العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
@ شاركوني الموقف حصل لي مع سبق الاصرار والترصد @
السلام عليكم ورحمته وبركاته
هلا بكل من انار هذه الصفحه أسعد الله اوقاتكم بكل خير حصل لي موقف اليوم جميل وظريف ومحزن في نفس الوقت عندما صليت اليوم الفجر في المسجد ولله الحمد وبعد انتهى الصلاة يوم جيت اطلع ولا هذا ابو جيراننا الله يطول بعمره يمسك ايدي قال الفزعه قلت سم وابشر وش تبي بس قال العيال مسافرين ولا به احد والجمس الملكي 82م خربان واخيتي تبي من غرض لازم اوديه له وحنا واقفين بالباب قلت سم ركبت وشغلت السيارة وراح ابو الجيران يجيب الغرض قلت بنفسي وش الغرض اللي من فجر الله المهم جاء ابو الجيران وركب قلت من وين نروح قال لف منا منا قلت وين اختك يابن الحلال اعرف الديره قال بالشماسيه عن بيتنا تجي 45 كيلو او تزود شوي قلت مابه فايده وانا ادوس للسيارة قبل تطلع الشمس لكن الرجال يقول وراك عجل ارفق لا تهلكنا صرت اهدي شوي وادوس والرجال يسولف لين وصلنا بعد جهد جهيد قال تفضل قلت عجل الله يسلمك طق الرجال ودخل قلت وين اللي وحنا بالباب اروح اخليه عند اخته والا وش اسوي الا دقيق وهذا رجال ثاني يسلم ويلزم بالقهوه قلت مستعجل وين ابو فلان نبي نمشي قال اها بس ادخل والله مايقضى هرجه الا الظهر دخلت ضاق صدري زود وانا حول اصيح من القهر تقهويت وشربت شاهي زنجبيل والحمد لله يوم قال هاه نمشي قلت يالله وانا اجي على كفرين لا تصقعنا الشمس السؤال المطروح ليه ماقال لي بالشماسيه من اول يعني حركات جديده حتى الشيبان الله يخليهم لنا صارو يتلاعبون بنا ومع ذالك ياحبيلهم عطوني رايكم ترى كان فيني نوم لأني مانمت اصلاً والحين طار >> كيفن الطقاقات
|
#2
|
||||
|
||||
هههههههههههـ
وحليلك يالمـرح والله أنك شهم ... أمـا كذا والا بلاش أهم شي شربت شاهي على قولة جدي شربـة ماتنلقى فجهنـم والشي الاهم خذيت الاجــــر .. ماقصرت ياولد العرب لكـ فائق الاحتـرام
|
#3
|
||||
|
||||
ايه والله على طاري الشياب
أيام الاختبارات النهائية رجعت من الجامعة للبيت ....وطبعا بيتي قريب جدا من مجمع مدارس بنات حكومي المهم يوم لفيت من عند المدرسة بالسيارة رايح البيت وكان ماشي قدامي شايب معاه جيب 87م بني المهم وحنا باللفة إلا الجيب وصاحبنا اللي حاط الشماغ من ورا أذنيه وقف فجأة <<<==الحمدلله قدرت أوقف بعد فجعة محترمة المصيبة الشايب يعشق ريوس وأنا أشوف لمبة الريوس والرجال مدحدر علي أحاول أهرب للخلف وراي سيارة لااااصقة أدق بوري للشايب ولا كأني موجود ماوقف إلا بعد مالصق شبك السيارة في الرديتر <<<===بالعربي بعد ما عدم وجاب خبر سيارتي وأقسم بالله إني يوم نزلت أشوف الصدمة في سيارتي نزل يصااااااااااااااااااااااااااااااارخ ويقول انت أعمى ماتشوف بالله وش أسوي بالآدمي ذا؟؟؟ على الأقل إنت يالدب المرح أكلت مشوار ورجعت بيتكم طيب لكن أنا وش ذنبي يصير فيني كذا ؟؟؟ لاويصارخ ويقول عساك بالعمى أعوذ بالله<<<===عصب مع إن القصة قديمة
|
#4
|
||||
|
||||
هههههههههههههههـ
شر البليــة مايضحك عيل طاش ماطاش ماكذب يوم جاب طاريهم انا احسب مبالغـــة وحليلك ياراقــي .... ماخبرتنـا انت شو ردة فعلك وياهـ أنزين اكيد جات الشرطة شو صــار <<< متحمسة بقووووووووة
|
#5
|
||||
|
||||
ههههههههه المرح ياحبي لذا الشايب
يبن الحلال عند الله مايضيع شي وتلقى الشايب دعا لك بعد مارجعته خلاص تكفي دعوته الطيبة ودمت نصيرا للشياب ومعينا لهم ....
|
#6
|
||||
|
||||
ونعم بولد العم الرشيق
ليته وداك شروره عشان تاكل ضب
|
#7
|
|||||||||||||||||||||||||
|
|||||||||||||||||||||||||
الله يكتب الاجر لكن اعجبني الاسلوب من الشايب ياحليله اجل يقول وحنا على الباب قلت اكيد المشور عشر دقايق ومن اول ماركب رح يمين يسار قلت لا بنفس الحاره طلع ذكي ابو جيراننا الله يخليه لعياله واستغرب يوم خميس وصاحين بعد الصلاة مافيهم نوم والله قمه في النشاط وشاهي زنجبيل في الحر يعني قمه في كل شي شكراً لك هونتي على مصيبتي في هذا المشاركه الرائعه
|
#8
|
||||
|
||||
تستاهل والله أحسن كذا الطيب بالأخير يأكل عنب اقول لك يادوووب وسع صدرك بروووح للعشاء تجي معنا إذا ماتبي كيفك أنت الخسران انتظر للفجر راقي من حقك تزعل عني والله هذي القصة تأتش ياريتها على الشياب وبس حتى الشباب صارت لي قصه مع شاب ضايع ما فيه وقت أقولها ســـلااام
|
#9
|
||||
|
||||
هههههههههههههههههههههههههه
بيني وبينك بعذره اكيد ماسوى هالحركه الا هو متعقد بس يعطييك العااااافيه ماقصرررت خيوووو ........... بنت اللمبه !!! ذا انتي ولا انا اتوهـــم ???
|
#10
|
||||
|
||||
مكرره زيادة ضبط
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |