|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#11
25-07-11, 08:32 AM
|
|||||||||||||||||||||||||||
|
|||||||||||||||||||||||||||
كلامك عين الصواب ياغالي الله يسعدك ويرزقك على قد نيتك بس احب اقولك ما وهقني الا الاحلام وقابلت بناتي البارح واتمشيت انا وياهم والله مابغوا يروحون لأمهم قالوا نبغى ننام عندك وانت عارف الدوام قلق وما اقدر اتركهم بالبيت لحالهم وعلى فكره اهلي ما احد يتدخل بمشاكلي عارف ليه لانهم واثقين بتصرفي وحسن تدبيري للأمور لكن ساعت ما اتذكر البنات يضيع كل تفكيري لكن ارسلت مع البنات اوراق طبعتها من النت خاصه بتعامل الزوجه مع زوجها والعكس وارفقت بعد عن الطلاق ايجابياته وسلبياته ولو حرمه فاهمه راح تقرر بعد هذا ايش باقي من حل ثاني اقدمه اعتقد غلط اني ارسلت مع البنات شي
|
|
#12
25-07-11, 08:57 AM
|
|||||||||||||||||||||||||||
|
|||||||||||||||||||||||||||
هلابك ياخلفهم واشكرك على توجيهك الرائع بس عندي شويت ملاحظه على كلامك تدري عاد ماوهقني الا الأحلام الزائده وازيدك من الشعر بيت ربي رازقني من اوسع ابوبه وكنت ناوي اشتري بيت مستقل لكن وين تشتري ومعك ولله الحمد عمري ما استنيت الراتب ينزل بأي حال من الاحوال...... نوع عجيب من النساء لعنبوا صوتها اسمعه وانا توني داخل للبيت وبيتنا الحالي مو صغير يارجل لكن بهذي العائله طبيعة الصوت المرتفع وين الانوثه ووين الحنان بالله عليك تصوم وتفطر على بصل تدري عاد انا ارتب منها كثير الرجل مهما كان عصبي في بيته بس في بيتي بالعمل تعال شفني شكل ثاني .......؟ وين راح يكون سبب الاختلاف بين الشخصيتين ومين السبب بكذا؟ ولله الحمد مبتسم على طول لكن بداخلي بركان ثائر وهمي مايعلم به الا الله تدري مره من المرات دخلتها جمعيه مع اهلها اعطيها مصروف وادفع جمعيتها ويوم طلعت قالت ابشتري ايفون ورفضت طبعا وماهمها رفضي جابته وصار زعل بيننا ويوم رحت اتفاهم مع ابوها جلس يتكلم بكلام غير مفهوم اقوله يمين يقول يسار واعطيه سبب المشكله ورده الوحيد شف بس ايش رده ,,,,,,,,. ليه ياباب تشترين ايفون كان اشتريتي نوكيا بالله هذا رد رجل عاقل وقمت وتركت لهم البيت وقلتله خل بنتك عندك ورفعت دعوه بالمحكمه وقبل الموعد بيومين اخذت قريب لي بالمحكمه ورحنا لهم وتكلمنا والله تفشلت من قريبي حتى كلمتين من راسه ماهو قادر يقولها يقول كلمه ويطلع من المجلس ياخذله شوي ويرجع يمكن بخلال الجلسه اللي ماكملت ساعه طلع فوق العشر مرات هاه وش تقول بهذا
|
|
#13
25-07-11, 11:39 AM
|
|||||||||||||||||||||||||||
|
|||||||||||||||||||||||||||
الله يعافيك العصبيه شي طبيعي أنا كبنت مرات اعصب واعصب شوي وتسبح عروقي بالارض من العصبيه  يعني شي طبيعي ..بس بعد العصبيه اذا هديت اكيد بتحس بالندم ليش انك عصبت دام ينقصك من الطرف الاخر الشي الكثير لازم تفهمها وتقول لها بالصريح يعني اجلس معها جلسه مصارحه للاخر دامك موب مقصر معها من ناحيه مصاريف وحقوق وكل شي وبعدين يوم تقول تبي تشرط على زوجتك الثانيه ان حظانه بناتك عندك ..هل تقدر تعرف كيف معاملتها لبناتك يعني مرات اشوف الاحسن للبنات أمهم من زوجه الاب..وصح الحريم موب مثل بعض. بس الافضل عند امهم
|
|
#14
25-07-11, 12:01 PM
|
||||
|
||||
|
كان الله في عونك على مشكلتك أخي الكريم.
قد تنفع التوعية للزوجة وتصلح حالها. حاول ولعلّ الله عز وجل يغيّر حالها.
|
|
#15
25-07-11, 12:38 PM
|
||||
|
||||
|
ياجماعه ماني نقص وعي او مفهوميه ولله الحمد فاهم واعرف اتصرف لكن الزوجه اللي تبي تعيش اكيد بتفهم واللي تمشي ورا كلام الناس وتراقب كل اللي حولها وش بأيديهم تقبل بزر وتبي مثله ماصارت
والله طلع بلساني شعر من كثر ما اتكلم معها وهي عارفه ساعه ما اعصب ما عاد اشوف من اللي قدامي والا من يكون عارف انه غلط لكن هذا حالي وهذي عصبيتي تعبت من الحكي من دون مبالغه مشاكل بشكل يومي بالاول قلت يمكن علشان اني دقيق بزياده بديت اتغاضى وبرضه مافيه فايده
|
|
#16
25-07-11, 12:42 PM
|
|||||||||||||||||||||||||||
|
|||||||||||||||||||||||||||
معك حق لكن اللي اشوفه ان جلوسهن عند امهن راح يعقدهن اكثر وكثرت مشاكل قدام البنات نفس الشي لدرجه ام ثلاث سنوات الصغيره اذا شافتني معصب على امها تحاول تجذب انتباهي وتسحب وجهي لها مو معقول الاطفال افهم من امهم وابوهم ,,,,,, لاحول ولاقوه الا بالله العلي العظيم الحمدلله والشكر لله على كل حال
|
|
#17
25-07-11, 08:00 PM
|
||||
|
||||
|
( لهيب ) يابعدي
الله يلوم اللي يلومك وأنت حسب سردك لقصتك ما أنت علطان لو تروح وتتزوج وحتى لو تطلقها ، حنا مانناقشك على شان نحدد الخطأ على من حنا نناقشك والله على شان بناتك ولا كانها على الزوجات الحين والله حرام الريال يصرف عليهم " البعض منهم " لا بل الأغلب ، أنصحك إن تتروى شوي انت صبرت كثير مايمنع لو تصبر قليلا ً حتى يبدأ النقاش معها وتحدد شروطك وطريقة حياتك اللي انت تبيها تسويها إن قبلت فالستر والأستقرار زين وأنا أخوك ، ما قبلت ونويت تطلق لا تصك الباب خل لك رجعه يعني لا تطلق بالثلاث الطلقه الوحده تراها ترهب الزوجه وتخليها تمشي على الصراط المستقيم وأبوها ضعيف شخصية لا تأمل عليه شيء ولا تعطيه أي أهميه تصدق بالله إن خويي حالته مثل حالتك مايعرف من يكلم من أهلها يبي رجال مافيه رجال كفو يبي أحد يتناقش معه ماكو أقول عش حياتك وأبتسم وأضحك وسافر وأنساها أن كانت ماتبي تصحى وتقدر كل هذا الشيء اللي تسويه كل كلمة أقول لك فيها تروى تراها على شان البنات ماهو على شانها ، فيه مره سنعه ترفع قضية على زوجها بالمحكمة
|
|
#18
25-07-11, 08:37 PM
|
||||
|
||||
|
الله يعينك يااخوي .ويعين كل زوج مثلك حريص على أسرته ..
والزوجة طناااااااااااش .. قصتك مشابهة لواحد من محاارمي .. .صار خلاف بسيط ..وحذفت العيال أصغرهم أبو سنة مع الشغالة .. لمدة شهرين ...والمشكلة أبووها ارخمة ..والمسيطر أمها هي الكل بالكل .. تبي بنتها مثل شخصيتها ... يقول اورح لمن لاأبوها اللي يدربي رأسه ولاأمها اللي لسانها يلوط آذانها تصدق وش شرطها للرجووع (هي وامها) ..تكتب نص البيت باسمها .سلاماااااااااات ..وين حنا فيه في مصر .. ورب البيت خطبنا له وحدة بنت رجال اخت رجال ..لكن يوم عرفوا جتك ضاربه الطبلووون كله ههههه ورجعت لبيتها ..مو حباً في زوجها ولااولادها ..خائفة وحدة ثانية تسكن الفيلا الجديدة .. وربي ماهو مقصر معها بشئ دلع دلع بكل معنى الكلمة ..بعض الحريم تطلع على رزقها عشاان كذا يااخوي ..تكلم معها بهدووووء ..ووضح لها انه الحال ماراح يصبر عليه ... وحااااول بكل الطرق واذا مانفع ..الله يلوم اللي يلومك .. اسفة ياااخوي شطحت شوي ..لكن الكلام جااب بعضه بعض الحريم يبلاها ربي بزوج مريض.. محشش ..ومع ذلك تصبر على الضيم عشاان عيالها وبعضهم الزوج طيب وحبوب حتى لو فيه عيووب مااحد كاامل تدلع وتفسق ....
|
|
#19
25-07-11, 11:54 PM
|
||||
|
||||
|
الله يكون في عونك
 اصبر عليها شوي يمكن تتغيّر من بعد ما تقرا الأوراق اللي ارسلتها لها ...ما تدري كل شي جايز .. و الانسان بطبيعته يحتاج لوقت مو بسيط علشان يغيّر قناعاته و تفكيره ..فأمنحها الوقت لتفكّر و أنت في هذه الأثناء ارتاح و لا تشغل بالك بالموضوع كثير ..أحياناً الواحد من كثر ما يفكّر بمشكلته تنشحن أعصابه و يتم طول الوقت متوتر و معصّب .. و هالشي يأثر على طريقة اتخاذ القرارات و خاصةً القرارات المصيريه اللي تتعلق بحياة الإنسان و مستقبله ... فأنت ريّح نفسك و مارس هواياتك و مثل ما قال أخوي غريب سافر و ابتسم و تناساها ... و بعدها شوف ردها و ناقشها فيه ..اعرف طريقة تفكيرها و أفهم سبب تصرفاتها ..و بعدها أفرض رايك و شروطك عليها بمقتضى ما تسمعه منها ...و مثل ما يقولون أمسكها من يدها اللي تعوّرها .. يعني شوف نقطة ضعفها و حاول إنك تستغلها لصالحك و صالح بناتك ...و ما تدري ياخوي يمكن مع هالمحاولات تنجح .. و لا تنسَ إن رمضان على الأبواب و يمكن يأثر فيها ... : و إذا الحال من بعد هالمحاولات ما تغيّر و تم على ماهو عليه ...فآخر العلاج الكي، تزوج عليها بس لا تطلقها علشان بناتك ( إذا كنت مقتدر على بيتين ) لأن مهما قبلت الزوجة الجديدة ببناتك ، صعب جداً على بناتك يعيشن مع إنسانه أخرى غير امهن ...الأم غير ، بناتك لو كبار على 11 سنة و 13 موب مشكلة ، بس هن صغار و في طور نموهن الجسدي و العقلي و محتاجات أم و أبو و استقرار نفسي قبل أن يكون أسري .. : الحل الآخر ، ركّز على الكلام اللي قالته شموخ ، فعلاً المرأة كل شي عندها يهون إلا أن تسمع زوجها إنه بيتزوج عليها >>>> يجن جنونها شوف هذي نقطة ضعف كل مرأة ، و معظمكم يعرفها و ما تغيب عنكم ، حاول إنك تحسبها لصالحك و صالح بناتك .. : الله يفرج همّك و يلم شملك ،’
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
