العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
|
#1
|
||||
|
||||
خسرتني والله يالجاحد .. تندم علي بأذن الواحد !!
السلام عليكم ورحمة الله وبركاته هالموضوع هنووووفا مافيه أمواااات وبيعجب اللي مغبونه من زوجها *************** هذي سالفة وحده مبسوطه مع زوجها ومرتاحه وتخدمه بعيونها ولا بيوم رفعت صوتها عليه ومطيعه له ... يعني زوجة صالحه بمعنى الكلمه .. لها من زوجها بنتين وولدين .. بيوم من الايام و شافت زوجها مهب حولها يتحاشا النوم معها وتكدرت ايامها ولا تدري وش السالفه ولكنها قالت يمكن شي مضايقه ماودها تحرجه بالاسئله وبيوم وهي طالعتن لاهلها شافها خالها بالطريق قال لها منين انتي جايه قالت من بيتي قال بيتس !!؟ وشلون بيتس وابو فلان مطلقتس هي انصدمت وقالت وش تقول ؟؟!!! هو تلخبط يحسبها داريه .. قال روحي للوالده راحت لامها ودمعتها على خدها وضايقه ماتدري وش اللي صاير وسالت أمها .. قالت لها امها : أن فلان مطلقتس بس قلنا خلها ببيتها ولا تعلمها لعل الامور تنصلح وترجع لها هي ضاقت وحست بالمهونه ولا تدري وش اسباب طلاقها راحت لبيتها وهي تتخبط ماتدري وش تسوي .. ولقت زوجها وسالته عن طلاقها وقال صحيح وقالت وش السبب ؟؟ قال ودي بالعرس من مرتن ثانيه وكل ماطقيت باب قالو لي معك مره ! فطلقتس عشان الاقي اللي توافق علي سكتت وراحت تضف عفشها وتشكي لربها هالظلم الجاير وطلعت ماتدري وين تروح ولا تبي ترجع لامها لان امها ماعلمتها بالطلاق وخلاتها تعيش معه ب مهانه راحت باعت ذهب لها واستاجرت بيت صغير ( و قديم بالقرى .. البيوت رخيصه والشراء بنفس اليوم ) و جاء لها خالها وسلم عليها وشاف البيت وش ينقصه وراح وجاب لها الارزاق وصار كل فتره يجيها ويعطيها المقسوم .. وهي صارت تشتغل مع الحريم عشان تكد على عيالها وعاشت هي وعيالها مرتاحين وتيسرت امورهم وزوجها ماخلا بيت ما خطب منه وسبحان رب العزه والجلال سبحان من يسمع شكوى المظلوم وينصره ماقدر يتزوج .... !! دااارت الايام وكبرو بالسن .. و أتعبت الشايب عيشة الوحده ! وكلم عياله يحاولون بأمهم ترجع له ... وحاولو العيال بأمهم .. لكن الام رفضت وتقول والله ياموتي أحب علي من مقابلة وجه ابوكم وحلفت أمهم يان أفتحو هالسيره لتغضب عليهم والحين الام عايشه معززه مكرمه ببيت بناه لها ولدها وعيالها وبناتها و أحفادها حولها .. والشايب الحين ببيت لحاله جالس يهش الذبان !!
|
#2
|
||||
|
||||
صباحتس ورد ياورده
اروووووح ملح انا على السواليف الرايقه ع الصبحيه ههههههههه جآزتلي السآلفه واحلى شي بالمقطع تخسى والله وتعقب خخخخخخخ اقوووول مزون وش السر بمواضيعتس كلهن عن الزوجة الثآنيه !! وتكفين يامزمز تسثريلنا من هالسوالف
|
#3
|
|||
|
|||
صباح الورد للحلوين ..
ولو تحبين الافلام الهنديه مردتس لها والله يقولون اذا الحرمة حقدت وخر عن دربها بس هذي الحرمة قوية ( عجبتن السالفة .. بس ترا منيب مغبونة يا قلبي انتي
|
#4
|
||||
|
||||
وانا عجبني حضورتس مو لزوم من تعجبه القصه يصير مغبون بس تفرحين لانتصر المظلوم منوووووووره يالغلا
|
#5
|
|||||||||||||||||||||||||
|
|||||||||||||||||||||||||
ههههههههههههههه كل مواضيعي عن الزوجه الثانيه هع هع تصدقين ما انتبهت الا منتس بس يمكن عشان اللي يعرس عليها زوجها تطلع ريحتهم وتنتشر قصتهم واللي حاضنن حريمته ولا نكد عليها مانسمع قصتهم منوووووره يالغلا
|
#6
|
||||
|
||||
صراحه حبيتك من هالقصص
الله يسعدك هههههههه ولاحلى المقطع
|
#7
|
|||||||||||||||||||||||||
|
|||||||||||||||||||||||||
ياحبني لتس
اللهم أمين ويااااك المقطع منوووووووره يالغلا ب طلتك
|
#8
|
||||
|
||||
مررررحبا مزوون
ياقلبي يهالمره الصراحه كسرت خاطري يوم قالها سبب طلاقها وودي اقوم ع الزوج وافرمه بالفرامه اجل هذا سبب يخليه تهون عليه العشره وقلعته مالقى الزوجه عقبها تسلمين مزون قصصك حلوه
|
#9
|
|||||||||||||||||||||||||
|
|||||||||||||||||||||||||
وكاد انه يستاهل ماجاااه
وجودك ياعمري الاحلى
|
#10
|
||||
|
||||
ناقصها شوية ملح ... وياخوفي تكون هالقصة ... استغفر الله .. خلاص بلاشي منها ـــ طق
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |