العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
فتاة تحدثنا و تقول (قبل عرسي بأسبوع )
السلام عليكم ورحمة الله وبركاته
أعجبتني القصة ،، تقول : قبل عرسي باسبوع ... صار معي موقف غيرلي كل حياتي وخلاني ألغي العرس واتراجع .... يومها مرضت ستي كثير ، ورحنا على المستشفى، اول ما وصلت هناك، لقيت سيدي قاعد باب غرفة العناية المشددة وبعيط ... قعدت جنبه ولأول مرة بحياتي بشوفه هيك ... قلتله بتعيط يا سيدي ! مسح دمعته وقلي ستك تعبانة كثير .... اطلعت في وقلتله ان شاء الله رح تطلع بالسلامة ادعيلها ..... قلي هاي قطعة من القلب جوا .... انا طبعا استغربت يعني سيدي بالعادة شخص صارم كثير، ومن جيل اايام زمان الي كنت مفكرة انه ما عندهم رومانسية وحب مثلنا ..... حبيت أغير الجو وهيك اخلي يحكي ... قلتله سيدي انت كنت تعرف بنات غير ستي ... هون هو ضحك .. وقلي يووووه مليون بنت كانوا يحبوني ، عشاني حليوة وغني 😂 انا هون ضحكت وقلتله بس يعني ستي مش حلوة ! هون جلس قعدته وقلي ... ستك روحها حلوة، عيونها قصة لحالهم، بتعرفي يوم ما كنت بدي ياها؛ شفتها وهي مروحة من الأرض، كانت ماسكة اخوتها بايدها وعرقها على جبينها وبتبتسم ! ابتسامتها خلتني احبها ... قلتله طيب اسألك سؤال ... كم مرة تقاتلت انت وياها ، وكيف لليوم هيك بتحبو بعض قلي يوووووه ياما تقاتلنا .... بس ولا مة قلينا من احترامنا لبعض .... هون تذكرت خطيبي اللي عالطالعة والنازلة بقلل احترام، وبعايرني بكل شي ... وبشكلي انه مش عاجبه كثير وبدو انصح ١٠ كيلو ! بهالوقت اجا الدكتور، سيدي قام. ، طمني شو صار معها؟ قله الحمد لله ، هسا هي منيحة! بنقدر نفوت نشوفها؟ اه طبعا بس لا تتطول عليها... دخلت انا معه فات سيدي مثل الولد الصغير الي متلهف عشوفة امه ... والأحلى من هيك كانت نظرات ستي إله ... اصدق من هيك نظرة حب بحياتي ما شفت مسك ايدها وقلها هيك يا قطعة من القلب بتتعبي وبتتركيني لاول مرة لحالي! ضحكت ستي وقالتله ؛ ما انت تركتني قبل يوم عمليتك ! قلها يعني هيك اخذتي بتارك ... شدت عأيده وقالتله لا مش رح اتركك بالمرة .... انا طول هالوقت وانا مستغربة كيف علاقة عمرها تقريبا ٤٠ سنة ولساتها بهالقوة والحب هاد ! برغم كل الظروف الصعبة الي مروا فيها .... بهالوقت اتصل خطيبي، كان معصب لاني ما برد علي من الصبح واول ما فتحت الخط قلي شو ويمك يا كلبة ! انا بالعادة كنت امشيله ياها لانه حبيبي قبل ما يكون خطيبي بس تذكرت سيدي وهو يحكيلي الاحترام اهم شي ، وكيف حكالي انه علاقتهم استمرت بسبب هالشي .... قلتله لا تغلط علي ... رد علي شو من متى عندك كرامة! انا بس حكى هالكلمة عصبت بزيادة وسكرت الخط ... طبعا خلال ١٠ دقايق كان باعت ١٠٠ رسالة وكلهم بهادل وسب وعلى شو شايفه حالك ومن هالحكي ! وبهالوقت كنت سرحانة بسيدي الي ماسك ايد ستي وهي نايمة وبحسس عراسها وببوس بايدها ... طلعت من عندهم والدموع بعيوني .. وبحكي براسي شو هو الحب هو عنجد كلمة بحبك الي بحكيلي ياها خطيبي عالطالعة والنازلة بس تصرفاته نهائي ما بتدل على هالشي ولا الحب نظرة سيدي لستي خوفه عليها حبه الها ... وكيف هالعمر قضوا مع بعض باحترام ! وصلت الدار ولسا خطيبي ببعت مسجات وببهدل ... نمت ... وصحيت الصبح وقلتلهم ما بدي اكمل معه... الكل نصددم ... الكل عارضني ... بس بالنهاية انا اخذت قراري ومش رح اتراجع ! فسخت الخطبة وحسيت انه احسن قرار اخدته بحياتي اليوم وانا قاعدة مع زوجي ، اجت بنتي تحكيلي ماما بحبك ! قلتلها شو في؟ قالتلي بابا دائما بحكيلي انه بحبك ولهيك انتي بتحبي ! عرفت شو يعني الحب والاحترام ... شو يعني تزوجي الي بدك تختيري معه ... الي بدك اولادك يكون ابوهم قدوة بكل تصرفاته ! اللي ما رح تخافي من ابوهم يجرحك او يقلل احترامك قدامهم ... #هديل_قاسم
|
#2
|
||||
|
||||
رد: فتاة تحدثنا و تقول (قبل عرسي بأسبوع )
قصة حلوة
بس كيف تتاكدي من الي تتمنين تشيخي معه اذا بيحترمك و يقدرك و الا لا؟ ممكن الخطيب او حتى الزوج باوله جنتل معسول اللسان بيقلب قليل ادب منعدم الاحترام و ممكن الي كان قاسي باوله تلينه العشرة و خلقك و تعاملك معه يالله الحمد لله ...كله قدر و نصيب مع حكمة و فطنة المراة يسلمو على القصة
|
#3
|
||||
|
||||
رد: فتاة تحدثنا و تقول (قبل عرسي بأسبوع )
قصة رائعة مشكوره موجه
صدقتي الاحترام والتقدير مهم مشكوره موجه 🌿🌷
|
#4
|
||||
|
||||
رد: فتاة تحدثنا و تقول (قبل عرسي بأسبوع )
نورتوا ريما والجوري 😊
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |