|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
11-08-04, 04:42 AM
|
||||
|
||||
تخيلوا البنات يخطبون الأولاد!!! قديم شوي ؟؟
يعني تتفاجأ في يوم وانت قاعد تقرا كتاب رومانسي وأنواع الأحلام
الورديه (يااي) و سرحان في فارسة احلامك .. الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع ... ترد انت بكل خوف : خير يمه ؟ .... تقول امك: ترى جارتنا ام خالد تبي تخطبك لبنتها. و انت ماشالله كبرت و احلويت وكلن يبيك. ها وش رايك؟ .... ثم تنزل انت راسك في الارض و تلعب باصبعك في شعرك (او شنبك) و ترد و انت مستحي و خدودك حمرة (هذا اذا كنت محلق اللحية) و تقول: .... الراي رايك والشور شورك يايمه.. تقول امك: انا بصراحة ما اشوف في البنت شي ... ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت .. ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها ... تقول انت : بس يا يمه هي ما شافتني من اول. انا دايما متلطم بشماغي (والله عيب بس بكمل) تقول امك: هي شافتك و انت نازل من باص المدرسة (الله واكبر يالروز رايز)... بس .. و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه . (والله فشيلة بس بكمل) و تراها هي و امها جايين يوم الخميس علشان يشوفونك.. تسال انت: طيب يا يمه ابوي وش رايه ؟ تقول امك: ابوك ما يدري خليه حايس في المطبخ الله يعينه.. تقول انت : إلا تشوفينه يمه .. و تطلع امك من الغرفة وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع ( ياعمري ) و تقول : اه اخيرا حسَت و خطبتني. ( لا لا لا والله ما يصير بس بكمل) و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (هاي لايت) و تزين حواجبك و تطلع زي فلقة القمر وتجي البيت و تلبس الثوب اللي فصلته عند المصمم ( عبده شولق ) لثياب الاعراس و الحفلات و ذاك المكياج وذاك العطر اللي يشق الخشم و تنزل للصالة ويقولك ابوك : يالله دخل العصير على خطيبتك ترى امك ذبحتنا تسال عنك تقول انت بكل خجل: واي واي يا يبه انا استحي ابوك يقولك وهو يطق على كتفك و يضحك يا ولد روح لعروسك إهئ إهئ تقول انت: يا يبه دايما تحرجني انت واي واي و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم(صاير حكيم على غفلة) ترد هي بعد ما وقفت و عليكم السلام ( و هي تناظر فيك و في كل قطعة فيك) و تقولها تفضلي.... تقول هي: وش الاحلى العصير الاحمر و لا الاصفر ؟ بزعمها تبي تلطف الجو معك ... تتلصق. تقول انت: كله حلو تقول هي: اكيد كله حلو لانك انت اللي مسويه ثم تحط الصينية بسرعة و يدك على فمك و تضحك و تروح داخل بسرعة ياربييييييييييييييه الا اخوانك يستنونك و يقولون: ها وشلون شكلها تقول انت: واي واي تهبل تهبل حلوة و دمها خفيف و ذوق اهههههااي الا ابوك من المطبخ يلولش (يزغرط بالمصري) لللللللوووولللللوووووشششششششش مبروك يا ولدي الا بدخلة اختك العربجية من بره و حاطه عبايتها على كتفها و تقول : خير وش فيه !! يقوله ابوك : قصري صوتك في وحده داخل خطبت اخوك .. تقول اختك: وهي وين شافت اخوي علشان تخطبه هاه ؟؟؟؟ و تعطيك كف و تصرخ و الله لالعن شكلها اللي جايه تخطب اخوي شباب آخر زمن والله وصرتم يابنات تقولونها الا بدخلة امك و تسطر اختك كف و تطلع اختك بالسيارة و تفحط و تروح للاستراحة البنات ... تخيلوا عاد و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الشاطئ للرجال و طبعا مافيه وشوي الا العفسة قايمة : ترى العروس جايه و ينطون الرجال و الشباب كلن يلبس شماغه و يتلطم .. و تدخل العروس مع امها و خواتها و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر ثم تلف وجهك وانت مستحي و يتم الزواج و تجيب توأم و تاخذها زوجتك فرصة و تسافر مع البنات و يهيصون و بعد سنتين ترجع لبيتك تربي عيالك و تطبخ الغدا لزوجتك و تتخانقون ساعات ويزيد حدة الخلاف و تاخذ شماغك و عيالك و تروح لبيت اهلك و تصلح امك ما بينكم و ترجع الحياة مثل اول.. هههههههههههههههههههههههههههههههههههههههههههههههههه هههههههه
|
|
#2
11-08-04, 04:50 AM
|
||||
|
||||
|
احم .. احم
تراي داخله من زمااااااااااان بس توي اذكر الموضوع المفروض يتثبت  يالله بروح انااااااااااام الساعة الان 4:50 بتوقيت ساعتي تصبحون على خير .................... برايفت تو زهرة روحي نامي لاتخافين المنتدى مهب منسرق 
|
|
#3
11-08-04, 04:59 AM
|
||||
|
||||
|
يؤ
نعتذر عن هذا الخلل الفني  <<فاتحه صفحتين بترد وعكست <<الحين بترد على موضوع كسيره ........................................ يعطييييييييك العافيه احلى شي اذا راح لبيت اهله
|
|
#4
11-08-04, 04:27 PM
|
||||
|
||||
|
قصصصصصصصصصصصصصم بالله فشيله  الله يعينن لاجت بتخطبن ياااااااااااااااااي بيصر شنبي يرقل من الوناسه لاوسيقاني السود ماراح تشيلن  تحتوحاتي
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| فضيحة مدوية لمسئول كبير في تعليم البنات ( وثائق وصور ) | سعودية وطنية | ملتقى الحوار الفكري المفتوح | 32 | 15-09-06 01:32 PM |
| تعالو شوفو الفرق بين كمبيوتر البنات وكمبيوتر الأولاد اهداء مني لفراشي ههههههه | جروحي تنزف أحزاني | منتدى السواليف وتوسعة الصدر | 94 | 02-03-05 03:48 PM |
| المفضلات عند الشباب والبنات | جنـــــــــــان | منتدى السواليف وتوسعة الصدر | 5 | 16-08-04 02:40 AM |
| راديو قصيمي نت | مطبخ قصيمي نت | قصص قصيمي نت | العاب قصيمي نت |
.
006600
العرض العادي
