14-03-13, 07:29 AM
|
|
|
صح بدنك أخت شتات وكل اللي في هالقسم بقلمي
بالإضافه لموضوع (الأقلام الكئيبه) وكم مشاركه في مواضيع
متفرقه،
لكن اعفيني من المواضيع المستقلّه لأن والله وقتي مايسمح
بالتواجد المستمر والمتابعه وشاكر لإهتماك والله يرفع قدرك
وان شاء الله كل ماجاني فرصه راح أتشرف بالمشاركه معكم
وهالأبيات المتواضعه بتكون (وليدة) هالصرح الشامخ
واتمنى ان تنال اعجاب الجميع.
مشكور ياللي بالمشاعر تكفّل ..
لكنّ مالي بالصّخب والمحافل ...
عدم تفرّغ بين صَحْب وتنفُّل ..
ووقت الفراغ القلب لليُتْم نافل ...
خايف على قلوب الآوادم تجفّل ..
وظبيٍ من هجوس (التفاكير) جافل ...
لاتحسب أبوابي بوجهك تِقَفَّل ..
الباب دون الضيف ماهوب قافل ...
ماني لسمْحين النوايا مسفّل ..
من يسفل الأجواد بالعون سافل ...
وماجيت في قسم المواهب تطفّل ..
اعرف طريقي عنه مانيب غافل ...
ومانيب مستشعر ولا ني مغفّل ..
شاعر وتاريخي بالإبداع حافل ...
نجم المشاعر ساطعٍ مايأَفّل ..
وبظل هذا الصّرح لي شعر وَافِل ...
وفي كل روضٍ بالمعاني منَفَّل ..
أديت به لله بعض النوافل ...
القلب بقيود التواضع ترفَّّل ..
ماهوب ذاك اللي بممشاه رافل ...
لامرّ شعري كل مجلس تحفّل ..
أهدى الثمين وسار سير القوافل ...
|