قَلْبْ طْفلَة

[قـلـب جـبـار]

تعبت أسافر في عروقي ومليت من جلدي اللي لو عصيته غصبني ياما تجاوزت الجسد واستقليت عن الألم لاشك جرحي غلبني أنا سجين الحال مهما تسليت وأنا الطليق وكل شيٍ قضبني حريتي لا عل ياكود ياليت ماشفت حيٍ جاد لي ما سلبني وليت ياليل التباريح وليت أما محاني الحزن و الاكتبني كل السما في دفتري وان تجليت مثل الشموس غبار قبري حجبني لي صاحب وان ما تخلى تخليت لابد ما نهدم ولا بد نبني البــدر

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

ثوري معي ياعاشقه في وجه ظالم واعدلي من حرم ايام اللقا ماحلل سنين البطا بجهل تقاليد العرب وانتي تعالي واجهلي لا احملك ذنب ولا احتمل ذنب وخطا كانك بليتي بالهوى فانا الحبيب المبتلي تتخيلين اني غطا؟ واتخيلك ستر وغطا لاني نويت انسى معك قسوة زماني الاولي ياضحكة الطفله وياتغريدة طيور القطا اقرأ قصص واثر علي طبع المحب الاولي يعطي ولامنه خذا ما يرقد الا قد عطى فأما انثري جمرك على نهر الجليد العائلي والا البسي الاسود على قلب وطاه اللي وطا كانك على مذهب هلك وانا على مذهب هلي ضعتي ورى ذيك الخطا وانا ورى ذيك الخطا عبدالله علوش

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

مآجور ياللي خذيت القلب وأشقيته وأمسيت خالي .. وأنا عليك سهراني ياللي على باشة الاضلاع .. وصيته وش لون ؟ تنسى وداعتْك وتناساني حبل الغلا اللي قصرته عقب مديته لا تقطعه يا بعد حييّ وحيّاني وش عذرك بمسلم ٍ بزلالك أشفيته وأقفيت عنّه .. واهو ناصيك عطشاني بليت قلبه و ولعته و خلّيته الله لا يبلاك من عنده بما جاني وانا على العهد الاول ما تناسيته ودي بدفنتْه .. مير الحب سلطاني ماغيرك أحدن ليا منّي تباطيته جيته . من أقصاي بحمول الغلا عاني غيرك لو إنّه يصوّت لي . تعديته جعله فدْا الصوت .. وإفدْا لدّت أعياني وما كل من رحّب وهلا ّّ تنصّيته لو كان لا مرّ دربي ما تعدّاني ولاْ كل من غاب عن عيني تحرّيته ولا ْ كل طرْف ٍٍ يلدّ بعينه .. أغراني ولاْ كل زول ٍ ليا من مرّ حييته ولاْ كل برق ٍ .. ليا من لاح يشعاني مسّيك بالخير . يا أغلى من تمنيته يالمهره اللي بليّا سرج وعناني مسيك بالخير . يا من ضامري بيته لو كان ما هوب حقّ ٍٍ منْك هجراني ياهيه لا جيت في بالك .. ومريته سلّم عليّ يا بعد روحي .. على شاني!! وألا ّ أنت ملفاك لا منّي تباطيته وجّّه بي الشوق لدروبك .. و عنّاني لين آصلك .. بالغلا يأغلى من أغليته وأغلى من أقبل وحييته وحيّاني ضويحي العماني

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

تمهل قبل لا ترحل و خذ معك السهر يا صاح ونوح ما طوى ياسي وقصيد مله الدفتر عساي ليا ابتعد زولك أطيب وخاطري يرتاح وأقول ان البشر وفى ولو ان البشر قصر تعبت أضحك على نفسي وأقول الهم عني زاح وتعبت ابحث عن الحلم الكبير اللي بك تكسر وتعبت أداري احسآسك و ظلمك دآخلي يجتآح سلب ابسط طموحاتي و أقول تهون وأتصبر ولكن ما نفع صبري وحظي لو رفعته طاح وعرفت انك نهاية حب ودرب للشقى أغبر وعرفت انك ليا منك خطيت تطري المروآح وخطاي اني ليا منك خطيت اجيك واتعذر افآ والله حبيبي ما هقيتك تنكر اللي راح ولا ظنيت في لحظه يجي لك يوم و تتنكر حسبتك ليا ارتطم موج الفراق و ضيع الملاح تكون بعينه المرسى ولكن كنت تتكبر حسافه يا السنين اللي قضيناها حزن وأفراح ابد ما مرت ببالك ولا حبيت تتذكر واذا هذي نهايتنا ابشعل للجفا مصبآح وببقى الشامخ اللي ما نكر ذاته ولا تغير ولكن قبل لا ترحل اخذ معك السهر يا صاح ونوح ما طوى ياسي وقصيد مله الدفتر فيصل العدواني

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

دخيل الله ياقلبي أنا طالبك تعفيني أنا طالبك تنساني ولو مره تخليني أعيش بدنيتي وأهنا مثل باقي البشر سالي بدون الحب ياقلبي وبدون هموم تكويني أنا ماعاد فيني روح تبيها تتبعك ثاني انا فيني جسد باقي بدون شعور يحويني على كثر القلوب اللي هوينا ماصدق واحد!! ياقلبي ابتعد عنهم ترى اللي فيني كافيني زرعْت الحب فأعماقي وحصدْت جروح تاليها؟؟ وردى هالحظ خاواني ولقى كل مايبي فيني كثير أحباب حبينا وعطيناهم بدون حساب ولاخذنا سوى غدر ٍ ملا راحات كفيني؟؟ وكثير أسباب تجبرنا بلا حسوفه نخليهم لأن والله مافيهم ولا واحد ملا عيني ولكن أكبر الصدمات جتني من يدين اللي حسبته غير كل الناس ومايعنيه يعنيني هذاك اللي تصورته طموح العمر ياقلبي هذاك اللي تخيلته هناي وضحكة سنيني عطيته من دفا روحي قصايد أشعلت ليله وأنا ما أكتب لغيره ولا أي شخص يغريني كتبت أحلى كلام الحب في عينه ولافكرت يجي اليوم اللي أستخسر قصيدي في محبيني على مبدا (الخصوصيه) يحاول يبعد شكوكي وعلى مبدا (الصراحه) كنت وكانت لعبته فيني خذلني للأسف والله وهدم كل مابنا بلحظه وطلع هالحب مايسوى مواطي تراب رجليني أنا كنت أحسبه أعظم علاقاتي ولاظنيت بأن أعظم علاقاتي بخيانة حب تنهيني!! ويمّي صاحبي دايم يذكّرني بوهم حبي وأقول ارتاح ياعمي ترى مالك شغل فيني خسرت أصحابي من حولي خسرت الكل بأسبابه ألا حسبي عليه الله كثر ماهو معنّيني أفا ياقلبي الطيب...أفا وشلون ترضاها وأنا من صدمة ٍ بالحب إلى صدمه توديني بدون عناد اسمعني ولا تفتح لي الموضوع حشا لو تفتحه ثاني لأشيلك من شراييني خلاص الحين انساهم وأنا ماعاد فيني حيل لهم رب ٍ يجازيهم .. ولي رب ٍ يجازيني عبدالله الظفيري

مشاركة هذا الرد في Google Facebook Twitter Digg

أنت معجب بهذا.

[الغـــــــامض]

قصائد فاخره

تم انتقائها بعنايه فائقه

سلم ذوقك وسلمت يمينك

متابع

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

يا فؤادي لا تسلهم يا فؤادي دام دمعك جند واحزانك سرايا انكسرت وما سلم حتى زنادي كيف أثور وما بقى فيني بقايا استمعت الصمت بأنفاسي ينادي كن صمتي بوح وعيوني مرايا التمست من الزمن نسيان هادي ولا وعيت الا وأنا جروحي عرايا ويا سهادي وين وصلني عنادي ليه أكابر وانفي الجرح بزوايا وليه أقول ان ما حصلي شي عادي والحزن يغتال صدري والحنايا ما هقيت الوقت يخدعني برشادي ولا هقيت القمح يتنكر رحايا ولا هقيت ان هقوتي خانت مرادي لين يدي خطت بحبري رثايا فيصل العدواني

مشاركة هذا الرد في Google Facebook Twitter Digg

أنت معجب بهذا.

[ريانة الجنان]

انتِ حقآ ...
رائعه رائعه قلب

متابعه لك ...
دمتِ بخير غاليتي .،.

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

يا رفيق الجرح الأول .. جرحك التالي بيا مدمي باقي عروق باديات الإحتضار ما ذبحنا غير قولة : كبريانا .. كبريا من عرفنا كبريانا كل شي فانحدار لا تحسب الشمع نوره يكفي العالم ضيا كل ليل بالخطايا تكشفه شمس النهار الحقيقة في وضوحي .. لاغرور ولا ريا البلا إن الخطا شيد على عينك جدار كان صغر السن ظنك في عذاريبي حيا كيف ظنيتك تخلي للعقل أدنى اعتبار يا بدايات الهموم و يا بداياتي و يا... آخر أحزاني ويا أكبر أحاسيسي الصغار يا جميع الجرح الأول .. يازمان الكبريا يا وداع الحب كله .. ياوفاتي باختصار عبير بنت أحمد

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

تعبت من التعب والهم والآلام والضيقه تعبت من الرحيل اللي على وين ماأدري تعبت من الشتات اللي جمعني في معاليقة تعبت من الضياع اللي خطفني للأسى بدري إليا مني نهضت القلب وانتفضت مسابيقه عرفت إن الهزيمة من نصيبي قبل لاتطري بركات الشمري

مشاركة هذا الرد في Google Facebook Twitter Digg

أنت معجب بهذا.