![]() |
العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
![]() |
|
أدوات الموضوع |
التقييم: ![]() |
انواع عرض الموضوع |
#1451
|
||||
|
||||
![]() عيال : السلام عليكم ورحمة الله وبركاته ..
اليوم طفشان .. ومشتهي اكتب اغنيه .. عاد ما طاع يطلع معي إلا الاغنيه اللي فوق .. من اليوم قاعد اغنيها على : لالا .. لا تضايقون الترف لا تضايقونه .. لالا : خلوه يجني من حياته ثمرها .. كنت ماسك علبة قارورة موية الصحه .. واتخيل انها ميكروفون .. ومقابل الدريشه كني على البحر .. على بالي فديو كليب .. بس والله الجو مليان غبار .. شكلي بتخيل حالي بالصحراء الكبرى .. عشان يضبط المشهد .. |
#1452
|
||||
|
||||
![]() جدتي عليها رحمة الله ..
وفي مشهد ما انساه .. كانت فاله .. دوشق صوف .. الدوشق : هو عباره عن مطرحه .. او فراش .. للنوم .. يكون محشي بكميات كبيره من الصوف .. كنه مطارح سليب هاي .. بالجوده .. بس مابه سبرنقات .. بالعكس يعيش اكثر من مطارح سليب هاي .. وبالامكان صيانته بين فتره وأخرى .. يفتحون بطن الدوشق الصوف ويطلعون الصوف .. اللي بداخله ويعيدون ندفه .. او نفشه .. عشان يرجع كنه جديد .. لأنه الصوف مع الوقت يصير متلبد .. عاد اللي صاير مع جدتي الله يغفر لها ولموتى المسلمين اجمعين .. كانت فاله .. الدوشق الصوف .. ما تطيع تخلينا نودي الدوشق والمخدات .. حقها للنداف في مشهد جميل .. وانا منجضع على المخده اللي ماسكه سرا خخخخخخخـ فيه كم مخده .. ستقوم جدتي بنفش صوفهم .. بس بعدما تخلص من الدوشق .. عاد انا كنت حاط راسي على احدى المخدات .. واتفرج على جدتي الله يغفر لها ومتابعها خطوه خطوه .. اشوفها وهي : تخرج الصوف من بطن الدوشق .. وتبدأ تفلفله بيديها : جعل يديها للجنه .. بعدما تنفش الصوف بيديها .. وتتأكد من عدم تلبده .. تاخذ لها .. سيخ حديد .. بطول متر وشوي .. وتقوم تجلد الصوف .. وهذه العمليه .. تسمى ( الندف ) بعد النفش .. من يذكر الانشوده اللي بمسلسل افتح يا سمسم ( اندف قطنا .. يندف قطنا .. ينفش يعنم .. يصبح زينا ) كل هذا ما يهمنا .. اللي يهمنا .. ان جدتي كانت تسلي عمرها .. وتنشد بعض القصائد اللي تحفظهم تسلي عمرها : لأن الفاغر المنجضع مو مونسها ولا مساعدها بشيء الدب الصغير المستلقي على بطنه بس فاتح فمه ويتفرج .. ومتهول من طريقة نفش الصوف .. <<< هذا انا .. اللي بالمشهد الاخير .. المهم : اني كنت اسمع منها القصيد وهي تغني وتنفش الصوف .. كان مرررررررررررره يعجبني القصيد .. الحانها مررره حلوه .. الله يرحمها .. بعدما .. ماتت جدتي .. اشتهيت اسوي مثلها .. مو اشتهيت انفش صوف خخخخخخخخخخـ اقصد اشتهيت اغني نفس اغانيها .. كنت اذكر بعض الابيات .. عاد لما بحثت عنها وعرفت تكملة الابيات حاولت اغنيها مثل جدتي .. بس ما طاعت تضبط معي .. بعدين نسيت الموضوع مؤقتا .. لين تلبشت للقصيد وصرت اعرف بعض اموره .. تذكرت قصايد جدتي .. وعرفت ان السر .. في اللحن .. بعض الالحان تخلي الابيات ضابطه ولما تجي تقراها بدون لحن .. ما تضبط معك .. اللي خلاني اتفطن بهالسالفه .. هالابيات حقتي .. اللي كتبتها امس : كانت مرررررره ضابطه معي يوم اغينها على لحن .. لالا يالخيزرانه .. اليوم جيت ابي اقراها بدون لحن .. حسيت انها حوسه وكن بها كصوم بالوزن او مغصوبه غصب خخخخخخخخخخخخخـ يعني طلعت ما عندي ما عند جدتي خخخخخخخـ |
#1453
|
||||
|
||||
![]()
|
#1454
|
||||
|
||||
![]() القدس ياليتها ترجع من المغتصب
يعود يرجع زمام امورها للعرب بلاد الاسلام تصفى من الفتن والنشب من كان له حق ضايع يرجع الحق له ياليت لو كان فيه اشخاص متخاصمين امورهم ليتها من اليوم ترجع تزين عقب الزعل يصبحون اصحاب متفاهمين يرجع غلاهم ومعهم تضبط المسأله ياليت من له حبيب(ن) فاقده من زمان مع غيبة اللي يحبه صار فاقد حنان يرجع حبيبه وفي قربه يحس بأمان من بعد طول انتظار الغالي يعود له دعيت ربي عسى ربي يجيب لدعاي يا والي العرش ياربي تحقق مناي ابديت هالمسأله يارب تضبط معاي ترجع اموري تمام وكنها الاوله ترايستاآآر |
#1455
|
|||||||||||||||||||||||
|
|||||||||||||||||||||||
![]()
بعد اذنك يا اشغلي .. لحظه قبل اذنك : شلونك .. عساك بخير ... عاد الحين بعد اذنك .. ابي اسولف سالفتي مع هالابيات .. ارسلهم لي واحد من اخوياي بالجنوب .. وقالي تكفى ابي ترد عليهم .. عاد للحين الرساله عندي بالجوال .. هذا اللي قلت له : الشيخ لو هو عرف بأوصاف خلاني = كان اصدر الحكم فوري ما اخلتف ضنّه لو شاف حمر الشفاه وبيض الاوجاني = لو شاف خلي تزين بكفه الحنّه الصدر كنه حوى حبات رماني = من تحت ثوبه بلا شيال شالنّه يلبس مخصر وتزهى فيه الالواني = وارداف من كبرها خطرن يشقنّه الشيخ لو شافها يقسم بالايماني = من حقها تاخذ قليبك بلا منّه من شاف ذيك الوصوف وصار هوياني = مغفور ذنبه وربه راضين عنّه ترايستاآآر |
#1456
|
||||
|
||||
![]() استمتعت كثيراً بقراءة أشعارك أخي الغالي ترايستار ولا يهون الباقين.
لكَ خالص ودي واحترامي وتقديري. ![]()
|
#1457
|
|||||||||||||||||||||||
|
|||||||||||||||||||||||
![]()
ماشاء الله .. تبارك الله علي وعلى موضوعي .. حسن خليل عندي هنا .. ابو قوارير خخخخخخخخخخـ اول انسان احتكيت به في قصيمي نت .. ( حسن خليل ) ما كنت اعرفه .. وجيت مسرع .. بالمنتدى .. كان فيه موضوع بقسم العلاقه الزوجيه .. نقاش .. بين حريم ورجال .. ناسي وش كان بالضبط .. بس كانوا متهاوشين .. كلن يقول حنا احسن .. الحريم يقولن حنا احسن منكم ,, والشباب يقولون حنا احسن .. المهم : اني قمت اقتبس من مشاركاتهم .. واكتب عليها تعليقات قصيد وما اعرف احد .. بس كذا .. عاد حسن قالي .. رفقا بالقوارير خخخخخخخخـ عملت حالي مو داري وش يقصد حسن .. وتراسلت معه بالخاص ... عاد شرح لي .. انه ما يصلح اكتب قصايد بحريم اجنبيات .. وعقلت فتره .. لعيون حسن .. ومن وقتها وحسن صديقي .. احيان اذا صار غايب آخذ راحتي .. وحيان يهاوشني وانضبط خخخخخخخخـ اول ما نزلت موضوع المدونه حقتي .. على جال كيبوردي .. كان حسن .. من المشجعين لي .. حسن .. احبك فالله .. وتواجدك هنا .. شرف كبير .. ورفع لمعنوياتي .. |
#1458
|
|||||||||||||||||||||||||
|
|||||||||||||||||||||||||
![]()
تسلم عيونك يالغالي هذا عشمي فيك دائماً، كلك أدب وأخلاق. وأحبك الله الذي أحببتني فيه أخوي ترايستار. وحقك علينا على الأقل نشجعك على امتاعنا وامتاع الأعضاء والزوّار بأشعارك الرائعة والتي أحياناً تضرب على الوتر الحساس، مثل القصيدة الأخيرة. لك عظيم عرفاني على هذا الإطراء الجميل لشخصي المتواضع.
|
#1459
|
|||||||||||||||||||||||
|
|||||||||||||||||||||||
![]()
انا ماني مصدقني خخخخخخخخخخـ حسن خليل هويان .. كنت احسب الادباء ما يعرفون العشق والهوى .. مدري ليش احس كل حقين الصالون الادبي .. بس يعشقون اللغه العربيه والنصوص الادبيه والهوى ذاك مالهم فيه .. لين شفت الاخ يقول .. الوتر الحساس خخخخخخـ والقصيده كانت اوتارها هواويه بحته شكرا حسن خليل على تواصلك وتفاعلك هنا .. |
#1460
|
||||
|
||||
![]() ![]() المسأله ماهي قلوب ورسومات قلوب حمراء تنرسم بالدفاتر المسأله بالذات لاحبت الذات ارواح شفافه بليا سواتر مع الهوى الصادق تزين العلاقات بقلوب تنبض حب ماهو بفاتر ترايستاآآر |
![]() |
مواقع النشر (المفضلة) |
الذين يشاهدون محتوى الموضوع الآن : 7 ( الأعضاء 0 والزوار 7) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |