- تستغني عن الشغاله الي عندها فورا.
تقوم برعاية عيالها والاهتمام فيهم وتربيتهم بالشكل السليم.
تتعلم الطبخ وتبيض وجه زوجها قدام ربعه.
يكون بيتها نضيف ومرتب وريحة البخور على طول موجوده.
تساعد زوجها في التوفير والاقتصاد وبناء مستقبل الاسره.
تترك عنها تقليد الحريم ..فلانه راحت مشغل كذا وفلانه شرت فستان كذا...الخ.
تترك المراكض وراء العروس الي ماتخصهم وتقتصر على الأقارب.
ماتروح السوق الا وقت الحاجه.
لاتكون نكديه تختلق المشاكل بين الفينة والأخرى.
لاتعلم بأسرار البيت واذا زوجها اخطى والا قصر تروح تعلم القاصي والداني.
تحب أهل زوجها وتحترمهم..ولاتسوي مشاكل مع زوجات اخوانه عشان لايتفارقون بسبة الحريم.
اذا امرها تقول له سم حاضر ابشر من عيوني.
اذا اخطى عليها والا زعلها لاتنطقر وتتزيعل وتروح عند اهلها وتنتظره يراضيها.
اذا اشترى لها شي حتى لو كان دون المستوى وماعجبها تقول له تسلم وشكرا ويعطيك العافيه كثر الله خيرك.
اذا حست ان عليه دين والا التزامات ماليه تحاول تخفف عليه وتهون عليه.
لاترهقه بكثرة التماشي..والطلعات والنزلات.
تعرف تدير منزلها وتكون ملكة في بيتها.
اذا جت تكتب له طلبات البيت تعرف شلون تكتبها مهوب كل خمس دقايق تقول رح جب ترى نسيت الشي الفلاني.
تختار الوقت المناسب لتطلب منه طلباتها الخاصه وطلبات المنزل وطلبات اولادها.
تدرس نفسيته وتعرف وش الي يزعله وش الي يرضيه..وتدور رضاه على طول.
اذا صار مشكله بين العيال تعرف تتعامل معها وتحلها مهوب اذا صار اي مشكله على طول تقول له.
ماتقعد تزعجه بكثرة الاسئلة وين رحت ومن وين جيت ومع من ووين طالع...الخ.
ماتحاول تسيطر عليه وتعتبره شي من اغراضها زي جوالها والا شنطتها وتلغي شخصيته بالكامل.
تستأذنه وتستشيره في أمور العائلة الرئيسيه.
تتزين له وتتجمل وتحاول تكون مبتسمه بشوشه دائما وأبدا.