[أسرني زماني]

بسم الله الرحمن الرحيم
والحمد لله الذي لايحمد على مكروه سواه
وشلونكم يبو و يمو ؟؟

مدخل >>مخرج >>وش رايكم باالاختصار
عطنا الموضوع بلا دلاخه
طيب
طيب
طيب
لا تعصبون
اللي فيه ضغط ياكل ملح واللي فيه سكر ياكل سكر >>برضوء انكت

اليكم الموضوع >>بدري

......................... عندي خال (( أخو أمي الكبير من ابوها وليس شقيقها وشين يشبه امه خالتي العنود ((احلى مافيها اسمها ولا لها من الاسم نصيب ))
والمدعو خالي ابراهيم فاتح محل جمله قريب يم بيتنا يعني خطوتين وهو طاب علينا في البيت كنه جني
لين جاء وقت الصلاة جاء يصلي عندنا . ويريح عندنا يتقهوا ويبرد عندنا يايشرب شاهي يايشرب حبق يايأكل جح يايشرب لبن يايأكل بردقان او جراوه (( شمام))
واول مايجي أمي مولمه له سطل مويه بارده (( خيل ))يشربها وبعدها يتغر ذيك التغره اللي يسمعها الحاره الثانيه كنها صفارة انذار او زئير اسد
وقالب بيتنا استراحه او ((لوكنده)) على قول المصريين

اول مايدخل البيت يفصخ ثوبه المغسول بالنيله (( الازرق)) ويعلقه على فيش المروحه وتكون لون الغالوقه بني من الوصاخه ويعلق شماغه المنتف وشديد الاحمرار شكله يغسله بصلصه وطاقيته المشخله كنه شيعي ويرمي عقاله على المركى ونحيف عقله كنه مسوي رجيم هههههههههههههههههههههه
واول ما يدخل البيت نحسب داخل علينا(( تيس سوري)) من ريحه الصنان
ولابس سروال قصير (( أبو ربتسه)) تحت الركبه وفنيله علاق صغيره ومشققه مع الظهر شكله يتطاق مع قطاوه الفجر طالعه كرشته وعليه سر كبير كنه أربع قروش((( عمله سعوديه قديمه اقتباس:

وهذيالعمله قد أندثرت وفنت وأصبحت ذكري جميله في مخيلتنا وماضي جميل مر مرور الكرام من دون إن نحس به مثل النسمه العليله التي دغدغت محيانا ورحلت او كالحلم الجميل الذي استيقضت من صوت الساعه الخراش حقت جدتي (( ياشين فلسفتي))

نرجع لصلب الموضوع

سبحان الخالق اول مايقبل ... رأسه كبير وبطنه منتفخ وناط ...وسره مظلم كنه غار وعيونه جاحظه ورجلينه صغار وفيه اثار جدري (( يعني ماخذ الشين كله)) وظهره كله ثواليل جميع المقاسات عينه اليمنى فيها بيض
(( يذكرني بمجاعة أفريقيا. بس ابيض)) واغرب اصلع في العالم اقتباس:

او (( يذكرني بنحول (فلم كرتون))
وكل ماشفته اذكر وحيد القرن اقتباس:

يجينا في الصاله وإنا نتفرج على التلفزيون (( برنامج هلو تلمتش....... وينبطح عندنا كنه فقمه ويطلع أباطه علينا كلها شعر وصنان اول مره اشوف ابط لونه موف
وينسدح على ضهره وتنتفخ الكراشه وينط السر ويطلع السر كنه (( قليب))

لين نام اتفرج على سره ....... وادخل يدي في سره القى فيه قطن وتراب واعواد اسنان وقطوف سجاير وحثال شاهي وقراطيس ((( طفايه))

نومه ثقيل
اجيب ملعقه واجلس انظف سره ..... ومره وأنا انظف طلعت قوطي بيبسي قديم ومشبك حق الغسيل وريش حمام (( مفرخه))
واخواني الصغار يلعبون في سره مصاقيل
ومره أخوي الصغير كاب في سره (( سفن اب)) وجايب مصاص ويشرب
الزين فيه نومه ثقيل

لين جاء العصر قام من النوم........ اول ما يقوم يتثاؤب وأثمه كبير كنه أسد وعليه أسنان كثيره ماتنعد (( اللي شفته بس سبعه ضرس العقل غير الباقي (((( يذكرني بواحد من العيال في الاستراحه ))))

المهم لين قام تسمع طقطقت اعضامه كنه هيكل عظمي
وصدره يفح وخشمه مسدود تسمعه يصفر وغمص في عيونه (( حالته حاله))) وسعابيل على المخده وبلغم يابس على الجدار لانه وهو نايم يجلس يتفل يحسب نفسه في الشارع
واول مايقوم يروح يغسل لين أخته اللي هي مامي ((امي )) مجهزه له الغداء واللبن والجح
لين جاء من الحمام يرطي مويه وينقط (( كنه مغسل بستم)))
قبل ما يتغدا يناديني انا وخواني ثم يتسند على المركى ويقولو تعالو همزوني (( معاملنا معاملة الفلبينيات
المهم انا علي تهميز رجلينه لين همزت رجلينه كني جالس اهمز قطعتين سمر (( حطب)) ورجلينه ملينه طقوق وجروح
وهو جالس متركى وينغف ويمسح على الزوليه لان خشمه كبير مرره .. تصدقون لين جاء ينغف يدخل يده من كبر خشمه وخشمه مليان شعر وطلع الشعر برا كنها رجليين صارور (( صرصور))
ما ادري وشلون أمي تحبه
ولين جلس يأكل ما يعلج زينا ولا يمضغ الاكل..... يبلع على طول ((( ذكرني بالسيد قشطه او طائر البجع او طائر اللقلق الاسترالي)))
بعد مايخلص يتقهوا ويصلي ويروح
وعمره ماقد جاب لنا شي ولا قد عطنا شي
مره جاب لنا كيلو يوسف فندي المهم يوم رحت اجيب صحن لقيته ما كله كله
حتى زوجته ماتبغاه يجي عندهم
دايم مرت خالي تكلم على أمي ايام تلفون القرص وتقوله الله يعافيك ويخليلك ذريتك غدو ابونا وخلوه عندكم اكثر وقت ممكن عندكم
من زينها تتغلى على خالي ابراهيم
... بس عنده زوجه (( او كما تحب إن تسمي)) شينه تشبه وحده ممثلة كمبارس مصريه اللي دايمآ مسجونه . سودا وقصيره ما أعرف وش أسمها (( بس اعتقد إن أسمها عبد الفتاح)))
بس هذي احلى من زوجه خالي
زوجة خالي عليها سكسوه ولا تتغطى لين جت تطلع ولين طلعت ترفع دراعتها تطلع ذالسيقان اللي مليانه شعر
اما عيال خالي شيون مررره وقصار كنهم نكهة الديزل ودايم تلقاهم في الحاره الصبح الظهر في الليل كن ماعندهم بيت
بس عندهم بنت مزيزنه طالعه على امي منيره وهذا اللي مصبرني عليه ومن زين الطبايع رايح خالي لسوريا علشان يزين اسنانه وانا اقول في نفسي مايصلح العطار ما افسده الدهر



الله الله با النجمات اللي تلصق باالجبهه


والله ولي التوفيق

مشاركة هذا الرد في Google Facebook Twitter Digg

أنت معجب بهذا.