العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#501
|
||||
|
||||
أحمد الرشيدي
قصيدة اهداء الى حضرت صاحب السمو امير البلاد الشيخ / صباح الاحمد الصباح (( حفظه الله ورعاه )) ويستاهل (( ابو ناصر )) الله يمده بالصحه والعافيه للشاعر/ احمد سليمان الرشيدي يا سيدي يا أبوي يا أبو الكريمين يالوالد القائد ويابو الجماله يابوح شاعر قبل يبدى ف بيتين في شعره اللي جاك حامل رساله عنوانها حنا على العهد باقين ومن ينهبل فينا نعالج هباله حنا معك (( يابو ناصر )) على الدين كلٍ يلوح بالسعد لك عقاله لو ينقسم طيب (( العرب )) بين قسمين (( صباح )) طيبك (( بالعروبه )) لحاله يشهد لك اقرب جار واللي بعيدين حتى اليتامى قالوا (( آحنا عياله )) (( يالعود )) شعبك للقشر دوم ضارين الحكم واحد والبلد راس ماله دام أنت وافي أبشر بناس وافين ومن يذكرك يا شيخ ماضاق باله يازارع الضحكه بثغر المساكين العز أسمك وأنت عمه و خاله ماهي غريبه ياحفيد السلاطين عطاك عدّل حال ماهي بحاله تسلم وتبقى فوق كل العناوين يالوالد القائد ويابو الجماله (( كلمه آخيره )) حطها بين قوسين أسمع صدى البيت الأخير بجزاله من قابلك ياشيخ ماهو بمسكين ولا تنشده من بعدها كيف حاله
|
#502
|
||||
|
||||
مجاراة لقصيدة الشاعر الأمير عبدالعزيز السامر الشاعر/ ناهل المقاطي المجد راس و فعلك اليوم هآمه
حقايقٍ ماهي دعايات و أوهآم لنّك حليف الجود ذروت سنآمه تقصر عن افعالك حكايات الاقزآم ثابت على مر الزمن و احتدآمه ما تنمحي سيرتك ف الشرق و الشآم انت الذرا وأنت الوفا و انت إمآمه و من لامني يا جعله اليوم ينلآم الشعب يهدي مع قلوبه سلآمه ل اللي ب فعل الخير و الطيب مقدآم مليكنا اللي خصنا ب إهتمآمه عادل و أمين و ل المهمات جزّام في كفه الايمن علينا غمآمه تمطر غزير الخير في كل الاعوآم شآمخ و لا تاصل له اليوم قآمه خادم بيوت الله ل الشر كعآم و هذا عهد منّآ ل يوم القيآمه مآ نسمع ل هآفي و خآين و هدّآم و اخر كلامي يقصر الشعر دآمه ما يوفي اللي ل الكرامات همآم لنّه منار العز و اكبر عمآمه و أكبر دليل إنه على الدين قوّآم
|
#503
|
||||
|
||||
ثواب بن زيد أنا البارحة انا البارح بعد ليلي سرا وامضى منه ثلثين
طلبت الله يحقق مبتغى من طالت همومه على هذا المكان اللي كما نوره نجي بادين أنول أعلى شرف وأبدي ونار الشوق مشعومه وتحرك للمحبة والولا بقلوبنا عرقين تعبرها الحروف اللي من الأشواق منظومه نجدد من ولانا بيعة الإخلاص للركنين لبو متعب وابو خالد منار المجد ونجومه نبايعهم على الدين الحنيف وعاشوا الأخوين سلالة من بنى الصرح العظيم ثبت رسومه ولو الشعر يوفي حق أبو فيصل كتبنا لين نوفي حق من مجّد بلاده واتعب خصومه ولكن يرحم الله من تفانا للبلاد سنين عسى روحه ما هي من رحمة المعبود محرومه سلام الله سلام له مكان وله زمان وحين سلام ودام راس اللي يعز الحفل بقدومه سلامٍ عارفٍ منصاه غالي قدر للغالين بعد نور الفرح شعش علينا وابتدا يومه منصا من صدق ذات وعلى الأقصين والأدنين أزف اسمى تعابيرٍ عن التقصير محشومه بعد هجرس بها الصدر الوسيع ومرحبا وأهلين عدد وبل الغشين اللي يهل وتسبح اغيومه هجوسي ما يهيضها حمام الورق لو أيزين بصوتٍ شاديٍ لحنه وصافي جوٍ يحومه يهيضني وقوفي وامتثال العز بين أيدين مليكٍ ما تغير في نهار الشدة عزومه حبيب الشعب أبو متعب لاجت وحده من الثنتين طناخة راسه الراسي تخل الروس ملخومه أبو متعب ذر اللي يشكي الظلم ويشوف البين مليكٍ ما تعداه المواقف غير محسومه أبو متعب لاجا اليوم العبوس القمطرير الشين نشوف العز بحجاجه يلوح وللسعد قومه أبو متعب عما عين الحريب ومزبن اللاجين صليب الرأي يا شر النفوس اللي بها زومه ملكنا اللي لعدوانه يكيل الصاع بالصاعين سنام المجد عداه ابدهاه وحقق أحلومه يمكن كل مظلومٍ شكا له مظلمة تمكين ويضفي به كما يضفى على العريان بهدومه وأبو خالد بجنبك تاجده في عسر ولا لين أمدله كل نفس من صدوف الوقت مضيومه أبو خالد تدون له مواقيف الشرف تدوين ومشاعرنا تدافع له وفا ماهيب مرغومه ولي العهد عدٍ مورده يقطع ضما المضمين وسورٍ للوطن حصنٍ عيون أعداه ملطومه إلهي نطلبك عونك ولا غيرك ولي ومعّين تعز المسلمين ودولةٍ بالشرع محكومة وتكفينا من شرور الضلال ومن غلو الدين ليا بُليت جهاهيل العرب بفكار مسمومه بعد دارت رحى الدنيا وشفنا فعلها بالعين دفعنا ارواحنا للموت والأقدار محتومه لجل أمن البلاد اللي حكمها خادم البيتين ولا زال الوطن شامخ ينال المجد ويرومه على أرضه كم طوا البيدا قدم حافي وخف وقين مناعير مذاهبها على العيرات محزومه نعم كنا ولازلنا ومن زل تهاون هين وحنا شعب ما اختلفت تقاليده ولا سلومه على شبه الجزيرة والعروبة بالذرا مضفين نزّبن من نضانا والحريب انضّيع علومه وهل التوحيد حنا كالجبال الشامخة راسين حقوق الرجل فينا وافيه ما هيب مهضومه نحكم الرأي لا منه غدا رأي العرب رايين نخوض البر زحفٍ لو محيط الأطلس نعومه تجندنا لجل عز الوطن يا بنت لا تبكين من عدانا يرّبع كل ذيب وياجد اطعومه جنود فالقسا نسمى سما مثل السماء سامين يسمى باسمنا الاسم وأسامينا لها هومه رجالٍ حلمنا دايم وسيع وفاللقا صلفين عوايدنا الشموخ ونعتلي والغالي انسومه لنا روسٍ يسكرها الغضب والكايدات اتلين وينعشنا هوى نجد العذي ولفحة اسمومه تربعنا على دارٍ موانيها على شطين بلادٍ ما خذيناها بوزعة ورث مقسومه وطن ما هو عقيم وينجب ملوكٍ تفك الدين فعايلها نعاينها على الواقع ومعلومه مواقفنا مواقف صاملة ما هيب بين وبين مواقف ما يحرفها هبيلٍ مد حلقومه على فكر الضياع ومن عطو مع ساقته مخطين وجميع أيامكم يا عالم التضليل مشئومه ألا ياللي سريت ابمحملك يوم العرب ممسين سريت ابليلةٍ ظلما بها الأنوار معدومه وقردك الله وصادمت الجبل يا الوعل أبو قرنين توسدت الوطا وقرونك الثنتين مصرومه ألا يا المحمل التايه بسم رب الخلايق وين سألتك وين متوجه ترا وجهتك منجومه فجعت الطفله اللي هلت الدمعه على الخدين تخايل دم أبوها طفلةٍ في حضن مضمومه نواياكم عرفناها وقلنا يا بشر غادين وتماديتو وطحتوا طيحةٍ ما هيب مرحومه دخلتو بين لحيان الجمل ثم أطبق اللحيين ولا زال الجمل لمقرد العربان لا هومه نعرفك محمل الفكر الدخيل وزمرة الباغين وجراثيم البشر عنا تموت بموت جرثومه ولا يدرك عواقيب الأمور ألا ذكي وذهين ويجهلها الغبي اللي بعدما فاق من نومه يدور الوقت باحداث الزمن والخافيات اتبين وطبع النفس عن فعل الخطا ما هيب معصومه ولكن التمادي ما له ألا السيف أبو حدين وحربة حق في فج النحر والصدر ملحومه لا سار الجيل مع نهج صحيح أصبح كما هاتين ونقراه بعبارة واضحة معنى ومفهومه يغيّر في معانيها السكون وهمزة التنوين وتصير حروف مسكونة محل حروف مدغومه وبلادي ما حميناها بسورٍ مثل سور الصين بلادي سوره إرجالٍ بصدق إيمان مدعومه مداغيش العيال اللي فتوق اطعونها شبرين مداغيشٍ بحب الدار وأهل الدار مغرومه إلهي نطلبك عونك ولا غيرك ولي ومعين تعز المسلمين ودولةٍ بالشرع محكومه
|
#504
|
||||
|
||||
سمو الأمير جابر الأحمد الصباح (رحمه الله) رد على مرشد البذال قولك تراه اليوم صاير وجاري الله يجزي ذيك الايام بالخير ياما سرينا يم ذيك الخباري مجهامنا كل يوم مثل النواطير مانعرف التنتات هي واللواري لهن دويٍ يشبهن الزنابير نمر بالريضان خضر قفاري العشب زاهي مع فياضٍ مزاهير لامن طلع مختار عقب المساري في موقع مافيه جرة مظاهير اوهد صوب الروض وسط النهاري غمر وصفف ياحسين التصاوير واليا نزل عينه تشعشع بناري نشوفهم جنب الذواري مخامير مثل الملك جالس وحوله جواري والله مااصخي به بخيشة دنانير ماهمنا برد ولا هوب ذاري يوم ان للمقناص بالنفس تأثير واليوم كل واحد يصيد العفاري والناس صاروا كلبوهم صقاقير اصبر تشوف الطير فوق القواري
مطلعه راعيه مع سكة الجير
|
#505
|
||||
|
||||
جلعود الشمري ناس على ناس لا واهني طيورها في عششها
ماقسمت رزقه على الدين والكاش تتبع هوى نفسه على كل مشهى ما يوم من عفس التفاكير تنداش الطير ماتدري خواطر دبشها ما تشوف ماتكره وتغضي بالإرماش نصيحتي من زرع قلبي حششها اللي بصدره من هموم الدهر حاش النفس اليا من ناب همه نهشها الى جالها من جاير الوقت نهّاش اخفه وصدرك لو ضلوعك عرشها لا تشكي اوجاع الضماير على اللاش ايام توفي دينها في ريشها تمضي وحنا بين نافخ وفشّاش ناس على ناس تنفِّخ خششها ونشوف شيبان تزاعل بليّاش والشر له ناس تنفِّش شوشها ويلولشون لطاري الشر لولاش دنيا دنيه لو زهت لك بقشها جودك وماجودك بلا جودها ماش إن عجعجت قشّت علينا قششها وإن امطرت سيله للأجداث قشّاش لا يخدعك به رش بارد طششها خف من غرقها كان ميزانها طاش ماحد يعز النفس حزت عطشها لو طول عمره بعزة النفس معتاش يرمي بنفسه فوق فارغ غرشها ويمص من ناعم ثرى القاع واجراش يخفي بصندوق الضماير غششها ينفش لو في بعض الايام يرتاش
|
#506
|
||||
|
||||
جلعود الشمري يا مل عين يامل عين تسرب الدمع تسريب
يا ما شكت من جور دمعي جفوني والله يا لولا العيب يرقا المراقيب ارقا واغني من غرايب لحوني واغني ابيات نظمتها بترتيب وجدي على من حط الابعاد دوني واسلي الخاطر بكثر المكاتيب عم وشهر سار الدهر من فنوني دنيا تغثبر صافيات المشاريب ولا همها همي ولا ساب شوني والقلب يا اللي بين روس الكلاليب تقوده شطونه لبحر الغروني يسوقه الحظ الردي لللواهيب ويشويه همه من جميع الركوني يا من يجازي بالردى عامل الطيب اشفق بقلب لك عزيز حنوني قلب يعزل عن جميع الاقاريب وهبه من الله والمقدر يكوني هذا نصيبي والغلا له مواهيب وبذكر اللي بالغلا يذكروني وصلاة ربي عد ما كان بالغيب وعداد ما مال الهوى بالغصوني على شفيع الخلق يوم الاصاعيب عند الولي يوم العرب يحشروني
|
#507
|
||||
|
||||
جلعود الشمري النمر النمر ما عمر الحصني تعشاه
والسيف مايشبه لموس الحلاقه وترا الصديق بساعة الضيق تلقاه والتابعيه ماهي مثل البطاقه وملا يودك لا توده وتنصاه ومن فارقك افرح بساعة فراقه خل الشعيب يسيل سيله بمجراه لا صار مالك فيه قدره وطاقه لاصار ماتقدر تعدل شقاياه هيهات ياتي بزعل والحماقه النذل يطمع بك اليا صرت تدراه لاصرت له طيب تره صار عاقه تمد له يمناك ويمد يسراه والنذل ماينفع ولا به شفاقه عليك بالطيب اليا جيت تنصاه ينفعك ماهو مثل خطوا العلاقه ونفسه على فعل المكارم مضراه ويقوم بالواجب بعرف ولباقه ولاخير في اللي مايعرف المعاداه وعزي لحي مايعزه رفاقه يا ويل قلبي واه واكبر بلواه تسوقه افات البلاوي سواقه بين الرجا والياس يقطف خلاياه عقب التسا عتبه كسيف فطاقه يمسي ويصبح حايرات نواياه بين القداده والاسى وصطفاقه من هاجس بالقلب لازال ابكماه بقص كنين القلب يضفي رواقه
|
#508
|
||||
|
||||
جلوي بن رتيبان آل حبيش البارحه ممسيت عيني سهيره البارحه ممسيت عيني سهيره
عزي لمن مثلي من الناس عزاه متراكين وابدع بيوتن غزيره وعمر الغليون وثنيه بملاه من دلتن ما لعقتها السعيره صفرا على جال المناره مراكاه فنجالها ماهو يوصف بغيره وصناعها اللي يفتهم كيف معناه وياماحلا شوف البيوت الكبيره في خايعن من غب سيله نزلناه ما راده الشاوي بضانه وغيره وعشبه كبارن وللحنازيب مشهاه ويازين شوف بيوتنا مستديره سودن على روس الصياهد مبناه وذيداننا ما فرقتها المغيره من صاعها صعناه لامن لحقناه واميرنا هجرن وحنا نجيره ومن جاء يبيه من القبايل طردناه بصنع الهنادي وام خمس القصيره واهل القنازع فوق قبن مغذاه ايلين جاء شيخن ولا كل ديره شيخن حكم كل القبايل بيمناه الله يضللبه سنينن كثيره حتا القريزي قدهو اليوم يدراه من عقب ذا ياراكبن زين سيره عمانين من باطن عمان مرباه يشبه الريم ذيرتها الذخيره شاف المبندق يوم حاوس لمرماه ملفاك ابن جلبان ماهوب غيره عساه يبطي طارش الموت ما جاه سلم عليه وخبره بالسريره وعطه العلوم وكل شين من اقصاه وقله ترا حن ما علينا قصيره نطمر وولد الاش يدرا بممشاه وانحر فهيد عيد راعي العثيره عضيدي اللي جعل الانذال تفداه عيد الطروش اللي عليهم قصيره جو من بعيدن والمزاهب مطواه وقله ترا الدخان مابه معيره درب المعيره عند غيري بيلقاه العيب في غمرن يعس القصيره واللي يخلي الضيف ماهوب يقراه والعيب في غمرن يجر الجريره واللي يصد من ابن عمه اليا جاه وصلاة ربي عد مافي الجزيره على شفيع الخلك يوم الموافاه
|
#509
|
||||
|
||||
جزاء البقمي يا ستار اكاديمي يا ستار اكاديمي .. ويا سوبر ستار
وين الحيا ضاع الحيا والحميّه غزو احتلال الفكر والفكر محتار كيف البشر ترضى بشوف الدنيّه غزو احتلال الفكر بالتافه انذار سخف ومناظر مالها قابليّه افعى تغلغل بالفكر سمها ضار تورد عقول النااس حوض الرديّه كل الشعوب وفي بعيدات الاقطار قدام هالتلفاز صبح وعشيّه عزّي لرجل ٍ هل دمعه لبشار يوم اعلن التلفاز سوبر عطيّه (بديع)( ماري ) .. قمة السخف والعار ( لاري ) تماري بالردى والخطيّه ( ميشيل ) مع ( بيتي ) .. ورقصات اليسار شي ٍ مخطط والقضيه قضيّه ( محمد خلاوي ) امتلا كله غبار مكروه والله من تحبه غبيّه لا ما يمثّل جيل وافيين الاشبار جيل الوفا والطيب والمقدريّه عزّي لمجد ٍ طاح في وجه معصار وشبت بوسط القلب نار ٍ لظيّه من قمة المجد لدهاليز الاخطار الله واكبر .. وش بقى يا بريّه قالوا نجوم .. إلا تيوس ٍ بهم صار مجد العرب ما بين هذه وذيّه لا ثار بارود التحدي والاصرار حنّا عذاب الخيل في كل هيّه نبيع ما نملك فدى دين ٍ ودار ودار تبقى بالكوادر غنيّه وحنّا لنا مجد وحضارات واخبار نمشي على نهج الكتاب ونبيّه غسيل مخ ولا رضى دمنا الحار نتبع فلول الكفر والعنجهيّه انصح صغار السن قبل انصح اكبار تكفون لا نصبح للاغراب نيّه الحق ما يفنى ليا صار له ثار لكن يبغى له عقول ٍ ذكيّه النهج .. نهج المصطفى سيد الابرار والنفس في درب المعالي جريّه أمّا نسود الكون بانجاز واذكار والاّ .. يا جعل الله يجيب المنيّه
|
#510
|
||||
|
||||
جزاء بن صالح الحربي رفيقك اللي رفيقك اللي ما يقدر مواقفك
ترى ربيع القلب بعده وفرقاه ليا صار لا رجلن مقامه يشرفك ولا طيبن تقدر تحمل خطاياه احرص على فرقاه لو من طوايفك ليا صار ماتقوى على شيل عوجاه ليا صار دايم با المواقف يخالفك ويفرض عليك الراي من غير ترظاه منت أولد له يستهينك ويعسفك ولا والدن ودك على مكسب ارظاه ولولا لزومه بول العام عايفك ولو شاف طيبك عقب يومين ينساه وان قلت له مخطي فظحك ابمعارفك وليا تجاوزت الخطى عنه مرظاه وليا سكت و شمت يجرح عواطفك وضحوك في وجهك وسودن خفاياه وان قمت مايسوى هبايب عواصفك وان شلت له عرقا على الكبد عرقاه وان جيت له محتاج ما تقل يعرفك ويعطيك مع بيض المعاذير علباه ليا صار عند اللازمه ما يساعفك و قت الرخا منته ابعازت حماياه لا تشتكي عنده يكبر سوالفك فرقاه تغني عن مسرات جدواه وحاذور عنه لا يسود صحايفك ولا تقربه مادام تعرف نواياه و بعدك عنه في ديرتن ما يشاوفك اخير من قربه وشوفه ولا ماه وموتك بعزك جنتن ما تكلفك ولا حاجتن عند المنون و ترجاه و موت الكرامه عن جنابه اتشرفك ولا منته عسى نواعيه تنعاه ومن يجهلك في منطق العرف يا صفك وعرف الفتى تنبيك عنه مزاياه وترى الرفيق اللي بهمك ينا صفك ويفزع ليا شاف الخلل فيك يرفاه ودايم صدوق وبا الحموه يلاطفك ويقوم في و اجبك من قبل تنخاه رجلن على كل المواجيب عارفك ودايم طواريق الشرف ساس ممشاه وان حلت الرفقه يشيد ابو صايفك ماكنك الا واحدن من دناياه ليا جا مجالك جاب عنك طرايفك و ليا ذكرك بجملة الخير مبداه
|
مواقع النشر (المفضلة) |
الذين يشاهدون محتوى الموضوع الآن : 4 ( الأعضاء 0 والزوار 4) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |