العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1571
|
||||
|
||||
رد: قَلْبْ طْفلَة
أنت وأنا
وأشياء للذكرى عنا .. وصورة على رف الزمان المنتظر ! ولو بأنتظر يا صاحبي ما به لقى .. حتى الفرح حظه قصير و يحتضر !
|
#1572
|
||||
|
||||
رد: قَلْبْ طْفلَة
ياوليف الروح ناديتك تعال
صوتي المشتاق ليتك تسمعه ضايق صدري ومن دونك محال اهتني وشلون القابه سعه الوفا ياخل بدروب الوصال ياوليف الروح لالاتقطعه الغلا يا عشقتي مابه جدال مالك قلبي وعيني تدمعه شف طفل في متاهات الليال يذكر أمه يوم كانت ترضعه هو حنان العاطفه ولا هبال فكري المجنون من هو يقنعه لعبه الأشواق مافيها مجال الوصل ولا فؤادي أنزعه آه من وادي تغشا به جبال وادي الفرقا بصدك ترفعه قلت لك روفي بحالي يادلال قلتي الربان مد الأشرعه أشهد ان الموت بفراقك اقبال ياعسى يمديه يرفع اصبعه قلتي تلعب بالهوي لعبه عيال قلت لو هو لعبه والله أبزعه هذا قلبي معلق بأربع حبال قلتي المكتوب قص الأربعه الخطا درب وانا دربي عدال والطعون اليوم ماهي موجعه لكن المشتاق يحيه الوصال الثمار اللي بقلبي يانعه طلال الراوي فارس جهينه معجب بهذا.
|
#1573
|
||||
|
||||
الهوى حاكم وانا فيه امْحَكوم
الزمان هْموم والدنيا هموم
والفَرَحْ ما بيني وبينه خصام من باحاسِبْ منْ باعاتِبْ من بالوم ليت حَظّي شخص يِسْمَعْ للكلام المحبّه سيل واشواقي غيوم وْكَنّي الظميان في رجوى الغمام يا اله الكون عطفك يا رحوم إرْحَمْ المشتاق لى قلبه حطام ويا هلال العيد عَجِّلْ بالقدوم عَيِّدْ فْ.. عيني عقب طول الصيام لى متى بابقى على حبّه كتوم لي متى والشوق في صدري زحام الصبر ما عاد له عندي عزوم والزمن عَيَّا يعَدّيها بْسَلام الهوى حاكم وانا فيه امْحَكوم وانحكمت بْظلم يا عالَمْ حَرَامْ يا حبيبي ليش في حكمك ظلوم حِسّ في قلبٍ عطاك الإهتمام والله إنّي في محبّتْك مْغَروم وحبّك مْعَلَّقْ على صدري وسام اللزوم لْزوم والكلمه لزوم واللزيم لْزوم يوفي اْلاِلْتزام باخْتِمْ بْحبّك على قلبي ختوم واعْرِفْ إنّك يا الغلا مِسْك الختام فارس جهينه معجب بهذا.
|
#1574
|
||||
|
||||
رد: قَلْبْ طْفلَة
ياليـــــل صاحبــــك زاد الوقت عـــثــــراتـــه
خلف الذي كل ليـــــلـــه بس يخـــايلها ان شفت بــــرق المزن ذكرت وجنــــاتــه وان شفت ليلٍ ســـتر اذكر جـــدايلها وان شفت عنـــق المهـــا ذكرت فـــزّاتـــه وان شفت عينه ذكرت اللي يكحّلها وان طــلــة الشمس قلت احب طـلاّتـه واخــــاف وقت المغيـب انـــــه يـغــــازلهــــا تاهـــت عن الحل حيـــــلاتي وحيـــــلاتــــه أقفت وانا اقفيت مدري كيف اقابلها ياليل صاحبك ماتدري وش ســـواتــــه مــــــرّهــ يتـــلّ الـــــدلــــــو مــــــــرّهــ يـــــنــزلهــــــــا
|
#1575
|
||||
|
||||
صوتك الذكريات اللي اتدفينا
صوتك اللي بقالي من ليالينا
عاد لو غاب صوتك ويش يبقالي صوتك الموج والمجداف والمينا صوتك الناس لوني في خلا خالي صوتك الذكريات اللي اتدفينا كل ماهل شفت العيد يبدالي صوتك بعيد مثل البعد يطوينا صوتك اغليه صوتك يابعد حالي من غروب الكلام لشرق اسامينا ياحبيبي وصوتك عندي الغالي سولف لي لعنبو هم يبكينا انت اقصى مدى الهقوات والتالي مالها حد شرهتنا وامانينا والمسافات قشرى مالها والي يقبل الليل لامرفأ ولامينا عاد لو غاب صوتك ويش يبقالي مساعد الرشيدي
|
#1576
|
||||
|
||||
رد: قَلْبْ طْفلَة
فقد العزيز يدق بالقلب مسمار
لو ننزع المسمار جرحه يظلي من عاش في دنياه تاتيه الاقدار ان كان ماهو قبل تاتي مولي وانا اعرف ان الوقت يجري ودوار لكن قلبي بالآمال امتملي بعد السعادة والهنا ذقت الامرار وحسيت كيف القلب ينتل تلي اسري مع الأفكار واهيم واحتار واغوص فبحور الهواجيس كلي وامشي مع العربان واجب ومقدار وابيع واشري والنظر حول ظلي اضحك واجامل صاحبي والحشا نار واقلط على الكرمة واسمي وادلي واحسني مخطي اليا رحت زوار والوم نفسي بعدها بالتسلي صبرت والمومن على الوقت صبار لعل صبري ينكتب في سجلي من فضل رب الكون لا صرت منهار يرتاح بالي يوم أوضي وأصلي رحمة من الرحمن للعبد ستار لطيف بعباده معزٍٍ مذلي علام بأحوال البشر سر وجهار كاشف ضرر مهموم دمعه يهلي كريم سبحانه عطاياه مدرار محصي جميع اللي عملت وحصلي انا طلبته في صلاتي بالاسحار إنه يغفر الذنب دقّا وجلي يجعل قبور أمواتنا مد الابصار باباً من الجنة عليهم مطلي *( رجاء مرزوق الجهني)
|
#1577
|
||||
|
||||
انا الكايد ولكني غديت الحيــــــــن يا سهـــــلي
أقول وينك؟ ولا القى غير وينك في سكوتي وصال
سؤالي.. غيب شموس الوله حتى انمحى ظلي ياليت القى عذر حتى ولو هذا العذر دجـــــــال عشان اقدر اطمن مابقى من مابقى بكلــــــــــي غيابك يزرع عيون البكا في ضيقة المــــــــوال و ينبت في طرف صوتي سؤال يقول انا من لي تروح وانطوي كلي مع الذكرى وسط هالبــال توديني التفاصيل الشقيه لك وترجـــــــع لــــي واقول الحال من بعدك ترى والله ماهي حــــال انا الكايد ولكني غديت الحيــــــــن يا سهـــــلي انا هذا الطريق المتعب المرهق من الترحـــال تعبت ابحث على راحه تمد كفوفها لحملـــــــي سفر هذا الطريق اللي قطع عمري من الاهوال خلصت ولا خلص هذا الطريق اللي كسر رجلي اقول لنفسي من تكثر جروحي حل ياحـــــــلال احل ولاحسبت اني ادور حل فـــــي حلــــــــي امر الناس في نهر النوايا وضحكة الاطفــــــال واصب كل النوايا البيض على من يستفز غلي عجزت استقبل الكره الملون من ورى الاشكال عجزت ازعل ولو مره ولو بس مره من اجلي اعيش بعقل واهديت المحبة للبشر بهبـــــــــــال واشوف ولا بقى حيي ٍ يعيش الحين في عقلـــي بقيت انت وبقى ضو الكلام بداخلـــــــــي لازال ينادي يرتعش بأقصى عيوني يقول ياخلـــــــــي تعال ارسم على شمس السنين الحارقات ظــلال تعال اجمع بقاياي الجريحه وردها لأصلــــــــي انا ويني اذا راحت عيونك وانتهت أمــــــــــــال انا ويني ومن غيرك يشيل همومي../ بس قلــــي اقول وينك.؟ ويتشظى صدى صوتي بوادي البال يمر بين التفاصيل الحزينه ويختفـــــي ظلــــــــي سالم سيار
|
#1578
|
||||
|
||||
رد: قَلْبْ طْفلَة
اما تموت لظماي او تشربن كلي
والا نتلاقى وكلن يشرب الثاني كم ليلة ما رشفت الماي ياخلي؟؟ يبسن حنايا الضلوع وجيت شفقاني اهرجك لا متى ياصاحبي قلي؟؟ الى متى الموت لا شفتك تغشاني ياعلقم الحب لا عز الشهد من لي؟؟ وياهمي اللي يهز اعماق وجداني جيت العب الحب هلي بي وانا اهلي جيت ارمس شوي واسمع صوتك الحاني واضحيت واثر الليالي سيفها سلي يامسرع الوقت كنه رعشة اجفاني وهمست لي بالغرام وصحت لك علي علي ترى الهمس يامضنوني اشقاني تكفى دخيلك ترى حرم اللقاحلي تعال غن القصايد بس علشاني تعال زل الهوى من رعشتي زلي زل الهوى ما تحمل سكرة اعياني ياخل والله لو انك شارب ذلي يموت قلبك عطش ما يموت رياني تعااال اشرب ظماك او اشربن كلي خلنا نتلاقى وكلن يرشف الثاني الراسيه
|
#1579
|
||||
|
||||
رد: قَلْبْ طْفلَة
فالليله المظلمه .. يكفي سنا بدرك
وفالليله البارده .. قربك يدفيني قدلي وانا احاولك وآقف على نهرك ارويتني مره .. وناظرك ترويني لقاك وحكاك والجو ان خذا عطرك ثلاثة اشياء .. تقتلني وتحييني خذني من الناس .. وادخلني وسط صدرك لا تخلي البعد ياتي بينك .. وبيني تقول لي يا فديت عيونك وشعرك وقصايدي فيك .. ذكراها مشقيني ماني بهتم .. ( كم عمري , وكم عمرك ) عطني سنينك وانا بهدي لك .. سنيني كم لي وانا احتاج لك واشتاق وانتظرك واتذكر آخر لقا وايديك بايديني يا كبر تقديرك بقلبي .. وكبر اجرك لا جيتني بالوصال وشافتك عيني
|
#1580
|
||||
|
||||
من ذوّق المحتاج يصبر الى احرجْه
ماهو بكيفك عقب شيٍ حصلي
من ذوّق المحتاج يصبر الى احرجْه خليتني من حلو حاليك احلي واصبحت مدمن حب والقلب روّجْه بين العروق وصار مافيه " ملي " الا وله جُرّه تمرّه وتسهَجْه وذود الغلا في عشب قلبي تفلي وتراب صدري للمطر منْك ما احوجْه يمحل الى صدّيت ويموت يا اللي صديت عنّه والله احياه واخرجْه ولي خاطر ٍ يسألْك من لي ياخلي؟ غيبتْك تلعب به وشوفتْك تبهجْه ولي عين حالي دمعها لك يهلي وانْ رحْت راحت مالح الدمع تزعجْه غالي ولا يحتاج بسّك تغلي غلاك اخذ قلبي وروّضْه واسرجْه ولو قلت ياعيني بصدره تملي شافت خفوق ٍ حبك الذرْب توّجْه وماهو على كيفك عقب ما حصلي من ذوّق المحتاج يصبر الى ازعجْه (عطيتني وجهك وانا جيت كلي محروم .. والمحروم ماينعطى وجه) محمد بن فطيس فارس جهينه معجب بهذا.
|
مواقع النشر (المفضلة) |
الذين يشاهدون محتوى الموضوع الآن : 3 ( الأعضاء 0 والزوار 3) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |