السلام عليكم ورحمة الله وبركاته
يارب لك الحمد والشكر ...اني سعوديه
من اسبوع كتب الله لنا ورحنا لدوله من دول الخليج وماني قايله وش اسمها
منعآ للاحراج... وحده خوووافه من شقيان
المهم ياحنا عايشين براحه تااااامه طبعآ اتكلم عنا حنا يالحريم في ديرتنا الله لايحرمنا منها
الموقف فقط ابذكرها لكم في اسواقها يمممممممه تخرع من كثر الرجوووووله فيها
مدري وش يسووون فيها رجالهم هناك حدث ولاحرج اغلبهم طبعآ في الكوفي والبعض ينتظر في السينما والبعض الله اعلم بحاله
الشاهد في الامر من غير مبالغه يدي في يد زوجي من الخوف وعيالي معي
ماتعودنا كثر الرجوله بهذا الشكل في أسواقنا ..وهذا بفضل الله وبفضل رجااال الحسبه الله لايحرمنا منهم بعد
وتعالو شوفو الغزل الي مو عندنا ...
عندهم متبرجات اشكال والوان وتسريحات ومكياجات على قفى من يشيل
مع ذلك ...
طيب يلاحقونا ليه ؟؟؟وش يبون في حالتنا
من اقوالهم يازين السعوديه وبس
والثاني يقول غير السعوديه مافيه
والثالث يقول يازين الغطاء حشمه وغيررهم كثير ..كل هالكلام تخيلو اذا
راح زوجي شوي عنا بس
وشلونا لو حنا لحالنا وش بيصير فينا
تعودنا على اسواقنا نروح ونجي مانشوف احد يضايقنا ونأخذ راحتنا وكفايه بعد
ومضه
ودي بس لو ينتبهون لأنفسهم هالدول من الانجراف وخاصه بناتهم والله شي ماينقال
صح عندنا الي كافينا وشابت روسنا بعد بس مثل ماشفت لا والله
أسال الله السلامه والهدايه لنا ولهم
ياليت لو يعترفون بشي أسمه رجااال الحسبه كان صار حالهم افضل بكثير
وبعدين شي لفت أنتباهي لا بناتهم ولارجالهم ولابزارينهم
السمنه منتشره عندهم بشكل فضيع ثقافه الديت شكلها مابعد وصلت لهم الا من رحم ربي
رجاءآ لاحد يجي ويزعل من كلامي ويقول كلامك غير واقعي وانك من جنبها ...
تبون احالف حلفت بس والله شعبهم حبوب وطيوب بس حرام يصير فيهم كذا يحتاجون للنصح
يوم رجعت والله اني حمدت ربي الف برجااااال الحسبه عندنا
وقالو آآآآآآآآمين الله لايحرمنا منهم وخاصه حنا يالحريم
وسلامتكم فضفضه سفر
وللمرره المليون بدون زعل