العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
الاتفاقية: شكو ماكو.. قوطيّة لو بزّونة.. نسخ بالفارسي لأن تره الجماعة أكثرهم عجم ...
الاتفاقية: شكو ماكو.. قوطيّة لو بزّونة.. نسخ بالفارسي لأن تره الجماعة أكثرهم عجم وما يفهمون عربي.! 2008-12-05 :: بقلم: سيبندي - وكالة تعتب :: أعتقد ما كو أصعب من النص العربي للاتفاقية الأمنية على فهم أعضاء برلمان العام السام في المنطقة الخضراء. خو النصّ الإنجليزي مستحيل عليهم. زين بالله هل يمكن أن يتقرّر مصير بلد عظيم مثل العراق بيد جوقة من الجهلة لأن واحدهم يقبض نص مليون دولار حتى يوّقع؟ بعد عليش قاري الاتفاقية؟ وهو شراح يفهم من الاتفاقية؟ – إلا إذا موزعين عليهم نسخة بالفارسي! لأن لا تنسون تره الجماعة أكثرهم عجم لهذا تشوفهم بكفتيريا البرلمان يحجون بالعجمي أكثر من العربي. زين مواد الاتفاقية ناقشوها عباقرة الحكومة لمدة سنة ولا واحد منهم افتهم شي بيها... وحتى يسوون نفسهم يفتهمون كل يوم رافضين نقطة... واللصوص الأمريكان يكلولهم روحوا بدلوا النص العربي مثل ما تردون... واحنه نفهم ما كتبنا بالإنجليزي ومتأكدين انتو ما تفتهمون حتى المكتوب بالعربي... وثانكيو فيري موتش مستر مالكي أند مستر هاكيم. وتشوف ثولان البرلمان مسوين نفسهم ديقرون الاتفاقية ويناقشوها... ولا جمالة قراية أولى وقراية ثانية... وبالحقيقة واحدهم ما يفتهم أي شي غير القرايات واللطم... وعبالة هاي قرايات الاتفاقية مثل العزايات.. المهم أمنّا بالله... قروا الاتفاقية بالعربي ويبيّن افتهموها بسرعة شديدة وقرروا أنها مفيدة للعراق وأمريكا... وقبضوا الدولارات... طبعاً ميهمهم إذا طلعت بعدين متفيد العراق بس تفيد أمريكا... مو مشكلة عدهم... وافقوا ورفعوا الاتفاقية لمجلس الرئاسة... هلو عيني... شلون مجلس مال ذيابة واحدهم ياكلك وانت واكف.! طبعاً جلال ميدير بال لأن يكول ما أنطوني نسخة بالكردي.. بس طويرق وعبد يقرون عربي وانجليزي..! يمكن... لذلك بيومين قروها وصادقوا عليها وقبضوا فلوسهم.. وأبوكم ... والعراق وشعب العراق ونفط وغاز العراق وتراب العراق الله يرحمهم... باي باي إراك...!
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |