قَلْبْ طْفلَة

[ماتمل]

مدري ذكرني زمان كنت ناسيـه
مدري ذكرت الزمان اللي نسانـي

كنت اكره البحر واخاف الغرق فيه
و اليوم احبه واخاف من الموانـي

كنت اعشق الجاي باحلامه وامانيه
يا ما بنيت بخيالـي لـه مبانـي

ياما رجيت العطا من مـدة يديـه
حتى خذا كل شي ومـا عطانـي

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

طاوعك قلبك تغيب و تهجر احبابك تنسي غلاهم و تتركهم و تنساهم حرام تترك خفوقي يشكي غيابك و انته فقلبي اعز الناس واغلاهم ناديت و الصوت لا شدك ولا جابك "يا سيدي يا عديل الروح يا فاهم" وانته بوجه اشتياقي تغلق ابوابك وانا اقرب الناس من قلبك واوفاهم نسيت حتي تقول وشفيك وش صابك يوم الالم عذب اعروقي واشقاهم بَدّيت ناسٍ علي ناسك واحبابك مَتعبت نفسك تدورهم وتلقاهم نامت عيونك و نام الليل بأهدابك و الي شكو غيبتك ذالنوم ما جاهم زادو علي جرحهم كم جرح باسبابك و ان اقبل الليل صوت الجرح صحاهم ارسل لك اعتاب قلبي واحسب حسابك و ابياتي البيض دايم باسمك ابداهم يجبرني الشوق يجبرني علي اعتابك و اتمني تقرا ودادك قبل تقراهم لمت الخفوق اذا قابلك هلا بك يا اطيب الناس في عيني واغلاهم حمد الكتبي

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

رحلت ومقصدي كله.. عشان انساك نسيتك ؟ لا حشى واللي خلق راسي تناسيتك تناسيتك نعم لكن بقت في داخلي ذكراك بقى في داخلي زولك بقى في داخلي بيتك ألا ياكيف أنا بآسلى ليالي غربتي واسلاك؟ مدام اني ليا جيت لمرآية غرفتي جيتك .. أشوفك في وسط عيني وأغمضها عشان امحاك واشوفك داخل جفوني إذا غمّضت [ ضمّيتك ] .. .. [أضمّك] واشتكي طيفك على طيفك بدون إدراك وانا في غربتي ليتڪ تحس بحالتي ليتك ورى عوج الضلوع ألقى بقايا ضحكتك والقاك وأسافر لك وانا حيّك واسافر لك وانا ميتك نقشت [أسمك] على عرق الخفوق اللي فقد يمناك واذا مرّ النفس صدري تذكرتك وحيّيتك.. .. شهور مرّت وانا قلبي يعيش بضيعته بحماك بدون أسباب لاتسأل ليا منّي تمنيتك أهذري بك واغني بك ( أنا اهواك أنا أهواك) وأمرّك تايهٍ .. واذكرك لامني تعديتك حبيبي طالبك تكفى سألتك بالذي سواك وش اللي يمنع عيوني ليا جيتك وراعيتك ؟ تحاكمنا على الفرقى بدون اسباب يامقساك تخالفنا .. تعدينا الحدود .. ورحت خليتك .. ڪذا مامن سبب يشرح نهاية قصتي وياك تكبرت .. وتكبرت .. وتحديت .. وتحديتك ..!! تفارقنا ودمعات [القهر] تخشع على فرقاك وبلاي اني من دموع الوداع المرّ واسيتك حبيبي والفضا كله مساحات وسما وافلاك يضيق وغيبتك قشرا .. وانا جيتك وناجيتك مدام ان الغياب اللي يداعب غربتي فتاك أمانه لاتجاهلني .. وانا للوصل ناديتك صحيح اني تجاهلتك وخليتك عشان [انساك] ولكن والذي سوى عروقي .. بس تناسيتك تناسيتك نعم لكن بقت في داخلي ذكراك بقى في داخلي [حب] .. بقى في داخلي بيتك

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

يا ابن الحلال انت وش تبغي بهالدمعه بتموت ماشفت دمعة ذل من عيني ماني حبيبك اذا ضحيت بالسمعه لاذلني حب ويش اللي تبي فيني؟ لاتزهم الليل كل اللي بقى شمعه هي كل شي تبقى بينك وبيني وهج المكابر تراه بيحرقك لمعه باكر ترى اقول لك ماعاد يمديني ابعدتني والقلوب القشر مجتمعه دايم وانا القاك دايم وانت مغديني أهيم انا وانت مثل السبت والجمعه ياقربنا والصحيح انا بعيديني مساعد الرشيدي

مشاركة هذا الرد في Google Facebook Twitter Digg

أنت معجب بهذا.

[الغـــــــامض]

ما اروع ما قرأت

قصائد منتقاه في عناية

صح لسانك ولسان كل من شارك

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

تبي فرقاي؟ وش يعني؟ تراني عشت من قبلك شربت وكلت واتنفس طبيعي مثل كل الناس تظن انك بتذبحني اذا تقطع علي وصلك ؟؟ ترى نجوم السما اقرب ولا تزرع بقلبي ياس تراك بحلم لو تحسب أبترجاك وارجعلك وانا اللي مع حليب امي شربت العز والنوماس ودام انها خربت، قرب، ترا فرصه أصرحلك لأني كنت متردد حسب انك معك احساس ترى مااستوعبك عقلي ولاقلبي تريحلك ولا يوم ارتفع سهمك وقدرك واطي(ن) ينداس وانا كنت ادري بطبعك ولكن قلت اسايرلك واشوف لأي مدى يوصل طموحك يا ردي الساس أنا اخطيت مايخفى عليك وغلطتي وصلك وانا أدري خطى مثلي كبيره حيل بالمقياس واذا تبغى الصدق نادم على وقت(ن) مضى لجلك خطى فحسابي يوم اني رفعتك فوق كل الناس وانا شايف مدام انها تجي من عندك اريحلك عساك تلاقي الشخص الذي يشوف الرخم جرناس عسى يتجاهل اطباع(ن) رديه مع ردى أصلك وابد لاتيأس وربي جعل كل ناس ولهم ناس عسى يعمى عن عيوبك يشوفك شيخ وقت(ن) لك عسى تتوافق أفكارك وأفكاره سوا بقياس عسى عيونه يشوفونك عديم ونادر(ن) مثلك عسى حسنك يغطيله عيوب(ن) فالوضوح اشماس وانا لاتحلم بوصلي نصيحه،، والله ناصح لك تراك بتتعب وقلبك بتطحن به رحاة الياس واذا ناوي على فرقاي تراني عشت من قبلك شربت وكلت واتنفس طبيعي مثل كل الناس

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

دورت لك حجة على شان فرقاي هذا انت يللي ماتمنيت غيرك كم قلت لك قلبي مهو حمل دنياي قبل يتعلق في مصيري مصيرك أقصيتني عن عرش حبك بلا راي ياثايرٍ ضدي وانا كنت اميرك يللي استبحت بقسوتك حفنة دماي مافادني يوم التجيت لضميرك خليت قيظ التيه وجهات منفاي وباقي سراب اطلال حثرب غديرك وحيد تنزف مهجتي حزنها ناي وانا أسير الخوف من كنت اسيرك أدفع ثمن غلطة براءة نواياي يللي بكل اسرار عمري استشيرك مصير جرحي لو تثاقلت بلواي يشفى مع الأيام وانفر عبيرك وشر النفوس اللي جمحتبك لمرثاي باكر تبيعك تشتري ناس غيرك وتسري جحافل ثورتي تسبق اخطاي يمك واشوف شلون غيري يجيرك عبدالعزيز الروابة

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

اقتباس: المشاركة الأصلية كتبت بواسطة الغـــــــامض     ما اروع ما قرأت قصائد منتقاه في عناية صح لسانك ولسان كل من شارك

الشاعر الغامض

الأروع كان مرورك

وصح بدنك

اشكرك

قلب

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

كفايه يابعد عمري كفايه لا تعذّبني دخيلك لا تبيّن لي مشاعر حب خدّاعه خيالك في حَلا نومي يصحّيني يداعبْني ينام ويجلس ف عيني بوسط الروح مرباعه عشقتك ماضي وحاضر وكل مافيك عاجبني شعوري واضح ٍ صوبَك حبيبي حِسّ به راعه أنا مذكر عليك أخطيت يوم انك تعاتبني أشوف الكذب ف عيونك وأحط الشّوف شمّاعه حبيبي ان قلت لك أمرك بيِديني لاتكذّبني ثلاث سنين عشناها تراها تموت في ساعه هدمت الحب متعمّد وانا اللي سنين بس أبني صحى قلبي من احلامك بعد لاسمع لا طاعه اذا انك باقي ٍ يمّي أوجّبْـك وتوجّبني أسلّم لك هوى قلبي وقلبي تعرف أطباعه واذا انك ناوي ِ تمشي أحاسبْك وتحاسبني أموّت حبّك ف روحي واشيله شيل من قاعه عبدالله المرزوق

مشاركة هذا الرد في Google Facebook Twitter Digg

أنت معجب بهذا.

[ماتمل]

غلطة وادفع مـن ثمنهـا حياتـي
غلطة وساوت بين ظالم ومظلـوم

غلطة اثرها باقي (ن) وسط ذاتـي
غلطة وضافت داخلي حزن وهموم

غلطة لغت من داخلـي امنياتـي
غلطة وخلت كل احساس معـدوم

غلطة وزادت للاسف من سكاتـي
غلطة وخلتني على الدوم محـروم

غلطـة وخلتنـي ادون وصاتـي
غلطة وخلتني اعاني على الـدوم

غلطة وزادت فوق همي شتاتـي
غلطة واتوقع لها صوت وعلـوم

غلطة وكانت يابشر فـي حياتـي
غطلة وقلبي بعدها صار مرحـوم

مشاركة هذا الرد في Google Facebook Twitter Digg

أنت معجب بهذا.