العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
|
#1
|
||||
|
||||
♠♠رجعنا للعذاب ودراسه وفتح الكتاب ♠♠﴿ مشاركه بمسابقة مدرستي بيتي الثاني ﴾
لا تحزنون إذا غبت فجأة ...لأني بأيامي الأخيرة...ارجوكم تقبلوا الخبر بنفس مؤمنة... وسامحوني اذا قصرت معكم لان لو بيدي اعطيكم اكثر لكن هذي ....مشيئة الله الوداااع،، محبتكم : (العطلة( ليله طفش ليلة اكتئاب ياشينها ليلة السبت وياشين اول يوم دراسي عاد متعودين ع النوم طول النهار والسهر باليل وطلعات وجتنا الي ماتتسماش المدرسه وليلة الدراسه بيتنا اجوائه حزينه وهدوء غريب ماهو عاده لنا يعني جيراننا ماترتاح روسهم ولايعرفون النوم الا اذا جت المدرسه وتلقاهم يقولون متى تجي المدرسه نبي نرتاح وننام مثل الناس . عاد الناس يوم الجمعه يتجهزون للمدرسه ويصير شوي حماس لانوه سنه جديده ومشتاقين للمدرسه ومشتاقين لاصدقائهم اما حنا انا واخواني قالبين يوم الجمعه يوم حزن وعزاء ومالها طاري المدرسه عندنا وشاطفين بس الوالد والوالده هم الي يتكلمون بها ومن يجيبون طاريها عاد وجيهنا تتقلب الوان وقام الوالد الغالي واصدر القرارات التاليه 1 ـ ماحد يغيب بكره 2 ـ التلفزيون مايشتغل واللي يشغلوه يتحمل النتائج 3 ـ النت يفصل 4 ـ الكل يقوم ينام والي مابوه نوم يغصب نفسوه لين يجيه النوم وقمت كاني ابروح انام واجلس مع مجرده من الاحساس ونتقابل ونتشكى البعض نبي نسوي اضراب بكره ونبي نغيب مانبي ندرس الدعوى غصب واتفقنا نغيب بكره ونتحمل النتائج مهما تكون وحنا ندري انها راح تكون نتائج قاسيه بما انها راح تصدر من السيد الوالد ونمت بعد ماشربت النانه حقتي < الي يعرف وشي النانه لوه الي يبي > المهم وفزيت من النوم ع صوت ابوي الا وفتح عويناتي على كبرهن وشوف مجرد لابسه وخالصه والله ذكرتني بنفسي يوم كنت اول يوم بداوم بالكليه الي يشوفني يقول رايحه الزواج ماني رايحه ادرس المهم وسألتها ليش غيرتي رايك قالت الظاهر ماقمتي ع الكلام اللي قالوه بابا قبل شوي <الذله بنت حلال > وقمت من النوم ويوم شافني سوالي محاضره عن تأخير الصلاه والله معوه حق الله يتوب علينا ويوم خلصت صلاه قلتلوه ماني دارسه طبعآ انا اشجع وحده بإخواني وشوف عوينات اخواني علي مستغربين مني واكيد ابوي قالي ليش تبين تغيبين قلتلوه لاحد الحين احس بشوي تعب وانا اكذب استغليت الفرصه اني تعبت قبل ايام والوالد يحب المدرسه لدرجه والله ماتتوقعون وش كثر انعاني انا واخواني من سالفة المدرسه لدرجه اذا جت العطله وربي يقولنا ابسجلكم بدورات وحتى الوالده تصدقون انها كملت تعليمها بعد ماجابتنا وتحب التعليم مثل ابوي بس حنا ع قولة ابوي عقوبه وماطلعنا عليهم واللي مكرهني بالكليه ابوعلي اه اه اه اه منك يابوعلي وياعل مابوعلي هذا ابوعلي السواق الي يوديني ويجيبني من الكليه للبيت والله لو اقولكم الشخص هذا متخلف والله انه تقريبآ كبر جدي والمشكله عيونه زايغه وطوله شبر ونص وع صغره بس عليه لسان يندعابه مغير بس يهاوشنا ويقولنا ليه ماتردن علي ياصم يابقر والله مابقره غيره هالشايب والله سبب لي ازمه نفسيه اقول لبوي مابي اروح معه انت وديني يقول انا ماخلص من الاشغال الا الساعه 2 الظهر وانتي تطلعين 1 الاربع وكل يوم ابوعلي جايب لنا سالفه وياويل الي تطلع مع اهله وماتدق عليه او تغيب وماتقولوه وابوي اثنين من اصدقائه بناتهم معه واحد من جيراننا بعد بنتوه مع ابو علي وحطني ابوي معوه وحنا قدام يبتنا واحد يبني لوه فله وعندوه تراب ويوم شاف التراب سماني ام طعس لانوه قروي وبنت جيراننا مسميها ام نفود وانا وابوعلي مثل الموجب والموجب مانلتقي ابد انا الصبح دايم ماحب اكلم احد ونفسي براس خشمي وماتحمل احد يقولي كلمه وحده وكل ماركبت معوه قام يقرط من هالكلام الي مثل وجهه وتبداء الاسئله وانا مارد عليه مطنشته وهذا الي مخليه يكرهني واذا نزلت يقول للبنات هذي وشي شايفه نفسها عليه ام طعس وبنت جيراننا طويله وابوها قصير ويوم شافها يقول وش لون جت البنت قصيره وابوها طويل ويوم قالها ضحكت ونفس الوقت اقول العقل نعمه واذا مر احد من عنده قام يخانق ويرفع صوته ويصارخ وياليت رادي به بس يهايط عندنا ويهددنا انوه يضربنا بالعجراء والله انوه يتكلم من جد والله اني ناسيه سوالف ابوعلي ولاكان قلتها لكم والله مابقيت احد ماتشكيت لوه من ابوعلي الخايس ياعلني يابوعلي ماشوفك غير ماشفتك قولوا امين ................... والوالد من زين حضي راح عند عمامي العصر لازم يجتمعون كل يوم عند عمي الكبير وقالولوه ان بناتهم كلهن درسن الاول يقول بنتوه اخذت كل المحاضرات <والله من الكذب > والثاني يقول انها راحت بعد وخذت محاضرات اما الثالث بنتوه مثلي فاشله ياحبي لها بنت عموه وجاء ابوي وسمعني محاضره طويله عريضه يقول كل الناس راحوا لم مدارسهم الا انتي مقابلتني < الله يسامحك يبه> واخواني كلهم ادرسوا الا انا ويوم جوا من المدرسه ياحرام وجيههم تخرع من التعب وانا مبسوطه بالبيت ورضخت للأمر الواقع واني ادرس بكره وكلمت الشله واتفقنا ندرس بكره وداومت يوم الاحد وهو اول يوم لي وصحيت الساعه 5 الفجر وجلست على شعري نص ساعه والمكياج ربع ساعه والبس ربع ساعه وتهاوش مع مجرد ربع ساعه لاحد ماجت الساعه 7 ونص وتحركنا من البيت ويوم وصلت الكليه الزفت شفت خشش صديقاتي ياحوووبي لهن واشوف الكليه زحمه حيل ماهي زي العام عاد كليتنا كبيره حيل تمشي لين تقول بس هي اول كلية المعلمين بعدين انقلوا العيال وحطونا بدالهم يحسبونا مثل العيال نمشي مسافات بعيده ماعندنا مشكله والحين ماتلقى وحده دبا كلهن انحفن من المشي هذي صورة المبنى الي ادرسبوه هذي صورة الكليه وهذي صورة وحده من القاعات وهذي صورة المكان الي دايم نجلسبوه نهرب من الشمس الحارقه وهذا شكل المبنى من بعيد وراح يومي كلوه سوالف مع الشله وبلع خلصنا الكفتريا كود بكره يجيبون لهم بضاعة جديده قضينا على بلعة هالبنيوات وطبعا ماتحلى اللقمة يوم تدخل حلقي الا بحش وتعليق على البنيوات الله يسلمهن ويستر عليهن ويسامحني انا وصديقتي ام شوشه اللي من صادقتها وحظي نايم عيا لايقوم المهم ونحش ونعلق على هالحريم>>>مشوين بنات هالسرع كبرن وهي تمر من عندي غيمه واحس بظل علي والبنات عليهن شمس استغربت اثري عين السيح واقفه على راسي وماشاء الله من كبره سترت الشمس عني ما ابالغ لو اقولكم انها طول الباب وسمينه سمن ماهو طبيعي سلمت عليها ومشت وتذكرت اني نسيت أسألها هي نجحت ولالا قالن لي البنات انها رسبت ياخســارة وسالفتها انه يوم من الايام صدفه جلست وراها وكاني نقطه ماحد يشوفني واجلس ارسل بلوتوث واحط السماعه وتسمع المقاطع الصوت وماحد يشوفني واعجبني الوضع وكل يوم اذا جلست مكان اجلس وراها وصرنا انتهاوش وانا وصديقاتي ع المكان الي تجلسبوه عين السيح مع اني انا اللي اكتشفتها وياحض الي تجي مقدمه وتجلس وراء عين السيح هو صدق ينقطع الاكسجين عن المقعد بس وربي ارحم من فلسفة الدكتورات وتخطيط الكتب ياحبي لها الله يسعدها.. وراح يومي كله وناسه وسوالف وماحسيت بالوقت ودق علي الوالد يقول وينك ماطلعتي ياسرع الوقت وع فكره ماحضرت ولا محاضره ويوم جيت عند ابوي واقعد اعطيه من الرخيص واقوله انا تعبت كل المحاضرات حضرتهن والله تعب عاد قالي تكبرين وتنسين انا طاح وجهي حتى خشمي لقيتوه بالمرتبه اللي وراء ورجعت للبيت وتستقبلنا الوالده الله يخليها لنا وهي ترحب بسموي وتهلي بي >>>ياخطيرة اثريتس منتي هينه وانتهى يومي بالكليه |
#2
|
||||
|
||||
ياخطيييييييييير
اول طش بعدين التعليق لازم اطلع بس لازم ارد بس لمحته شي
|
#3
|
||||
|
||||
<<شافت المقدمه انهبلت
ايه الله يرحمـ ايامها الأجازه كانت بنت حـلاال وطيبه الله يذكرهـا بالخير ليلة الجمعه يقال عزاء وربي مدري وش كانوا يحسون بوه الشعب الدنيا ع الساعه 11 هجدوا وصار هدوء<<حسيت بهم عرق مصري االله يعينك اجل عندكمـ اوامر من وكـمـان مـاتغيبون كخخ سحبت عليك مجرد وراحت<<حركات النذله اللي بااختي اه وربي وانتي صادقه اصعب شيء يوم اهلك دوافير مشاء الله وانتي عكسهمـ<<تتحطمين بوقتهـا وهـ يااشين السواقيين يفقعون لك المرارهـ يوديك اول الناس ويردك آخر النـآس وع قولتك مـن غير اللسان الطويل والنفس الشينه والعيون الطوال خطـير ابو الشباب يتميلح عندكم وينكت هو ووجههـ والبــلشه إنه يجيكِ عجوز منتهي رجـل بالدنيا والرجل الثانيه ع قبره الله يحـسن الخاتمه ياحليلك تحطين مكياج ونص ساعه ع شعرك<<الله يعيني لادخلت الكليه الله يهد حيلهم هدوا حيلنا تجيك الجامعات كبيره تتكسر رجلينك من المشي فيها لو يرحمون حـآلكم ويسوون لكم طريق سريع<<وش تحسين بوه اوومـا عين السيح استغفرالله العظيم اجل عندكم مريم القضبان 2 بالجامعه مـايحتاج مظلااات وقفيهـا عند رأسكمـ توفي بالقرض اجل فالحه ماحضرتي ولا محاضره قدعه يااخطيره يـومـك خطنطير فألك الفوز
|
#4
|
||||
|
||||
[QUOTE=•°هـمـس الغـلا•°;5820395]<<شافت المقدمه انهبلت
ايه الله يرحمـ ايامها الأجازه كانت بنت حـلاال وطيبه الله يذكرهـا بالخير ليلة الجمعه يقال عزاء وربي مدري وش كانوا يحسون بوه الشعب الدنيا ع الساعه 11 هجدوا وصار هدوء<<حسيت بهم عرق مصري االله يعينك اجل عندكمـ اوامر من وكـمـان مـاتغيبون كخخ سحبت عليك مجرد وراحت<<حركات النذله اللي بااختي اه وربي وانتي صادقه اصعب شيء يوم اهلك دوافير مشاء الله وانتي عكسهمـ<<تتحطمين بوقتهـا وهـ يااشين السواقيين يفقعون لك المرارهـ يوديك اول الناس ويردك آخر النـآس وع قولتك مـن غير اللسان الطويل والنفس الشينه والعيون الطوال خطـير ابو الشباب يتميلح عندكم وينكت هو ووجههـ والبــلشه إنه يجيكِ عجوز منتهي رجـل بالدنيا والرجل الثانيه ع قبره الله يحـسن الخاتمه ياحليلك تحطين مكياج ونص ساعه ع شعرك<<الله يعيني لادخلت الكليه الله يهد حيلهم هدوا حيلنا تجيك الجامعات كبيره تتكسر رجلينك من المشي فيها لو يرحمون حـآلكم ويسوون لكم طريق سريع<<وش تحسين بوه اوومـا عين السيح استغفرالله العظيم اجل عندكم مريم القضبان 2 بالجامعه مـايحتاج مظلااات وقفيهـا عند رأسكمـ توفي بالقرض اجل فالحه ماحضرتي ولا محاضره قدعه يااخطيره يـومـك خطنطير فألك الفوز هلا بك همس يازين العطله ياهموسه راحت بال تنامين وقت ماتبين وتصحين وقت ماتبين ماهو الحين طفش بطفش تنامين الساعه 10 لابعد وغصبآ عليك ايه عندنا اوامر من السيد بابا والكل يلتزم بها واللي يخالفها يروح بخبر كانا واخواتها مجرده من الحساس خوافه وماعندها مغامرات مثلي اجل عندك وحده مثل مجرده من الاحساس الله يعينك عليها اقول ارتاحي هالحين دامك مادخلتي الكليه لانك بعدين رايح تشوفين البهذله ع اصولها لاياحيي عين السيح اكبر من مريم الغضبان والله حلو الاقتراح الي جيتيه ياحبي لك منوره الموضوع هموسه |
#5
|
|||||||||||||||||||||||
|
|||||||||||||||||||||||
مبروك صرتي اول طش ماشاء الله عليك ايه لازم ترجعين تردين وخليك ماترجعين بس |
#6
|
||||
|
||||
مشالله مشالله
قنصتلي كم صورهـ وش زينهن لي نكسه
|
#7
|
|||||||||||||||||||||||||
|
|||||||||||||||||||||||||
على الوعد جيتكم يآمخلفين الوعود مير الثنويه اهون الباب السآحه جمب المدرسه..موهب مثل الجامعة تمتير المفروض يسمون الجآمعه الرآبح الاكبر ومير الشآيب مآيعرف يلمح ..يعطيتس ايآهـ بالوجه..يعني لو يحبتس قاله لتس وهنتس تقولين لا ومير اول مآيآخذ السيآرهـ خذك يآذنوب ...طول الطريق يسب جآمعتس وش زينه الله...مير كرآسيكم تسدحت عندهن ...متعودن على الخشب يالله الله يوفقتس..ونشفتس بشهآدهـ زي النآس ...
|
#8
|
||||||||||||||||||||||||||||||||||||||||
|
||||||||||||||||||||||||||||||||||||||||
أنت الغلا .. إنتي كذا ....
اللون كوشخه .. مو زي لون الكراسي حقتنآ..أصفر.. أما عين السيح هذي حكايه لوحدهآ..حشى مو بنت جدار .. جالسه اتخيل ومو قآدره اذا انتي الدوووبا تصيرين جنبهآ كأنك نقطه إجل هيه كيف شكلهآ .. مدري ليه أحسك تسولفين عن نفسك وصحباتكم همّا اللي يجلسون وراك ..
أيييييييييييييييييييه ذكرتيني بالكليه وأيامهآ.. والله أفتكر تروح المحآضره في السواليف.. وتهزء الاستاذه والاّ ماتهزء مستحيل نسكت .. وإذا فرقتنا عن بعض نشغل البلوتوت ونسولف مع بعض بالملاحظات .. بنسولف يعني بنسولف الله لآ يعوق بشر.. عوآآفي يالرجاله وفآالك الفووووز .. >> هذا كلام أبوك مو كلآمي .. ..تقيييييييييييييييييييم ..
|
#9
|
||||
|
||||
ههههههه احمد ربك انك رجعت ولاكان نفيتك برا السعوديه والله انك صادق المفروض يقلبون اسم الجامعه و يحكون الرابح الاكبر وع والله لو يقول احبك كان نزلت النعله الله يكرمك وصفقتوه بها ابو شبر ونص الله يسمع منك يابو عفش منور الموضوع |
#10
|
|||||||||||||||||||||||
|
|||||||||||||||||||||||
ايه قل ماشاء الله مابيك تعطيني عين يقول مشتاق ان عينك حاره مادري عنوه هو صادق ولايكذب |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |