|
تساؤلات.............
السلام عليكم ورحمة الله وبركاته اخواني واخواتي سأطرح موضوع عبارة عن نقاط كي يسهل الاجابه والرد عليها من قبلكم 1- فعلا ليش البعض من النساء لاتفكر الا باليوم وتترك المستقبل للرجل خاصة من ناحية المال مثلا لازم تشري شنطه او مجلس نسائي بمبلغ وقدر ه ولا تصدق اذا قالها الرجل الميزانيه ماتكفي 2- ليش الزوجات دايم يبغون الرجال يضحك ويكون مستانس مع العلم انها اذا قلت لها مقدر اجيبلك الغرض الفلاني مثلا جوال او اي شي هي تبيه طبعا شافته مع صديقاتها تقلب البيت نكد والغدى والعشى و كل شي من غير نفس والبسمه معاد تشوفها لي يتحقق مناها 3- ليش الزوجه دايم تعتقد ان زوجها يكذب عليها من ناحية المال 4- دايم الزوجه تبي الزوج يمشيها كم مره بي الاسبوع طيب انتي كم مره مشيتيه نفسيا بالبيت 5- طبعا الزوجات اغلبهم يقولون ان الرجال بخلاء انا اصحح لكم المفهوم الرجال ليسو بخلاء لاكنهم لايصرفون الريال الا في محله الصحيح يعني مايروح على كاكاو وبساكيت مع القهوه هذي نقطه النقطه الثانيه بعذر كل يوم يقوم الصبح الساعه 8 ويدخل معركه شرسه في الطرق المؤديه للعمل واحيانن يخصم عليه بسبب تأخره وهو مهو سببه سبب الزحمه واخر الشهر ياخذ راتبه وتبغينه ينثر عليك طبعا لا لانك ما حسيتي بقيمته والتعب اللي عشانه هو حصل الراتب. مثال . انتي لوقمتي في الصباح وتعبتي ونتي تنظفين ويجي الزوج الظهر ويدخل ويوصخ الارضيه بحذائه وبدون تقدير ولا اعتذار لا ويقولك ليش انظفتي البيت ......... انا اعرف ردك وسألو الحريم اللي يشتغلون. 6- انا عندي في العمل زملاء مدخنون عافاهم الله لما يتكلم معي واشم ريحة الدخان من فمه اكاد انجلط من الرائحه واتسائل كيف زوجاتهم يتحملون خاصه (عند التقبيل) وهو لو يشم من زوجته ريحة صابون فيري مو ثوم صابون فيري زعل . اقسم بالله رائحة افواهكم نتنه بكل ماتعنيه الكلمه اذا انا الرجال اشوي ويغمى علي من الريحه كيف بالنساء الجنس الناعم ..................... 7- بعض رجال كل ماقالت زوجته شي قال انا اشتغل وقوم الصبح منب زيك نوم وجالسه بالبيت. طيب ممكن تجلس بالبيت يوم انت وطفالك وتشتغل شغل زوجتك صدقني راح تحمد ربك انك تقوم الصبح واعلم ان بعض النساء راح تقول ليش اكثر النقاط علينا ارد عليكم واقول باقي نقاط راح اكتبها بخصوص الرجال تحياتي لكم |
أصابع يدينكم مو سوى
يعني موب كل الحريم مايفكرون بالمستقبل ولازم يكون مع الرجال فلوس ومو كلهم يصرفون الراتب على اشياء تافهه وبساكيت وحوسات لاتسمن ولاتغني من جوع ومو كل الحريم يهمهم رأي النساء الباقيات وتثقل على زوجها بسبب تقليد فلانة وعلانة كلن على حسب تربيتها وحرصها ووعيها للأمور وتفكيرها بعيالها ومستقبلهم وزوجها بالتوفيق يااارب |
كلام سليم
في حريم كثير من هالعينه الي كتبت والرجال نفس الشي لكن لفت نظري شغله لما قلت ماتروح الفلوس على كاكاو وبساكيت مع القهوة ؟ تعتبر الزوج الي يبخل على زوجته بعشر ريال يشتري لها كاكاو وبسكويت مع القهوة موبخيل ؟(qq50) |
اقتباس:
اقتباس:
صدقتي اختي ونا ذكرت هذا انو مو كل الحريم واشكرك على مرورك |
اقتباس:
اولا اشكرك على مرورك لااكن انا قصدي يوم اذكر الكاكاو وماشابه على انها اشياء تافهه وقد يشترون حلويات زي ما قالو ماركه بمبالغ عاليه من اجل ان يصوروه ويضعوها في الاستقرام |
نجاوبك ابشر
المرأة يا عزيزي خلقت وهي تحتاج هذا الرجل الذي يعتبر الملجأ الوحيد بعد الله لها وترى فية أشياء لا يتوقعها الرجل نفسة لا تطلعون تقلون لا يا معشر النساء 00هذا الصحيح وكل مطرود ملحوق! أغلب النساء لا تحب نهائيا كلمة لا وبعض النساء أنانية عندها حب لنفسها شديد يا لطططططططططططيف!! لا تفكروا ان بكره المرأة لا با لعكس والله اني بحبها لكن تركيبتها النفسية توحي بذلك لازم تتعامل معها كأنها طفلة احذر تقل لها لا قل نعم وبعدين يبقى قابلين 00 تحياتي |
كلام واقع ويعكس بيوتات وحال البعض
فيه ونا اختك نساء مبذرات وماهما الراتب يخلص ىخر الشهر ولا أول يوم وبعضهن كل يوم تبي تشكليت وحلاو وآيسكريم كنه طفله اطلبي وانتعشي بس موب كل يوم والبعض ماتحلى القهوه الا بحلى قيمته 30 والله من جد اتكلم فيه حريم كذا ويشكن السمنه والتعب وفيه والله انها حتى حليب طفلها لاخلص تقعد تحاتي نفسها وشلون اعلمه واخاف يتكدر فعلآ الحريم والرجال بعد موب واحد وفيه فرووق ولا لما طابت حياة البعض وبعدين تطرقت لنقطه خطيره ياكثر اللي غافلين عنها موبس رجال حتى حريم نظافة الفم ورائحته والله لاتكلموا ولا ضحكوا إنك تشوف بقايا الاكل على أسنانهم الفم بوابة لقرب الزوجين وإن اهملت تسكر بوجيهم الإنسجام وحصلت النفره ولا نستغرب تحصل طلاقات بسبب هالحاله وهي لها مية حل صراحه شيئ ماينسكت عليه لايحلم أي زوج وزوجه برومنسيه ورغبه نحو الآخر وهو ينفر من ريحته والدخان ليس عائق الله يهديهم اذا حصل معه التنظيف والعنايه فيه غير مدخنين وتبعد عنهم 2 كيلوا و لازم البعد عن الأكل الحريف واللي له رائحه نفاذه وياكثر مانشوف الأزواج بالمطابخ الهنديه عاد مره مرتين بالشهر موب طول الوقت مسنترين عندهم وبالبيت الثوم يتصدر السفره طيب كولوه موب مشكله بس في الغالب ماصارت وبعضهم يسهر مع الشله وياكل ويخلط ثوم وبصل ويجي يبي قرب وبعض الحريم تاكل كراث الصبح مع جاراتها ولا في بيتها وتقول مايجي الليل الا وهو رايح وش ذا يبيله يومين ولا ثلاثه لين تتخلصين من بقاياه وترى مافيه شيئ لانبه الزوج والا الزوجه بعضهم هذا شيئ ماينسكت ولا ينصبر عليه |
اقتباس:
|
اقتباس:
اشكرك على مرورك |
هلابك اخوي
اولا طبعا هذا يعتمد على التربيه الزوجه وطباعها الشخصيه الي تعودت عليها وممكن يكون الخطاء من الرجل انه عودها وتركها براحتها من اول مره ان هذا الشي خاطئ وكان بالتفاهم يتفهمون جدا للحياه الزوجيه والعشره |
| الساعة الآن 06:29 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir