قصائد واشعار الشاعر جزاء صالح الحربي - قصائد شعريه صوتيه mp3

من هو الشاعر جزاء بن صالح الحربي ؟ :

هو جزاء صالح سند الحنتمي الحربي شاعر كويتي ويرجع اصله لمنطقة القصيم بالسعودية وعضو ديوانية شعراء النبط الكويتية نشأ في بيت شعر وبدأ كتابة الشعر في سن الخامسة عشر من عمره ونشرت له أول قصيدة عبر الصحافة في مطلع السبعينيات وفي عام 1979 ميلادي انتسب لديوانية شعراء النبط وتطرق لجميع أغراض الشعر ...

من قصائده


قالو علامك دايمن تقل زعلان
وياعل ماانته يابوصالح زعولي

وقلت اسمحولي ياكريمين الايمان
تراي من نشداتكم ضاق جولي

ولاكل من يبحث ورى سر الانسان
يكشف عن اللي بالضماير يجولي

ومن قال انا افهم غاية القلب غلطان
القلب دونه مبهمات القفولي

والناس كلن له مظنه وحبان
وكلن على محبوب قلبه ميولي

والعرف مايعرض على صاحب الشان
والعقل ميزان الفتى يالجهولي

ورجلن بلا هيبه مع الناس خسران
لو كان يحسب من رجالن ازحولي

والأدمي يجبل على قلب والسان
كد قالها اللي للمثايل فتولي

مقيولتن قبلي على ماض الازمان
واضرب مثلها في تفاسير قولي

والرجل عقله بالصعيبات ميزان
ويعرف وصوله كان حبله يطولي

وكم واحدن راسه من العرف مليان
لاشك عن بعض الامور امعزولي

يشيل في صدره ولو كان غرقان
ولو شاف موته مايقول افزعولي

ويقاسي الصعبات في صدق وايمان
واليا انشدوه الناس قال اسمحولي

ولو شاف بعض العوج ماكاينن كان
ويصد لو ان الظمير امعلولي

ولايكشف اسراره ولو كان بلشان
ولاقال لأهل المعرفه فسرولي

ومن يازن الرجال في ضحك الاسنان
هذاك من عرض الخبول امهبولي

والضحك بوجيه الرجاجيل نقصان
اليا صار ماللضحك وقتن اوصولي

وكم واحدن ماهوب ينظر بالاعيان
لاشك دايم للمراجل ينولي

هذا صحيح العلم مافيه نكران
اقولها من عرض ناسن تقولي

والعرف له عندي مكانه وبرهان
لاشك ريح ظامرك ياعذولي

وانا ماقول اني على الناس فهمان
لكن اميز مطلعي من دخولي

وامشي مع الطيب على قدر الامكان
ولاني بطاول شخص ماهوب طولي

ولاني على بعض المواضيع شفقان
ولاحط راسي يم ظلن يزولي

وانا اليا شفت العور وسط عميان
اجنبه من خوف لايصير حولي

واصد عنه مع وسيعات الاوطان
لو كان حفيانه مواطي ذلولي

ولاكل من شال التفق صاب نيشان
ولاكل رجالن يشيل الحمولي

هذا وكلن له رفيقن وصدقان
والله فرق مابين صنف العقولي


ويقول جزاء بالحكم.


رفيقـك اللـي مايقـدر مواقـفـك
ترى ربيـع القلـب بعـده وفرقـاه

لياصـر لارجلـن مقامـه شرفـك
ولاطيبـن تقـدر تحمـل خطـايـاه

أحرص على فرقاه لومـن طوايفـك
لياصار ماتقوى على شيـل عوجـاه

لياصـار دايـم بالمواقـف يخالفـك
ويفرض عليك الراي من غير ترظاه

منـت أولدلـه يستهينـك ويعسفـك
ولاوالدن ودك على مكسب أرضـاه

ولولا لزومـه بـول العـام عايفـك
ولوشاف طيبك عقب يوميـن ينسـاه

وأن قلت له مخطي فظحك ابمعارفك
وليا تجاوزت الخطا عنـه ماارظـاه

وايضا بالحكم


من حس في نقص نفسه عاتب أحبابه
ويعاتب الناس والنقصان فـي ذاتـه

ولو الخطا واضحن ماحسب أحسابـه
مايشوف كبر الخطا من كبر شرهاته

واللي يتميـدح بروحـه لاتعزوابـه
لوقال أنا الزير لاتغـرك شجاعاتـه

أتـرك شجـاع العوافـي لاتهقوابـه
لياصار ماصار يزبـن عنـد عماتـه

نزه جنابك عنه وبعـد عـن أترابـه
وياعل خيـره يـلادي عنـك سياتـه

ترا حلات الفتى مايشمـت أصحابـه
ويبعد عن اللي يضره فـي شكلاتـه

واللي حكابـك تـرا لابـد يحكابـه
لاكن تبعد عنـه مـن قبـل عرفاتـه


استماع وتحميل قصائد الشاعر جزاء صالح سند الحنتمي الحربي mp3

يالله يالمطلوب تستر عيوبنا بصوت جزاء بن صالح الحربي mp3

http://www.ahm1.com/nu/contents/voicesth/5583.jpg


بالله ماشفتو مع اللغف مظهور بصوت جزاء بن صالح الحربي mp3

http://www.ahm1.com/nu/contents/voicesth/5582.jpg


عسى السحاب اللي على نجد مزبور بصوت جزاء بن صالح الحربي mp3

http://www.ahm1.com/nu/contents/voicesth/5581.jpg


يابو عزيز قلبي اليوم منصاب بصوت جزاء بن صالح الحربي mp3

http://www.ahm1.com/nu/contents/voicesth/5580.jpg


قالوا علامك دايم تقل زعلان بصوت جزاء بن صالح الحربي mp3

http://www.ahm1.com/nu/contents/voicesth/5579.jpg


امس الضحى في عالي الرجم عديت بصوت جزاء بن صالح الحربي mp3

http://www.ahm1.com/nu/contents/voicesth/5578.jpg


يا اهل النفود اللي شمالي زرودي بصوت جزاء بن صالح الحربي mp3

http://www.ahm1.com/nu/contents/voicesth/5577.jpg


ياصاحبي فجيت نطح النحر فج بصوت جزاء بن صالح الحربي mp3

http://www.ahm1.com/nu/contents/voicesth/5576.jpg


يا بدر يا مشكاي هب الهوى غرب بصوت جزاء بن صالح الحربي mp3

http://www.ahm1.com/nu/contents/voicesth/5575.jpg


ياصاحبي يوم العرب برقوبك بصوت جزاء بن صالح الحربي mp3

http://www.ahm1.com/nu/contents/voicesth/5574.jpg


الله من قلب همومه غدن بي بصوت جزاء بن صالح الحربي mp3

http://www.ahm1.com/nu/contents/voicesth/5573.jpg


ياتل قلبي بالهوى تلة الطير بصوت جزاء بن صالح الحربي mp3

http://www.ahm1.com/nu/contents/voicesth/5572.jpg


يامل عين مابكت فرقا الاضعان بصوت جزاء بن صالح الحربي mp3

http://www.ahm1.com/nu/contents/voicesth/5571.jpg


يامل عين مابكت فرقا الاضعان بصوت محمد المطيري mp3

http://www.ahm1.com/nu/contents/voicesth/5570.jpg


واقلبي اللي ذيب حومه قنبله بصوت جزاء بن صالح الحربي mp3

http://www.ahm1.com/nu/contents/voicesth/5569.jpg


ياصاحبي بشكي عليكم شكيه بصوت جزاء بن صالح الحربي mp3

http://www.ahm1.com/nu/contents/voicesth/5568.jpg


الله من قلب هجوسه تتله بصوت جزاء بن صالح الحربي mp3

http://www.ahm1.com/nu/contents/voicesth/5567.jpg





سيتم اضافة مزيدا من القصائد مستقبلا هنا


قصائد الشاعر جزاء صالح الحربي mp3