عدنا الى ذكريات الماضي
النبيطة »»تقريبا نفس نبيطتي
النبيطة سلاح طيور وبعارصة مكون من مغيطات ومعلوق وشطرطون ورقعة نعل او قماش سميك
النبيطة هذي لها ذكريات نصيد فيها العصافير او الحمام اللي بمدارس البنات
انا مستغرب الحمام مايجي الا في مدارس البنات ليش مدري
اذكر مره كنت غايب وقمت الصبح وجهز سلاحي وخميت ليه كم حصاة وانا امر من عند المدرسة الابتدائية ومحط ليه حمام بس طاحت بحوش المدرسه وسمحت صراخ وهربت
ومره انا وعيال الحارة جهزنا اسلحتنا وهجمنا على
الحمام اللي بالمدرسة وطلع الفراش وطردنا
ومن المواقف فيه شجر مليان طيور وبعد صلاة العشاء هجمنا عليه وصدنا كثيرر
واذكر كنت قبل غياب الشمس اجلس بالبرحه وتجي مجموعة عصافير بالمئات رايحات الى
اعشاشهن وانا اتقعد لهن ورمي عليهم حصاة يعني حجرة من النبيطه مره اصيب ومره لا
مواقف كثيرة الله يرحمنا ندمان على رمي العصافير