13-03-13, 03:10 AM
|
|
|
لاترتجي مخلوق من خالقك إرج..
اللي بأمره يزهرن الجراهيد...
وفالطيب شيد لك بعالِ السما برج..
وفالحب دايم حب (بنت الأجاويد)...
الأجودي تلقاه فالموقف الحرج..
ولا الردي يارث صفات الرعاديد...
بعض البشر مشلول ويعاير العرج..
مقرود ربك جامعه مع مقاريد...
عقيم نسل وفكر ورجولته هرج..
سقيم عقل وقلب كله مناقيد...
هذاك لو عنده قصر واسع الفرج..
خل القدم عن فرجة ارضه مباعيد...
يسيل بشعابه هماجه من الشّرْج..
وتشكي من اجاجه يباس العناقيد...
جنب عنه مافي مسايرك له خرج..
وخلك مع اللي فالمواقف صناديد...
وكان الفرس ياخوك محتاجه لسرج..
اسرج لها سرجك بليّا مواعيد...
وختامها بلغ سلامي لأهل ترج..
اللي على عسر المواقف شواهيد...
|