العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
معئــــوله هيــــك عــــــم تزبــــــــــط ..%%%
بسم الله الرحمن الرحيم بالبدايه كل عام وانتم بخير وعسى هالشهر ينعاد عليكم كل سنه يارب ..وانتم بعافيتكم وبين احبابكم احب اطرح موضوع شاغلني صراحه ....وهالموضوع ما اشغلني الا بعد ما حدث لي قصه قبل امس .. طبعا راح اذكر لكم القصه بحذافيرها ..علشان تكونون بالصوره ...وتعطون رايكم وتفيدوني وتفيدون غيري @ لنا جار ...وهالجار انسان جدا رائع مصلي وصوام ..وابناءه وبناته منتهى الادب والاخلاق والعلم .. تزوجت وحده من بناته بأول شهر ثمانيه .......في الحقيقه عزمنا بس ما رحنا لأنه كان عندنا مناسبه تخصنا وتعارض توقيتها مع توقيت دعوة جارنا .. قبل امس عزمنا جارنا لعشاء ...وهالعشاء ضيفه لزوج بنته ....اللي تزوج بشهر ثمانيه وعلشان ابدا بسرد القصه ..راح اعمل نك نيم لكل شخصيه بالقصه على حسب شخصيتها ... جارنا ......ابو صالح العريس ....عباس العروس ...الجازي بالاضافه لمحدثكم ..ظغط عاالي ووالدي الله يخليه لنا ويطول بعمره .. القصه تبدا يوم عزمنا ابو صالح للعشاء ....جاء ابوي وقال روح معي للعشاء ابو صالح جايه نسيبه ومعشيه الليله .... قلت له يا الله توكلنا على الله ..طبعا رحنا مشي لان بيت ابو صالح قريب يمكن رابع بيت جنب بيتنا .. وصلنا لبيت ابو صالح وقلطنا ...المجلس كان فيه مجموعه من الرجال من ربع ابو صالح ومنهم اثنين من الجيران .. سلمنا على الرجال واثناء سلامنا ..وصلنا لشاب يا الله وبالله قام يسلم علينا من هالشحوم المتراكمه عليه ....واندهشنا كثير من تعريف ابو صالح له على انه نسيبه زوج بنته في الحقيقه الرجل يكاد يختفي خشمه من كبر خدوده ....يمتلك ثلاثه بطون الله يشفيه ويعافيه ولا يبتليني ولا يجعلنا من الشامتين فيه ... يعني انسان اقل ما يقال عنه انه مريض بداء السمنه .... للمعلوميه جميع عائله ابو صالح يتمتعون برشاقه ..اقصد هنا الابناء الاربعه ...بالاضافه الى والدهم الله يخليه لهم .. وايضا اعمامهم ..واخوالهم ...ومن هذا المنطلق نستطيع الجزم بأنه ليس هنالك اي شك بأن العروس لديها مشكله بالوزن .... المهم سلمنا وجلسنا وتقهوينا .....وقعدو الرجال يسولفون بالمجلس ....جاء ولد جارنا وقعد جنبي ..وقعدت اسولف انا وياه ...وفي اثناء الحديث قعد يتكلم عن نسيبهم لانه اشار اليه وقال ترا هذا نسيبنا من خلال حديثه عن نسيبه اكتشفت بأنه لم يتوظف ....وابوه هو اللي متكفل بالزواج ومسكنه عنده ..وان والده تاجر في جده ... قلت له ليش ما توظف عباس قال معه شهادة الثانويه ..وابوه عنده خير ...والولد موب بحاجه وظيفه انا يوم سمعت هالكلام ...زلق لساني وقلت يا اخوي يعني ابوه عنده خير ما يتوظف ..صراحه ما قدرت اعديها له ....خصوصا ان الجازي بنت متعلمه ... قال يا اخوي ابوه واعي ومتفتح تحسبه زي ابواننا ما عنده الا الاعتماد على النفس في هالزمن الاغبر ... انا يوم شفت هالكلام من ولد ابو صالح ..سكت وقلت الله يزيده من نعيمه ... المهم قعدنا الين جاء ابو صالح وقال تمو على عشاكم .....قمنا وجلسنا على الصحن وفيه بعض الرجال تأخر وهو يغسل .... طبعا المتعارف عليه ان ما احد يمد يده الا لين يجتمعون الرجال على الصحن ويقول المعزب تعشو الله يحييكم عباس الله يهديه ...ويخليه لبوه مد يده وباقي رجال ما قد جلسو على الصحن ...بعد كذا قال ابو صالح تعشو الله يحييكم على واجب عباس .. الرجال كلهم قالو الله يبقيك ويعافيك ...الا عباس ...كان مشغول بوظع السلطه على الرز .... الرجال كلهم جالسين على ركبه ونص ...طبعا تعرفون الجلسه على صحن العشاء .. الا عباس متربع وماخذ راحته على الاخر ......تعشينا واللي منا بالخير ....وكل واحد من الرجال كف يده عن الصحن وصارو كلهم يناظرون لعباس ..علشان يشكر ويقول لبو صالح كثر الله خيركم ..وبعدها يقومون الرجال قومه وحده ...يغسلون لكن عباس ولا هو واخذ باله ....جاء ابو صالح وقال تعشو يا الربع ..ترا مالكم قافي ...وهذي كلمه يقولها المعزب دايم علشان ما يحصل احراج للي توه ما شبع .... شايب من الجالسين يوم شاف الدعوى سمجت قام وقال كثر الله خيركم ورحم الله والديكم طبعا قامو الرجال كلهم واتجهو للمغاسل .......انا وقفت عند باب المقلط احتري كبار السن يغسلون ... عباس غسل وقضب الباب مدري وين راح وحنا غسلنا ...وجلسنا بالمجلس نتقهوى الشاهي وجاء العود وتبخرنا ....واستاذن الشايب ومشينا .... وحنا ماشين بالطريق دار بيني وبين ابوي الله يطول عمره حديث شيق ....طبعا لا يخلو دائما من بتوجيه الانتقاد لي بشكل عنيف ومباشر اليكم الحوار ابو ظغط >>>>يا ظغط ظغط >>>>>لبيه يا ابوي ابوي >>>>لا عاد اناديك وتقول لبيه ثم البك بالجمع على قحنون الرقبه(الجمع بتشديد الجيم وفتح العين ...هو جعل الاصابع بداخل راحة الكف والشد عليها بأحكام ..والحصول على ما يسمى بالبقس )(قحنون الرقبه هو نهاية العمود الفكري من اعلى الكتفين ) ظغط >>>>افا ليه يا ابوي ابوي >>>>لبيه ذي مدري من وين جتنا ..لا عاد اسمعك تقوله وبس ظغط >>>>هااه وش علمك ابوي >>>>انت شفت نسيب جارنا ابو صالح ظغط >>>>ايه علامه يا ابوي ابوي >>>>الله يعافينا ولا يبتلينا ....هذا مبتلئ ....الله يهدي ابو صالح ظغط |>>>>عاد يا ابوي تراه موب في وظيفه ابوي >>>>انت تقوله صادق .... ظغط >>>>اي والله يقوله لي ولد ابو صالح ابوي >>>>هذا والله النشبه ...وين يبون يودونه ذا ....ساق سملاق لا ينحدي ولا ينساق (مثل قديم جدا ..والمقصود به هنا ..ان ما فيه طب ) عاد انا يوم شفت ابوي يسولف معي ومعطيني وجه ....نسيت نفسي ....وقلت ما تبينا نروح للبقاله ناخذ لنا سفن اب عقب هالعشاء الدسم قال ..الظاهر شوي وتمد يدك لمخباتك وتطلع فلوس وتقول رح جب لنا فصفص وبلوت من البقاله ... قلت حاشا وكلا بس قلت خلنا نتخاوا منها نهضم ومنها تمشي شوي وتنشط شوي ....قال رح امش انت ...انا نشيط اغد لي فيك انت ...اللي لو تمشي كيلو قعدت تقوم وتجلس ...عظامكم يا هالجيل عظام دجاج موب عظام اوادم خربه ابوي الله يهديه ...دايم يعزف لي على الوتر الحساس .... المهم بعد هالسوالف التي لا تخلو من الضرب من تحت الحزام وصلنا البيت ....وطلع الشايب ينام ... ودخلت انا بيت الشعر ....ومن زود الحره اللي في اخذت يد البلايستيشن من اخوي ولعبت مع ولد عمي وهزمتهم كلهم هااك الليله .. السؤال اللي يطرح نفسه وبقوه .. شاب يعاني من السمنه وبدون وظيفه ...ولا هوب يعتمد عليه وهذا واضح جدا من خلال النموذج عباس ... كيف بعض الاسر تزوج بنته ..لشاب مثل هذا ؟ يعني وش الدافع الرئيسي لتزويج بنت متعلمه واسرتها موب محتاجه ...لشاب عنده مشكله ...ومشكله كبيره بعد ؟ تحياتي لكم
|
#2
|
||||
|
||||
وعليكم السلام ورحمة الله وبركاته
ومبارك عليك الشهر اللي أنتصف.....وخواتيم مباركه السبب........... مبدأ.....ظل راجل ولا ظل حيطه... الزواج ستره للبنت.... البنت مالها إلا بيت زوجها...ولا قبرها.. التفسير الخاطئ لها الكلام....هو السبب ...إضافة إلى الخوف من نظرة المجتمع لبنتهم العانس وإن البنت لو هي عالمة ذرة ...مالها قيمة إذا ماهي متزوجه ولو حتى ربع رجال.. وبسسسسسسس وخير الكلام ماقل ودل....
|
#3
|
||||
|
||||
هذي تهلكه ..يعني العنوسه ..والستر وحيطه وعارضه وجدار ما تعطي مؤشر او جواز للأب انه يزوج بنته ..ويحصل بعد فتره ابنته مطلقه ... كل اب راح يحط هالاعتبار ...نصب عينيه .. ما لون بالاحمر .....لم افهمه حياك
|
#4
|
|||||||||||||||||||||||||
|
|||||||||||||||||||||||||
مالون بالأحمر .....موجه لي انا...
عشان ما أدحدر وأنقلع انام ....بس الظاهر لازم أدحدر المهم ......البنت تستسلم مع الوقت وكثر الزن وترضى بما يراه الاخرون..... عشان ما تكون حجر عثرة....خصوصا إن هذا الوتر يعزف عليه كثير من الآباء.. مثل ...لازم الكبيرة تتزوج بالأول......وما احد بيخطب خواتك لو ماتزوجتي وبيقولون فيك بلى... فتضطر ترضى....لو حتى عشان تنجب طفل يؤنس وحدتها ويعوضها عن اللي خذلوها
|
#5
|
||||
|
||||
وعليكم السلام
موضوعك في مكانه غلطه غلطه ياضغط والا بنت متعلمه وماينقصها شي وادب واخلاق ومن اسره طيبه وماشاء الله عليها وصغيرة وتتزوج مثل كذا وربي قهر وانا أقرى موضوعك جتني غصه وموب شرط يكون مصاب بالسمنه بعضهم مافي مخ مافي تفكير يعني جاااااهل
|
#6
|
|||||||||||||||||||||||||
|
|||||||||||||||||||||||||
قمة القهر صراحه ....... يعني هالنظره ملازمه حتى للأب المتفتح .....الناس صابها بلاء الله لايبلانا صار فيه تسارع وشفاحه لتزويج البنات عند الناس ....يعني وين اللي يفكر في الموضوع من عدة جوانب ...هذي حياة طول بعرض .. مستحيل ....تكون هالاسباب الواهيه سبب في تزويج مثل هالشاب من بنت مافيها اي عيب
|
#7
|
|||||||||||||||||||||||||
|
|||||||||||||||||||||||||
لا موب كل الاباء كذا الحمد لله أنا أبوي حيل واعي ومايبي الا رجال صالح وملتزم
|
#8
|
|||||||||||||||||||||||||
|
|||||||||||||||||||||||||
مو كل الآباء كذا......لكن الله يعلم مافي النفوس
يكون الرجل أمامك تهابه....وهو يملك أفكار غريبه وعقلية متحجره... وبالعكس أقول لك إن فيه كثييير يتخذ مبدأ التضحية بواحده عشان يسعد البقية.... وهذا شي شفته بعيني...حصل لوحده قريبتي رسولنا الكريم قال .....خيركم خيركم لأهله..... وهذا واقع....بعض الناس شهاداته معبية الحيطان...وعقولهم ساكنها الديدان والبنت تعرف إن المجتمع ما تحملها وهي بنت...فماراح يقبلها وهي مطلقه... تضطر تسكت على الضيم والظلايم ولا تتطلق والبيوت أسرار...بعضها يشيب لها الرأس ولا يعلم فيها إلا رب العباد.... وبعض الناس يكون في بنته شي لا يعلمه غريب...فيقبل بأول خاطب ويزوجها.. وبرضه البيوت أسرار.. وفي الأخيييييييييييييييييييير.....أرزاق مكتوبه ولا زلنا في بطون امهاتنا
|
#9
|
|||||||||||||||||||||||||
|
|||||||||||||||||||||||||
بس الطلاق ترى رحمه للزوجه ولبعض الازواج وش يجبر بنت تصبر على زوجها وهي تعرف ان مافيه خير لها ولعيالها وحتى حليب وبامبرز لعياله مايجيب لهم..بس يبي يجيب كل سنه بزر ومايهمه شي ..المهم عايشين ..بس يتفاخر قدام الناس انه رجال وانه وانه وهو أخرررررطي لو يلبس عبايه أرحم وش يجبر زوجه اخلاق واحترام وملتزمه وتعيش مع واحد كذاب ومايصلي وكثير وكثير..الزوجه تظلم نفسها وتظلم عيالها اذا صبرت على العيشه معاه
|
#10
|
||||
|
||||
وعليك ياضغط والحمدلله على السلامه
فاقدينك اما عباس ذا الله يشفيه ماش ما هنا علوم رجال مبين انه ولد نعمه ولا يعرف السلوم لكن غريبه زوجوه لا وظيفه ولا فيه اي شي يشجع الا اذا هم طامعين بثروة ابوه ويمكن انه جايزن للجازي وش دراك لكن عباس والجازي ما يركبن ابد
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |