العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#511
|
||||
|
||||
جزاء بن صالح الحربي والله يالولا والله يالولا الصبر والامل والظن
بالله يبدل سيتي بحسناتي ودلال رسلان بها الهيل والبن تحوفهن يمناي ومكرماتي من حبهن ليه تقول يتحاكن ومن حبهن عندي تطول سهراتي لياادبح بهيم الليل وهجوسنا جن فنجالهن يبرد لهيب نهتاتي لاون ونة من بعود القنا طعن بمشيشل من كف شبل زناتي واني لاشرّح مقدم الثوب وانجن وقدام خلق الله لافجر سكاتي على رجال يوم فيها اتفطن لابصرت فيهم عفت تالي حياتي لهم وقار داخل القلب يسكن والصبر عنهم صار من معجزاتي اقفوا وخلوني وانا صغير السن واخذت منهم طيبات الصفاتي ومن قال للموروث علم يسكّن مافادني بيض الورق والدواتي اجهش فوادي والعيون يتباكن وهليت من دمعي غزير عبراتي وانا ادري ان ايامهم مايردن هيهات ترجع ماضي المقفياتي ولولاي ازور ديارهم واتوطن واشرف عليهم بطايل النايفاتي واشم ريح ديارهم واتفطن وادله واعيش بماضي الذكرياتي لاشك عبثات الليالي يصيبن ويخلن الرجال فكره شتاتي وقبل امس جات اخبارهن مايسرن اخبار فيها طابع المفجعات غديت مثل اللي خطف عقله الجن واصبح يهوبي مع هوى الذارياتي على رفيق بالوفا مايتهاون صنديد ماهو من رجال الشماتي وسيف من الفولاذ ماهوب معدن من ابتع خيار سيوفنا المرهفاتي سبيل بن سند لياله تقافن واضيقتي من غيبته وافجاتي وش عاد لو قلبي تكدر وحزن حكم المنايا بالبشر صايباتي سنة عزيز الشان والله لها سن من جاه يومه مابقى له حياتي كد قالها صالح وانا اقول صابن سر الامور اسبابها المحدثاتي والادمي لو فيه الايام طالن لابد ماتركز عليه الحصاتي ولو كان من يبكي دموعه يفيدن ياما بكينا مطوعين العصاتي فهود الزراج مطوعة كل مفتن الى جا نهار فيه مثل الجناتي الى جت كراديس السبايا ولحقن ولحقوا عليهن ميتمين البناتي بيدينهم شلف وطرم تلظن صنعن من الفولاذ ومشرفاتي ليا وردوهن لاحمر الموت شربن وان صدرن جن غيرهن وراداتي وشعارهم وفعولهم مايهزن وتاريخ وفعول عليها الثباتي وشعر بليا افعال وامجاد يمهن مافيه لاحكمة ولابه حلاتي
|
#512
|
||||
|
||||
جرمان بطيحان الشهراني بسم الله اللي يفتح البيبان بسم الله اللي يفتح البيبان
الارزاق عنده بابها مفتوح الشعر ضيف وخيرة الضيفان يا نود هبي والصدور تفوح في ديرة الولهان والضميان كل ادمي اقابله مشفوح الله رحمنا والله الرحمن السيل يدرج والبروق تلوح سبل علينا رايح ودان تقول بلسم والديار جروح وبله يطفي لهفة البدوان اللي رجاهم في كفيل الروح القلب سر واللسان حصان والسر ما يسكن ديار البوح لا تستمع للي يقول فلان اللي معه معول يهد صروح كل معاه عيون واله السان لكن مالك في الردي مصلوح اسمع يا الاشهب سالفة جرمان الوقت ميل والبخت مسدوح اسند الديره وانا طربان والنكف واعود خاطري مجروح وانا تراني ما اشتكي نقصان لكن عندي في الحياة طموح فان كان كشر وقتي النيبان مسموح يا وقت العنا مسموح يا ناس عيشوا في الحياة اخوان الصبر ثوب لابسه ممدوح في ديرة الولهان والضميان السيل يدرج والبروق تلوح
|
#513
|
||||
|
||||
جروان حمد آل مرهان باديٍ عند العشي باديٍ عند العشي في طويل المرقبي
وابدع القيفان صدري تهيض بالكلام ياخويي قرب الهجن ودي نركبي عجل الممشى ودن الركايب والهمام فاليالي نجتهم والقوايل نصلبي في سنع غض النهد صاحبي فاق الوشام صاحبي داره بعيد ودونه نتعبي من ورا وادي الدواسر ووسط ديأار يام صاحبي وسط الجماعه ولا هوب اجنبي ينزل الرمله ومشتاه في دمأث العدام من بغى ميراد عدٍ دليه تذهبي يرد مثل الناس ويقود لاقاد الجهام والضمى مايقطعه كون زين المشربي من قراحٍ صافيٍ من طفاطيف العجام عزتي للي يعدى من اللي هو يبي والله اني في رجا صاحبي عشرين عام وعزتي للي على غير وده يغصبي خوفوا الله يالاجاويد ياتيكم الاثام
|
#514
|
||||
|
||||
جزاء بجاد القرفي
القصاص يا فلاح الهم خيّم فوق قلبي يا فلاح كيف تبغاني اسولف وانت خابرني عليل ويش قولك في عليل ٍ في حياته ما ستراح تنتثر دمعة عيونه لاظلم الليل الطويل حالته لا ما تباعد حال ( سلطان الرباح ) بالخطا راحت حياته والخطا ماله مثيل كان ويّا صاحبه اثنين في أرض ٍ براح يطردون الصيد دايم من صبح لين المقيل اجمعتهم صحبة الدنيااا على جد ومزاح ما يهابون الليالي والحمول اللي تميل ما قتل عامد ولكن ثوّر ابليس السلاح بالخطا ثار السلاح وين يلقى له دليل انعقد سجنه .. وربعه تنتظر فك السراح والاكيد انه سجين وما رضووا ربع القتيل هل دمعه يوم صلّى ركعتين فالصباح في نهار الجمعه اللي من ثقيل ٍ في ثقيل هلّل وكبّر .. ونفسه تذكر اللي راح راح كان في ربعه عزيز .. وذلّه الوقت الذليل (لا محمد لا تهاني لا سعود ولا صلاح ) كلهم كانوا على باله وهمّه في ( هديل ) طفلة ٍ ما كمّلت عامين صايبها كساح وانتثر دمعه وحاله من سبايبها نحيل حان تنفيذ القصاص .. وغطوا الراس بوشاح وجاك سيّافه يشيل السيف ابو حد ٍ صقيل ارتخى راسه .. وزاد الموقف الحامي صياح بين نوح وبين دمع وبين صيحات وعويل وارتفع صوت الحشود .. وزاده محمد وصاح يا يبه تكفى دخيلك تستمع قول الدخيل يا يبه وشلون نصبر كيف نهجع بارتياح وانت من دنيااا عيالك ماخذك مر الرحيل يا محمد .. هاك علمي واحفظه قبل المراح انتبه لاخوانك وبالك عليهم لا تعيل والله الله .. فالصلاة وفالصيام وفالصلاح والله الله .. ف ( امكم ) والله لكم بعدي كفيل غمّض عيونه ونفسه تطلب الله السماح رافع ٍ سبابته .. ( مظلوم ) والله الوكيل سل سيّاف الصفا سيفه ودقه ثم طاح راس (سلطان المراجل ) وانتثر دمه يسيل غسلوه .. وكفنوه .. وفاح طيب السدر فاح وبالمصادف صار قبره جنب قبر ( ابن العقيل ) يا فلاح .. الكارثه ما هي سوالف يا فلاح خلني ساكت ودوّر غير
|
#515
|
||||
|
||||
جريس بن جلبان الله من قلب هواجيسه أنواع الله من قلب هواجيسه أنواع
عصر الطرب بعته ولا عاد جاني بعته بكور سجلته تهضع أهضاع تسري ليا نامت عيون الهداني وانصفرت نجعل جرنها على القاع مكن السهج والساهوج ولحيل واني ونجا وهل هجني من البعد ضلاع الذبح لهم جلن أكبار سماني ثم انحر اللي السمن الحيل بياع في شيبته ضاري البيع السماني مالا لحيله زارق في الاطماع قالت تراك السبع وهو الجبان وقصير بيتي غال لن ينزاع وادعيه للكرمه وجيه أن دعاني أنا معه بذراع والشبر والباع اللي شحاه من المشاحي لشحاني ولاني في حرمة قصيري بطماع لا غاب واليها عليها الف أماني وقصيرتي مكثرة فيها اتلماع لو أنها ازين من ظبى البياني
|
#516
|
||||
|
||||
جريس بن جلبان الشيخ جلاس لا واهني من شاهد الشيخ جلاس
الى صفا باله وراحت صفوقه شيخ القطيف وشيخ هبس وهباس وهو شيخ هجر يوم عجات سوقه ياما عطا من سابق (ن)طوعه الراس واليا عطا شي فهو في مروقه ويعطي النخل والحيل مع قطم الأكياس وليا عطا شي فهو في مروقه لولاك يابن حميد ما جيت الاطعاس ولا رعة موجه ملاوي عروقه أنت الذي ما شفت مثلك من الناس مضرب كفوفك ما تخايط فتوقه سيف صقيل تودع الضد ينحاس وحميت بيض بالخلا ما نذوقه حبسك لمثلي يا فتى الجود نوماس والحر لا ركز الشبك له يعوقه وجاني البشير وقال لا تقطع الياس والكبد من عقب البشير محروقه بطلبك بوجه من كان جلاس مكان مثلي فسجن فك عوقه ومافات مات وكل شي له اقياس والما ليا من راق محدن يحوقه
|
#517
|
||||
|
||||
جارالله السواط في صاحب الجلالة الملك سعود بن عبدالعزيز (رحمه الله) مرحبا يابو فهد عد من صلى وصام
من ضمير مايحب الحروف المخطيات السواط يرد من خاطره حلو الكلام هاض مضنونه بقرح اللحون الحاليات ياملكنا العادل الله يعزك كل عام قام عز الشعب مادام راسك في الحيات عاش ولي عهدك على جنبك ودام تحت رايك ياملكنا قدومه طيبات يانعم يا لاد مقرن ليا اشتد الحزام يحتمون حدودكم بالسيوف المرهفات ربعي العتبان تحت امركم عسكر نظام ماتحسب في نهار الحرايب للممات
|
#518
|
||||
|
||||
جارالله السواط
من صدق النمام والكذاب مقطوع النصيب ياالله يا جزل العطاء يالي على الامة رقيب ياللي رزقت الحوت في غب البحور المظلمات هذي نصائح والنصائح تعجب الحر اللبيب والصبر مفتاح الفرج للناس واللي فات فات ترى البعيد اليوم ياهل العقل اخير من القريب كم واحد فرق قراباته وجاب المشكلات اخوك راس المال واحفظ راس مالك لا يغيب اخرج زكات المال لا تنقص ريـال من الزكات من صدق النمام والكذاب مقطوع النصيب هذاك عله خافية ما يستفيد إلا الشمات هرج النميمة ينتقل بين المودي والمجيب والصبر مفتاح الفرج والباقيات الصالحات
|
#519
|
||||
|
||||
جارالله الشدي القلوب السود بعض القلوب إن جات أسْود من الصاج
فالقلب عندي طابخه فوق صاجه ماهمني بالقول عاذل وهرّاج وماني من اللي يستمع لسّذاجه مدام لي في مهبط العز مدواج صعبٍ على العاذل يوثق مداجه عفواً .. دقيقه .. أعذروني بالإزعاج ترا الردي دايم يحب العواجه والرِجل لا سجّت على كل منهاج ماهمنّي ضحك الطفل وإبتهاجه غيري ليامنّه سرا بالفكر داج ضيع طريقه لا وضيع خراجه لامن ونس بالقلب حارش ووهّاج خطرٍ على عقله يجي برتجاجه وأنا ضميري لا غدا فيه دولاج يعقد جبين العز عندي حجاجه ماهمنّي عاذل مع الخلق ولاّج وماهمني ناسٍ تحب اللجاجه أبدع قصيدي وتقنه فن وإخراج وأدهن به اللي باحثٍ عن علاجه ماهمنّي نوره وساره وريتاج ما أبدعه إلا لمقصد وحاجه وأنا أحمد الله ماني اليوم محتاج دام الشعر حايط علي بسياجه كنّي بحر من يامن الموج لا هاج ومن يامن الغربي وهبة عجاجه دامي لبست إمن المراجل كذا تاج يبطي عذولي ما تغشاه تاجه المرجله ماهي دخولٍ ومخراج وماهي مزاج اللي تحقق مزاجه المرجله فعلٍ نشوفه وهدّاج ماهو مثل قطر الندى في زجاجه ياعاذلي إن كان مابه من إحراج (..........) أحفظ قصيدي ياعسى مالك علاج ما ينفع المحتال كثر إحتجاجه دام إن فؤادك بقعته بقعة الصاج فعلم فؤادي طابخه فوق صاجه
|
#520
|
||||
|
||||
مثل ما تجلب الذكرى حبايب ..ياخذ النسيان
وانا اللي ما بقى عندي سواك وجثة طعوني يا أول من عرفته يالحبيب إللي بقى للآن تصدّق؟ما قدر غيرك يغيّر شيء في عيوني..
|
مواقع النشر (المفضلة) |
الذين يشاهدون محتوى الموضوع الآن : 9 ( الأعضاء 0 والزوار 9) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |