![]() |
العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
![]() |
|
أدوات الموضوع | تقييم الموضوع | انواع عرض الموضوع |
#1
|
||||
|
||||
![]() قصيده الشيخ ناقي السليمي الحربي رحمه الله</strong> بسم الله الرحمن الرحيم ياحجاب ماحنا فريق إبن فرهود اللي تفاجيهم بصفر ٍطلائع أذوادنا من دونها حربه العود وقب ٍنطبعهن على أحسن طبايع عليهن اللي لبسهم صنع دايود وشلف ٍ لها بين القبايل شوايع مليحهن ذقتوه والفعل مشهود بخشوم بشرى والخضر والبدايع والرابعه صبّحت رمحات بجرود حمرالشعاف متوبعات المشايع وثار الصياح ولحقت الخيل عرجود بمجرّب ٍ ضيّق عليك الوسايع ياحجاب فضلت السلامه على الفود وطلعت منها ياحمرالعين طايع برقاب ربعك يصرخ السيف مجرود من حظ ذيب ٍله زمانين جايع وطيور وسمه تصدر اليوم وتعود رازقهن اللي خصّكم بالقطايع عادات ربعي باللقاءتاخذ الزود يوم النشاما بين سايم وبايع اللي من أول خيلكم رد مردود واللي من التالي يرد القلايع وأنا على اللي ماعطت يوم بصدود اللي من العاده تطش الوقايع وان جاء نهار ٍفيه طارد ومطرود ياما على الصفراء كسبت الصنايع هذ ه القصيده قديمه وقد اعترف بها الفارس الشيخ عقاب العواجي عندما قال يابنت ياللي عن شوقك تسالين حنا لنا حي يسالون عنا وقد نشرت بكتاب ابطال من الصحراء ولو نشر الامير محمد بن احمد السديري رحمه الله قصيدة الشيخ ناقي بن ناقي شيخ ولد سليم من حرب بكتابه ابطال من الصحراء لسلم من حرب وهجائهم له وهذه قصيدة اعتراف الشيخ عقاب بن سعدون العواجي بهزيمتهم امام الشيخ ناقي السليمي وذلك عندما اجاب من تسال عن حليلها المقتول في المعركه حيث قالت المراه ياعقاب ياحبس الظعن بااللقا الشين يااللي حريبك بالهزيمه يمنا عينت ذيب الخيل يوم الاكاوين نور العيون بغيبة الشمس عنا هو سالم والا رموه المعادين ياعقاب خبرني تراي اتمنا فاجابهاالشيخ عقاب بن سعدون العواجي شيخ ولد سليمان من عنزه بقوله يابنت يااللي عن حليلك تسالين حنا لنا حي يسالون عنا خمسة عشر ليلة على الوجه مقفين ندور وضح بالاباهر تحنا وشفنا هل البل شاربين الغلاوين من دون رخم للحوير تحنا جونا ثلاثميه وحنا ثمانين مثل المحوص الشلف منهم ومنا وبانت رديتهم وشفنا الرديين وكل عرفنا عزوته يوم كنا ليتك تراعي ياعذاب المزايين يوم ان عيدان القنا يطعننا منا حليلك طاح بين المثارين في ديرة فيهاالوضيحي تثنا ومنهم جدعنا عند شوقك ثلاثين وكم خير من راس رمحي يونا في ساعة فيها تشيب الغلامين انطح نحور الخيل يوم اقبلنا ياما نقلت الدين والحقته الدين وحريبنا في نومته ما تهنا ارسي لهم يابنت وانت تعرفين لياما حمام النصر رفرف وغنا واردها والحق ربوع مخلين بوجيه قوم يطلقون الاعنا عاداتنا نخلي سروج المسمين ونروي حدود مصقلات تحنا وقلايعي من نقوة الخيل عشرين قب ولا فيهن ثبار ودنا وانتم سالمين والسلام
|
#2
|
||||
|
||||
![]() رحمة الله عليهم
لاهنت يالغالي وافر التقدير
|
#3
|
||||
|
||||
![]() تسلم يديك ياخوي على هالمشاركه
والله يعطيك العافيه واحنا في انتظار جديدك القادم
|
#4
|
||||
|
||||
![]() بسم الله الرحمن الرحيم المكرم الاخ كاتم الونه والاخت نجديه السلام عليكم واشكركم على المرور وانت سالمين والسلام
|
#5
|
||||
|
||||
![]() الله يعطيك العافيه أخوي , والله يرحمهم جميعا , أخوي ماعليك أمر إن كنت تعرف سالفة وقصيدة سبيل بن سند الحربي مع السديري يوم السديري يقص شنبه ويدخل على الملك وقاله الملك من قص شنبك قال سبيل الحربي وقاله الملك لو الحربي مالقاء عليه شحم كان ماقصه , وصحيح إن بنيخيه وهم سلمان ونايف الأمراء بغو يذبحونه , ليتك أخوي تعلمنا بالسالفه كلها وشكرا لك 0
|
#6
|
|||
|
|||
![]() مشكور وبيض الله وجهك يا الغالي
|
#7
|
||||
|
||||
![]() بسم الله الرحمن الرحيم
ياحجاب ماحنا فريق إبن فرهود اللي تفاجيهم بصفر ٍطلائع أذوادنا من دونها حربه العود وقب ٍنطبعهن على أحسن طبايع عليهن اللي لبسهم صنع دايود وشلف ٍ لها بين القبايل شوايع مليحهن ذقتوه والفعل مشهود بخشوم بشرى والخضر والبدايع والرابعه صبّحت رمحات بجرود حمرالشعاف متوبعات المشايع وثار الصياح ولحقت الخيل عرجود بمجرّب ٍ ضيّق عليك الوسايع ياحجاب فضلت السلامه على الفود وطلعت منها ياحمرالعين طايع برقاب ربعك يصرخ السيف مجرود من حظ ذيب ٍله زمانين جايع وطيور وسمه تصدر اليوم وتعود رازقهن اللي خصّكم بالقطايع عادات ربعي باللقاءتاخذ الزود يوم النشاما بين سايم وبايع اللي من أول خيلكم رد مردود واللي من التالي يرد القلايع وأنا على اللي ماعطت يوم بصدود اللي من العاده تطش الوقايع وان جاء نهار ٍفيه طارد ومطرود ياما على الصفراء كسبت الصنايع الاخوة بدر الفوازي وحرب شكرا على المرور وانتم سالمين والسلام
|
#8
|
|||||||||||||||||||||||||
|
|||||||||||||||||||||||||
![]()
ياأمير يا شين الخطأ منـك شينـاه ياخوفتي عقلك هك اليـوم غايـب
يوم ٍ مثلك تزعل النـاس عوجـاه رجّال عرف ومن حموله وشايـب لاجا هل ٍ غي الجهل فيـه وأغـواه ولا مسرد ٍ من كل الأطراف خايـب أنته تقـول القيـل وتجيـد معنـاه شالك هوى نفسك على غير صايب لا كان حنّا مـن تحـدى إنتحـداه من دون واجبنا نجيـد الصوايـب ياشايب ٍ غي الجهل تـوّ مـا جـاه يبى يعيب النـاس والعـود عايـب يا ضريغط اللي شال همـن بدنيـاه ياذيب بيـن معكرشـات الذوايـب إن كان عنـدك للفعايـل إمجـازاه حرب ٍ عمامك يوم مـسّ الجنايـب غصب ٍ عليك وصامل العلم تلقـاه ان طاب لك وإلا على غير طايـب أبـوك معطينـا الأخـاوه بيمنـاه لولا الأخـاوه راح مالـه نهايـب يا من سواليفـه توسّـخ شفايـاه ذيب العلوم ولا ذكر لـك حرايـب طوبى مقرّ اللي ولى الحكم وأرساه يامآ رسى واليوم حـدر النصايـب ورّث حبيب الشعب عقبـه تـولاه فيصل على كبد العدو سـمٍ ذايـب بظلال أخو نوره مشى الذيب والشاه خلّى الغنم والذيب تمشي صحايـب وخلاّك يالنمرود تمشـي بحسنـاه وتحط بالشعب السعودي عصايـب والله يلو يدري عن العلم وأقصـاه مالك شفاعه لـو تشفّعـت تايـب مغترّ فيك الله على الخيـر يقـداه وش عرّفه لك عند مطلق حلايـب ماشاف نزل ٍ لـك يـدق الخونـداه بمعيلـه مثـل الخجـز واللعايـب نزل ٍ نشوفـه والمخاليـق تدهـاه نـزل البـلاوي كلهـا والمصايـب عن روس خلق الله وأنا أبراي لله عن ناس ترعى في طرفكم حبايـب لو فيك خير ووجهك الشّين ينكـاه مـا تعتـرض لمكمّليـن النوايـب وأولاد وايل عن سوالفـك مغنـاه ماهـم بعـوزك يامـدوّه زرايـب قطعانهم عشب الخطر غصب ترعاه ترعاه أباعرهم لـو الـدم رايـب وحرب ٍ قواطيع ٍ على الخيل وإرماه عوق الخصيم مـورّدة كـل هايـب وشريدة الفرسان وشلـون تنسـاه وشلون تنسى يا طويـل الخبايـب اللي على شيل الجماهـي مضـرّاه يمناه والفسقـان سيـف العطايـب وإبن نحيت اللـي نهـار المثـاراه كم كبد حـي ٍّ شـب فيهـا لهايـب على أبلج خلّى الظـواري تعشّـاه وبطوع إخو نوره تعشّـى كتايـب وإبن جزاء يوم النضا جـاه ينخـاه وشلون تنسـى يالعيـن الصلايـب يوم ٍ يشيب الراس من حس طرياه بيـن الحناكيـه وذيـك الجذايـب وفيحان إخو نوره تحت حد شلفـاه كم فارس ٍ خـلاّ عظامـه حطايـب اللي بجاهه يوم زاروا هـل الجـاه رد الذويبي مـال رايـح كسايـب ماخوذ غصب وضمّر الخيل تشعـاه وشلون تنسى ياعجيـب العجايـب ونسيت إبن ناحل مع الضيف وقراه هيف السّمين اللي بها النّي سايـب اللي يدسّم شارب الضيـف لاجـاه الخيل يعطيها وعطا البـل وهايـب ونسيت منور ذيب جمـع ٍ سرايـاه مثل الدّبا الكتفان ريـف القرايـب حرز الذليل اللـي يفـك المخـلاّه نسيت إخو حسنا عطيب الضّرايـب وذويـخ بالعربـان تكثـر رزايـاه إليا شان نطق إمّيْليـن العصايـب كم هيّة ٍ زيزومهـا جـاب حسنـاه وسعود من بعـده يفـك النّشايـب وإبن جديع اللـي بهيّـه ضحايـاه فرسان قـوم ٍ فـوق قـبٍ ربايـب يبـون وضـحٍ بالأباهـر محنّـاه افتكهـا ووّهـل جبرهـم نكـايـب ونسيت مانع حوض مـوت منايـاه ماتأخـذ إلا محتمـيـن الدّبـايـب كم فارس ٍ قرّب له أجلـه وغفّـاه وعليـه خـلاّ للحوايـم لـوايـب من كف إخو فـزه نواعيـه تنعـاه عليـه هـلاّت العبايـر سكـايـب ونويشي اللي بالخوي كل ٍ أوحـاه بثرأ خويّـه عـن عوانيـه نايـب قص أربعه وإثنين والسّابع أنجـاه أنهى الملام وخاطره ماهـو طايـب وأبوك يالهيباد مـن فـك بحمـاه يوم الرصاص بنوع وبل السحايـب برّم عصب رجليه وإنّـا احتمينـاه دونـه فعلنـا معجـزات ٍ غرايـب واليوم عندك لـه محبـه وملجـاه غوّال إبوك وحايب ٍ بـك حوايـب والا ما تنسى وطيت ٍ فوق علبـاه وميقافنـا لا دفلجـن بـك ركايـب جينـاه وإربـاع المبانـي ممّـلاه في كل بيـت ٍ مكتّفيـن ٍ قضايـب واللي نزل عنـده ثلاثيـن جمهـاه بين الذرا والنار ضـم الحضايـب من عرض من ربص هكاليوم بدماه راع النقا والفوز يـوم الغصايـب راسه سبق كفه على عرش ماطـاه من كف إخو جوزاء وأبوك السّبايب فعل ٍ على وضح النقاء ما إخترعناه ما هي سواليف الوجيـه القلايـب وأضحى جزاء ميقافنا اللي وقفنـاه شبّهتنا ضيـن ٍ رثـع فيـه لايـب ذيب ٍ يرد من أول الضّيـن لتـلاه الشّكـوى لله ياكبيـر القطـايـب والله والله واحـدٍ مـا أتمـهـزاه بالكـذب..والله يالقلـوب اللبايـب لولا القمر وسهيل والجـدي لـولاه لأقول قـول ٍ مـا تعقبـه طلايـب مار بذرا العنبـر تركـت العلنْـداه ياللي تبي بالكـذب تأخـذ غلايـب يالطّايش اللي طيّشه كبـر مركـاه هلا هلا ياحـوش بيـض التّرايـب هذا جداك وغيـب قلبـك عرفنـاه مار الغلط مرجوع وإنس الحزايـب إما تعـذ ّر عـن مقالـك ومنشـاه عبر الأثير ولا نبـي لـك نجايـب يـوم المجلّـد كـل حـيٍّ ٍ تمـلاّه تراك ما أنت من الإذاعـه نعايـب دفترك ما خصيت به يـوم نقـراه قاريـه أنـا ومسطّراتـه عرايـب حتى تعذ ّر لـك لنـاس ٍ مسمّـاه كرّ النّظر وإحسب جميع الحسايـب كرّ النظر وإضرب علـى ماتـورّاه وعندك طريق العافيـه والعقايـب إمّا حفرت البير وإقطن علـى مـاه وإلا تدمّـه دام مـيّـه سـرايـب مادام كـل ٍ ماسـك ٍ مـاه بلـزاه وإلا تعرّضت المحـن والصّعايـب يمّـك ملاييـن المدافـع معـبّـاه وأقفالـهـا قيّـادهـا بالكـرايـب الطّيـش لايحرمـك لـذ المسـاواه إعرف ترى للطيش غيب وغبايـب إلا إن عندك للخزى ميـل مشهـاه معجبك مالك من فعولـن ٍ رهايـب فالله خلق للداء دواء وأنت من داه ودواك للجـرّاح فيـه الطـرايـب يامـا لعينـك مـن مغثّـه ومـاذاه ياللي بحركم يامليـن الـذ ّهايـب به حصة ٍ بيضـاء تـلالا مغطّـاه غيّم سماها بين خضـر ٍ رطايـب ماأدري ركبها غبار شيول ومسحاه وإلا بهـا زدتـم إعـداد الجلايـب لاوا قفيـن ولا بالأعيـان شفنـاه حظـي بـري لله علينـا رقايـب حظي بري ما قالوا النـاس قلنـاه وبحظ من جاب الخبر لـي جايـب ياطير إبن برمان مـدري حلايـاه ياللي تبـي فينـا تحـط النّقايـب ماهو هلا يالمنتسب عقـب عفنـاه حنّا جبرنا مـا يحـوش القشايـب ولا عندنـا لـك يامحمـد مناجـاه خبل ٍ تومِّي فـي شنبـك الهبايـب تبي تمثِّل عنتـر الخيـل جهجـاه تمثيل وإلا مسـرد ٍ ماأنـت ثايـب
|
#9
|
||||
|
||||
![]() شكراً لك أخوي مسلط على نقل هذه القصة والقصيدة الرائعتين
ونسأل الله لهم الرحمة والمغفرة ولكم احترامي وتقديري
|
#10
|
|||||||||||||||||||||||||
|
|||||||||||||||||||||||||
![]()
بسم الله الرحمن الرحيم
اخي الكريم القاص حسن خليل السلام عليكم ورحمة الله وبركاته وبعد اشكرك جزيل الشكر على المرور بالقصائد واحداثها ورحم الشيخ ناقي السليمي الحربي من شيوخ ولد سليم من حرب ورحم الله الشيخين عقاب وحجاب العواجي ابناء الشيخ سعدون العواجي شيخ ولد سليمان من عنزة ورحم الله الامير الراوية الشاعر الكبير محمد بن احمد السديري والمعروف لايعرف ولازالت الاشراف تهجى وتمدح ورحم الله الشاعر سبيل بن سند الحصني المزيني الحربي راع دخنه من ارض القصيم وانت سالم وغانم والسلام
|
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |