قَلْبْ طْفلَة

[قـلـب جـبـار]

جا يشوف الحال كيفه بعد ماهزه حنينه وقبل يسألني سألته : كيف حالك يالحبيب ؟ قال : انا كني غريب ضيع دروب المدينه قلت : انا كني مدينة تنتظر رجعة غريب قال : اجل وش فيك تكره سيرة الحب وسنينه قلت : أجل وش لون ما اكره سيرته دامك تغيب انت لا من غبت حتى مرايتك صارت حزينه كيف ما تبغاني أحزن وانت لي حظ ونصيب ؟ الهدايا و الرسايل و المكاتيب الثمينه والليالي و القمر و الريح و الكون الرحيب كل ما تبعد .. تجيب الشعر ليه من يدينه و تقعد جروحي تودي فالطواريق و تجيب يا بعد كل القصيد و نزوة حداه و انينه لا ذكرتك لاح بيت .. و طاح ورد .. و فاح طيب و ان نسيتك ما نساني صوتك المبحوح لينه.. .. ياخذ لجرحي بثاره من خطاياك و يطيب و بعد هذا جاي ترمي ذنبك بوجه المدينه ما دريت ان المدينه كلها شمعة غريب فهد المساعد

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

في غيابك يعزف الما داخل إعيوني اغاني مايبي مِنِّك حنينك بس يبغى تسمعينه يا كبر هم الغياب إن جيت أدوِّرك إبمكاني ما اشوف إلا رحيل طال وأنتي تتبعينه إرجعي ما عاد فيني حيل لسيوف الثواني يا ثقل دم إنتظاري لا عقد لي حاجبينه اتلحف بالشتات...وداخلي إنسان ثاني حاير مثل أجوديّ نابت إبوجهه حنينه من رحلتي هالمدينة كل ما فيها [ مباني ] ينكسر فيها غروب و تنجبر فيها ضغينة إن شكيتك للطريق إتضيق ارصفت المواني وإن شكيتك للمدينة ..ضاقت أنفاس المدينة لا الفضا بعدك فضاي و لا الزمن هذا زماني إنتهى بي كل شي و لا بقى للحلم عينه علميني .. يا عظيمة كيف أكون بإتزاني كيف أعيش بخير و أنتي هالتلاقي تبعدينه ما جمعني في غيابك غير حزني و إهذياني و ما نثرني يا وجودي غير فرقانا اللعينة إن تذكرتك تحير الكلمة بأطرف لساني وإن سهيتك إشتياقي تعبث بصدري يدينه ابحري بي يا بعيدة .. لآخر إحدود الأماني يمكن إنلاقي بعضنا ( حلم ) أقفت به سنينه و إن سألتي كيف حالي لا تعانقنا ثواني قلت لك من يوم غبتي ..اغلب الأيام [ طينة ] في غيابك شيّ أعظم من أخاف و من اعاني في غيابك حتى وجهي لو عرض لك تجهلينه ناصر حطاب الدهمشي

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

وداعك كيف أبتحمل وداعك وداعك موت ياكل الحبايب دخيلك لا تلوح في ذراعك ترى قلبي بنار الشوق ذايب دخيلك قبل ماتطوي شراعك منين الصبر قلي وأنت غايب على الفرقا وأنا أشوف اندفاعك وأقول الله يادنيا العجايب شريت الزين ياقلبي وباعك وراح اليوم وجروحك عطايب نهايتنا بكلمة قلتها لك وداعك موت ياكل الحبايب عبدالله العليوي

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

يا ساعة الفرحه تشوقت للعيد عيد العيون وعيد قلب الصبابه رد الجمال لشوفتي يا اتلع الجيد واسحب على حرفي لحون الربابه حرفي بصوتك يا اجمل الصوت تغريد يا رمز حبي هاك رمز الكتابه يا صبح عمر فيك للعمر تجديد وحبك يجدد كل يوم شبابه للعين والقمرا وحسنك مواعيد وليل الهوى شرع للأحباب بابه ياما زعجت الصوت باسمك تراديد وياما نسيم الوجد يمك سرابه وياما تمنيتك على باقي الغيد واقول مثلك يا غلا الروح ما به ابيك تهوى مثل ما اهواك وتزيد يا من خفوق القلب حسنك غدا به يا قطرة الغيمه على يابس البيد رد الحياة لخافقي يا ذهابه دايم السيف

مشاركة هذا الرد في Google Facebook Twitter Digg

أنت معجب بهذا.

[Gold Smith]

فقدتك حيل؟ وينك كثرت احزاني
اثر بعدك حياتي مالها قيمه

كثير الربع حولي وصرت وحداني
على ذكراك شفها تبكي الغيمه

بعيني صورتك واسمك على لساني
ظلمنا الحب واصبحنا مظاليمه

يقولوا الناس حبت واحد ثاني
واقول الغدر بانت لي مراسيمه

اخاف اظلمها وارجع حيل ندماني
واخاف الظن يصدق فيه تحكيمه

وانا من بينهم بالحيل حيراني
ببيع الحب واهله واشري الشيمه

وش احكيلك وش اشكيلك عن احزاني
يموت الحر مايصبر على ضيمه

الحب اما يجي منك وجداني
يجدد في حياتي الحب ويديمه

ولا خلاص ابعد وارجوك انساني
وش لي بشخص ماعطى الحب قيمه


عايد المسيلم

مشاركة هذا الرد في Google Facebook Twitter Digg

أنت معجب بهذا.

[»ξـٱشقـﮧ ٱڷـﯡنٱسـﮧ«]

يايمه ارجوك سمعيني .. يايمه بس (( لاتقسين )) واذا شفتي دموع الحب .. ضميني الين ماأموت .. ابي انساااااه وانسى الصوت .. ابي انساه يايمه .. نسيني !! وعلى حضنك ابي ابكي .. على نفسي وعلى سنيني تعالي لايفوت الفوت .. وريحيني يايمه ارجووك طمنيني .. احس الفرقا تقتلني (( وتنهيني)) يايمه تعبت وانا أكابر وانا أكابر .. واقول للناس مايعنيني وربي(( أكسر الخاطر)) .. عجزت انساه صدقيني رحل يمه (( ولكنه )) .. باقي عايش بقلبي وشراييني ابعرف ليـــــش بس قلبي .. معند ومايبي ينساه يايمه القلب مشقيني ابي ارجع ولو لحظه .. ابي ارجع انا طفله واعيش الحب بس وياه .. ونصير كل يوم نتلاقى .. وصدق شوفه يكفيني رجيتك عووووودي يالحظه .. وفرحيني آآآه يــمــه .. من هذا الحلم امانه لاتصحيني ابي احلم .. ابي احلم .. يمكن حلمي يصبرني ويشفيني حتى الحلم يايــمــه بعد فتره شمت فيني حلمت انه يناديني .. ويقول لي ليه خذلتيني !!!! ودمعي سال على خدي .. بكيت يمه على حبي وكرهت الحلم يايمه .. لانه صار حلم اسود بعد ماكان حلم وردي ويايمه دمعي لونه احمر .. يايمه هو يأس منكم وقلبه علي اتحجر يايمه والله ماأقدر .. انا فبعده عجزت اصبر وبعد هذا تلوميني ؟؟ يايمه حتى لاتعاتبين لاني .. ضعت من بعده وصرت مدري انا ويني !! يايمه راااااح .. وبعدين !! شوفي كيف ضاعت كل احلامي وسنيني ابيه يرد ويريح قلبي المسكين .. يايمه راااااح .. وابي أي شي عن حبه(( يلهيني )) يايمه هو مو داري .. يحسب اني نسيت كل ايامه وايامي !! وانا يمه اصيح بلهفه للماضي .. يايمه هو مو داري (( اني ابيه )) واني لين اليوم (( احبه حييييل )) واغليه .. ونفسي يرد واشوفه الحين .. وياليت اسمع ولو صوته .. واظن صوته بيبكيني وبقوله كل شي يمه .. بقوله ضعت من بعدك انت وينك تحميني ؟؟ وبقوله ياحبي الاول امانه((( لاتخليني ))) وبقوله والله مو ذنبي .. وش هالدنيا ياقلبي .. بدونك انت انت الحب وكل الناس في عيني .. يايمه مافي بالدنيا مثل قلبه .. احسه الوحيد اللي بيفهمني ويراعيني .. يايمه ارجوك سمعيني .. انا حاولت احب غيره !! بس انه كللللل تفكيري .. وبعد هذا تلوميني ؟؟ يايمه حتى لاتعاتبين !! لاني ((( ضعت ))) من بعده وصرت مدري انا ويني يايمه راااح .. واحسه يقول خذلتيني .. يايمه والله مو ذنبي .. يايمه يعني ماتدرين !! يايمه بس قولي له .. اهو ذنب (( مين ))

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

وينـك ؟ تـرى قلبـي تقطـع مــن الـشـوق وينـك ؟ تعـبـتْ مــن السَـهَـر والـكـآبـه مانـي مصـدق ( كـل مـطـرود ملـحـوق) مــن يــوم طــال الانتـظـار وعـذابــه اشتـاق لـك شـوق ٍ علـى الـواقـع يـفـوق شـوق الغريـب اللـي فـقـد لــه قـرابـه ويحـنّ لـك قلبـي مــن الـشـوق ويـتـوق يَعـصـى لــو اتــرده شــروط الرقـابـه شـوقـي يغنيـلـي عـلـى كــل طــاروق وحـزنـي يسامـربـي .. لـحـون الربـابـه اسهر مـع اطيافـك .. علـى منتهـى الـذوق واعـيـش حـلــم ٍ تكتـسـيـه الـغـرابـه حريـتـي ضـاعـت .. وقِـيـدت بسـبـوق كـل الــدروب امـسـت بعيـنـي تشـابـه حب .. وفرح .. واحزان .. وجروح .. وحروق ودمــع ٍ يـكـدّر صـفـوتـي بانسـكـابـه عليـك احـس انــي بــلا راي مسـيـوق!! اثـر الـغـلاء يكـسـر جـسـور الصـلابـه يثـور بـك حـزنـي ويـنـزاح .. ويــروق ويرجـح عـذابـي لـيـن يـوفـي نصـابـه ليـل الشقـاء عتّـم .. بـه رعـود .. وبـروق وعـواصـف ٍ تحـجـب بـيـاض السحـابـه وريـح ٍ يخـلـي قـاسـي القـلـب مفـتـوق حـتـى تضـيـع مــن الـسـؤال الاجـابـه سرقتنـي .. والحـب .. سـارق .. ومسـروق وآسرتـنـي لــو مــا بـراسـي طـلابـه مـن جـد محتاجـك .. قطـع قلبـي الشـوق تـعـال مـلـيـت الـسـهـر .. والـكـآبـه

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

مثل البحر يا بنت زينه بشينه وهذا عذابي يا ترى كيف بختار الملح ميزه وكلنا عارفينه بس البلا في داخله كل الأمرار والوصل مده وكم عطتنا يدينه ومنه الجزر يا بنت اصبحت محتار اشوف فيه الود وحلى السكينه ولامن تعلى موجه اقول جبار وفيه الوفا احيان لاتنكرينه ولانكرأنا انه صفه لكل غدار له قصةٍ صارت بقلبي حزينه وله فرحةٍ تشبه مداخيل الأمطار وله غربةٍ واقولها لك وينه والقا وطن عمري على شط الأبحار وله لوعةٍ صارت بجوفي دفينه وفيه السلاة وقلت ياموج دوار مثل البحر انتي وشوفك فطينه وشفت التناقض أكشفي كل الأسرار مثل البحر والقلب بيح كنينه يا خافي الأعماق حليت تذكار طلال الراوي

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

جمّع اللي ودك تقوله وبعثرني عتب الملامه شي عادي دامها منك وجاي أنت تامر وأنا ألبي ما تبي بليّا سبب بس كان لجيّتي خاطر تلبي لي رجاي رجوتي لا تلحق اعيونك مشاريه الهدب لا تضايقه بدموعك والتفاتتك وخطاي كل شي الا دموعك واعرف انك من شطب صفحة الطيش بحياتي وابتدا صفحة شقاي سق فديتك كل ما تملك من جنون وغضب وابشر بصدرٍ يضمك حيل دام انك هواي ولا رويت عتاب ناظرني وقل طاح الحطب واسأل شرايك وابنسج لك من الأعماق راي باتناثر لك رضا واحساس صادق ما كذب وأنت رتّبني على كيفك وشكلني برضاي وان تلعثم حضورك ثم نطّقني لك تعب حاول انك تسمع أشواقي وسط تنهيد ناي اسمع دموعه وقرّب لي وقرّب وأقترب واسأل اعيوني عن طيوفك وقصتها معاي كيف كانت في غيابك فجأه تطري واغترب اركض لمنفى خيالي وارمي الواقع وراي اوجدك ما بيني وبيني واسولف لك واشب ليلة حضورك قصايد تشتكي لك من عناي آآآه لا منه بزغ فجر الحقيقه وانسحب طيفك اللي ساكن عيوني وضاقت بي سماي وقتها ليتك تحس شعور من حظه ضرب آخر آماله بعرض الهم والوحده مداي اكتشف وشلون يموت الصوت برماح الطرب لحظةٍ جيت أتغنا بك وعاندني غناي واكتشف كيف السهل فجأه يتحول لي صعب لا نويت ابكيك ثم أزريت القابي بكاي أقسم بربي وربك فيني احساسٍ غصب كل كلي في غيابك ينجذب لك ياهناي ما نسيتك لو نسى التاريخ أمجاد العرب وما تركتك الا بين ضلوع صدري وبحشاي لأنك أكبر من غلا الشاعر لآخر ما كتب ولأنك أقرب لي من سكوتي اذا عانق شفاي ولأنك أول من تمكن بي وعلمني أحب ولأنك الشخص الوحيد اللي يجي في مستواي صاحبي جمع كلامك ثم بعثرني عتب والله أن كل شي عادي لا غدى منك وجاي محمد السهلي

مشاركة هذا الرد في Google Facebook Twitter Digg

أنت معجب بهذا.

[ماتمل]

قـل كــلامـا يـشـرح الـخاطـر أو ارحـل

لا تـطـولـها وهي عندي قـصيرة

ولوتـبـي تـزعل وأنا ما أخـطيـت ازعـل

وابتـعـد ما دامـت الـدنيا كـبـيره

فـوق هـذا والله إنـي ما أتـحمل

المشاعر من طباعي مستديرة

كان ودكــــ نـتـفـق بالـحب تـفـضـل

وكان قلبك مايــبــي موجود غيره

كانــ الخطا فيــ عالمكــ
شيــ عاديـــ

مانيــ من الليــ
لاجرحتهــ ضحكــ لكـ

مشاركة هذا الرد في Google Facebook Twitter Digg

أنت معجب بهذا.