اسمع كلامي يا خال واسمعي يا ام العيال/ابراهيم المحسن
[
http://www.freewebtown.com/khazbaz/asmaaklami011.ra [16_3/kaymah2.jpg[/img][/url]
اسمع كلامي ياخال= واسمعي يام العيال اعيالكم امانات= لا اهمال ولا دلال لاتبدا تهاوش وتضارب= ولا الحبل على الغارب وهذا كله شغلن خارب= الوسط هو الكمال ان كان اخطوا حط اببالك= دفاعك عنهم اردا لك مثل ماهم ذولا عيالك= ترى غيرك له عيال لاتعطي طفلك سياره= يزعج به سكان الحاره يشبك ليله مع نهاره= ابقضيها بالتجوال يمكن مايعرف يسوق= ون عرف فهو مطفوق يسوي حادث باول سوق= يبلا له ابن حلال وسط الشارع يمشي ميه= غايص في وسط بوديه ماتشوفه لولا الطاقيه= وغباره كنه خيال يمَّا تطعيس وتجنيط= ولاَّ تخميس وتفحيط والبواري طاط وطيط= ينطل يمين وشمال نهاره كله والليل= دايم تغبير وتغسيل ولاَّ تلمييع وتظليل= وانوار الوانن واشكال ون صفقوا له جمهور= بدا عليهم يدور ومطارد هو والمرور= حتى يصدم له رجال وصار الفارس والزعيم= وايضا الفنان العظيم وهو عميمن طميم= مايسوى له نص ريال يايمه قولي للشايب= ماعاد اسوى مصايب اتوب ونرجع حبايب= ابغى هايلوكس وجوال او كامري آخر موديل= للتخميس وللتنطيل مايلحقه مستحيل= دوريه لو بالخيال هذا تفكير الشباب= اللي ضايع بالاسباب لا حساب ولا عقاب= وهذا حصاد الاهمال كم يتموا من فطيم= وكم اعاقوا من سليم مابين ارجال وحريم= وكم اتلفوا من حلال ون شافوا حادث راحوا له= وصار التجمهر من حوله هذا التجمع وشو له= يعيق إرجال الهلال يالله ياربي تهديهم= واتوفقهم وتخليهم يارب لعين ترجيهم= وتحماهم من الظلال وادعوا وقولوا آمين= ياربي بك نستعين تنصرنا وتعز الدين= وتهدي جميع الاجيال |
يعطيك العافيه على هلقصيده
|
ابو مطر
حياك ربي وشكرا على المبادرة الطيبة |
المبدع الـ خاز باز
يعطيك العافية على أدائك الرائع لقصائد أبا القوايل الهادفه والمميزه تقبل تحياتي وتقديري |
مشكور على النصائح الذهبيه
|
أسأل الله العلي القدير أن يوفقك ويجزاك عنّا خير الجزاء |
|
يعطيك العافيه يا مبدعنا
|
امرؤ القيس
راكد محب قصيمي نت النجدية اشكرلكم مداخلاتكم وبارك الله فيطم جميعا |
فنجال قهوة
حياك ربي وشكرا على تواجدك |
الساعة الآن 09:47 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir