العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
الملل بسبب الروتين اليومى والفراغ ويؤدى لضيقة الصدر
السلام عليكم
الملل بسبب الروتين اليومى والفراغ ويؤدى الى ضيقة الصدر قبل الدخول فى الماضوع نود ان نذكر لكم هذه القصه مجموعه من الشباب يعملون فى احد القطاعات الحكوميه وكان معهم زميل لهم وهو رجل انتصف عمره دايم التأفف وتحس ان الدنيا فى نظره مثل خرم الابره فقالوله الشباب يابو فلان وش فيك دايم متضايق ... اضحك للدنيا تضحكلك قال ياناس انا مليت من الروتين اليومى واحس بضيقه بصدرى كل يوم اقعد الصباح اروح الدوام ارجع للبيت الظهر تستقبلنى نفس المرأه من عشرين عام << يقصد زوجته اتغدا واقيل شوى ثم اصحى واقابل وجه المره الى ان يأتى المساء اتعشى ثم انام واقعد الصبح واروح الدوام وعلى هالموال قالوله طيب غير روتينك اليومى قال وشلون اغيره قالو بالبدايه لازم تغير روتينك مع زوجتك ... عشان يتجدد حبكم ولا تحس فى ملل منها قال وشلون قالوا خلها تسويلك الستريبتيز الرجال اول ماوصل البيت بعد خروجه من العمل قال لزوجته ترى الليله ابيتس تسوين ستريبتيز قالت ابشر وكانت زوجته قد ارتسمت على وجهها عوامل الزمن وايضا من اصحاب الاوزان الثقيله يوم صار الليل ليلين وبدأت الحفله الصاخبه .. والا الرجل يحس البيت بدأ يرتج وكأن دبابه عبرت الشارع المقابل له وبدأ يلتفت ليعرف مصدر هذا الارتجاج وسرعان ماعرف انه بسبب بداية حفلة الستريبتيز والوزن الثقيل يقول عندما بدأت القطع ترتمى يمنه ويسره فماذا عسانى ان أرى الكرش يرتج من جهه والجنوب بجهة اخرى ودك تغمض عيونك يقول لو انها ذبيحه تعشى عرب يقول انا لاعت كبدى وقلتلها يابنت الحلال خلاص انهى العرض واسترى على نفسك الله يجزاكِ خير يوم رجع للدوام ثانى يوم .. قالوله زملائه بشرنا قال وش ابشركم .. لايصلح العطار ما افسده الدهر فقال له احد الحكماء من زملائه ... يارجل اللى انكسر عمره مايتصلح تزوج زوجه جديده وهى كفيله بتغيير روتينك وتجديد حياتك وازاحة الضيقه اللى تجى حزة عصير المهم القصه السابقه ماهى الا مدخل لموضوعنا الملل بسبب الروتين اليومى والفراغ هناك يا اخوان عدة اسباب تجعل الانسان يشعر بالملل واهم هذه الاسباب هو الروتين اليومى والفراغ الروتين هو الفعل الذى نقوم به من اعمال كل يوم وبنفس الطريقه ونفس الاسلوب وهذا الفعل الذى نفعله كل يوم ونكرره يؤدى الى الملل لذلك يجب على الانسان كسر هذا الروتين اليومى والقيام بأعمال جديده لم يسبق له ان عملها يمكن فى البدايه لايستسيغ القيام باعمال تكون جديده عليه ولكن مع الوقت يتعود وتنكسر حالة الملل اللتى يعيشها وايضا من الاسباب اللتى تؤدى الى الملل هو وقت الفراغ فكثير مننا يملك وقت فراغ كبير ولكنه لايستقله لترفيه عن نفسه فلذلك تجد الكثيرين يشعرون بالغلق والتوتر وعدم الاستقرار النفسى مما يؤدى الى الاحباط وضيقة الصدر والملل من الحياه - كيف تقضى على الروتين اليومى الممل ؟ - كيف تستثمر وقت فراغك ؟ - كيف تقضى على ضيقة الصدر ؟ وتقبلوا شكرى وتقديرى شقيان ..
|
#2
|
||||
|
||||
الروتين وعدم التجديد يجيب الملل
بس أبي أعرف الروتين عندكم كيف !! يعني إذا تأففت وضاق صدرك على طول اتهام للزوجه أكيد بعد الزوجه ضايق خلقها مثلك ويمكن أكثر الواحد مايفكر أن ضيقه الصدر أكبر اسبابها البعد عن الله وتراكم الذنوب يراجع نفسه أولا بعدين بالمحيط حوله ويقضي على روتينه بذكر الله ومافيه مانع تغيير الروتين بين فتره وأخرى بشئ لا يغضب الله سبحانه الوسائل كثيره ..
|
#3
|
||||
|
||||
وعليكم السلام والرحمة الحمدلله مايمر علي الطفش هذا إلا تذكرونه أستغرب من إلا دايم يقول طفشانــ/ــة ! ربما التغيير من الروتين اليومي الممل يكون حل مفيد طلعات مفاجئة .. زيارات .. سفر ..! وأحسن حل للطفش والضيقة .......... رحلة بحرية .. هنيالكم ياأهل السواحل الشرقية والغربية ..
|
#4
|
||||
|
||||
شقيان....
أجل ستريبتز ...معتوه هو وكسر روتينه ..ولف ودوران عشان يجي طاري زواج الثانيه ....بجد نفسي أقرا لك موضوع ماللمرأه دخل فيه ..فهي المذنبه دائماً .. وهو الشيخ ..ليش مايغير الروتين ..لأن هالشئ بيد الرجل أكثر من المرأه ..هي أكثر حاجه لكسر الروتين كونها في البيت أكثر تواجد من الرجل .. لوتتعاون المرأه والرجل ..بأن تتجدد في بيتها في نفسها تغيير الجلسه في البيت من مكان للثاني ..وهو برضه يجهز كم مشوار في الشهر لعيونها ...شاليه ...سفره خفيفه ..عشاءفاخر .. شوبنق ..خاص لهم ... يتعاون الاثنين ..في لياليهم الخاصه ..فكل واحد يبحث عن مايحب الآخر ... بهذا الشكل ..مافيه روتين ..راح يكون فيه اشتياق ورضى من الطرفين ....
|
#5
|
||||
|
||||
في الغالب النفس مجبولة على حب التغيير والملل من التكرار
يعني الروتين اليومي الي بدون أي زيادة أو نقصان هذا بصراحة أشوفه شي قاتل ولابد من التجديد لو بشي بسيط سبحان الله التجديد بحد ذاته يدخل على النفس البهجه حتى لو كان في شي بسيط وتافه .. بشرط ما يكون على حساب أحد ..! لكن ما أؤيد تكرار هالمصطلحات مثل أوف ملل أوف روتين أوف ضيقة صدر ..انت شوف نفسك لما واحد عمّال على بطال يرددها هذا يزهقك في عيشتك ..! لأن الملل الي فيه ينتقل لك مباشرة حتى لو كنت مبسوط .. وفي نفس الوقت أخاف من تكرارها لأن الروتين لو فكرت فيه ترى هو نعمه إذا ما تحولت الأوضاع للأفضل فبقاؤها بحد ذاته يعتبر نعمه .. حتى لو كان ممل ترى مو كل تغيير شرط يكون سعيد ويجدد الحياة يمكن يبهدلها ويكون الي قبلها أفضل منها .. أتذكر مره تعمقت فيها شوي بالتفكير عن كثر ما نكرر كلمة ملل روتين ضيقة صدر وبعدين توصلت إلى أننا بمجرد ما يصيب حياتنا أدنى هزة وتغير من معالمها نتوجد على الي فات الي كنا في يوم نذمه صرنا في لحظات نتمناه ..! لا تشكِ من ملل ولا من روتين ولا من ضيقة صدر ما دمت تملك الصحة .. الصحة هي كل شي .. والي يملكها بإمكانه يجدد حياته كل يوم .. لكن هو فقط سوء التدبير .. ولا من يمنعك يا إنسان من التجديد كل يوم ..؟! وعلى فكرة أنا أشوف أن الجو له تأثير كبير على النفسية ..والدليل أنك أحيانًا تسوي نفس الشي لكن إذا كان الجو جميل تحس أنه خفيف على قلبك وإذا كان حر ولا غبار يكون ثقيل وتمل منه وبما أن أجواءنا نادرًا ما تضبط المفروض أننا ما نستسلم ولا على هالحال بيحوشنا اكتئاب عشان كذا حاول أن تخلق الأجواء الجميلة خلق .. وصدقني راح تقضي على بعض الملل أو كله وبالنسبة للإجابة على أسئلتك أنت بس لا تردد كلمة ملل فراغ ضيقة صدر .. وراح تقضي عليها كلها .. تحياتي لك .. وموضوعك جاء في وقته تمامًا .. لأن الي قلته لك اعتبره درس لي .. الملل يحاول يتسرب وأنا أقاوم ههههههه
|
#6
|
||||
|
||||
- كيف تقضى على الروتين اليومى الممل ؟
- كيف تستثمر وقت فراغك ؟ - كيف تقضى على ضيقة الصدر ؟ بصراحه عجبني الموضوع بالحيل عشان كذا شاركت هالاسأله المطروحه منيب عارفه أجاوب عليها ..فعشان كذا أبي أجوبه مقنعه أروح وأطبقها ياشين الروتين يجيب تكه بالكيد
|
#7
|
||||
|
||||
ابفهم بس وش دخل الحرمه بالروتين انت الرجل
فسر ذرعانك واجمع شتات الاسره ورح مزرعه ولا استراحه ولا سافروا يكفي عمل وجمع قروش بهالحر خوذوا استراحه ولا مزرعه 3ايام وطلعوا كلبوا الملل واكسرو الروتين كسرا مسكينات الحريم كل اللوم والتطنز عليهن والرجال والعيال لاجا الليل اسمرو بهالإستراحات زائد كشتات وسفرات ولاتك خلقه شي بهالحياة لصقه على هالضعيفه اقول خذ سلاش واسكت
|
#8
|
||||
|
||||
بس اذا تزوجتا راح تمل مرتان ثانيه*
أنا اقول تعوذ من إبليس ورح اقرأ القران ابركلك مسكينه الحرمه مظلومه اذا المره صارت شحوم ولحوم هو ما يصير بعد الا يصير ويغدو تقل جني*
|
#9
|
||||
|
||||
السلام عليكم ورحمة الله وبركاته
إخوااااني الأفاااضل والله ثم والله أن الحل صل الخمس بوقتها مع الجماااعة وإن حصل الوتر وسنة الضحى ومااراح والل تضيق بالدنيا لكن حنا مقصرين جدا
|
#10
|
||||
|
||||
ههههههههههههههههه ستربتيز مره وحده وش ذا الشطحه لا ومتينه بعد ههههههههههههه
عز الله ما نصحوه ربعه .. أنا لاحظت ان صاحبكم ربط الملل بزوجته لما قال عشرين سنه نفس المره بوجهي .. مشكلته واضحه تماما والحل بيده مو بيد غيره .. أضحك الله سنك شقيانوهـ ..
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |