العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#5511
|
|||
|
|||
اهلين فور ايفر انا بصراجة ادعيلك من كل قلبي يشفي جلدك
لكن الي مستغربه منه انه أنا وكم وحده اشترينا من عبدالعزيز ولا سوا لنا الكريم اي حاجه... حاله حال المرطب بالضبط لكن اتوقع بحالتك كثرت الشكاوي عليه وكلنا اتصلنا نسأله ونقول له كيف ماجاب معنا اي نتيجة فقرر الطبيب عبدالعزيز انه يغير التركيبة ويمكن حط فيها فلاش مسكين شاف الفلاش يمسح البلاط وينظفه قال اكيد انه بيمسح لون الجلد فصارت الطامة الكبرى من تجاربه الخطيرة فيك ياقلبي على العموم قريبا بنزل لكم صورة من كشف حسابي توضح رررقم العملية والمبلغ كأثبات اني سبق وجربت كريمه الخايس
|
#5512
|
|||
|
|||
الله يسامحك وشلون قريبتة و انا قلت تجربتي بكل امانة الانجليزي ما ناسبني و سبب لي طفح جلدي و شبه حروووق ومع كل هالبلاوي اللي جتني منه ما اذم او اسب الاخ عبدالعزيز لعدة اسباب اولها البهاق اللي فيني مايتعدى 5 بالمية او اقل والبنكوين محذرين من استعماله للي بهاقهم اقل من 50% ثاني شي اللي يناسبك ما يناسب غيرك يمكن بشرتي ما تتقبل هذيا لنوعية من الكريمات ثالث شي الكريم المخلوط اللي اخذتة منه بيضني بشكل ملحوظ واعتقد انتي بنفسك شفتي صورتي يعني جاب نتيجة مو الهندي اللي 6 شهور ولا تحرك شي واكرهه ماعندي الظلم و كلمة الحق لازم تنقال اجل تقول مرطب؟؟؟؟؟؟؟؟؟؟؟؟؟ اول مرة اشوف مرطب يحرق و يسبب جفاف و جلدي يطيح بشكل مخيف بالنسبة للايميل ما فتحتة من فترة لاني مشغولة مرة مرة اختبارات وهم اللهم اخش كم منتدى عشان اعالج بشرتي و صدقيني مافرقت عندي الي يصدقني او يكذبني او يقول اني ولد بنت الخ الخ الخ انا الي فيني مكفيني يهمني ابحث عن علاج لفرط التصبغ اللي صار لي وكلمة الحق بقوللها ماارح اسكت اشوف نصب او ظلم او او اواو... يحق لي ادلي بدلوي
|
#5513
|
||||
|
||||
جوس تبين الصراحة انا استغرب دفاعك عن الاخ عبدالعزيز مع انو على قولتك ماناسبك الكريم
انا مااقول هاجمية اوسبية لا بس مو ضروري تدافعي عنه وش تستفيدين تحيااتي
|
#5514
|
|||
|
|||
هذا الاثبات لأي وحده مو مصدقتني ان سبق واشتريت من عبدالعزيز وكريمه كلام فاضي ومو بنكوين واتحداه اذا قدر يثبت انه بنكوين
هذي صورة من كشف الحساب وشوفوا التاريخ قبل تقريبا سنه
|
#5515
|
|||
|
|||
|
#5516
|
|||||||||||||||||||||||||
|
|||||||||||||||||||||||||
قصدك تدخلين المنتدا تدافعين عنه بس والله لما اشوف مشاركاتك احس انه فادك وبيضتي مرررررة ما كانه لعب ببشرتك والي تقولين ناسبني ماناسب غيري انا وانتي عدم بشرتنا يعني تبين وحدة تقرا كلامك وتستخدمة ويعدم بشرتها وتدعي عليك؟ والله بينتقم منك بسبب دعوتها يا اختي لا تسبينه ولاتدمحينه مو غصب الشراء منه بعدين انتي بنفسك قلتي ان البياض الي سواه لك الكريم راح يعني ما استفدتي شي وهو علا قولته بياض نهائي والله اني احب اك الخير ان كنتي صادقة بس برضو اتركي الناس يقولون ارائهم لانهم مجربينه سواء قالو مرطب او مدمر للجلد او غيره خاصة انهم مجربينه وانا منهم لا جين دافعين عنه ع الطالعة والنازله وتدورين بكل المواضيع عن كلامنا عنه علشان تعلقين عليه خلاص قلتي رايك فهمناه وعلا راسنا احترمي راي غيرك لاتكذبين الناس خاصة ان عندهم الدلائل *
|
#5517
|
|||
|
|||
برافو ياكمونه هذا اكبر رد عليه لما يقول انك تكذبين وان وان فعلا الاسم صح هذا الاسم الي طلع لي لما حولت له
ابشري بالخير بحاول اطلع انا بعد من حسابي كشف حساب له ونبين كذبه للناس لان هذا صار امانه لازم ناديها بالنسبه لي افضل للبنات يستخدمون حق المركز الوطني اامن من واحد ماينعرف الا رقمه ع الاقل مستشفا لها صيتها الحين بيقول اني من تبع المركز الوطني هههههه الله يحفظ الكل منه ومن الي مثله يارب العالمين يارب احفظنا بقدرتك وقوتك وجبروتك منه اللهم اعد علينا بشرتنا كيوم ولدتنا امنا يارب العالمين
|
#5518
|
|||
|
|||
اسمه عبدالعزيز الفوزان او عبدالعزيز الفواز
كذا الاسم راح اجيبه
|
#5519
|
|||
|
|||
انا مثلكم كنت باخذ منه بس الحمدالله دعوات امي ودعواتي وكلامكم عنه حالت بيني وبينه
ورب الكعبه كلامه غير مقنع ويتهرب من الأسئله واكبر دليل وربي شاهد على كلامي انه كاتب سعر بالمنتدى وعلى الخاص يرفع السعر وسألته اكثر من مره ليش تكتب سعر بالمنتدى والحين تقولي هنا سعر غير,,, ومايجاوب يتهرب لكن سبحان الله ربي فضح هالشخص قدام الناس ,,,,قال تعالى (« والذين يؤذون المؤمنين والمؤمنات بغير ما اكتسبوا فقد احتملوا بهتانا وإثما مبينا » انا اعتبره غشاش وقصده مااااااااااااادي بحت من أمثال الغش المحرم شرعاً : 1. الغش التجاري الذي يكون من خلال عرض البضائع بصورة مخالفة لأوصافها الواقعية ، كتقليد البضاعة الأصلية من حيث الاسم المشابه ، أو من حيث بعض الصفات الظاهرية ، و بيعها باعتبارها أصلية ، أو تدليس البضاعة الرديئة بحيث يتصورها المشتري بضاعة جيدة فيرغب في شرائها ، أو إخفاء العيوب الموجودة في البضاعة بحيث تظهر سليمة ، و بكلمة التلاعب في الأوصاف الواقعية للبضاعة بغرض التمويه على المشتري أو البائع في العوض أو المعوض . قال ( عليه السَّلام ) : " و من بات و في قلبه غش لأخيه المسلم بات في سخط الله و أصبح كذلك حتى يتوب " حسبي الله ونعم الوكيل على كل غشاش
|
#5520
|
|||
|
|||
بالنسبة للبنات اللي مستغربين اني ادافع مع اني ماشفت من رددي شي فية دفاع
ماادري اذا كلمة الحق صارت الايام ذي دفاع كل شي جايز
الاخ عبدالعزيز كريماته غالية صح اسعاره مضاعفة صح ماناسبت لي صح سببت لي حساسية صح
لكن وين اروح يوم صدني المركز الوطني و رفض يصرف العلاج مع ان مالهم منه ابدفع من فلوسي
لما شفت اعلانات الا خ عبدالعزيز طرت من الفرح حسيت ان باب الفرج انفتح لي
ويوم ماناسبني اجي اسبة و اذمة ؟؟؟ لا طبعا اقول اللي صار لي حرفياً وان بهاقي قليل
وكمونة وفوريفر اعتقد ان مافيكم بهاق ولية تستخدمونة طيب !! مع انكم عارفين انه مضر للي بهاقة اقل من 50% بالمية ؟؟؟؟؟؟؟؟؟؟؟؟؟
يعني لازم منطقية شوي
وانا خلاص امنت ان البنكوين ماصنع للي مثلي خاصة ان فيني الحين فرط تصبغ يعني صاير يظهر لي بقع بنية
والحين اسوي بحث عن اشياء تستخدم داخليا زي حبوب او ابر مو كريمات يبيض شهر وترجع الحاله اسؤ لشهور
|
مواقع النشر (المفضلة) |
الذين يشاهدون محتوى الموضوع الآن : 22 ( الأعضاء 0 والزوار 22) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |