![]() |
العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
![]() |
|
أدوات الموضوع |
التقييم: ![]() |
انواع عرض الموضوع |
|
#1
|
||||
|
||||
![]() بسم الله الرحمن الرحيم بعد النجاح الباهر والإنتشار الواسع وبعد تردد الكلمة ( ياحليله) على لسان أكثر من شخص الصغار والشابات والشابين أقصد الشباب خخخخخ والشريحة المهمة ألا وهي (( الشيبان والعجز )) وكما قال عساس الحيا هم ملح بلادنا الله يحفظهم وأيضا في كثرة الطلب المتزايد في إستخدامها .. تقرر الآتي <<<<< الله يقطع إبليس الكلية أثرت علينا خخخخ المهم تقرر والقيام بعمل مشترك يضم ام علاوي ,,عساس الحيا,,The lonely girl عمل إصدار جديد لمصطلحات وحكايات عن الشييبان والعجز نترككم مع حكايات الأخ عساس االحيا .. عساس تفضل : بسم الله الرحمن الرحيم الشيبان وماأدراك ماالشيبان **الشيبان والعجز هم طعم الحياة** ياطويلين العمر والسامعين والزوار واللي يدخل الموضوع ولايرد >>ترا الدخول برسوم يعني اللي مو راد لايتوهق ![]() معاني الكلمات المنطلقه من أفواهـ الشيبان والعجز هي كمايلي .. غليم وحليل تطلق على الشاب الذي يراهـ الشايب في نظرهـ صغير السن بشكل والجسم ولكن هذا مفهوم خاطئ الصحيح الحكم هو على العقل وليس العمر ![]() وكلمة الله يصلحه أو يصلحها تنطق من باب الرحمه سواء للبنت أو الشاب ولكن انااا تقهرن للان فيه بعضهم ينطقها بشكل غير حضاري >>وش دخل الحضارهـ مشوها ![]() وبعضهم يقول >>ولد فلان ياملاالصلاح ثم يمسكه بيدهـ مع حنكه ثم يسلم عليه حتى يصير وجه الولد كبر القوطي من الفشله وش شايفني بزر.. ولايمسح على راسي سلقه عندهـ انااا ![]() لازم نوعيهم أن هذا الفعل يحطم الواحد >>لازم تتدخل حقوق الانسان في هذا الامر للان له أثار نفسيه في المستقبل ![]() نصيحه للشيبان والعجز يجب على كل شاب وفتاة أن يقوم في نصح بعض كبار السن من بعض السلبيات مثال .. العجز بعض من العجيزات تصغير عجزالله ياملا الصلاح الضحى يعني الصباح كلا تجيب خبزها معها وحزمة كراث وترمس شاهي ثم يكيفن في شرب الشاي ويلفن الكراث في الخبز ثم برم ياملا العافيه ![]() بس ماتضبط الجلسة الى في فلانه سوت وفلانه قالت طلق فلانه والسبب هي لانه مقصرهـ مع أم الزوج >>جارتنا فلانه طاقه لولدهـ سيارهـ أخر مديل وهـ بس شكله بايعه ذهبه الخبله وشاريه لولدها سيارهـ ![]() الشيبان طبعا بعض الشيبان ياملا الصلاح اللي يشوفه يقول ملك المملكه العربيه السعوديه كابس الطاقيه قدام ويكلمك من ورى خشمه وأي كلمه تقولها ماعجبته يناظرك بطرف عين ويضحك من فكه الايسر ![]() قبل يومين مريت من عند شيبان ماعرفهم بس أعرف أبو خويي جاي بعطيه حاجه لخويي المهم من يوم سلمت عليهم ولاواحد قامي لي ![]() وأنااا أقوم أمطخ روسهم وهم جالسين وانااا ساد نفسي واحد منهم غصب حبيت طاقيته الشماغ راجع ورى والطاقيه متقدمه ![]() المهم جلست عند القهوهـ والشاي وكل واحد صبيت له قهوه وفيه شايب منهم معه عصى كل بعد لحظه يضرب بعصاهـ الفرشه يطير الذباب تخيلو تقل خلية نحل من كثرهـ يوم شفته يضرب الارض يقالي بسولف قلت مشاء الله كاثرات الذبان >>قال الشايب ابو عصى من غيرنفس وأنت جايزلك كثرة الذباب قلت لالالا ويطيح وجهي قلت بقلبي شكلها تبي تخرب أنتظر بس متى يخلصون متقهوين بمشي من عندهم المهم بدا واحد يسولف عن الحوادث والسرعه ويقول الشباب هم سبب الحوادث وكل المشاكل من الشباب قبل حنا يوم كنا شباب نافعين أهلنا ومبردين كبودهم بس هالحين بعض الشباب مايعرف يغير أستبنة سيارته المشكله مافيه شاب الى انااا ![]() تحطيم الى أخر حد ![]() واهرج وادخل عرض قلت الحوادث مو كلها من الشباب بعض الحوادث يسببها الشيبان يجيك ماسك المسار اللي مو له ويمشي صفر حتى يجي واحد ويقشعه من ورى ![]() قال ولو قلت هذا الصحيح ![]() وخربها قبل امشي قلت التربيه لها دور بعض الشيبان مايعرف يربي وكل شاب منحرف يتحمل ابوهـ مسوؤلية أنحرافه.. ![]() وسكر ترمس القهوهـ وستأذن ومشي من عندهم فيه واحد من الشيبان طايحه في فنجاله ذبابه ومتورط مايقدر يشربها ولايقدر ينثرها للان عندهم عيب الواحد ينثرالفنجال وهذا اللي مسكته عني ![]() كاراكاتير لتوضيح ![]() أنتهاء لك المايك ام علاوي 7 الجدان,الشيبان زينه الدار وبسمته الحيه ياحليلهم وياحليل قهوتهم يوم ينتشر شذاها مع صباح الله خير ![]() يقومون مع تغريد الحمام قصدي مع هديل العصافير وياويلكم وياسواد ليلكم لويطلع ضوء النهارومايلقون القهوة زاهبه ![]() بقصصهم بسواليفهم حكمه يعجبن ذكرهم الدايم لله لااله الا الله محمد رسول الله اصبحنا واصبح الملك لله امسينا وامسى الملك لله اذكر الله ياولد اذكري الله يابنت اسم الله دايم على السنتهم يحق لي بان اسميهم زينه الدار ![]() ![]() لو قمنا بجمع كلماتهم اللي دايم يرددونها لكان هناك معجم لغوي ياويل اللغه العربيه منا ![]() سيبويه على غفله ام علاوي ![]() المهم من كلماتهم كلمه اليد: بتشديد الياء, لانقصد بها اليد التي تتكون من خمس اصابع ![]() انما هي كلمه مشابهه لكلمه (البزر) ومقتبسه من كلمه ياوليدي غالبا مانجد شيبانا الله يحفظهم ينادون بها مثال: ايه اليد اذهب الى المدرسه الله يصلحك ![]() جذع:كلمه قريبه من كلمه بزر وهو الولد الذي لم يتجاوز الرابعه عشرمن عمرة ![]() الكلمات كثيرة لم يحضرن الان سوى هذة ![]() طبعا الموجب لابد ان يقابله سالب الزين لابد ان يقابله شين بالله صادقه ![]() بعض الشيبان اذا كبروا يرجع الى الامام قصدي الى الوراءعشرين سنه امثله ذلك: 1-يقوم بصبغ لحيته وشنبه بالحناء حتى تصبح شقراء ![]() 2-دايم ينافخ على العجيز اللي عندة ويسوي نفسه شباب ويقول لها يالعجيز 3-يتزوج على زوجته ويروح مطاعم وهو من اول ماعمرة طب المطاعم وينام متاخر من عقب ماهوينام بعد صلاةالعشاء مع نومه الدقاق ![]() الحديث عن الشيبان يطول ويطول ويطول المكرفون الان مع لونلي لنرى ماذا قالت عن الشيبان ... ههههههههههههههههههههههههه >>>>>ماقدرت تمسك نفسه يقالك بتمسك المايك وتتكلم وهي فاطستن ضحك من سوالف عساس و ام علاوي احم احم نبدأ Test,, test خير مانبدأ به السلام عليكم ورحمة الله وبركاته ماشاء الله .. طبعا عساس ماقصر بالكلام عن الشيبان بحكم أنه تخضرم معهم ![]() ههههه ومر بتجارب عدة جعلت منه شابا طموحا مُحمل بذكريات الشيبان الجميلة ![]() >>أدري أن عساس بيقول أي ذكريات ما غير تحبيط يامال الصلاح ياهالشيبان .. ![]() طبعا تذكرون موضوعي عن ياحليله وفيها ذكرت سالفة عجوز جيراننا يوم إنه شافتن وقالت : ياحليله ..وأنا شوي إلا فطست ضحك .. المهم ..قبل لما كنت في مرحلة الطفولة أقل من ست سنوات كان خوفي منحصر في نقطة واحدة " العجز " ![]() كانت أمي لاجت تطلع من البيت وأنا ناشبتن له تقولي: عندهم عجوز ..!! طبعا لونلي بكل أدب تقول : خلاص ماني رايحتن معتس .. طبعا ماهو من الصلاح إلا خوف من العجز.. ![]() بس والله ياحليلهم العجز والشيبان >>ماقالت ياحليلهم إلا يوم كبرت وإلا بصغره خوافه .. على بعض هالعجز والشيبان كلمات أحيانا تحس نفسك طاووس من يقولونه ![]() وإحيانا تكل نعامتن ودك تغطس رأسك بالتراب عشان ماتسمعهم ![]() يا إما إنهم مستلمينك حش لا وبعض العجز والشيبان فطينين يسوون مثل المثل اللي يقول إياك أعني وأسمعي ياجارة وياويل ياسود ليل اللي يستلمونه .. يعني الله يعينكم لاصرتوا قاعدين مع واحدن ولا وحدتن نقّادة .. ![]() وبعضهم ماشاء الله من خِفَّت روحهم تحسه للحين شباب // ماودي أطول عليكم وماقصروا عساس وام علاوي بشرح بعض الكلمات المُهمة والرائعة التي يستخدمها العجز والشيبان.. في الختام .. كان هذا الموضوع مُشترك بين (( ام علاوي + عساس الحيا + the lonely girl)) ^ الترتيب حسب الحروف الأبجدية نتمنى أنكم استمتعتم (:
|
#2
|
||||
|
||||
![]() موضوع القطيه
![]() لي رجعتن اقرا كلامك وكلام عساس عن الشيبان
|
#3
|
||||
|
||||
![]() ههههههه
إيه ام علاوي موضوع القطية بس بصراحه رووعه تعليقاتكم ..
|
#4
|
||||
|
||||
![]() ههههههههه
بكم القطه وراه ماخليتونا نقط معكم ؟؟ لي نكسه مع حتسات العجز والشيبان
|
#5
|
|||||||||||||||||||||||||
|
|||||||||||||||||||||||||
![]()
هههههههههههههههههههههه الله يقطع ابليسك ![]() حياك مرة ثانيه
|
#6
|
||||
|
||||
![]() ياهلا بلونلي وموضوعه
لي رجعه يالغاليه
|
#7
|
|||||||||||||||||||||||||
|
|||||||||||||||||||||||||
![]()
ياهلا فيكي والله نورتينا يالغالية موضوعي وموضع ام علاوي وموضوع عساس يعني ثلاثة في واحد .. ![]() ننتظر عودتك يالغلا
|
#8
|
||||
|
||||
![]() موضوع طلقه ![]() يبى روقان ![]() لي عوده يالونلي للتعليق يسلمووو تم التقيم ![]()
|
#9
|
||||
|
||||
![]() ههههههههههه حلوه القطه ذي
اجل ابقط معكم بجمله وحده بس لارحمت لابعثت>>من كثر مايقوله لي ابوي الله يطول بعمره تم التقييم
|
#10
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||
![]()
مشتاق حايل لارحمت ولابعثت كلمه جديدة تضاف للموضوع ![]() ربشه جنى ننتظر عودتكن مشكوورين جميعا ![]()
|
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |