السلام عليكم ورحمة الله وبركاتـه
كيفكم اخواني واخواتي
ان شاءالله طيبين
كيــف تكسبيـن زوجك
فيــه اشيـاء جميله ومهمه تسويها الزوجه لتكسب زوجها وترضيــه
واكثــر المتزوجات ركزوا على هذي الاشياء وما شاءالله ما قصروا فيها ,, الله يتمم عليهم
مثــل التجمل والتكشخ - حسن الطبخ والضيافه - حسن التعامل - جمال السواليف - وغيرها
لكن فيه شيء مهم لازم الزوجه تركز عليــه, لان لها تأثيــر في على قلب الرجل
اللي هو
الاحترام والاهتمام
اذا تنازلت الزوجه هنا, الفايده مب بس للزوج ,, الفايده راح ترجع للزوجه بسبب راحة زوجها معها
لان الرجل اذا حصل الاحترام والاهتمام ,, راح يعطي زوجته حيـاة اجمل بإذن الله ,, لانه حصل اهم شي واللي هو احترام الرجل
متى الزوج يشعر بالامان
- اذا زوجته احترمته وما احتقرته بالقول والفعل ,, ما ترمي كلمات جارحه او ترفع صوتها او تتعمد اهانته
- اذا زوجته اهتمت فيـــه .. بينت له انه الاهم في حياتها وانها تفضله على كل الناس
- اذا زوجته كانت راغبه فيه .. والنقطه هذي مهمه جدا,, كثير من الازواج يحتقر نفسه ان يكون رومنسي بسبب انه يشك ان زوجته مب معجبه,, طبعا قد ما يكون الزوج حاسس بالشيء ,, لكن بسبب ان زوجته ما تبين اعجابها ورغبتها فيه ,, هو يكون ما عنده فرصه يمارس الحب معها ,, وبعدها يتبلد الاحساس
الرجل راح يفرح اذا زوجته سنعه لكن ما راح يرتاح الا اذا زوجته تهتم وترغب فيه
يا ليت الموضوع اعجبكم
واللي عنده ملاحظه يكتبها هنا عشان كلنا نستفيد
ربي يسعدكم