العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
ويش الاغراض الي دايما تضيع منكم في البيت
وشلونكم ياهل الترفيهي .. اليوم من زود الحره الي فيني فقدت اعصابي علي الاشياء الي دايما تضيع مني قبل نص ساعه جيت البيت وانا متعشي برا وفالها مبسوط ودخلت ادور شاحني مالقيته عاد هاذا الشاحن هو رقم خمسه الي ضاع مني في هاذا الشهر زمجرت وزعلت وصرت مثل الاسد وين شاحني وكل واحد يقول مادري انادي بصوت عالي علي الشغاله اسمها بنت مدري ماسمعتني انا شكيت فيها انها الي تاخذ شواحني واغراضي من الحره الي فيني طلعت لها فوق السطح غرفتها فوق واجي لهي
تكلم جوال ومطوله علي المسجل وفالها شعرها العجيز هاذي مهيب سهله ويوم شافتني وطفت المسجل وغطت شعرها قلت وين شاحني قالت بابا انا مايعرف وتبي تفتن بينا قالت انا يشوف مع ماما شاحن جديد اصلا هي فتانه اذا جات عند زوجتي قامت تفتن علي تقولها عني اي شي مثلا قمت الصبح بدري وطلعت من البيت راحت تعلم زوجتي هاذا بابا لابس ثوب جديد وغتره ومتعطر وطالع بدري واحيانا تجيني تقول البارح ماما راحت مع عبود للبقاله يجيبون اغراض يعني مثل الي تقول انها ماعلمتك انها بتروح للبقاله المهم خلونا في سالفتنا قلت وين الشاحن انكرت انها ماتعرف شي قعدت افتش في غرفتها واشوف دريشتها ماعليها ستاره ومعلقه ثيابي عليها اجي اشوف ثيابي حصلت لي ثياب يمكن سنتين مالبستها وتوها جديده واصلا ناسيها وكل ماقلت لها عطيني ثوب تجيب لي ثياب قديمه ولما اشوفها اقول الثياب هاذي صارت قديمه واروح افصل لي ثياب جديده وبعدين تخليني فتره عشان انسي الثياب وتحط بدالهم الثياب المعلقه وتحط الجديده علي الدريشه قسم بالله اني شفت اكثر من عشره ثياب معلقه مالبستهم الا فتره بسيطه قلت يابنت مدري يابنت اللذين .... من القهر الي شفته قلت ليش ماتعطيني الثياب هاذي قامت تتكلم انها ماتعرف شي ولا تعرف الثياب قلت يالله نزليها تحت خلي المدام تشوفها بعدها ناديت زوجتي شفتي هالملابس لي سنتين او اكثر مالبستها ومعلقها علي دريشتها ..قامت زوجتي تدافع عنها ويش دراها المسكينه عن ثيابك الجديده هي تغسل وتكوي لك وتعطيك اياها يمكن هي ماتفرق بين االثياب شفتو الحرمه قامت تدافع عن الشغاله ...اي رمضان جاي وعارفه الكرف تبي تسايرها وتدلعها عشان الطبخ في رمضان والغسيل ومنهو علي حسابه علي حسابي انا واغراضي الضايعه ..... ضايع في المحبه تايه وسط غربه ..... لاكن ويش نقول طفت العصبيه والاسد صار ثور يدربي راسه ياخي تعبت كل يومين اشتري طاقيتين وكل ماجي البس تجيب لي الطواقي القديمه المشخله وصغيره يالله تدخل في راسي حتي لونها صاير بني لعنبو بليسها هاذي تلبس طواقيي ولا وين توديها خلونا من الشغاله ومن البيت بسالكم عن الموعاناه ويش الاغراض الي دايما تضيع منكم باستمرار وفي البيت كل واحد يقول سواء اغراض بسيطه او قيمه نترك لكم المايك
|
#2
|
||||
|
||||
رد: ويش الاغراض الي دايما تضيع منكم في البيت
اغلبهم كذا يحتاج لهم متابعة
عادي تحتفظ باللبس لمدة سنوات يعني يسوون لنا سبرايس . مدري وش الاغراض اللي تضيع باستمرار بس يتكرر معي ان الشي اللي ما ابيه احصله قدامي ووقت ما ابيه ما احصله... قريب فقدت خاتم ذهب ومدري وين اختفى ! اذا قرر يرجع اهلاً وسهلاً انا خلاص مابدور على شيء سكري حالي معجب بهذا.
|
#3
|
||||
|
||||
رد: ويش الاغراض الي دايما تضيع منكم في البيت
🤣🤣🤣
متت ضحك الله يسعدك انت وها الخدامة و يخليها لكم برمضان وغيره😅🤭 وش اقول ههههه قصتك تنسي وش كنت بكتب لما دخلت كاجابة على سؤالك بالعنوان🤣🤣 سكري حالي معجب بهذا.
|
#4
|
||||
|
||||
رد: ويش الاغراض الي دايما تضيع منكم في البيت
شخصيا ما اضيع شي
عندي كلشي بمكانه وجني وجنوني احد يضيع لي شي خاص بي واضطر ابحث عنه اكره البحث عن الاشياء الضايعة بصير معمية...قدامي ولا اشوفه! سكري حالي معجب بهذا.
|
#5
|
|||
|
|||
رد: ويش الاغراض الي دايما تضيع منكم في البيت
القسم دايما مايفقد نبضه وبريقه بس اليوم شكله غير (سبرايس ) يعني فيه امل تحصلين الخاتم الذهبي يانبض ... وفعلا الخواتم هي دايما المعرضه للضيااااع . وبهاذي المناسبه اقول كل عام وانتي واهل عمان بالف خير .... تحياتي لك يانبض نبض عُمان معجب بهذا.
|
#6
|
|||||||||||||||||||||||||
|
|||||||||||||||||||||||||
رد: ويش الاغراض الي دايما تضيع منكم في البيت
احسن دعووه يوم تقولين الله يخلي لكم الخدامه ورمضان قريبا علي الابواب وابشرك الحين صرت اكشخ بالثياب الي مالبستها واذل الخدامه اقولها عطيني ثوب الصباح واذا جاء العصر بدلته بثوب ثاني الله يسعدك ياريما وين ماكنتي riiima معجب بهذا.
|
#7
|
|||||||||||||||||||||||||
|
|||||||||||||||||||||||||
رد: ويش الاغراض الي دايما تضيع منكم في البيت
ماشاء الله عليك مورتبه مهوب زينا اول مايصحي من النوم وين شاحني وين سماعاتي وبهاذي المناسبه اقولك ياريما كل عام وانتي واهل المغرب بالف خير وصحه وعافيه riiima معجب بهذا.
|
#8
|
|||||||||||||||||||||||||
|
|||||||||||||||||||||||||
رد: ويش الاغراض الي دايما تضيع منكم في البيت
سبحان الله اليوم حصلت الخاتم شكراً لموضوعك الظاهر قانون الجذب اشتغل وانتم بخير الله يعيننا واياكم على صيامه سكري حالي معجب بهذا.
|
#9
|
|||||||||||||||||||||||||
|
|||||||||||||||||||||||||
رد: ويش الاغراض الي دايما تضيع منكم في البيت
ايوه قانون الجذب شاد حيله الحمدلله انك حصلتيه بس مادري عاد هو بركات الموضوع ولا بركات طلتك علينا وانتي بالف خير وصحه وعافيه يانبض
|
#10
|
|||||||||||||||||||||||||
|
|||||||||||||||||||||||||
رد: ويش الاغراض الي دايما تضيع منكم في البيت
بركة رمضان ... سكري حالي معجب بهذا.
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |