![]() |
العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع |
التقييم: ![]() |
انواع عرض الموضوع |
#1
|
|||
|
|||
![]() مساء الخير ومساء السهر والعيون المزغلله لأخوانا الطلبه والطالبات ونقول لهم هانت ماباقي الى القليل يوم او يومين وكل شيء ينتهي وتعود المياه الى مجاريها.. مادري ينفع هاذا المثل ولا نجيب مثل ثاني خلاص ولا هيمكم انجيب مثل احسن من الاول وتعود الصواريخ الى قواعدها ايوووه الحين ميه ميه خلاص هات ماعندك حتى نسينا ويش كنا بنقول ويش كنت جايب لكم ايوووه تذكرت عندي مويضيع على قدنا شوي ونتكلم عن حكاوي الجيران وسوالفهم ومحشاتهم بين بعض القصص اللي بأقولها بس هاذي من مليون قصه تحدث بين الجيران يوميا والقصص هاذي من العماره اللي نقطن فيها . ويش رايكم في نقطن ماهي حلووه ابترجم لي مايعرف معناها نقطن معناها يعني نسكن . انت الحين جاي تترجم لنا ولا تقول لنا شي ... المهم كل يووم لازم يحصل مشكله في العماره بتاعتنا عيالي ضربوعيال الجيران وجايين يشتكوون لنا والمره الثانيه سيكل ولدي مصروق من عند الباب وهاذي الأمووور بسيطه جدا وتحدث بين كل الجيران وهاذي حلاوه الجيره بس أحيانا الحريم يخربونها شوي اذا تهاوشوا البزارين مع بعض وتدخلوا في الموضوع خربوها بالأصوات داخل العماره واصبحت القطيعه بينهم وبعد فتره ينسوون الين تجي مشكله اخرى وكهكذا طبع الحياه ... ![]() وتجي عند البشوات احم احم احنا يالرجال انا من ناحيتي ماعندي مشاكل بس المشكله لاني ساكن في الدور الارضي وبعد كل فتره كل شقه تنظف مكانها وتنزل الاوساخ على في الدور الارضي ويتركوون الاوساخ عندي ولا يكملوون باقي النظافه واضطر كل بعد فتره نا اقووم بعمليه التنضيف والاوساخ اللي تنزل من فوق وبعدها يجي الدوور علي وازعل منهم واقول ياجماعه تراكم مصختوها كل واحد يقووم يغسل العماره كامله كل اسبوع او تجيبون هندي يغسل العماره ونتقاطط فيها بس لاحياه لمن تنادي .. ذكرتوني بهاذيك الرجه ![]() وبعدها ننسى الموضوع الين تجي مشكله ثانيه ........ الخ بس لاحظت على الجيران بينهم منافسه كبيره وخاصه الحريم اذا شافت شي عند جارتها جات قالت شفت جيرانا مركبين تلفزيون خمسين بوصه ليش ماتشتري مثلهم ولا الثانيه راحت لزوجها وقالت جارنا مشتري لزوجته لاب توب هاذاك ابو بصمه ليش ماتشتري لي زيها وحتى ملابس البزارين اذا شافوا ملابس عيال جيرانهم جديده او شكلها غير راحوا شروا ملابس مثلها واخر التقليعات الرجال يشتري سياره فخمه مثل سياره جاره عشان مايصيرون احسن منهم.... ايوووه نسيت اقوولكم شي ترانا بعد يالرجاجيل عندنا سوالف اكثر من سوالف الحريم .. لان فيه واحد من الجيران عنده موقف ومسوي فيها تضليله واحيانا احنا مانحصل موقف قريب من العاره ونضطر انوقف سيارتنا بعيد عن مكان العماره اما اخينا جارنا يجي في اي وقت ويوقف سيارته في الموقف الخاص.... وصراحه سوينا اجتماع مغلق في الدور الارضي وطبعا حتى السوري اللي ساكن السطووح جبناه معنا في الاجتماع ![]() المغلق طبعا سوينا الاجتماع وهو غير موجود معنا صاحب الباركنق .. وكل الجيران ايدوا انه يزيل هاذا الموقف الخاص المضلل وبعد الانتهاء من شرب الشاهي والقهووه واكلهم من الكيك والمعجنات ا لخفيفه كل واحد ذهب الى بيته ونسى الاجتماع وكأنهم ![]() يريدون اجتماعات اخرى ...... طبعاً هاذي من مساوي الجيران ولاكن للجيران حسنات كثيره لاتعد ولا تحصى وتعرفون ان الرسول صلى الله عليه وسلم وصى على سابع جار . وفي حديث مامعناه ان رسول الله صلى الله عليه وسلم يقول مازال جبريل يوصيني بالجار حتى ضننت انه سيورثني ...... ومن حسنات الجار كثيره وأذكر بعض المحاسن للجار وكنت غير موجود بالمنزل يعني مسافر وضاع مفتاح البيت من اهلي ولم يعرفوا كيف يفتحوون البيت وكان المفتاح الأخر داخل البيت وعند سماع جارتهم بالصوت عند البيت خرجت اليهم وعلمووها بالسالفه وبعدها قالت اين مفتاح السبير فقالو اهلي داخل البيت وبعدها دخلت الجاره الى بيتها وفي لحظه من الحظات فتحت باب بيتنا من الداخل في دهشه من الاهل وفتحت ا لباب لانه يوجد بيننا وبينهم جدار صغير فقامت هي وطلعت من فوق سوورهم وطبت على بيتنا من الداخل وأخدث مفتاح السبير وفتحت الباب بالرغم انها كانت حامل ولم تخاف على حملها .. ![]() في لقطه بطوليه ... وحكايه جارنا اللي اخذو جارتهم وهي كانت تطلق وعلى وشك ولاده وركبها في حوض الددسن وودوها هو وزوجته إلى المستشفى وبعد ماوصلوا الى ا لمستشفى كانت قد شارفت على الولاده ![]() وهاذي اهميه الجار في الحالات الطارئه ... ![]() هاذا على الصعيد المحلي اما على الصعيد الخارجي يعني الجيران خارج العماره .. فحكاياتهم حدث ولا حرج فكل يووم يأتون بالزبائل ويرمونها في الزباله الموجوده عند عمارتنا وكانوا يأتون بالقاذورات والزبائل ويرموونها عند باب العماره وياليتهم يرمونهنا في ا لزباله وعندما تأتي الى البيت وتنظرمظهر الزبائل .. حتى انك تعرف ماذا طبخ كل جار في هاذه الليله لانهم يرموونها عشوائيا وتنتثر اشلاء الاكياس في الارض في مشهد مقرف كل ليله ... وفي ليله من ا لليالي ولما رأيت المظهر امامي لم اتمالك نفسي وأخذت حبلا طويلا ,,,,,,,,,,,,,,,,,,,,,,, ![]() وربطته في سيارتي والطرف الاخر في الزباله ومشيت بها وانا متلطم في شماغي لكي لايعرفني احد ولا كن طبعا كل الجيران يعرفوون سيارتي الفارهه وهم منصدمين مما يروون وذهبت بها بعيدا عن مكان الحي .. وفي اليووم التالي عندما جائت سياره الزباله لم تجد الزباله الكبيره ولاكن ناديتهم وقلت .. ياصديق تعال .. واخرجت بوكي واعطيتهم خمسين ريالا سال على اثرها لعاب البنقاليه عمال النظافه وكأنهم يقولون شبيك لبيك بعد ماشافو الخضراء تبرق فأخبرتهم بالقصه كامله وهم يترنحوون برؤسسهم يمينا وشمالا وقلت احضرو براميل زبائل صغيره وحط عند كل بيت برميل صغير وفعلا في لمح البصر احضروا براميل صغيره ووضعوا عند كل باب بيت برميل ... وفي اليووم التالي عند خروج الجار يرمي زبالته وجد برميل الزباله موجود عند باب بيته ويضطر ان يضع زبالته عند بيته . ![]() وبعدها ارتحت راحه كبيره بفعل دهائي وبمساعده رجال البلديه كان معكم في هاذه الملحمه الكرويه بعيدا عن رقابه البلديه سكري زياده / شارع النظافه الستريت 2ج حاليا وشارع القمامه سابقاً ![]() حرر في شباط حزيران كانون الثاني بتاريخ 24/02/ 1431هـ
![]()
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |