العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
صباح الخير ياحزني الشاعر طلال معيض
اشوف الفجر تتبعثر خيوطـه والسمـا يرميـه= واشوفه يسرق نجـوم عيونـي لاهيـه فيهـا= صباحاته مسى جرح وعذاب وغربـة بالتيـه= صبـاح الخيـر ياهمـي مـن اولهـا لتاليهـا= باسولف عن ضنا البارح وابروي ماحصلي فيه= لعل الدمـع مايسبـق كلامـي قبـل لارويهـا= انا اللي قصته قصه وانا اللـي حظـه معنيـه= انا اكثر شخص هالدنيا تجـرع مـن بلاويهـا= انا اللي ضيقتي ضيقه واناللـي همـه يسليـه= انا اللي مالقيت اصدق مـن الدمعـه لراعيهـا= يقولون العرب صبرك وانا صبري تعبت ارجيه= الين الصبر طولها معـاي ورحـت انـا فيهـا= يقولون العرب طول الصبر مع صاحبه ينجيـه= لقيت ان العرب احيان تخطـي فـي معانيهـا= واباثبت للعرب اني صبرت وطال صبري ايـه= وابثبت للعرب انـه طويـل الصبـر يعميهـا= بداية قصتي كانت وانـا طفـل يعـض يديـه= عشق لـه طفلـة كانـت تعـده مـن امانيهـا= ليامنه زعل محـد سواهـا لازعـل يرضيـه= وهي لامن بكت جاها مثل مارضتـه يرضيهـا= ذخرها حلمه الباكـر ولاحـد غيرهـا يعنيـه= يفز الطفـل مـن نومـه لياحـس بخطاويهـا= اذا غابـت عنـه لحظـه بكاهـا زي ماتبكيـه= وكانـت اكبـر همومـه لياغابـت يلاقيـهـا= كثر ماعـز هاالطفلـه يقـوم لربـه ويدعيـه= طلبتـك كـل ماضاقـت بهاالدنيـا تسليـهـا= تمنى تكبر الطفله وتكبـر فـي نظـر عينيـه= خذا عهدا علـى نفسـه يمـوت ولا يجافيهـا= ودار الوقـت والدنيـا لنـا تظهـر بماتخفيـه= ولا احـد يعلـم الاقـدار غيـر الله بخافيهـا= هنا القصة بدت تكبر هنا حزن او اسى بوجيـه= هنا مات الامل في قلب طفـل كـان هاويهـا= بعـد ماكبـرو الطفليـن كـل فيـه مايكفيـه= وكـل علتـه علـه ولابـه مــن يداويـهـا= هنا صار الطفل رجال تلقـى سبحتـه بيديـه= هنا دلاله على اوجاره هنـاك النـار ضاويهـا= هنا مات الامل عنـده بعـد ماشـاف مايشقيـه= وكانت صدمته صدمه لهيـب النـار صاليهـا= بعـد ماكانـت الطفلـه ليامنـه مشـى تتليـه= صدفه البارحه صدفـه مـع الرجـال يتليهـا= وكانت صدمته اكبـر بعـد ماشافهـا تعطيـه= مرايتهـا عبايتهـا وشنطتـهـا بـمـا فيـهـا= هنا الدمعه بدت تذرف ولابـه عيـب مايبكيـه= لانه مالقـى اصـدق مـن الدمعـه لراعيهـا= واذا ان العرب قالو اذا طـال الصبـر ينجيـه= هنا اثبت للعرب احيان طول الصبـر يعميهـا= وهذي قصتي كانـت عـذاب وغربـة بالتيـه= صبـاح الخيـر ياهمـي مـن اولهـا لتاليهـا= طلال بن معيض
|
#2
|
||||||||||||||||||||||||||||||||||||||||
|
||||||||||||||||||||||||||||||||||||||||
صح لسانك ياطلال
حزن وفراق وغبينه على قولت القايل ملاحظه بسيييييطه يالحبيب البيت هذا الله يسلمك
تكرار كلمة زعل مع وجود كم زاخر في اللغه العربيه من الكلمات ألتي تؤدي نفس الغرض عاب البيت نوعا ما
بارك الله فيك
|
#3
|
||||
|
||||
ياألم هالقصيد...
كل بيت يحمل اكبر معاني الاسى.. نظم سردي حيل راق لنا.. ابيات متسلسه لايجيدها سواك شاعرنا طلال... ماقول الا صح لسانك يااخوي. لاعدمنا منك هالابداع ولاعدمناك..
|
#4
|
||||
|
||||
صح لسانك ملايين
شاعرنا طلال معيض بدعت وابدعت ثم اجدت وتميزت في نظم هذه الباذخة تسلم كلك ولاهنت طال عمرك
|
#5
|
||||
|
||||
السلميان هذا ليس تكرار لتصحيح معلوماتك التكرا ر عندما تتكر كلمات في الابيات في مواضع وانما هذا الذي تقول للتاكيد شكرا على مرروك
|
#6
|
||||
|
||||
الغامضه لك اجزل تحياتي
|
#7
|
||||
|
||||
فهد بن زيد الله لايهينك على كلامك شكرا لك
|
#8
|
|||||||||||||||||||||||||
|
|||||||||||||||||||||||||
والله يابو معيض المسأله ونا أخوك مسألة رأي وليست مسألة فرض . فأنا لا أفرض رأيي على الناس. فالأمر ألأول وألأخير لك فهذه قصيدتك .. وهذا رأيي وافر التحيايا يالحبيب
|
#9
|
||||
|
||||
اكيد عشان كذا وضحت لك وانت استاذي
فليس عيبا ان يصحح الطالب لاستاذه لتكون نقطة انطلاق للاستاذ تحياتي
|
#10
|
||||
|
||||
بعـد ماكانـت الطفلـه ليامنـه مشـى تتليـه= صدفه البارحه صدفـه مـع الرجـال يتليهـا= وكانت صدمته اكبـر بعـد ماشافهـا تعطيـه= مرايتهـا عبايتهـا وشنطتـهـا بـمـا فيـهـا= أي ألم في هالابيات أي صورة حقيقيه رسمتها أنت رائع مبدع فنان ... ولاتفي ما صغته يا شعر صح لسانك ياطلال , وبداية متفجره .. لاتبخل علينا وانا اخوك
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |