|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
|
|
#1
30-04-04, 09:02 AM
|
||||
|
||||
شبابنا (طرائف و مشاهدات) تموت من الضحك!!!
صبحكم الله بالخير
شباب انا مالي علاقة خخخخخخخخ جاني هذا الموضوع عالايميل وفيه مشاهدات و طرائف حول بعض سلوكياتنا كشباب ودي أسمع رايكم وتعليكم موضوعي هذا كالعادة موضوع شيق وحساس ويمس شريحة كبيرة من شبابنا .. ويعتبر نتاج خبرة طويلة أمضيتها في التنقل بين مكة- جدة والعودة في نفس الأتجاه ويلقي الضوء على عدة أصناف وأطباق مختلفة من شباب السعودية التقيت بهم في أسفاري المتعددة وسنحت لي الفرصة للتعرف عليهم والتعامل معهم عن قرب ..... .. . . شايفين مايفجعو فأهلا وسهلا بكم في هذه الجولة السياحية في ربوع شباب بلادي .. والتي استهلها بشباب مكة .... لانها ديرتي وأهلي شباب مكة : معروفين بالمشاكل والمضاربات .. ومن شروط المضاربه لديهم أنه يكون لديك ساطور أو سكين .. وياويلك اذا دخلت حارة وعملت مشكله مع اي واحد منهم .. صدقني وقتها راح ينزل لك منتخب كامل زي منتخب نيجيريا. بس كفايه كذا وإلا حأحرق عليكم الباقي بس للأمانة فهم شباب دمهم خفيف مبسوطين دائماً .. مايعترفو بكلمة مااقدر.. يعني لو قلت لاي واحد منهم هيا بنا نمرح ....... يقولك: "اوف كوررس" وفي رواية قدام ومفردهم مكاوي وجمع المذكر السالم مكاويين ومن العبارات الشائعة لديهم مثل ... "ودين صلاة امي" .... "ياواد سيب الهيامه" .. "استنا شويه " دحينا اهرجوووو"... مكة حقنا ويا حبهم للفلسفه .. في كل شي عارفين .....وما فيه احد تسآله ويقولك ما اعرف إهتمامات البعض منهم منصبه على كرة القدم مع انه ماادري فين يلعبوها .... كل الدنيا عندهم جبال .. الترفيع بدباب نصحية: لاتترك سيارتك مفتوحه اذا نزلت عند السوبر ماركت.. هذه النصيحة برعاية اسواق بن داود شباب الطائف : سهل التعرف عليهم بدون الحاجه إلى معامل مخبرية او تشريح .. راح تعرفهم من طريقة لبسهم للطاقيه ... من شروط اختيار الطاقية المناسبة أن يكون إرتفاعها 150سنتيمتر وعرضها 5 سنتيمتر .. لما تمشي بينهم تحس انك ماشي بين ناطحات سحاب مو بشر ويرتدون طواقي مشاء الله عليهم دائماً تجد فيهم النشاط والحيويه لدرجة انهم مايناموا في الليل وعندهم شي واحد مشهور الا وهو الحبوب ومن اشهر انواع الحبوب لديهم نوع يسمى (الشبح) حتى أن احد الشعراء تغزل في حبوب الشبح وانشد قائلاً بلادي بلادي .... بـلادي المـرح وفيها حبوباً ....... تسمى الشبح تلجلج تلجلج ...... تجيب الفرح وعندهم منطقة مشهوره على نطاق دول الخليج الا وهي الحوية ... التي تعتبر الموزع الرسمي للشبح .. ويقال قديماً في المثل .. الحوية حبه لك وحبه ليه ويتصف شباب الطائف بأنه البعض منهم عدواني.. واذا مثلاً صادف انه عينك جات في عينه .. راح يتمدد صدره ويشمر عن ساعديه ويقولك : خير!! ايش فيك تطالع ؟؟ وعليهم محشات رهيبه لاتفوتكم.. وكله كوم والسواقه عندهم كوم .. تحس انهم جالسين يلعبو ....... القيادة فن وذوق وأخلاق لكن عندهم القيادة لا فن ولا ذوق ولا أخلاق ..... ولا للمخدرات..... وجع ايش ذا كله لاااا .. اجل كلكم راسبين احلام البعض منهم: التخرج من الثانوية العامة بتقدير جيد ويشتري دباب اربع كفرات ويشتغل عليه او يشتري قراندي موديل 88 ويسدح خشمها بالارض وهاتك تلميع في الكفرات والصدام ..بزيت فرامل ومن ثم التوجه الى منتزه الردف ويجب أن يكون بحوزته شريط لمزعل فرحان او فهد بن سعيد نصيحة: إذا كنت مدرس في الطائف فخليك أخلاق واعطي درجات والا والله تنجلد في الصرفه شباب جــدة: اهلا وسهلاً .. بما أني عايش بينكم فما راح اوفيكم حقكم من الحش ..... قصدي الحديث عنكم منتشر بين البعض منهم الكذب بصورة كبيرة ومخيفه .. حدثني احد الزملاء قائلاً اسكت يافلان امس رقمت خمسة بنات ورا بعض وآخر جاءني مستنجداً : الحقني .. الحقني يافلان وقال: شايف الجرح اللي في رقبتي. قلت: ياحرام من ايش هذا رد قائلاً وكله فخر وفي عينيه الخجل: هذي وحده جالسه تبوسني لحد ماطلع الدم !! عندنا مصاصات دماء .. قال المشكله مو هذي .. المشكله اني راح اقابل خويتي الثانية الان وراح تشوف آثار البوس .. شوف لي حل الله يستر عليك.. نظرت اليه وكلي استهتارواحتقار وقلت : اصلاً انته فيك دم حتى ينمص .. وانته رايح زي الشابوره كذا وغيرها الكثير ويجيد شباب جدة فن التعامل بلغة الأصابع و التخاطب بالإشارات وخاصةً عند إشارات المرور ومن الضروريات في حياتهم ؛ لازم تكون مشبك بنات او تعرف بنات والا راح تعتبر شاب متخلف وعقليتك لا تتواكب وتتماشى مع متطلبات العصر وينتشر بينهم الخدم في كل بقعه في كل شبر في كل حفرة في كل شارع في كل شاليه ... وبعدين معاكم انتو في كل محل وفيه بعض الشباب حاط على صدره 10 كيلو سلاسل على باله راح يطلع صدام جيمس .. وبعضهم يلبس اقمصه عليها شعارات واحرف غريبه وهوا والله مو داري ايش معناها اما اهتماماتهم : الفشخره الكذابه – الطفش .. كل مااجلس مع احد منهم قال طفشان – تشجيع الاتحاد – سرقة الايميلات– الكذب – المصلحه ... يعني اذا ماكان معاك فلوس .. والا ما عندك شقة خاصة فيك والا منته مستأجركبينه فمحد راح يعطيك وجه – مطاردة البنات اما ذي النقطة فهم مبدعين فيها.... عمى في شكلهم يشموا ريحة البنت مع السواق من على بعد 40 كيلومتر نصيحة: لاتذهب هذا المساء من البيت اذا فاز الاتحاد. صدقني راح تكره حياتك ؛ فالخدم من كل حدب وصوب شباب بحره: كل الترفية .. كل الإثارة .. كل الأكشن .. كل الأسلحة لدى شباب بحره ....... طيب ياشوتايم البعض منهم اذا طفش مره قام بعملية قنص لعيال الحارة بالرشاش .... وإذا كان مزكم ومريض يتسلا مع اهله بالرشاش في البيت ولاحظت في الاونة الاخيرة انحراف بدرجة 360 حسب مقياس (روح اختار) في تصرف بعض الشباب اللي صاروا يستمعوا لاغاني مايكل .. "أبك .. ياويلي علاااااك يا ميكل بن جكسون" ... الله يرحم ايام عيسى الاحسائي وحجاب وحتى كبار السن عندهم مصرقعين ..مره جلست مع شايب مغمور وبدا يسرد علي مقتطفات من مغامراته وفروسيته في الماضي ..واللي قاهرني انه كل شويه يسب فينا ياشباب اليوم واثناء سرده لاحدى المغامرات الشيقه.. قمت بمقاطعته قائلاً : اخس ياجيمس بوند .. رد علي بغضب قائلاً : اعقب يابزر النيدو ...... عوذه ... عوذه ..... منكم يابزارين اليوم ثم سألته ماهو رأيك ياعم في قيادة المرآه للسيارة ؟ في محاولة خبيثه مني لتهدئة الوضع فقمت بالاستعانة بالعنصر النسائي في سؤالي..لزوم الإغراء .... ايش تعرفوا انتو اجاب قائلاً : تخسي ثم تخسي ثم تعقب ..... الحريم مالهن الا مطابخهن !! وبعدماحسيت انه الوضع تفجر قلت : ياعم ما كأنه العشاء تأخر؟؟ ...... ايوووووه خلك مؤدب ومالك ومال الخوض في السياسة نصيحة : اثناء تجولك في ربوع بحره خليك مؤدب وعلى وجهك علامات الحزن والآسى.. لانك لو ابتسمت راح يتم تفسير الابتسامة إلى ابتسامة غير مشروعة ..وهذي كارثة بحد ذاتها شباب المدينة: مدري ليه شايفين نفسهم .. يتكلم شويه وبعدين يقول انا من المدينة ...... على عيني وراسي من المدينة بس اعصابك وعندهم قهوة مشهوره اسمها ابو .. والله نسيت .. المهم انها ابو حاجه لو ضربتك فيها لنسدحت صريعا ولكن صدقني راح تحب المدينة بغض النظر عن شبابها لانها مدينة الرسول صلى الله عليه وسلم نصيحة : بطلووو غزل شباب ينبع : بصراحه تخاف منهم .. فعندهم ثقافة شباب الطائف ومكة وجدة بالاضافة الى ثقافتهم الخاصة والتي تعتبر غريبه .. فإذا كنت ماشي على رجلك في ينبع (ينبع كلها تلفها في خمسة دقائق) فراح تجد انه الكل يضرب لك بوري ويقولك هاه مشوار ... و أنا مطنش وعامل نفسي أبكم ابغاهم يريحوني وينقلعوا نصيحة : انته مهدد بالطفش والأنحراف .. واحسن حاجه اشتري بلاي ستيشن واجلس في البيت .. ولاتفكر تطلع مره شباب الرياض : رأس مالهم الشماغ والعقال .. دائماً لابسينها .. مشاء الله عليهم مشخصين في كل وقت وفي كل مكان.. تجدهم مشخصين عند الأكل .. عند النوم .. عند الحلاق ..عند الاشارة... وبعضهم اذا شال الشماغ عن راسه راح تشوف جزر اندونيسيا في راسه...... بالله بغينا تذكره ذهاب وعوده واصحاب مصانع الاشمغة مستغلين مدى تعلق الشباب بالاشمغه وحبهم لها.. وكل شهر نازل شكل جديد .... مساكين الواحد ما يلحق يتهنى ويفرح بالشماغ اللي اشتراه وعندهم قمة الترفيه والترويح عن النفس أنه يطلع القهوة مع اصحابه ويجلس يتفرج على الدش .. والمكيف شغال وابن امه اللي يفتح فمه لكن للأمانة ماعندهم لاحشيش ولا حبوب ..... لانهم كذا بالفطره مرتفعين ... بس انته قول السعوديه فازت ... وتعال شوف الجنان ... والا قم بتمرير عبايه مخصره من عندهم اهتماماتهم .. مشاهدة افلام التفحيط ...... دخول الشات ثم كتابة عبارات غريبه زي: لؤؤؤؤؤؤؤؤؤؤؤل ..... انا ودي اعرف ماهو موقع الهمزة من الاعراب في الكلمة السابقة .... سؤال عليه درجتين ومن الإهتمامات .... التسجيل في المنتديات بأسماء معبره مثل: ضفدع مضيع نظارته,, ضب اطخم ,, دولاب المطبخ ومن أرقى الإهتمامات: الترقيم وتطفيش البنات و مطاردة الضبان وتعذيبها نصيحه : لاتلعب معهم ورق (بلوت) ماعندهم تفاهم .. شويه ويضربوني عشاني سرحت شويه عن اللعب. هذا ظلم يا شباب شباب القصيم : بسهوله راح تجدهم وتتعرف عليهم من ملابس بعضهم .. قميص نوم وفوقه طاقيه .. والمشكله يطلع فيها ويروح كل محل .. المسجد , السوق , الملاهي , الماسنجر وفيه بعضهم مرررره ماتقدر تاخذ وتعطي معاهم شايفين انفسهم .. ومره لاغين المنطقة الغربيه من قاموسهم... حجازي وجع فجعتن وتقول العرب قديماً قصمنجي .. على وزن افرنجي .. وكذلك قصمنجيه .... على وزن ملوخيه آسف كنت اقصد افرنجيه .. ايش اعمل جيعان امنية: ودي اتعلم اللهجة القصمنجيه واتكبر على الشباب شباب الدمام : رهيبين وتحف في نفس الوقت.. بس كرهونا في مطعم الطازج كل مره وعازمينا فيه .. ياشباب استحو غيرو المطعم وماعندهم سيره الا سوق الراشد ياشيخ الله يستر على شارع الحنان بينبع اللي كله هنود و3 من الفلبين وواحد سعودي .... اللي هو انا بس مضيع اهتماماتهم: يجيد البعض منهم التحدث باللغة الروسية والاوكرانية والاشتراكية وجميع دول الاتحاد السوفيتي السابقة بطلاقة. هذي والله اخرة التسدح في فنادق البحرين انا مو ذابحني الاحسدهم لشباب جدة .... بس ودي اعرف عليه ايش تحسدونا .... على الغجر والا الكورنيش والا الزحمة والا الحفر بالشوارع والا الخدم اللي عندنا. احنا المفروض نحسدكم على الهدوء على الكورنيش على المطار اللي عندكم. المطار ما ودك الا تنام على ارضية الصالات ... والا اجمع عيال الحارة واطلقهم في صالات المطار للعب الكورة بدل ما يكسروا سيارتنا يعني الواحد في الدمام اذا طلع بنت معاه .. محد يدري فيه ... لا من شاف ولا من دري ....وتحصله خايف لا ينكشف .. لكن عندنا ينزل له اعلان في الجريدة ويتصلوا عليه اصحابه كلهم ويتلقى التهاني والتبريكات (في الغرفة عند الهيئة) .. فرجاءاً ياشباب لاتحسدونا ... على إيش يا حسره.... مافيها مجال للحسد ... وريحونا من كلمة ياحظكم ياشباب جدة نصيحة: مافيه نصيحة ياشباب لانها مشفره مع باقة الاوائل.. ماعاد فيه شي ببلاش شباب الباحة : ونعم الشباب .. ولكن يلاحظ عليهم كثرة الحسد ونقل الكلام "سعيد ظهر له كامري جديده وفيها بيجر ياحظه" .... يقصد جرس السرعة..... واليوم الثاني المسكين سعيد يسوي حادث بالكامري ويصدم في بيته واذا مثلا ً عطست فالخبر راح ينتشر في كل مكان والله فلان عطس ويمكن يطلعو عليك اشاعة انك مصاب بحمى الوادي المتفقع نصيحه : في كلمة جميله لازم تستخدموها اذا شفتو اي حاجه اعجبتكم قولوا ماشاء الله تبارك الله شباب جيزان : ما ام خبر قماعه ؟؟ يعني مدري كيف ابدا معاكم لكن دعوني احاول عينات كثيره من شباب جيزان خاويتهم وعشت معاهم.. كنا اذا طلعنا نتعشاء سوا وبعد مانطلب ونأكل ونجي عند النقطة الحساسة الا وهي الحساب تعال شوف الاعذار .. والله نسيت ام محفظه !! والله مابش صرف في بعضهم اعوذ بالله فيه لؤم وخبث ويبيع صاحبه عشان فلوس او عشان مصالحه وفيه فئه مشوهه صورة شباب جيزان بصورة كبيره لدرجة انه يسرق فلوس من محفظة صاحبه اللي ساكن معاه هواياتهم : تخزين قات .... يشاهد مباراة لازم قات .. جلسه وسهر وفيها ضحك لازم قات .... لعب ورقه لازم قات .. السفر لازم قات ....... من جد كيف نعيش بلا قات ..... زي دعاية كيف نعيش .. بلا كابريس واللي شدني انه لديهم انواع مختلفه من القات مثل : القات الحرامي القات جي ال اكس - قات عيد العمال - قات العودة المدارس- قات الهكرز العربي - قات اعقلهاوتوكل ...... لدعم الحملة الوطنية للتآمين !! - قات وفنيله علاقي وفوطه .... صار فلم مصري !! القات انواع كثيره ماشاء الله والكثير منهم يعتبرو محترفين في لعبة "الكيرم"..... طلعوني من اول ماتش نصحية: الوصول إلى هذه النصيحة غير مسموح به .. الرجاء منك أنك تأخذ لفه وتحط ملفك عندنا .... وهذا وجهي لواتصلنا عليك الخاتمة من الكلام السابق والاصناف المتعدده التي ذكرتها راح يتبادر للقارئ اني متعمد الإساءه لشباب بلدي .. ولكن أنا ذكرت بعض العينات والتصرفات التي لانستطيع أن ننكر وجودها في مجتمعنا‘ وقطعاً لم اعمم هذه التصرفات على بقية الشباب لتأكدي بأنه هناك الكثير من الشباب فيهم الإستقامة و الصلاح وجميع الصفات الحسنه.. ولكن احياناً يتم الحكم على سائر الشباب بتصرف مجموعة بسيطه ترتكب الاخطاء ومن ثم يتم اصدار الحكم بأن شباب السعوديه فيهم وفيهم .. ولكن هذه هي طبيعة البشر فمثلاً لو جاءنا شخص من المريخ (مثلا) وكان محترم و متدين وكريم .. الخ من الصفات الحميدة .... وتعاملنا معه ولمسنا فيه هذه الصفات الحميدة .. بعدها راح تكون الفكرة لدينا والتي تكونت من خلال تعاملنا معه بأنه شباب المريخ فيهم الخير والصلاح ... لو تلاحظو انه احنا تعاملنا مع شخص واحد وما نعرف صفات البقية منهم ولكن اصدرنا الحكم عليهم بالصلاح بتصرف شخص واحد منهم اللي ابغى اقوله انه كل واحد منا دائماً في حياته وتعامله مع الاخرين بيكون سفير للمجتمع الذي ينتمي له .. فلو كل واحد منا احسن التعامل مع الآخرين و تمسك بدينه دائماً لاعطى صورة مشرفه لمنطقته والذي بدوره ينعكس على السعودية بشكل عام وسامحوني اذا اخطيت علاااااااكم
|
|
#2
01-05-04, 03:24 AM
|
||||
|
||||
|
شكرا مشاركة
ولا احلى
|
|
#4
02-05-04, 04:41 PM
|
||||
|
||||
|
مشكوووووووووووو اخووووووووووي عزوز
والله يعطيك العافيه
|
|
#5
06-05-04, 01:38 AM
|
||||
|
||||
|
الله يسعدك ياشيخ !!
لكن فيه شئ ناقص ,, وين شباب الشمال ,, والا مايمرون بمرحلة الشباب من الطفولة إلى الكهولة !! تحياتي لك ,,
|
|
#7
09-05-04, 01:57 AM
|
||||
|
||||
|
|
#8
10-05-04, 10:33 PM
|
||||
|
||||
 قسمممممممممممممن بالله ماسذب هاللي كاتبها  مشكووووور خيووووو وكثر من هيك مواضيع
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ويهههههههههههههههههههه صج عذااب ادخلو تموت من الضحك | للووس | منتدى السواليف وتوسعة الصدر | 8 | 01-12-04 01:25 PM |
| قوانين تموت من الضحك !!!!! | مطرح القعدان | منتدى السواليف وتوسعة الصدر | 6 | 23-09-04 03:17 PM |
| انواع الضحك!!!!!!!!!!!!!!! | المراقب | منتدى السواليف وتوسعة الصدر | 2 | 08-08-04 04:10 AM |
| امثال تموت من الضحك ادخل وانت او وانتي مكشرة يمكن يصير شي ما يعجبك ؟؟؟؟ | ولــد بريــدة | منتدى السواليف وتوسعة الصدر | 17 | 14-06-04 04:53 AM |
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض المتطور
