قَلْبْ طْفلَة

[قـلـب جـبـار]

هذا طريقي واعرف انه طريقك وجيت وانتي بعيدة وانا عوّدت قبل السلام لو التعب في طريقك كثر ماني مشيت ما رحت راجيك لو جيتك ومالي مرام لو ما دريتي انا يكفيني اني دريت احيان ما يشعر القايل بطعم الكلام لك مني انساك وانهيها وانا ما بديت ما احد يشيل بعيونه نور يم الظلام كان الجفا جرح بيشيب الزمن ما شفيت ما طاب جرحي ولو مني يطيب الغرام كان الجفا صح ما اخطيتي وانا ما خطيت ما هو بسلم العرب عيبه ولا هو حرام كاني لقيت بعيون الليل دمع وبكيت مصيري ألقى ورى حبك عيوني وانام سعد الحريص

مشاركة هذا الرد في Google Facebook Twitter Digg

أنت معجب بهذا.

[ماتمل]

أنا واقف على باب الأمل مشتاق
وقفت أبكي وقفت أشكي قساة القلب والحرمان
***
أنا عاشق أنا مثلك من العشاق
عشقت الجرح عشقت الحزن بعشق إنسان
***
أنا قصة مكتوبة في شتات أوراق
فيها الصمت والغربة تخلها جفى الخلان

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

صكّ باب الفرح .. يا نادل الليل ! وافتح لذكريات العام بوّابه ! لو تكرّمت ؛ لا تشعل قناديل خلّ دمعي يهلّ ، وينعي احبابه .. جفّ هذا المساء ، والذاكرة سيل كل ما سال يجرفني على بابه كم سهرنا على حلو التعاليل وافترشنا الأديم وناعم ترابه ما شكينا من هموم وغرابيل الأحاسيس تتباين ، وتتشابه كان عطر اللّقا بارواحنا هيل كنت احبّ الخجل بِ حكاه وعتابه كان ينزف وفا .. ما يعرف الميل كنت اشمّ الحنين بريحة ثيابه .. كنت بعيونه السمر المضاليل آتفيّا عن الحساد باهدابه (غيبة ابريل) .. ما هي (كذبة ابريل) شوف عيني خذاه الوقت واقفا به باذر العام ما نال المحاصيل ما له الا صبر قلب ايتحلّا به كان في غصن ذاكرتي تفاصيل طاحت من الزمان ، وعاتي غيابه في غيابه .. نزل دمع المراسيل ما لقت ظرف يسترها وتلجا به المدامع .. روت عطشى المناديل والملامح .. سراب ازوال كذّابه ! مرّ ليلي شجن .. يا نادل الليل طاري الغايبين - الحين - وش جابه ! راحوا الناس ، واشتدّ المطر حيل خلّ حزني معاي .. آموت واحيا به لي (عمر) ضاع في ضول المقابيل من يردّ (العمر) - يا ضول - لاصحابه !! أحمد التيمان

مشاركة هذا الرد في Google Facebook Twitter Digg

أنت معجب بهذا.

[ماتمل]

حـان الـوداع ولابقـى للعـتـب دور
الله لنـا وفجـوج ربــك وسـاعـي

دام الزمالة ماهـي احسـاس وشعـور
ماللزمالـة بـعـد هالـيـوم داعــي

قلبي علـى المقفيـن ماهـو بمقهـور
مـن بـاع للعشـرة مصيـره يباعـي

لا تعتـذر مـادام صاحبـك مسـرور
اللـي علـى شانـه بذلـت المساعـي

يبقى رفيقـك وانـت بالفعـل معـذور
يمشي على ماقلـت وامـرك مطاعـي

دامـه علـى ماقيـل منهـي ومامـور
بدري على شـرواك لويـت ذراعـي

فنجالك اللي سقت مـن يـدك منثـور
لاصـار منتـه للزمـالـه مـراعـي

مافيـه داعـي ينفضـح كـل مستـور
عيني تشوف الـدرب والقلـب واعـي

نـور الحقيقـة بـان والعلـم مخبـور
شفت السبـاع وشفـت روس الأفاعـي

ما كنت اصدق فيـك ياضايـع الشـور
دايـم وانـا دونـك مكثّـف دفـاعـي

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

هذا انا جيتك بسولف يافهد من حـر مابـي فضفضه أو بوح ما ادري المهم جيتك وانـا ضايقٍ بالي وصدري ما قوى يحمل صوابي والأمل ما بان نوره ولا ألمحت عيني سنـا جابني يمك ثقيل الهـم يـوم انـه دوابـي أجهده والموت كنه داخـل اعروقـي دنـا استفزيت المعاني والقلـم وحـده درى بـي يوم بيح من خفوقي كـل مـا جوفـي كنـا والمصيبه يافهد ويشلون بشكي لك عذابـي دام صار الهم شايب وصرت بعيونـه ظنـا من بعد يوم المفارق طال ليلي والتوى بـي كل حزن الكون فيني وزاد بي كثـر العنـا فارقتني من تبيع الناس لجل لحظة لقا بـي والخطا ماهو خطاها وكنت أول مـن جنـا اعترف اني خطيت بحقهـا وهـذا جوابـي كـان ودك بالحقيقـه يافهـد خذهـا هـنـا صعب تخذل من يحبك وهي أول من هقابي اني اجمـع كـل بسمـه وآتنصفهـا المنـا غرني طيشي ومشيته وإلا هو اللي مشى بي ولا وعيت إلا وانا اهدم صرح من عشقٍ بنا والله اني ماندمت من الطفوله ليـن شبابـي لين حبل الوصل شفته بأوسط يديهـا انثنـا ليتها تغفر خطايا يافهد باللـي جـرى بـي بعدها ما غـط جفنـي لا ولا قلبـي اهتنـا وليتها ترجع وتجمع ما بقى او ما بقى بـي وأحلف بربي ما ازعلهـا إلـى يـوم الفنـا فيصل العدواني

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

قلـي بربـك يابعد..عمر..مغليـك وشلون خنت اللي محـرم يخونـك وشلون هانت رجوتي يوم انا ارجيك وشلون هانت دمعتي فـي عيونـك وشلون بعت اللي بهالناس شاريـك قلي علامـك بعـت نـاسٍ يبونـك قلي بربك دامنـي بصـدق هاويـك وشلون بحيا باقـي العمـر دونـك قلي بربك حالـي اليـوم يرضيـك طايح جريحٍ مـن سبايـب طعونـك طايـح جريـحٍ انتخيبـك واناديـك ودي تقول ابشر..حبيبي..ياعونـك واثرك تقول ابعد انا اليـوم مابيـك وتروح تتركنـي بلحظـة جنونـك وقف قبل لاتـروح ربـي يخليـك دامك رفضت احيا..حياتي بكونـك ارجوك قبري تحفره اليـوم بيديـك يحرّم علي العيـش يازيـن دونـك سعد الميموني

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

ياللي تحد قلبي على أقصاه ماعاد بي حيله على الضيق وقت الردى كل شي سوّاه رخومه تذم المطاليق ماعاد اطيق الهم وأقواه شلت بشبابي فوق ما اطيق ذي آخر أحوالي وطرّاه يومك تقول إن كني طويق إيه والله إن فيني مزاياه وإن بيني وبينه مواثيق بس صاحبك ماجاه كفّاه مليت من قولة توافيق !! حتى الشعر شكلي أبظماه ماعاد تغري بلّة الريق كانت معاليقي تمنّاه واليوم !! هو جرح المعاليق يطري علي واقول عزاه يانشوة الفرحه ابتصفيق واطري عليه ان تاهت اخطاه يلمحني بروس الشواهيق حتيش لو إنّا حشمناه ماتردع الحشمه مطافيق في ذا الزمن ماتت بقاياه روح امسح دموع الطواريق غنّى لك اللي متعب اغناه لاجر صوته همّه يفيق لايكتب الضحك ولا يقراه كنه لحزن القاف عشّيق بتصدق شعوري !! أو إنساه بصرك ترى ما احتاج تصديق قد قلت لك واوصيتك وصاه لاتنبش جروح المخاليق !! هالقلب لاتحده على أقصاه مالك ومال الهم والضيق ! محمد السهلي

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

انتهى المشوار.. في لحظه وداع وابتدت رحله.. بصفحات الرحيل ونطوى حبل الرجاء والحلم ضاع والنفوس تحن للماضي الجميـل في بحور البعد فليـت الشـراع وانكتب مشوار والمسرى طويـل ما بقى لي غير ذكراكـم متـاع زاد لي لا شح مدخول الحصيـل الوداع المـر وسنيـن الضيـاع جرحها دامي مثل حـد الصقيـل شف سباع الغاب تتهـاوا جيـاع والضباع اشباع في عيشً مثيـل سوّت الاقـدار بدروبـي قطـاع والاساء حمله على قلبـي ثقيـل اصعب اللحظات..لحظات الوداع والبلا لا رحت..ودموعك تسيـل راشـد النسي

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

انتشر حبك بجسمي لا وحتى بالعظام واختلط حبك بدمي فالمعاليق يعدي يا هيام ٍ في هيام ٍ في هيام ٍ في هيام يا ضياعي يا اتجاهي يا دروب المهتدي لو تذوق النوم جفني ما تهنّى بالمنام طاوله فيك الغرام وطاوله فيك سهدي لك حبيبي في ثنايا جوف هالقلب احترام لك حبيبي قولتي:لبيه آمر يا بعدي كيف اصبحك بسلام وكيف امسيك بسلام وانت في مجرى وريدي مع سواقيه تغدي لك عيوني لك حياتي لك سنيني لك مقام لك حلالي لك فوادي لك ورودي وشهدي لك جنوني لك ظنوني يا حبيبي والسلام وانت غالي ثم غالي ثم غالي يا سعدي جزاء البقمي

مشاركة هذا الرد في Google Facebook Twitter Digg

أنت معجب بهذا.

[فارس جهينه]

	((خذني معك .. من وين ما رحت .. وياك)) خذني معك .. من وين ما رحت .. وياك .............. خذني بقلبك .. دام قلبي .. رهينك صعبه ترى لو شفت .. وشلون ابسلاك .............. لو طفت هالعالم .. تراني سجينك عذبتني .. واشقيت روح ٍ تمناك .............. لو ( الهوى ) ينطق .. وربي يدينك مات الغلا .. ينزف على درب ذكراك .............. رغم الجفا .. لا زال .. يرجي حنينك بعدك حياتي .. كلها ضيق .. وارباك .............. الواقع .. اللي .. ما تمناه .. عينك كل المشاعر .. في غيابك .. تحراك .............. تصرخ عليك من الوله .. حيل .. وينك مقدر على بـُـعدك .. حشى كيف فرقاك .............. هذي الحقيقة .. خلها .. في يقينك ادري تساومني بروعة .. مزاياك .............. وتدري اضيع .. إليا بدالي .. جبينك همك عذاب .. اللي نسى الناس .. لرضاك .............. وهمي اشوفك .. مهتني .. في سنينك لو تطلب اسنين العمر .. من فداياك .............. سلمت لك عمري .. براحت .. يمينك منك احتملت من الشقى فوق .. ما جاك .............. ذقت العناء والهم .. كني ..حزينك يكفي .. دخيلك ( حس ) باللي ترجاك .............. لا عاش منهو .. يا حياتي .. يهينك تعبت مالي .. بالهوى غير .. دنياك .............. مديت لك يمناي .. عطني .. يدينك اعاهدك .. ببقى على الحب .. منساك ................ عهد ٍ قطعته .. بين قلبي .. وبينك

مشاركة هذا الرد في Google Facebook Twitter Digg

أنت معجب بهذا.