[سكري حالي]

انت تقول المراهقه في سن 11 وسن 19 ماذكرت المراهقه في سن الخمسين يعني ماتنطبق على الشروط

والله ياخوك كان فيه مواقف كثيره ونسيناها ايام الطفوله

يوم كنا نرقى السطوح بعد صلاه العشاء وتشوف الجيران كلهم في السطوح فارشين الفرش ويسولفون وكلن يسمع جاره ويش يسولف فيه وطبعا تعرفون السطوح والتميلح

ولا يوم كنا نلعب في الشوارع الضيقه في الظلام حزب العيال في جهه والحزب الثاني البنات في جهه وتصير فيه مناوشات وتراشق بالكلام بينا وبينهم بس طبعا كنا نحرسهم من اي هجوم من الحارات الثانيه ولو صار شي نفزع معهم وكل واحد يسوي فيها ابضاي


واذكر بعد يوم كنا نروح للنخيل اكثر من عشره اطفال نروح نمشي على رجولنا مسافات طويله ونجيب

الرطب الاخضر الي يطيح من النخل واللوز ونجي نقدمه للجنس الاخر تعبيرا عن الاحترام بينا ونحسسهم ان هاذي الشغله مايجيبها الا حنا يعني تميلح طفولي

واكثر شي كنا نجتمع عند الدكان نشتري بنص ريال فصفص تقريبا اربعه فناجيل ويملا مخباه واذا كان معه عسكريم يصير كنج عند الجنسين ويستعرض عضلاته ويقوم بتوزيع الفصفص على الجميع



طبعا كنا زمان اول البيوت مفتوحه تدخل اي بيت تبغاه حتى لو جيتهم جالسين على السفره ياكلون ماعندك وقت تجلس معهم من غير مايقولون لك تعال وتفل ابوها


هاذا الي عندنا سردناه عاد الحين يوم كبرنا الذاكره امسحت وتفرمت المخ معاد فيه شي

يعطيك العافيه اخوي عساس وتقبل تحياتي

مشاركة هذا الرد في Google Facebook Twitter Digg

أنت و روعة ملاكـ معجب بهذا.

روعة ملاكـ معجب بهذا.