|
اللي عنده حمولة
كيف تتعاملين مع حمولتك اهل زوجك
يعني اكيد تبي تصير مواقف بينك وبينهم كيف تتصرفين يعني تعاملك معهم رسمي او كل شي على عينك ياتاجر مابه شي مخبي يعني يعرفون عنك كل صغيره وكبيره وعن اهلك او ماودك كل شي يدرون عنه اخواتي ياليت تتفاعلون معي علشان نرتقي بتعاملنا مع حمايلنا لاننا ملنا غنات عنهم |
ودي أفيدك لكني عائشة بعيدة عنهم >أحلى شئ :ro258es:
امه وأبوه متوفين الله يرحمهم ...وخواااته أصغر وحده كبر أمي .... ومالهم علاقة كل واااحد عائش لحاله ...ماشاء الله عليهم قبيلة اخوااانه ..(vv) |
هلا نور والله تعبنا معاهم واحترت كيف ارضيهم ويشهد علي ربي ماقصرت معاهم بشي بس للأسف هم يفرقون بين معاملاتهم خاصه السلايف ويفضلونهم علي بعض وشي طبيعي الواحد بينقهر ويحز بخاطره غصب عنه والله الموضوع مهم جدا تشكرات نور
|
والله سالفه الحموله حساسه شوي
بس الذكيه تقدر تكسبهم وتخترمهم وتحطهم على راسهها والله ان اللي تحترم اهل زوجها وتقدرهم وماتدور المشاكل معاهم وتطيع امه وابوة وتحترم خواته واخوانه وماتحط عقلها بعقل خواته الصغار والله لايحطونها بعيونهم.. بس وش تقولين عن بنات هاليومين تتهاوش مع اخت زوجها الصغيرة على ابسط الاشياء اذا طالعتها تقول لييييييييييه تطالعيني وتعالي شوفي الهوشه اللي تصير .. الله يهدي الجميع..بس الاحترام والطاعه لامه وابوة واحترام اخوانه واهله اللي تسوي كذا تعيش معهم مرتاحه ويحبونها ويحبون عيالها.. مبدعه يانور |
هلا نور انا علاقتي معهم مررره حلوه هم طيبين
وانا اطيب منهم...(qq168) يحبوني وأحبهم بس عندهم مشكله مايحبون احد يتدخل بهم ولا يتدخلون بأحد(asj) عايش بلحالهم مع انهم كثارين ماشاءالله ..عشان كذا بالفتره الاخيره صرت قليل اروح عندهم...مو مني من زوجي صار ياخذ عياله ويروح وانا لا(q78) بس بصراحه ماحبيت الوضع صرت اطفش اقعد فتره ماأشوفهم ... |
مقدر اقرر الحين
بس وجهه اذا كنت احب زوجي واحط اهله بعيوني واغمض عليهم لو اطباعهم شينه لجل عين تكرم مدينه ومن سااااااااااابع المستحيلات اتشكى عليه من اهله لو مهما كان اهله ما يرضى عليهم مثل ما أنا مارضى يقول عن اهلي شي بعدين الدنيا دواره لأني بعدين بكون ام وما سويت سوابك الف الف شكر يامبدعه الله يعطيك العافيه |
مامثل الرسميات بينكم........
بصراحه انا ماحبهم كلهم.. يعني احب وحده من خواته.... اما امه وخواته وباقي اخوانه الله يستر علينا وعليهم.. ما لامسو قلبي.. ولعلمك امه عمتي.. بس الناس ياتحببك بنفسه ياتنفرك منه.. بغت تكسر خشمي وتدقمن سحبت عليهم وتركتهم... مشو زي الالف... ومايعني هذا اني شريه..لا والله مايلقون اطيب من قلبي.. ولدكم لكم ما منعته عنهم... وحتى عيالي ماقصرت معهم... بس انا لا.......ما ارضى اي اهانه او مسبه او جدعت كلمه.. ولا اطيرهم بالنجوم وانا اكذب... حتى زياراتي من الشهر لشهر ونص زياره ساعتين ماتزيد.... ومعي حلاي وراسي فوق....... بصراحه حمايل هالوقت ماينعطون وجه ابد ابد........... الا من رحم ربي... متى تصير خالتس عجوز تطهر الارض الي تمشي عليه؟؟.......... الله يهدينا بس.... والي تقول عشان رجلي ولاني احبه ومةهالحتسي..بعد حتى هو اذا يحبك يبي يوقف معك..يعني ليش المذله؟؟ انا احبه هو ومكرمته هو..وبسسسسس من مكفولتن باهله وجيران اهله بعد..لا لا قولنه بعد..عسى ماحب ياختي...... |
والله يانور المفروض الحرمه تحب اهل زوجها وتقدرهم وتكرمهم اذا زاروهم ولا تعاملهم برسميه لان الانسان المفروض يعامل الناس مثل مايحبهم يعاملونه والمعامله الطيبه تزيد الترابط بينهم 00مشكوره نور على الموضوع الهادف000
|
انا امه اناديها بأمي ومعتبرتها بمكانة الوالده
ابدآ ماادقق باي غلط يطلع منها سواء بقصد او بدون..... اخدمها واتقرب منها اخواته انا معهم واضحه نمزح ونضحك واقول كل اللي بنفسي واتناقش معاهم وارد واخذ حقي وان كان يمكن لي اني اتغاضى تغاضيت لكن مااقاطعهم ان زاد الشئ عن حده كل اللي اسويه امسك بيتي وان سمعت عندهم شيئ اجي من عرض الناس واتكلم عادي واتصرف عادي واخدم معاهم واخرج من عرض الناس مااحب ابين اني شايله بنفسي مو حلو ان الوحده تدقق بكل شيئ وان اضطريت لزياره غير المناسبات اخلي زوجي يجلس معايا نجلس سوا ونمشي سوا حتى افتك من القيل والقال اهم شيئ انك ماتخسرينهم بالمره المقاطع مو زين لعيالك ولزوجك |
هلابك نور طرحك حساس شوي بس ابقولك ...امي زوجي تنحط على الجرح يبرى هي وبناتها وتعاملي معاهم جدآآآ راقي ولله الحمد وعلى قد مااعطيهم يعطوني بس...الي أشوفه من سلايفي..تعاملهم جاف ولايعطونهم وجه ..واهل زوجي نفس التعامل معاهم ومع ذلك أجد ولله الحمد كل الأحترام والتقدير لي ومضه على قد ماتحترمين حمولتك سوف تجدين الاحترام |
| الساعة الآن 01:23 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir