العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#541
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
صعب السؤال للشاعر/ بدر بن عبدالمحسن صعب السؤال .. ليه نفترق !!
صعب السؤال .. وين نلتقي إنتي الجنوب .. وأنا الشمال .. وما بيننا .. بحر .. ورمال لكن نحب .. والله نحب .. وفوق الخيال .. صعب السؤال يا اللي اجمل من كلامي عنك وأقرب من سكوتي آه يا طول المسافة بين احساسي وصوتي ما هو غريب .. إني أسألك و إنتي أنا .. كيف أوصلك !! لا مستحيل .. هذا الرحيل من يقطع الصمت الطويل ويــدلنـــي .. قصيدتي .. وين الحروف .. جف القلم يا ضايعه .. ببرد الكفوف .. رعشة ألم قصيدتي .. إلا الندم .. إلا الندم بتسافرين .. وانتي معي وبترجعين .. وانتي معي قصيدتي .. لا تسمعي .. غيري قصيد يا ساكنة افـ ورق الحشا .. وحبر الوريد غريب الماضي معجب بهذا.
|
#542
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
الشمس اللي تغيب للشاعر/ بدر بن عبدالمحسن أركض ورا الشمس .. اللي تغيب ..
ابي النهار .. وينتحي .. أخاف أنا وجهي الى طاح الظلام .. فوق الملامح .. ينمحي .. كافي سواد العين والظل الحزين .. وشمسٍ تبين .. وماتبين .. ورا السحاب .. كافي بَعْض ليلٍ يجي .. قبل الغياب .. عن ليل الغياب يا موقد الشمعة .. وجهي أنا .. أو نور ذا الشمعة .. قاسي الشحوب .. في رعشة الضي العليل .. وتكبر مسافات الهروب .. يا صاحبي الشمعة غروب .. به قريةٍ .. تحت الظلام .. مريتها ماجيتها وبنيةٍ .. تحت الظلام .. ورسالةٍ في الليل .. خانتها الحروف .. من القهر شقيتها .. كلي عيون .. وماتشوف والناس .. ياظل .. وطيوف .. والظلما .. نسيان .. الحبيب .. لحبيب .. أركض ورى الشمس اللي تغيب .. غريب الماضي معجب بهذا.
|
#543
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
الصاحب للشاعر/ بدر بن عبدالمحسن يا صاحبي .. والليالي سود
يا صاحبي .. والزمن صافي اللي إلى احتجت له موجود واللي إلى من وعد يافي ما هو على المرجلة محدود تقول مكتوف بكتافي ما جور ياللي رقيت إسنود عرض الجبل .. وانيٍ حافي يوم الردى مسكنه فـ .. لحود مسكنك في راس مشرافي والله لوفي التحرص زود كان العمر ما نقص .. وافي وليت الرخا لا اجتمع والجود تقاسمه شهم .. وسنافي غريب الماضي معجب بهذا.
|
#544
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
ظماي انت
للشاعر/ بدر بن عبدالمحسن ظماي انت .. ومن يعشق ضماه غيري جروحي انت .. ومن يكره دواه اسقني لو ما ارتويت .. داوني لو ما شكيت ماهقيت اني اعطش .. في حياتي لغيرك انت مادريت ان مابه أغلى منك ..الا انت ما تصور ان عيني مره تغفى وما اشوفك ما تصور لو يطول الصمت ما اسمع حروفك تدري احساسي بخوفي هو أماني لما تسأل عني ليله عن مكاني ما تصور كيف تحرقني الثواني شمعه في ليل انتظارك..! ياللي يسبقني زماني .. من عطش .. ليلي ونهاري عطني موعد .. وانسى موعد بس لا... تهجر وتبعد يا ظما قلبي لقلبي .. وغربة اعيوني عن عيوني وينك انت ياترى الليله في صدري لا .. في جفني لا .. في الشعور اللي خطفني اه ... لو تدري بشوقي آه ... .يا ظما الدنيا بعروقي غريب الماضي معجب بهذا.
|
#545
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
ليه
للشاعر/ بدر بن عبدالمحسن ليه انكسر ... مثل القزاز .. كل مرةٍ .. أبوح همي .. وتسمعه ياصاحبي .. وش حاجتك .. في غرشةٍ طاحت شظاياها بيدك .. وش حاجتي .. فما تجمعه .. لي صاحبٍ .. كل مااشتكيت .. همي عليه دايم يجرح اصبعه .. واصاحبي الشكوى بها ذل .. حدٍ رهيف .. أما جرح يقتل .. الشكوى ماتلبس ثياب.. عريانةٍ ماتلبس ثياب .. في وجه راعيها .. أموت أنا لو قلتها .. وأموت ابخفيها .. ياهيه .. وان كانك رفيق قم دلنى .. على طريق .. ماهو يوصلني لطريق .. عن يمةٍ .. غير الجهات الأربعه .. اطلق حبال الليل .. خل الظلام يسري .. المركب اللي كل مافل الشراع .. قلنا بعد بدري ابي .. اوقظ النوم .. وأهدهد اسهادي.. أحفر في رمل وسادتي .. قبرٍ وسيع .. أبي ادفن اعنادي .. ابطرد الدنيا وري باب الجفن .. وأغمض اعيوني .. مابي اعض ابهامي بسنوني .. واشكي عليك .. الليل كله .. ياصاحبي نجم يطيح .. خله .. خله يطيح .. لاترفعه .. أنا انكسر مثل القزاز .. كل مرةٍ تدري بهمي وتسمعه .. غريب الماضي معجب بهذا.
|
#546
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
الماضي الحاضر للشاعر/ بدر بن عبدالمحسن صوتٍ شبيه الريح .. مشققٍ بأعواد شيح
مرتّق بالدم .. معتّق بالهم زافر صوتٍ مثل خضر العروق اللي على ظهر الكفوف المبطيه نافر صوتٍ ذبيح .. يصرخ يصيح .. إبلك خذوه القوم بين الفزع والنوم .. أسرجت مهري ألف .. وسلّيت سيفي ألف .. وظهرت تحت الشلف .. ماكان في الشارع غير الرصيف والفجر .. وبواب جيراني من هالمدى راجع .. يحمل رغيفٍ حار .. زاد لثلاث صغار.. للمدرسه صحيوا ولبسوا مرايلهم .. سنين سنين .. هالصوت الجارح الزاجر.. يصيح بي وينك.. قطفت بساتينك .. وابلك خذته القوم.. خذته القوم هالابل.. أفـّز وفي أنفي ..عـجاجة الغـاره .. وأصحى وفي كفي ساعه ونظاره .. مالي إبل أرجـوك مـالي نخيل .. لانصل ولا حـافر.. تعبت من صوت العروق المبطيه.. ومن صمتي الفاجر.. وأنا أخر الفرّيس ظنك .. أنـا أخـر الفرّيـس .. حسبك ياحادي العيس .. هذا الزمن عاري ..لاردن ولا جوخه .. يصهل مهر راكان .. وينادي ابن مهيد .. يوقف شعر هالبيد .. هذا الزمن أصمخ .. مايسمع شيوخه.. شد الرحال .. سافر .. دوّر ياحادي العيس .. روض وزهر ماديس ولذنوبنا.. لذنوبنا غافر وداع يا خضر العروق اللي على ظهر الكفوف المبطيه يالماضي الحاضر غريب الماضي معجب بهذا.
|
#547
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
المرايا للشاعر/ بدر بن عبدالمحسن المرايا.. وجهي اللي تمليت
آه يا وجه المرايا .. انت انا .. والا سوايا .. محدٍ خذا وجهي لبسوني قناع .. وانت .. لا تسال .. ولا ترتاع .. كدر حصاهم صفحة الما .. لا ياصلون القاع أعرف أنا نفسي بس ودي تقول .. من أنا إلى متى صمتك يطول .. مين أنا كلٍ يسميني بإسم .. ما هو اسمي .. وانته تناظر .. تبتسم .. آه .. يا وجه المرايا .. لا انت أنا .. ولا إنته سوايا هذا وجهي يالمراة .. ورده وصارت حصاة قمت أقلبها بنظر .. وآه يا كثر الحصى ذا حجر .. وذا حجر .. وينك إنتي يالصور .. ذكرىوجهي اللي فات .. وجهي الباقي اللي في أعماقي .. وجهٍ عرفته غير .. آه .. يا وجه المرايا .. إنتي أنا .. وأحدٍ سوايا .. غريب الماضي معجب بهذا.
|
#548
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
المسافر للشاعر/ بدر بن عبدالمحسن لا تلوح للمسافر ..
المسافر راح .. ولا تنادي للمسافر المسافر راح .. يا ضياع أصواتنا .. في المدى والريح القطار وفاتنا .. والمسافر راح .. يالله يا قلبي تعبنا من الوقوف .. ما بقى بالليل نجمة ولا طيوف .. ذبلت أنوار الشوارع .. وإنطفى ضيّ الحروف يالله يا قلبي سرينا .. ضاقت الدنيا علينا القطار وفاتنا .. والمسافر راح .. مادري باكر هالمدينة وشتكون .. النهار والورد الأصفر والغصون .. هذا وجهك يالمسافر لما كانت لي عيون .. وينها عيوني حبيبي .. سافرت مثلك حبيبي .. القطار وفاتنا .. والمسافر راح ..
|
#549
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
يا صاحب للشاعر/ بدر بن عبدالمحسن آه يا صاحب .. راحوا الأصحاب
والزمن غالب .. والأمل كذاب والوفا .. آه يالوفا .. خانوا الأحباب .. ما بقى صاحب ياصاحب .. يستحق اعتاب .. تضحك دموعي .. للزمن والناس .. وغدت ضلوعي .. في الرجا والياس وانت لو تدري شـ اللي في صدري .. قلت لي .. لا باس .. ما بقى صاحب ياصاحب .. يستحق اعتاب .. ضاعت أيامي .. أرجي اللي غاب شابت أحلامي .. والزمن ما شاب وش بقى قلي .. غير أنا وظلي في أرضنا أغراب .. ما بقى صاحب ياصاحب .. يستحق اعتاب ..
|
#550
|
||||
|
||||
رد: مقتطفات من الشعر النبطي في الفخر والمديح والوفاء والرثاء والهجاء والحماسة والحكمة والم
العشرة الحلوه الشاعر/ بدر بن عبدالمحسن العشره الحلوه .. على الراس والعين ..
أحلى الليالي .. اللي مضت .. لكن مضت .. ويش رايك في هالحين .. دايم .. تذكرني .. اللي فات .. كن الحياة ماضي بعيد .. باكر تراه .. يومٍ جديد .. أحلى الليالي .. اللي مضت .. لكن مضت .. ويش رايك في هالحين .. بالله .. لا تخلي الوفا .. يصبح صبر .. لا تختصر .. كل العمر .. وتعيش امل .. عطني عمر .. أحلى الليالي .. اللي مضت .. لكن مضت .. ويش رايك في هالحين ..
|
مواقع النشر (المفضلة) |
الذين يشاهدون محتوى الموضوع الآن : 4 ( الأعضاء 0 والزوار 4) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |