الصوره يمين وش يحسون فيه !!! كان التلفزيون السعودي ومازال لايبث اغاني لمطربات نساء وكأنه يعلم انه سوف يأتي يوم وتصبح هاؤلاء المطربات ناشزات وهيفاوات ومغريات ونانسيات وراقصات وروبيّات ,, ( فقال : اخذها من قاصرها واسحب عليهم من البدايه وسقى الله غمزتك يا سميره توفيق ) سميره توفيق صاحبه اجمل عيون بدويه في ذلك الوقت .. كنت اعد غمزاتها تصدقون  !! كانت تسلهم برموشها وتغمز عشرين مره في الاغنيه الوحده .. كم من الشيبان سدحتهم غمزتك يا سميره هههههههه ؟؟ماراح اتكلم عن المسلسلات لان هذي يبي لها موضوع ثاني .. لكن كان فيه مسلسل جاااااااب لنا المرض والهم والغم .. اعتقد عرفتوه .. [ اصابع الزمن ] ياناس احد يضيع ولده في تونس ويرجع السعوديه !! اتذكر الحلقه الاخيره لما كان جاي عندنا ولد عمتي من منطقه بعيده وكانت الحلقه تعرض قبل الظهر ولما رفضت الزوجه ترجع لزوجها الي هو الفنان محمد حمزه .. زعل ولد عمتي وماعاد كلم احد ورفض يتغدى هههههههه وزين الي مارجع ديرته مشي ذاك اليوم تدرون ان هالمسلسل مدبلج للغه الهنديه ويعرضونه في بعض قنواتهم ياحبكم للنكد يالهنود وفيه مسرحيه كويتيه كانت تجيييييييييييب المرض اسمها ( بيت بوصالح ) يا انا كنت اكره غانم الصالح الله يرحمه كره الموووت لما اشوفه .. كان بثر بشكل مهب طبيعي في هالمسرحيه اذا جات هالمسرحيه ابدأ اتوتر ههههههههه لاني عارفه ان البثر بيجي الحين .. رحمة الله فنان مبدع اما المسرحيه الاجمل فهي [ على هامان يافرعون ] يمكن لو ماكان فيها ملك المسرح الفنان [ حسين عبدالرضا ] ماضن كان صارت الاجمل  اكثر شي كان يعجبني في المسرحيه لما كان يقول : عندنا في السعوديه البردي هذا كبره << كنت خاقه عشانه جايب طاري السعوديه ههههههه زمان الواحد كان مشاعره الوطنيه على شفا حفره هههههه لاسمع طاري بلده انبسط بخجل .. عاد الحين الواحد احيانا صار ينحرج من طاري بلده في بعض البرامج مثل ستار اكاديمي وطقتها ولا مذيعين السعوديه زمان هذولا سالفه بلحالها :  وعلى رأسهم صاحب الصوت المخملي ماجد الشبل .. يقول مره في لقاء سمعته عبر الاذاعه انه كان مسافر مصر يسوي لقاء مع الفنان محمد عبدالوهاب فلما سمع صوته عبدالوهاب قال له : انت المفروض تكون مغني صوتك حلو ! ليه ماتغنيش ؟ قال ماجد : لالا انا افضّل اكون مذيع طبعا لما نشوفولا سبأ باهبري على طول يدب الرعب في قلوبنا تخصص قصاص  تبدأ لحظه الفيلم المرعب بالنسبه لي لما تجي نهايه الاخبار ويقول سبأ : "بيان من وزارة الداخلية" ( إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الْأَرْضِ فَسَاداً أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلافٍ أَوْ يُنْفَوْا مِنَ الْأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الْآخِرَةِ عَذَابٌ عَظِيمٌ ) اقدم المدعو فلان بن فلان ال فلان الفلاني سعودي الجنسيه على قتل المدعو فلان فلاني باكستاني الجنسيه وذلك بضربه ضربتاً قاتله في عنقه اردته قتيلاً وبفضل من الله تعالى تم القاء القبض عليه وبإحالته إلى المحكمة العامة صدر بحقه صك شرعي يقضي بثبوت ما نسب إليه شرعاً والحكم عليه بالقتل تعزيراً ووزارة الداخلية إذ تعلن عن ذلك لتؤكد للجميع حرص حكومة خادم الحرمين الشريفين حفظه الله على استتباب الأمن وتحقيق العدل وتنفيذ أحكام الله في كل من يتعدى على الآمنين ويسفك دماءهم وتحذر في الوقت نفسه كل من تسول له نفسه الإقدام على مثل ذلك بأن العقاب الشرعي سيكون مصيره، والله الهادي إلى سواء السبيل اجلس بعدها اسبوع ماانام هههههههههههههه هذي صور لمذيعين السعوديه الافاضل .. واكيد مستحيل ننساهم :  ماجد الشبل  غالب كامل  المرحوم عوني كنانه  سليمان العيسى  جميل سمان  منصور الخضيري  مزيد السبيعي  سليمان العيدي  عبدالله حمزة  عبدالله الشهري  خالد اليوسف  سعود الجهني  سعيد اليامي  احمد الحميد  سعيد الزهراني  محمد خيري  حامد الغامدي  سليمان السالم  جاسم العثمان  المعلق الرياضي علي داوود سلوى شاكر ---------------- كانت الاخبار زمان كلها استقبل وودع وتقعد اربع ساعات تشوف جمع غفير من الناس وطوابير تسلم على سموه وطول الوقت وموسيقى موزارت وبيتهوفن شغاله على هالمنظر ,, بس تدرون ؟؟ ليت الاخبار ما عاد نشوف فيها الا استقبل وودع ارحم على قلوبنا بكثييير من مناظر التفجير والقتل الي يحصد المئات شهريا كنا نشوف كل شي يبثه التلفزيون من برامج حتى برنامج المرحوم الفيلسوف الدكتور مصطفى محمود ( العلم والايمان ) رغم كوننا اطفال  ونتعجب معه كل ماقال كلمه ( سبحان الله ) على مشهد نمله مثلا او حشره تصرفت بطريقه فيها اثبات لقدرات الله عزوجل ,, فيه حركه كان يسويها التلفزيون ياليتها ترجع .. وهي ( نتوقف لاداء الصلاه )  ليت التلفزيون يرجع يسويها اتذكر يوم كنت صغيره حتى قبل دخولي الابتدائي اكره المصارعه كره الموت ( ابو صدز كيف الحال ) بس اجلس اتابعها مع ابوي لاني احب اجلس معاه واحب اشوفه لما يتحمس ولما يضحك عليهم ولما يعيد بعض كلمات المبدع المعلق ابراهيم الراشد رحمة الله عليه عاد مصارعين زمان ماكانت اجسامهم رياضيه كانوا خياش رز تحاذف يمين ويسار ههههههههه وكله كوم والمصارع اندريه العملاق كوم , كان بني ادم طابقين من طوله الي كانت اسبابه مشكله في الجينات ( يعني النمو ماكان يتوقف عنده مثل الناس ) هالعملاق مات عام 1993 بسبب تعلقه الشديد بأبوه وحزنه على وفاته سبب له ازمه قلبيه ومات بد وفاة ابوه بيوم واحد بس من ذكرياتي الجميله مع هالتلفزيون السعودي طبعا السنتره على برنامج (منكم واليكم ) حق فضيله الشيخ عبد العزيز المسند رحمة الله عليه  كنت احب اسلوبه وطيبه ملامحه وطريقته في حل المشاكل وبما اني ملقوفه كنت احب اسمع مشاكل خلق الله في هالزمان بالله مين يقدر يحل مشاكلنا المعاصره ؟؟  الكوره ماكان في فيها التعصب المقيت الي نشوفه الحين ,, وكانت القناه الاولى لما تجيب مباراه الله يعينك تحول على القناة الثانيه في الشوط الثاني لان الاولى تبي تبث حفل استقبال سموه اوسباق خيل ولا مدري وش قصتهم طبعا كانت برامج المسابقات مشوّقه وبريئه وكلها حماس مثل برنامج ( تيلي متش ) الالماني  وبرنامج حروف الي يجي برمضان وفوازير رمضان حقت الصغار والكبار مو مثل مسابقات هالوقت كلها يا اسئله تافهه يا الغاز من سنه جدي .. لا و صارت تخصص لها قنوات خاصه وجايبين مذيعات بحلف انهم جايبينهم من اصلاحيه ولا ملجأ ايتام وملبسينهم اي كلام وملقنينهم عده جمل ماتتغير طوول اليوم وقال ايش قال ( اتصل دلوئتي , كسف اتصالك و و و<--- الي فيه خير يسكتهم دقيقه وحده وتقعد تتراقص هالمذيعه وتتمايل بدلع يسد النفس على احدى الاغاني الهابطه الي يحطها المعّد وغالبا تكون اغاني شعبيه يا لحكيم ولا ابوالليف وماادراك ما ابوالليف شوفوا هالكلمات حقة اغنيته الي ضربت في السوق وبتعرفونه : واخر اليوم تلاقي الكل في انتظار ابو اماني ههههههههه حسن كراني  ولا عبدالطيف العيوني الله يرحمه  ياعالم ابي افهم للحين هالمناطق موجوده ولا هي من اختراع التلفزيون !! عبيله !! شواله !! ثادق !! المحمل .. سبت العلايا << مالهم حس ابد هالمناطق ماكنا نسمع عنهم الا بالنشره الجويه .. كانت زمان العايله بكل دفئ تجتمع على تلفزيون واحد .. الاب والام والعيال والجد والجده الان اصبحت العائله للاسف اذا اجتمعت تجتمع على هالمنظر : الان الناس اصبح عندهم في كل غرفه تلفزيون وفي كل ايد لاب توب او ايباد وفي كل ايد موبايل مزعج يخترق هدوء حياتك مثل البلاك بيري ولا الايفون والتلفزيون صار فيه اكثر من 8000 قناة وماعاد صرنا نعرف نتابع شي راقي ومتوازن .. كل قناة صار لها تخصص اعلامي .. يا قنوات اخبار وسياسه في سياسه الين يصدع راسك من كثر المشاكل ولا قنوات دراما ومسلسلات وتقعد تتابع الين تفهي وتنقطع عن العالم واخباره ولا قنوات رياضيه ماتخلي خبر ولا تغطيه ولاتحليل الا وتفصفصه لك وتوديك مع اللاعبين اليييين غرفه تبديل الملابس ( في دوره الخليق الي فاتت بعد فوز السعوديه على قطر شفت قناة الخشبيه مسويه تغطيه مدري وش اقول بس !! المراسل ماخلا بني ادم في غرفه تبديل الملابس ماسوى لقاء معه , اي احد في طريقه يلقطه وهو ماشي لدرجه انه سوا لقاء مع واحد كان يكلم تلفون وهذاك سكر في وجه الي معه بالتلفون وقام يوزع ابتسامات عريضه للكاميرا ! والكاميرا كانت تدور في جميع اركان الغرفه من زود الوناسه الي عند المصور تخيلوا صور احد اللاعبين وهو يلبس سرواله واللاعب تبققت عيونه وقام يقول : هيييييييييييييييييي انت !!!؟ ) ايضا فيه القنوات الكوميديه البحته الي على هالترف الكوميدي ليتنا نضحك من قلب على مايقدم فيها ,, وقنوات الاطفال حدث ولا حرج .. نكلوديون وسبيس تون وmbc3 و المصايب المشفره مثل كارتون نيتوورك وبوميرنج وديزني الي لا ليلهم ليل ولا نهارهم نهار !! 24 ساعه بلا توقف من هالرسوم الغبيه الي ماتعرف وجهها من قفاها كلها تفاهات وفيه اشياء قذره تقدم للطفل ماينتبه لخطورتها الشخص البالغ الا اذا كان حذق و يتابع هالقنوات بأستمرار ماراح انسى قنوات الاغاني هذا اذا لسه فيه شي اسمه اغاني اصلا .. هالقنوات مالها اسم يناسب محتواها غير : كباريه الشعب العربي  والامر المضحك المبكي هو قنوات SMS حرام حررررام هالوقت الي يضيع على تفاهه وغباء واستعباط المشاهد العربي ,, مسجات تمشي ليل ونهار وفلوس ضايعه في الهواء ومكسب لحرامية التلفزيون و ... بس بس خلوني ساكته بديت اعصب من جد ممممممم مازال في جعبتي الكثير من الذكريات لم اتطرق لها هنا ,, احتمال كبير يكون فيه جزء ثاني للموضوع والان حبيت اقولكم ,, الي ماعاش وماشاف الارياال ولا التلفزيون الي يطقق ولا سمع نغمة ( تششششششششش ) معناتها ماشاف شي <-- بالله
|
|
#3
03-04-11, 12:29 PM
|
||||
|
||||
|
الماء والخضره والوجه الحسن لصار مسيار
قصيدة الماء والخضرة والوجه الحسن أمس العصر شفتك على بوابة الماضي المجيد ترسم ملامح فوضوية شاعر وروح وبدن! وحدك وفيك من الثلاث اللي تمناها السعيد الماء والخضره وثالثها انت يا الوجه الحسن لو قلت لك مشتاق لك ما جبت لي شيءٍ جديد ولو قلت لك ما اشتقت لك ( كل المشاعر ذي لمن؟) بغداد لو تنكر ملامح وجه هارون الرشيد في وجهها باقي من اثاره مية قصر وحصن يا اللي غديت ابعد قريب وكنت لي اقرب بعيد صدقني اني رغم كل اللي حصل ما كنت أظن! انك تكون اكبر من الحرمان في وجه الشريد وابخل علي من الفرح واقسى علي من الزمن! شفتك وموج الذكريات اغرى مجاديف القصيد وابحرت ادور فيك عن منفى وضيعت الوطن المشكل اني كل ما غامرت والغبه تزيد وان الوطن ماهو وطن لا زال والمنفى سجن ابحرت بك من شاطي الشريان لاعماق الوريد وابحرت بي في غبة النسيان واحرقت السفن والهجر في عينك رساله والنظر ساعي بريد والرمز والعنوان في ظرفين من رمش وجفن ما فيه داعي للكلام العين قالت ما تريد والصمت خير من الكلام اللي بلا سعر وثمن وحيد جيت من العدم واغادر الدنيا وحيد حتى لو احبابي كثير نهايتي قبر وكفن يا رب انا عبدك وابن عبدك مثل باقي العبيد خلقت لي عقل ولسان وقلب يشتاق ويحن والقلب من مضغه خلقته ما خلقته من حديد يشعر ويتكلم ويتالم ويلتاع ويئن
|
|
#4
03-04-11, 11:40 PM
|
||||
|
||||
|
الي افتقده بالتلفزيون هو .. التششششششششششش وما انسي برنامج " الدائره المستقيمه " للدكتور عبدالله النفيسي شنو كان ممل .. بس كنت اضطر اقعد انا واخواني نتابعه علشان ناطرين وراه الفيلم العربي ..
|
|
#8
04-04-11, 07:37 AM
|
||||
|
||||
|
وش عندك يالفراعنه على تذكر الماضي
 بس من جد عصفت بي لوراء .. خاصه صور الموذيعين .. محمد حمزه وغالب كامل كانت اصواتهم مميزه . اصابع الزمن كنت انا بالأبتدائي .. بس راسخه بدماغي هو وولده الصغير الحمص. كلهم بكوم ومرسول الحب بكوم .. كنت اشبهه على منى واصف 
|
|
#9
04-04-11, 08:15 AM
|
||||
|
||||
|
كني شايفه هالموضوع في عالم حوااااااااااااء
 والاخت الي منزله الموضوع شرقااااااااااويه بعد مين الي شال الموزوع من التاني 
|
|
#10
04-04-11, 08:15 AM
|
||||
|
||||
|
الله الله على أيام زمان أريلنا إلى الآن معلق في الجبل
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
