العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#581
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
نوف العتيبي
إذا المراجل لبست شماغ وعقال قل للعذاري يلبسن العمايم ما عاد يفرق زول حرمة ورجال دام الفعايل تشبه البعض دايم المرجلة ما هي كلمة وتنقال وتروح ما راحت هبوب النسايم ولا خشونة صوت أو رفع الأثقال أو رزة صدور وفعل الزلايم ولا هي بعد مفتاح موتر وجوال وإلا ردى لسانن حديثه شتايم المرجلة شيمة عن القيل والقال رفيع نفسٍ حرٍ بالجو حايم المرجلة عقل وزن وزنه جبال
|
#582
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
فيصل بن سبيل
لولا المواقف ما عرفت الرجاجيل والرجل يعرف بالشدايد والأفعال أنا أشهد إن به ناس وقت البهاذيل لا جد وقت الجد تطري على البال من يعجبونك في جميع المداخيل قوم تعز الطيب من كل مدخال وبعض الرجال يكيد لك بالمحابيل يخفي بضحكه لك من الحقد زلزال السن أبيض لكن القلب كالليل ما كل من يضحك معك يسعد الحال ولولا الحسد والبغض والقال والقيل كان العرب صارت على قلب رجال ولولا المواقف ما عرفت الرجاجيل وكان استوى بالهرج خايب ورجال
|
#583
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
جهاد الوسمي
مو كل من يمسك رسن الخيل خيّال ولا كل من سل سيف أصبح وليدة المرجلة والطيب هي قول وأفعال تسلم يمين اللي علومه حميدة أتعب على النوماس يا طيّب الفَال ما كل رجلٍ هي حياته رغيدة رجلٍ هنا والله على الراس ينشال ومواقفه بالناس دايم فريدة ورجلٍ يجيك بخيل ويكدّس المال ورجلٍ يمد المال من كف إيده ورجلٍ يدور الطيب في كل الأحوال ورجلٍ يجيه الطيب وهو ما يريده ورجلٍ ينومس لابته بحلو الأعمال ورجلٍ يفشّل ودك إنك تبيده ورجلٍ يعز الجار لو جار أو مال ورجلٍ ينكّد عيشة الجار سيده ورجلٍ عزيز النفس ما يقبل إذلال ورجلٍ ذليل وذل منهو يفيده لا مكرمن نفسه ولا حاشمن خال عساه ما يلقى الحياة السعيدة ورجلٍ ترزه من الرجاجيل رجال ورجلٍ تخضّه بالمواقف مريدة ورجلٍ تمسّك بالتقاليد ولا زال ورجلٍ لعن حظ التقاليد بإيده ورجلٍ بوقت الضيق ياقفلك إجلال في ساعة الضيقات بان الوليدة ورجلٍ فهيم وللصعيبات حلّال في هالزمن ما ضن وقتي يعيده
|
#584
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
مسلم البحيري
غاب القمـر والصبـح بانـت شروقـه والعيـن حلـو النـوم عيـت تـذوقـه وبديـت قــافٍ وافـيـاتٍ طـروقـه ألفيـةٍ والمبـتـدى عـالـي الـشـان (( الالـف )) ألفـت المثايـل وبـديـت ذكر الله اللي محصـي الحـي والميـت المعتـلـي عــلام مـاكـان كنـيـت في ضامري وادعانـي اليـوم عمسـان (( البـا )) بثنـي للنبـي والصحـابـه حــقٍ عليـنـا ذكـرهـم ينثـنـابـه ولامقصـدي مـن مابدعتـه طـرابـه يعلـم بـي اللـي عالـمٍ كـل ماكـان (( التا )) ترى مايبـدع القـاف مرتـاح ولايضحـك المفجـوع حلـو التمـزاح ولو يبدعـه كنـه طعـامٍ بـلا امـلاح ماله طعم يثـر علـى الحـال نقصـان (( الثا )) ثمان اسنين والقلـب مفجـوع لاطايـعٍ غيـري ولانـيـب مطـيـوع اسهـر الا ان الفجـر بــان بطـلـوع متكـدر جفنـي عـن النـوم سهـران (( الجيم )) جار الوقت والوقت مذمـوم ولاصفالـي بالهنـا مـن لــو يــوم جار الزمـان وبـدل القـوم فـي قـوم ولايذكـر إلا اللـي مـن المـال مليـان (( الحا )) حرار القوم ضاعت مع الناس الوقـت عـاداهـم وداس الــذي داس وطاوع كثير المال لو هو من الانجـاس وعصا بعض يانـاس ذربيـن الايمـان (( الخا )) خوي الطيـب ماظـن تلقـاه اللي ليـا حـدك عنـا الوقـت تنصـاه اقفا زمـان الطيـب ويـن انـت ويـاه فقيـر ماعـنـدك رصـيـدٍ وعـمـران (( الدا )) دوابي من عنا الوقت دالـوب كن الغضا في ماسـط القلـب مشبـوب عفت الطعام وعفت انـا كـل مشـروب من ذا الزمـان اللـي جزانـي بنكـران (( الذا )) ذهب هالوقت ماهوب صافـي نـاسٍ يغـرونـك بـزيـن اللصـافـي وإليـا بحثتـه بـان ماكـان خـافـي حديد مالـه مـع هـل الجـود ميـزان (( الرا )) رفيع النفس بالديـن محمـود لو هـو فقيـر يـدرك الجـود ويجـود ولو تطلبـه شـي ولا هـوب موجـود فـي منزلـه يوقـف مواقيـف ديقـان (( الزا )) زرعـت الطيـب والله شاهـد وبالعـون ماقصـرت فـي حـق واحـد انـا احسـب الـزرع يثمـر لحـاصـد واثريه صبخا مـن زرع فيـه خسـران (( السين )) سل عن صاحبك قبل الاسفار قبـل تغـرب مـن مرابـعـك لـديـار كانـه عنيـد ودايـم الـدوم عـسـار خلـه تـرى مايبصـر النـور عميـان (( الشين )) شاب الراس والسـن تـوه مـن ذا الزمـان اللـي فلابـه مــروه يــاالله راع الطـيـب يــاالله قــوه علـى زمـانٍ شيـب الـيـوم شـبـان (( الصاد )) صابر والصبر درب الافراج وارجي الـذي منـه المخاليـق ترتـاج انـه يفرجلـي مـع الضيـق مخـراج واجازي الطيب علـى الطيـب بإحسـان (( الضاد )) ضحك الوقت لا تنخدع بـه لـو هـو حـلا نومـك وزادك وشربـه الله مـن تاجـر زمانـك غــدر بــه خـلاه عقـب المـال مايملـك غــران (( الطا )) طبيب النفـس غايـة مناهـا ولا تسمع اللـي عـن طريقـه نهاهـا كـم نفـس ماتـت ماوصلـت مبتغاهـا انشـد وتلقـا اللـي نظمنـاه وكــدان (( الظا )) ظهر خافي ضميري وسجلـت قافي وانا مبطـي عـن القـاف ماقلـت ولانيـب خايـف بالتماثيـل مـا علـت والحـق يظهرلـه شـهـود وبـرهـان (( العين )) عن هرج القفا دوم حـذراك تـراك ماتكسـب ورى شيلـه امــلاك كم من هـروجٍ قطـه الهـرج بشـراك واسبابهـا مـن قولـة فـلان وفــلان (( الغا )) غني النفـس ياطيـب فالـه يقـالِ لٍـه نعمـيـن يـاجـا مجـالـه وإلا ردي النـفـس راعــي نـذالــه لانافـع نفسـه ولا هــوب ربـحـان (( الفا )) فعول الطيـب ترفـع جلالـك ياصـرت طيـب كـل شخـص يعنالـك ولو مت في وسـط المجالـس عيالـك لوهـم صغـارٍ مايشـوفـون حـقـران (( القاف )) قلّـت حيلتـي واجتهـادي في ذا الزمان اللي بـه الطيـب غـادي عنـدك خبـر ماكـل عـلـمٍ وكــادي بالنـاس صدقـانٍ وبالنـاس كـذبـان (( الكاف )) كم من طاح بالحبس مظلوم وهـو سليـم الجـوف لاشـك متهـوم ماقدر المولـى علـى النفـس مقسـوم ولا لـك علـى مـاقـدر الله عصـيـان (( اللام )) لاتبدي على النـاس خافيـك ماكـل مـن يضحـك بوجهـك يدانيـك كم من صديـقٍ تحسـب انـه مصافيـك وهـو خسيـسٍ بالمواجيـب خــوان (( الميم )) مالـك عـن نصيبـك مفـرّا ان كنـت فـي جـوِّ وبـحـرٍ وبــرّا مـاقـدر المـولـى علـيـك استـقـرّا اللي خلـق مـن طينـة القـاع انسـان (( النون )) نوح الطيـر لاتحسـب انـه غنا طـرب يـا القـرم مـن زود فنـه يمكـن معاسـيـر الليـالـي وطـنـه ماكـل طيـرٍ يزعـج الصـوت طربـان (( الها )) هنـي اللـي تمسـك بدينـه قبـل العمـر بالغـي تقضـي سنيـنـه نفسـه لصومـه ولصـلاتـه فطيـنـه هـذاك لـه فـي جنـة الخلـد مسكـان (( الـواو )) ودي ميـر ماهـو بكيفـي ان العـرب تمشـي بقـلـبٍ نظيـفـي غنيهـم يلـطـف بـحـال الضعيـفـي حتى اتساوى الناس فـي كـل الاوطـان (( اليـا )) ياعـل الله يقبـل دعـاتـي حيثـه علـيـم بسيـتـي وحسنـاتـي والخاتمـه صلـوا كثـيـر الصـلاتـي علـى نبـيٍ خـاتـمٍ كــل الاديــان
|
#585
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
الأمير خالد الفيصل
من بادي الوقت هذا طبع الايامي عذبات الايام ما تمدي لياليها حلو الليالي توارى مثل الاحلامي مخطور عني عجاج الوقت يخفيها أسري مع الهاجس اللي ما بعد نامي وأصوّر الماضي لنفسي وأسليها أخالف العمر أراجع سالف أعوامي وأنوخ ركاب فكري عند داعيها تدفا على جال ضوّه بارد عظامي والماء يسوق بمعاليقي و يرويها إلى صفى لك زمانك علّ يا ظامي اشرب قبل لا يحوس الطين صافيها الوقت لو زان لك يا صاح ما دامي يا سرع ما تعترض دربك بلاويها حتى وليفك و لو هيّم بك هيامي صيّور الأيّام تجنح به عواديها
|
#586
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
الأمير خالد الفيصل
الناس تفنى والمباني والاملاك والقول يبقى والخبر للتوالي الشعر معنى حكمته بعد الادراك وما كل يلمع على النور غالي والشعر صور شاعر فيه تلقاك اما لبس لك جوخ ولا سمالي
|
#587
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
سليمان بن شريم
وربعك الى بان الخلل فيك عافوك اقرب قريب لك من الناس يشناك ان كثر مالك اصدقولك وطاعوك وان قل ما بيدك شانت حلاياك لو تطلب الماء عندهم كان ما اسقوك ابعد مزارك عن وطنهم ومرباك وان طاب حظك اصدقولك وحبوك وان بار كل ما يبي غير فرقاك وهراجة المجلس الى جيت وروك منازل تطرب نظريك بدنياك والى قضوا منك اللوازم وخلوك تفرقوا وانت احتمل لحل ما جاك كنك سراج البيت للنور شبوك واللي انقضى اللازام حد الربع طفاك
|
#588
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
وقال أيضًا سليمان بن شريم
واصحى لخلان الرخا لو تغالوك اعرف ترى اطيبهم الى احتجت يجفاك كنك خوي مقيط دهووك واغووك وحقك عطاك رشاك واقفى وخلاك واحذر عن العيلة ترى الحق مدروك مثل العمل يدركك ما منه فكاك وان كان عدوانك على الضيق حدوك فاخصم طلابتهم بعجفاك وقداك وان كان هم لمشرف الحق ما شوك ناظر مطاليع الفرج قبل مبداك واحلم على الجاهل ترى الحلم مبروك وقم للضعيف اللي من الضيم ينخاك وادمح خطا جيران بيتك الى اوذوك ترى القصير وحرمة الجار بحماك وقم للضيوف اللي لفولك وضافوك اغلا كرامتهم حجاجك وبشراك
|
#589
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
تدري وش اللي ماتجي بالملايين العافية لا صرت محروم منها وتدري وش اللي حدّها حدّ سكين الحاجة اللي مانت قاوي ثمنها وتدري وش اللي ماتوّفي لها الدين اللي غذاك بصغر سنّك لبنها وتدري وش اللي راجحة بالموازين سجدة سَحَر لاناموا الناس عنها
|
#590
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
لواهنـي اللـي ليـا ضـاق له يـوم اليـوم الآخـر خاطـره ما يضيقـي ما هو بمثلـي ضيقتـه دايـم الـدوم أبي المليق شـوي وأزريـت اليقـي من ياخـذ الدنيـا برايـه بلا قيـس مثل الذي في جـوف بحـر يعومـي ما ينبنـي بنيـان من غيـر تاسيـس ومـن لا تعلـم مـا تفيـد العلومـي تركي بن حميد
|
مواقع النشر (المفضلة) |
الذين يشاهدون محتوى الموضوع الآن : 5 ( الأعضاء 0 والزوار 5) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |