[آسيه]

اقتباس: المشاركة الأصلية كتبت بواسطة الغـــــــامض     اكرم وانعم بالضيف والمضيف السؤال : 1- شاب ما لامه غيره تزوج وطلع ببيت مستقل وش رايك فيه ؟ وما موقفك لو كنتي انتي زوجة هذا الشاب بصراحه وبدون مثاليات ؟ رأيي فيه إنه عادي هذا حقه..والأفضل انه يستقل في بيت قريب لبيت امه ويفضل يكون بنفس البيت ولكن الحريه والإستقلال مكفوله.. كما أرى ان استقلاله لايعني أن يقصر تجاه والدته..فهو بالكاد ليس عذرا لأي تقصير.. فامه أولى الناس باهتمامه ورعايته..ولكن لايعني أن يسقط حق الزوجه.. وأبد إذا نيته زينه بيعينه ربه..أصلا البر مافيه تعب والله انه قوه وبركة وقت وأعمال وبركة مال وعيال سبحان الله.. يكفي إنك تكون راضي عن نفسك ومرتاح نفسيا..وبداخلك جنه مهما قالوا واستغربوا عطائك لوالديك.. بتكون أكثرهم راحه وهم اللي بيتعبون بحياتهم وتتعب نفسياتهم فالعقوق مقدمه عقوبته بالدنيا وهي خالي عرف ببره باجدتي الله يرحمها مع إنه في بلد بعيد عنها..سبحان الله مامنعته ظروف عمله اللي تطلب منه سفريات رايح جاي.. كان يعامل جدتي كأنها طفلته المدلله لو أذكر لك بعض المشاهد اللي شفتها منه.. كان تدمع عينك..الله يخليه لنا ولعياله ويحفظه يارب.. ياما شفنا العقوق من بعض الأبناء وهو عايش مع أمه..سبحان الله.. 2- هل السكن المستقل حق شرعي للزوجه او يعتبر كرم من الرجل ؟ بل هو حق شرعي..ولكن الإسلام دين يسر حتى الصلاة يسرها..وعلى الزوجه أيضا مراعاة الزوج مو شاطره تطلب منه أشياء فوق طاقته وماتقدر ظروفه الماديه فالسعاده بين الزوجين لاتعني بيت أجاره ضخم..ومؤثث باأجمل الأثاث.. صحيح هالأشياء جميله ولكنها ليست أساسيه..فالزواج سكن وليس كماليات.. 3- ليه هالحين الزوجه تضيق باهل الزوج في الغالب وتبي بيت مستقل واول تلقين ثلاث اربع عوايل ببيت واحد ولا عندك احسن منهم هل الماده لها دور او النفوس تغيرت او وش القصه ؟ من أول والناس تتذمر من بعض..ولكن كانت أيام زمان تتسم بالبساطه.. كما أن رجال أول مايهتمون بهوشات الحريم.. لأنهم مشغولين بطلب الرزق..يعني ناس تكد أغلب اليوم ولاتقارن بواحد دوامه هالثمان ساعات وباقي وقته موزع للإستراحات والطلعات والتمشيات.. ياما سمعنا سوالف حركاتهن مع بعض وكيدهن على بعض.. الناس أول تنسى وتتناسى الأذيه نظرا لظروفهم اللي ماتسمح لهم بالإستقلاليه.. وأول مايحصل الرجل على هالشيء يطق الثانيه..لأن هالأمر ليس بهين كما نعتقد.. فهو يفتقد للتجديد والتغيير ويعوضه بالزواج من أخرى في حال استقل.. الآن الناس صاروا يحبون الإستقلاليه بكل شيء.. حتى الأخوان تلاقي كل واحد له جوال ولاب ودولاب وغرفة خاصه مايشاركه به أخوه.. يعني بالفصحى انفسح المجال للإستقلاليه هذا كل مافي الأمر.. والا لو حصل أبائنا على هالفرصه ماتراكموا في بيت واحد صدقني..هذه الحقيقه.. وهذي الدنيا ماتكمل..كل شيء له سلبياته.. الحصول على الفرص من شأنه يقتل أشياء ويحي اشياء.. ففرصة الإستقلاليه التي حصلنا عليها حتى الأطفال لهم خصوصيات..من شأنه أن قتل البساطه والقناعه.. ولكنه أحيا حقوق الإستقلاليه والخصوصيه.. 4- اذا تزوج واحد ثانيه هل من الافضل انه يسكنهم بجنب بعض والا كل وحده يقلعها بجهه ؟ اتمنى تكون الاجابه بذمه والله يالغامض من زمان وانا أقول من نعمة الله علينا يالحريم والرجال إننا نتحمل بعض..بالرغم من شدة المسؤليه تجاه بعض عند الإرتباط.. والأشد رحمه هو تجميعكم لنا على غثاثة تجميعنا وهم مداراتنا.. أشوف كل وحده بعيده أفضل..إلا إذا الزوجات هاديهن الله فريح نفسك وحطهن بجنب بعض.. أما إذا كانت كل وحده ماتطيق الثانيه فماشوف له لزوم تجبرهن يحبن بعض..فانت غلطان.. 5- اذا كانت الزوجه موظفه وساعدت الزوج في بناء السكن هل من الافضل للزوجه انها تكتب نص البيت باسمها لاننا ما لنا آمان والا ما زالت الثقه موجوده ؟ نعم أؤيد..ليس الأمر عندي زواجه من عدمه..الدنيا فيها حياة وموت..وكل يضمن حقه مايدري الواحد عن الدنيا.. ومنها بعد يصير له وجه يتزوج زي بقية الخلق.. وماله حق بصراحه يسكن الثانيه في بيت هم شركاء فيه بنائه..تراها شينه واعتقد أنت بعد بتشوفها كذا.. يتزوج ويسكن الثانيه في بيت مستقل لها..أحفظ لكرامته وكرامة الأولى والثانيه.. ياخي لاضرر ولا ضرار.. 6- ماذا يعني السكن الملك للزوجه ؟ والا كله واحد هما الرجال هو اللي بيدفع الايجار وما تفرق معها ؟ لا والله تفرق وتفرق.. مهما يكن الزواج شراكه في كل شيء بالحب والمستقبل والرغبات.. وكل شيء يطري في بالك.. تفرق كثير يالغامض.. واعتذر عن الاطاله و لي عوده اذا ذكرت شي الظاهر بعض اسئلتي مالها علاقه بالعنوان لاني بس شفت كلمة سكن وجيت مدرعم عاد انتي جاوبي عليهن كلهن وش وراك

حياك ياخوي يالغامض..

ومرحبا بك وبدرعمتك..

مشاركة هذا الرد في Google Facebook Twitter Digg

أنت معجب بهذا.