قَلْبْ طْفلَة

[قـلـب جـبـار]

مشيت من عندك وانا ضايق البال ودي عنك ماغيب حتى دقيقه وناطحني الهاجوس والضيق زلزال ساعة مشيت وشب فيه حريقه والموت كان غيابكم عقبها طال غرقت ببحور الهموم العميقه والله لك ماني كذوب(ن)بالقوال ولاحب من طعم الخيانه ابريقه اقسم بمن نزل تبارك والا نفال ان الكلام اللي اقوله حقيقه انت الذي لك داخل القلب منزال وغيرك على قلبي مقفل طريقه ولومات حبك داخل القلب مازال انت الذي تجلا همومه وضيقه تشكي حوالك لي وشكي لك الحال ونفسي بابحر الحب عندك غريقه اغليك انا واغليك يازين القبال ليت الغلا بالقلب عينك تويقه ليت الخفى مكشوف مع كل رجال حتى الصديق يشوف خافي صديقه والا انت قهويتك من الشوق فنجال وقصايدي عندك لحبك وثيقه خليف الوهيداني

مشاركة هذا الرد في Google Facebook Twitter Digg

أنت معجب بهذا.

[ماتمل]

وش قيمة{الحب}كان القلب

ماشالك!

وأرسـى على قمة أعماقي

منازيلك

أنا و{روحي} وعذب الشعر

جينالك

والقلب نبضه معك ويقول

{كلي لك}

والشعــر مرسالي المخلص

ومرسالك!

والقلب مهما قست الأيام

[وافي لك]

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

كل لحظه يطري إفبالي خيالك يشتعل شوقي يخَلّف بي رماده فاهمه قصدك وأعرف اللي في بالك كيف تنساني وأنا كبد السياده يارضوخي يا هواني في وصالك ولاّ تِدْخلني حروب إبلا هواده عِدّ شريط الماضي مع قلبٍ وفالك شف تفاصيلي ودقّق بالإعاده كنت أقدّر طول بعدك وإنشغالك وآتنفس وحدتي لجلك زياده ياضميري خف ّ من كثر إرتحالك بين أحاسيس التخاذل والإراده من بداية مولديّ حتى أنا لك مارس إحساسك معي مبدا الإباده تغرس أضغاث الغثا في قلب هالك كم تجاهلت إحتياجي وإرتعاده حتى حظي من عرف إني حلالك أزرع الأحلام و يَقْطِفْها عناده كل ضد ٍ شد كلي عند جالك أشربك وأشرق مراره فيك ساده ياغبائك ليه تجرح من عطالك قلب سيّر لك قوافل إنقياده ما أتمنى غير سعد الحظ فالك مات في قلبي الغلا بعلن حداده لا تحنّ ولا تجي مابي سؤالك كيف أرضخلك وأنا تاج الرياده إنسني لاعاد يطريني خيالك إحترقت ومابقى إلا هالرماده مشاعر تائهة

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

كان رسم ٍ خفيته في جدار السنين ماقويته سكوتي الا ان اظهره سافرت له عيوني سافرت الف عين ينزع الشوق قلبي يطعنه ينثره فيه كلي تألم بين قلبي وبين كل حرف بْقصيدي يفضحه يجهره جيت افرح لحب ٍ رد وجه حزين ماتهيّا اعيشه وانكسر خاطره انتظر شي منّك لو صنعت الحنين لويجي منك كاذب والله ان اغفره خَل قلب ٍ ظلمته خَل جرح ٍ دفين عاشقك ! ماقسى قلبك ليه ماتذكره ؟ كم شبيهك اصادف واعشقه لو لحين صدّقت به عيوني والفواد انكره خذ بقايا غرامك رد لي بعض دين شوقي اللي سلبته فيك ابد ماعذره اسعد العاشقين واتعس العاشقين بين عيني وقلبي ماقدرت انظره ؟ شمعة العشق موتي وش بقى وش تبين ؟ هوبقى فيه ليل ٍ لي معاك اسهره سامح الله ليالي سامح الله سنين كل شي ٍ عشقته جاه يوم اخسره ربيّع الزعابي

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

على عادتي باقي ازور البحر باستمرار سألني قبل مده غريق الدمع كيف الحال سأل عن قصت العاني وقام يبوح بالاسرار يقول انت توك ما عرفت الهم والاهوال ترا مثلك كثيراً شكولي شي ماقد صار يمر ايام وتعدي تقول الهم مني زال كتمت اللي له بقلبي وقلت البحر غدار رمت عيني على شاطيه دمعه يوم طيفك مال تركت البحر وامواجه تنادي صوتها صرار بعدها بعد مده طويله بقمره ليلها ما طال على شاطي همومي بنومي زارني زوار يقولون البحر ناوي يجي لجل يشكي الحال صحيت وقلت لجل العين تكرم يابحر غدار على شاطيه زرته وقلت اسمع وخذ موال وقال اقرب وعلمني فنون الصبر يا صبار غرقت بدمعه من عينك وانا عيني عماها طال وقلت اللي بقلبى له مخبى لجل ما تنهار اخاف ابوح لك سر صغير ويعقبه زلزال ولكن يابحر تدري .. حبيبي يابحر مازار انا ما ادري عن احواله وهو عني شريد البال امانه يابحر وصل سلامي وقول به وش صار نساني يابحر والا جفاني يوم بعده طال وقول اني على حالي قبل يرحل بذاك الدار وكل اللي تغير عقب عينه الفرح ما طال ابونايف

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

قلبي اللي لواه مْن الصواديف لاوي جرّحته الليالي و الحظوظ الرديّه والله أنّي بوسط الناس كنّي خلاوي من يلوم المفارق عقب فرقا خويّه أشهد ان المفارق من عظيم البلاوي مير هذا نصيبك يالعيون الشقيّه أتجلّد وأقول أنّي على البعد قاوي والله أعلم بقلبٍ فيه الأشواق حيّه كيف راحت يابوتركي حياتي شقاوي وين درب السعاده والحياة الهنيّه ليت لأهل الهوى والحب قاضي دعاوي كان أداعي عيون اللي فراقه خطيّه كنّي المبلي اللي قطّعته المكاوي كلّما جظّ بالونّات زادوه كيّه دايم السيف

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

اسأل عليك ومانسيتك ولا يوم وان ماسألت اسأل على منهو قلي ؟ مدامني مثل السما وانته نجوم مالي حلا لاصرت غايب ياخلي اشتاق لك واحتاج لك دايم الدوم أتخيلك تمشي معي مثل ظلي حتى وانا في لحظة الحلم والنوم لاشفت طيفك قمت أرحب وأهلي الحال من بعدك هواجيس وهموم ليتك دريت بغيبتك وش حصلي عايش مثل عيشة فقير ٍ ومحروم دايم وانا في جلستي مستقلي ولا كما فارس شديد ٍ وشغموم للسيف وفي وجه الاعادي يسلي فجأه ! لقى نفسه جريح ٍ ومهزوم خانوا به العدوان وهوه يصلي ! جيتك سواة الطير عاجز عن الحوم لقيت تحت إغصونك الخضر ظلي ماكنت متوقع صدودك بلا لوم وأكبر دليل إني حسبته تغلي ياليتني ظالم وحضرتك مظلوم ارتاح مني تفكيري وهجع محلي أسأل عليك ومانسيتك ولا يوم حسبي عليك الله فيما حصلي فهد الديحاني

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

ماقول ان الصدر ضايق أقول الكون فيني ضاق ماقول ان غيبتك صعبه أقول البعد ينهيني أنا ياما زعل قلبي عليك وماطريت فراق أشيل بخاطري يمكن..وارضى لوتراضيني ياليتك بس تفقدني كثر ماأفقدك واشتاق قسم بالله مايطري على بالك تخليني بعيني انت هالدنيا ومن غيرك لعيني لاق كثييير وماملوا عيني وقلبك بس يكفيني فراق! وكنت أبي منّك تعوّض هالصبر بعناق عشانك بعت هالعالم وجيت اليوم تنفيني حبيبي حلت الفرقا وبعثرت بجفاك أوراق عزاي بغيبتك صوره على بعدك تواسيني أنا غصب علي أرضى ببعدك وأكتم الأشواق وأكابر رغم حرماني وأداري دمعتي بعيني حبيبي والجفا سجني وقربك من سماي إعتاق بكثر عيوبي بعينك فقدتك وينك وويني! حبيبي حس في حزني ترى دنياي ماتنطاق أهونها ولا هانت كبيره صدمتي فيني وشاللي يصير بالدنيا لو إنك جيتني مشتاق وش اللي تخسره يعني إذا فكرت ترضيني من الآخر ترى بعدك عطاني هالزمان طراق لأني كنت احسب إنـك تمـوت وماتخليني

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

هيه ياصدري تضيق وضيقتك منهي عشانه واحدٍ من عقب ماعزّك جرح قلبك وذلّه ان بغى عيني حلآله وان بغى صدري مكانه بس وين اللي يقدّر حبّ خفآقي وظلّه ؟! كن في صدري من الحرمان وضلوعي ضمانه شلّة جروحٍ على نار الحشا والقلب دلّه مايغثّ النفس ويخلي الرفيق يطيح شآنه غير صدّة من تبي له شوف..قلبك مشتحن له اتحاشى واتصبّر واعتبر جرحه ميـآنه بس وش عاد اترجى يوم رآح الصبر كلّه؟ ماهقيت ان الوفآ ماله مع الايآم خانه ! صح انآصآدق يآوقتي؟قآل لي وقتي اي بـ الله جيت يـ الرّجم الطويل ولوعة العآشق حنآنه والزّمن زلآت ونغطّي على الزله بـ زلّه كنّ حآلي حآل من عوّد على رجوى مكآنه يوم جآله شآف له شخصٍ غريب وفي محلّه هي خيآنه بس مآودي اسميهآ خيآنه سمّهآ غلطة خليلٍ مآعرف وش قدر خلّه

مشاركة هذا الرد في Google Facebook Twitter Digg

أنت معجب بهذا.

[الغـــــــامض]

صح ذوقك وسلمت يمينك

اختيارات متميزة كالعاده

مشاركة هذا الرد في Google Facebook Twitter Digg

أنت معجب بهذا.