23-11-18, 07:23 AM
|
|
رد: سكري بعد التقاعد شغال مشاوير في اوبر وكريم
الرحله : رقم 14575
مكان الاقلال : حي الجسر
مكان الوصول ... مملكه البحرين
كنت بالدمام وجاني طلب للظهران مول وديت الزبون وعقب ماخلصت قلت خلني افرفر شوي ولا خليني
ادزها للخبر جيت للخبر وانا جوعان قلت خليني اخذ سندويشات وكذا رحت للبوفيه وطلبت اكل طلبي طيعا
ماكثرت عشان اصير خفيق صار عندي خبره المهم وباقي انتظر الاكل جات نغمه الفلوس طلب من حي
الجسر بالعزيزيه ويوم شفت الطلب وعليها البحرين فز قلبي ولا شعوريا طلعت من البوفيه مسرع وخليت الطلب والعامل ينادي يابو الشباب الطلب جاهز ,,,,سكري قد شغل اللوكيشن
رحت للموقع في الوقت المحدد قصدك قبل الوقت في دقائق معدوده ....
تم الوصول للزبون اتصلت عليهم وينككم انا بالموقع ,,,, عاد هم يقولون شوي ياخي باقي ماجهزنا علي
بالنا نص ساعه او اكثر وبتتأخر علينا ....قالوا بس عشر دقايق على بال مانخلص من الغداء بغيت اقول
حتى انا ماتغديت يعني معشم ينادونك تتغدى معهم المهم عقب الغداء جاو يتسحبون عائله معهم
ولدهم يمكن بالصف الثانوي قال عندك فكره حنا بروح للبحرين وجاهز وبطاقتك معك وكل شي قلت ايه
فالوا قفل الرحله وكم بتودينا روحه وجيه من غير العداد قلت سبع ميه قالوا كثير قالوا خلاص كنسل
الرحله يالليل قلت اقول كم تبون قالوا بخمس ميه قالوا ترا بتودينا هناك كم مشوار قلت لا هاذي لا انا
بوديكم وارجع للسعوديه واجي اخذكم بعدين وبعد مداولات اتفقنا على اني اوديهم واجيهم الساعه 11 بالليل
ربطنا الاحزمه بدايه الرحله الى مملكه البحرين متوجهين الى مجمع ستي سنتر حطيتهم وخذوا ارقامي
وخذيت رقمهم ورجعت للسعوديه في خلال نص ساعه تقريبا ,,, طبعا هم عطوني مبلغ 200 ريال وقالوا
اذا رجعت بنعطيك الباقي قلت طيب مكن الواحد يصير له ظرف ولا شي ومايرجع لهم...
المهم عاد كانوا في تواصل معي بالواتس عشان يضمنون اني ارجع لهم والساعه 10 قالوا ترا حنا طلعنا من المجمع وتعال لنا في مطعم بالمنامه ارسلوا لي اللوكيشن حقهم وتوجهت لهم بالمنامه آآآآ
مامعاكم خبر زين يارسول المنامه
قلهم يامسافر اني بالليل ساهر
ياتراايش الي صار لا رسايل ولا اخبار
نلتقي معكم الاسبوع الجاي مع رحله من رحلات اوبر وكريم قصيمي نت ,,,,,,
|